با أسولف وشوفوا سالفتي ...

وشوي الا سمعوا صرخه من الحوي وطيحة منصوروووه على الأرض

وطلعت شروفه من الحجره ووراها أم جسوم
وشاتفوا منصورووه ممدد على الأرض

تعرفوا لاويش ؟؟

هذا يا محفوظين السلامه حجي عباس علّم منصورووه اللي في المكتوب
ويوم طلعوا أم جسوم وشروفه على طيحة منصوروه على الأرض وهوه مزبد
أم جسوم :- ويش فيك يا غناتي ويش فيك يا بعد قلبي
شروفه :- استهدي بالله يا أم جاسم
أم جسوم :- - وهيه تصارخ - انا لله وانا اليه راجعون هذا ولدي هذا غناتي
وقامت ونشبت في حلق أبو سلمان وهيه تصارخ :- ويش سويت في ولدي في ضنايي ، قتلته يا حجي قتلته
ولا خلت أحد يتحجى أبد
وراحت شروفه وجابت راس بصل
وهووووووووووب كسرته على الأرض ومسكت نص الراس
وقربته لخشم منصورووه
وشوي الا ينتفض .....وينتفض

وعود طاح مره فانيه
أم جسوم :- ويللللللللللللللللللي على ولدي وويلللللللللي على شبابه ، الله يقطعها من ساعه اللي قلت لك با أعرس
خلاص يا ولدي عود اليي بس
خلاص ماني معرسه لا على الحجي عباس ولا على غيره
وما شافوا الا حجي عباس وأبو سلمان ميتين من الضحك عليها وعلى حجيها
أم جسوم :- ويش فيكم هااااااه ، قتلتوا الولد وقمتوا تضحكوا هااااااااااااه ، يالله برااااااااااااا ولا أمبى أشوف رقعة وجهكم هنه يالله
شروفه :- استهدي بالله يا وخيتي ، ومنهوه اللي جاب طاري العرس الحين . حارسي وأفهمي السالفه أحسن الش
أم جسوم :- إيه أحر ما عندي أبرد ما عندش له ، عندش ريل ولا تمبي من هالدنيا شي حسره عليي وعلى شبابي اللي ضاع على هالأولاد
شروفه :-انا لله وانا اليه راجعون ، يا أم جسوم السالفه مهي سالفة عرس
وشوي الا منصوروووه أوتعى من الغميه وناط على أمه

منصورووه :- لا تفضحينا أماااااه لا تفضحينا

أم جسوم :- يوووه منصورووه يعني ما فيك شي له لا مت ولا حاجه له
منصوروه :- ما فيي الا العافيه يماه ، السالفه مهي سالفة عرس ولا شي

ومن سمعت ولدها يقول كده إستحت وراحت ركيض للحجره وسكرت الباب عليها

وقام منصورووه من الأرض وإستسمح من الحجي عباس ومن أبو سلمان ومن مرته شروفه

....>>>> الحين بنروح الى ...ك.ز ليميتد

ومعروف عنهم ان الأخبار توصلهم أسرع من وكالة الأنباء الفرنسية ههههههههههههههه

كظام :-( داشه من الباب مفلات الصاروخ ) ....زكاي زكاي ما سمعتي له
زكاي :- خير ، خير ويش صاير في الديره

كظام :- ويش صاير بعد غير سالفة وفعايل أم جسوم
زكاي :- ويش مسويه هالنحيسه بعد

كظام :- يقول لش تمسكنت تمسكنت لامن تمكنت من حجي عباس
زكاي :- كررررررررررررر كررررررررررر ما فهمت أني شي

كظام :- أهووووه جيبي القدو أول شي وتالي أقول لش اللي ما فهمتيه
زكاي :- هاش دام السالفه فيها أم جسوم أكيد تستاهل أعطيش القدو
وقامت كظام تقربع في القدو وكرررررر قال كرررررر
وزكاي تحارسها تنطق ...تتحجي بشي

زكاي :- وآخرتها وياش يعني ما بتنطقي بشي جيبي القدو أهوووه
كظام :-خلاص يا وخيتي ، خلاص داني با أقول لش

زكاي :-أيه ولا قومي سوي لش راس قدو فاني
كظام :-يقول لش أم جسوم خلت ولدها الخبل منصوروه يشتغل ويا الحجي عباس في حفيزه ويتقرب منه لامن صار منصوروه هالخبل ويا الحجي عباس في كل صغيره وكبيره
وخبرش حجي عباس ما عنده لا ولاد ولا أخوه في هالدنيا
وتالي يوم تمكن منصورووه قال للحجي عباس
ويش رايك تعرس على أمي
والحجي عباس على نياته
وراح الحجي ويا أبو سلمان ومرت أبو سلمان ...شروفه
يخطبوا أم جسوم للحجي عباس

زكاي :-بل عليها هالنسره ، عقرب عقرب مهي مره هذي
كظام :-خلف الله علينا ، طايحين حظ من صغرنا
ولا حجي عباس ويش شايف في أم جسوم

زكاي :-أي والله عاد من حلاتها
كظام :-يالله الرزاق الله

وكملوا سوالفهم وحشهم على المسيكينه أم جسوم

ونعود الحين الى أم جسوم ويا ولدها منصورووه

منصورووه :- ( يدق على أمه الحجره ) إطلعي يماه خلاص راحوا الضيوف
أم جسوم :- ما ني طالعه جعلني أموت في الحجره

منصورووه :- إسم الله عليش وعلى عمرش يمااااااه
وقام يصيح
أم جسوم :- لا تصيح يا وليدي لا تصيح خلاص داني با أطلع
وطلعت أم جسوم من الحجره
واستقبلها منصورووه وباسها على راسها

منصورووه :- ويش فيش أماه فضحتينا اليوم فضحتينا
أم جسوم :-يوه يا غناتي أشوفك ممد في الأرض ولا تمباني أختلع له

منصورووه :-عاد تنشبي في حلق الرجال وتقولي له ما أمبى أعرس ما أمبى أعرس
أم جسوم :-ويش أسوي حسبتهم جايين يخطبوني واته ما انته موافق

منصورووه :-أنا من اللي قاله ليي حجي عباس دار راسي وطحت وما طحت الا على حجره في الحوي حدر الكرفايه
أم جسوم :-إسم الله عليك وعلى عمرك يا غناتي

منصورووه :- تدري لا ويش جايين يقولوا
أم جسوم :-ويش مدريني اني

منصورووه :-أماه اليوم ويش من السبوع
أم جسوم :-اليوم الاربعاء يا وليدي ، لا ويش تسأل

منصورووه :-أجل بكره جهزي روحش بنروح البندر
أم جسوم :-ويش نسوي هناك لا هوه وقت غوص ولا وقت قفال ولا فيه شي ويش نروح نسوي هناك

منصورووه :-هناك حاجه تحارسيها من زمان وأنا بعد أحارسها من زمان
أم جسوم :-ويش هوه عفر ، لا يكون بيجي الأمير وإحنا ما ندري

منصورووه :- بيجي الش اللي أحن من الأمير بعد
أم جسوم :-( وكأنها عرفت ) يووووووه منهوه اللي أحسن منه


منصورووه :-أماه بيجي الش بكره جسووووم
أم جسوم :-يمااااااااااااااااه ....وطاحت على الأرض

........نكمل قريباً

:bleh:
:bleh:
:bleh:
:bleh:
:bleh:
:bleh:

<< نص درزن..

هههههههههههههههههههههه اني قايله باسنتر هنا
متأكده بعد ما بحط الرد بينزل بارت
<< عندي الحاسه الصطعش :embarrest:
ما شالله علي فديت روحي << انشبي وخلصي :notrust:
هههههههههههههه نزلت رد على طول حطيت بارت
كل نوبه اجل بارد متأخره حق تحط بارت على طول :toung:
اجل ما تبغى تعرس... ههههههههههههههه ويلي عليها فشيله...:nosweat:
وهاليمتد ودي اصيدهم واحط فيهم دسسست سنه في ساعه :seif:

خوووش خبر
جسووم سيعود :nuts:
عسى مو خبل زي اخوه
ههههههههههه الساتر الله من هالرجعه شكلها وراها سوالف وبلاوي :huuh:

نتتظر الجديد
وتسلم خيوو من كل مكروه
ولا خلا ولا عدم من هالسوالف الحلوه
دمت بخير
وبحفظ الرحمن

مســـــــــــــــــــــــــــــــــاكـ اللهـ بـ الخير خيي ،،
حيا اللهـ القاطع ،،
إلي علقنا ويا السالفهـ ،،
وخلانا على نار ،، < بس توبي من الهدرة ،، زين :wacko::wacko:
هاالمرة جت فرة الراس على منصوروه ،،
هههه هههه هههه هههه هههه هههه
بتصير وراثهـ في العايلهـ ،، :toung:هع هع
وأم جسوووم فضحت حالها ،، هع هع ،،
أما ك . ز ليمتتتتتد ،،
ما يهونو أبدا عن هاالشلاخ ،،
و لا أدري من وين توصل ليهم الأخبار ،،
بعد أشاعهـ بيخطبها ماعلي ،،
إلا سووها خطبها وخلص ،،
لكن مسكينهـ أم جسووووم ،،
ما ورى عليها بيرجع ولدها ،،
أن شاء اللهـ سالم ،،
لكن منصوروه ما تلوق عليهـ الحنيهـ أبدا ،،
يناسبهـ أقشر ،، هع هع أكثر ،،
و رجعت أم جسووووم للطيحااااات ،، هع هع
يحق ليها بصراحهـ ولدها ،،
أبووو زييييييييين ،،
يعطيكـ ربي ألف ألف عااااااافيهـ ،،
عاد صار لنا زمان ننتظر هاالتكملهـ ،،
وبـ إنتظار البقيهـ ،،
رحمة والديكـ لا تطول وايد ،،
أبغى أعرف ويش بيصير ،،
بـ إنتظاركـ خيووو ،،
خاااالص التحااايااا ،،
للدموع إحساس ،،

خيتي أميرة المرح مراااااااااحب مليون

اقتباس:

---

المشاركة الأصلية كتبت بواسطة اميرة المرح

:bleh:

:bleh:
:bleh:
:bleh:
:bleh:
:bleh:

<< نص درزن..
هههههههههه


هههههههههههههههههههههه اني قايله باسنتر هنا
متأكده بعد ما بحط الرد بينزل بارت
<< عندي الحاسه الصطعش :embarrest:
زين تطورت بعد هههههههههههه
أهم شي ما صادتش الرطوبه ههههههههههه

ما شالله علي فديت روحي << انشبي وخلصي :notrust:
هههههههههههههه

هههههههههههههه نزلت رد على طول حطيت بارت
كل نوبه اجل بارد متأخره حق تحط بارت على طول :toung:
اجل ما تبغى تعرس... ههههههههههههههه ويلي عليها فشيله...:nosweat:
الله يغربل ابليسش
موقته بالزبط يعني هههههههههه
وهاليمتد ودي اصيدهم واحط فيهم دسسست سنه في ساعه :seif:
هذا يقول لش ولا وكالة رويتر تصيد أخبارهم ك.ز ليميتد
انتبهي ترى يطلعوا عليش خبر غير شكل
يعفسوا الواحد عفاس الله يغربلهم ههههههههههههه

خوووش خبر
جسووم سيعود :nuts:
عسى مو خبل زي اخوه
ههههههههههه الساتر الله من هالرجعه شكلها وراها سوالف وبلاوي :huuh:
بلاااااااااااااوي قليل في حقها اللي ورى رجعة جسوم

نتتظر الجديد
وتسلم خيوو من كل مكروه
ولا خلا ولا عدم من هالسوالف الحلوه
دمت بخير

وبحفظ الرحمن

---

تسلمي خيتي على التواجد اللطيف

لك خالص التحيات
فمان الله

خيتي للموع إحساس مرااااااااحب

اقتباس:

---

المشاركة الأصلية كتبت بواسطة للدموع إحساس

مســــــــاكـ اللهـ بـ الخير خيي ،،
مساكم الله بالنور
حيا اللهـ القاطع ،،
هههههههه شوية ظروف أجبرت المخ على التوقف عن قطار التفكير
والإنشغال في محطات التدبير الله يفرجها عنا وعنكم ياااااارب
إلي علقنا ويا السالفهـ ،،
وخلانا على نار ،، < بس توبي من الهدرة ،، زين :wacko::wacko:
هههههههههه
حقكم تعتبوا خيتي :embarrest:
هاالمرة جت فرة الراس على منصوروه ،،
هههه هههه هههه هههه هههه هههه
بتصير وراثهـ في العايلهـ ،، :toung:هع هع
وأم جسوووم فضحت حالها ،، هع هع ،،
ما تمسك لسانها هالنحيسة أم جسوم

أما ك . ز ليمتتتتتد ،،
ما يهونو أبدا عن هاالشلاخ ،،
و لا أدري من وين توصل ليهم الأخبار ،،
بعد أشاعهـ بيخطبها ماعلي ،،
إلا سووها خطبها وخلص ،،
كيف أجل ياكلوا عيش
حالهم حال رويتر ووكالات الأنباء هههههههههههه
لكن مسكينهـ أم جسووووم ،،
ما ورى عليها بيرجع ولدها ،،
أن شاء اللهـ سالم ،،
الله يستر ويش ورى رجعته من بلاااااااوي

لكن منصوروه ما تلوق عليهـ الحنيهـ أبدا ،،
يناسبهـ أقشر ،، هع هع أكثر ،،
أي والله بس يطلع منه شوي هههههههه:toung:
و رجعت أم جسووووم للطيحااااات ،، هع هع
يحق ليها بصراحهـ ولدها ،،
لازم تسوي شيه ما تقدر على الهدوء أبداً

أبووو زييييييييين ،،
يعطيكـ ربي ألف ألف عااااااافيهـ ،،
عاد صار لنا زمان ننتظر هاالتكملهـ ،،
وبـ إنتظار البقيهـ ،،
رحمة والديكـ لا تطول وايد ،،
الله يرحم والدينا ووالديش يااااااارب

أبغى أعرف ويش بيصير ،،
بـ إنتظاركـ خيووو ،،
خاااالص التحااايااا ،،

---

اقتباس:

---

المشاركة الأصلية كتبت بواسطة للدموع إحساس

للدموع إحساس ،،

---

لك خالص التحيات وجميل الأمنيات

وان شاء الله اليوم فيه جزء جديد
ونواصل ان شاء الله

فمان الله

منصورووه :- بيجي الش اللي أحسن من الأمير بعد
أم جسوم :-( وكأنها عرفت ) يووووووه منهوه اللي أحسن منه

منصورووه :-أماه بيجي الش بكره أخويي جسووووم
أم جسوم :-يمااااااااااااااااه ....وطاحت على الأرض

ومن طيحتها على الأرض ما شاف نصور قدامه الا القدو
وقام كت ماي القدو على وجه أمه

وفزت مفلات الديايه لامن لحقوها وهيه - أعزكم الله - تتفل وتكح

أم جسوم :-الله يغربلك غربال ، ما شفت الا القدو تكته عليي ، ما شربت عليه الا راس واحد بس
منصورووه :-ويش أسوي يماه ، خلعتيني يوم تطيحي على الأرض وما مداني أروح أجيب لش ماي

أم جسوم :- أجل قوم روح بكّر القدو وركب الفحم
منصورووه :-هاه أماه نسيتي ولدش جسوم وتمبي راس قدو الحين هااااه

أم جسوم :-ما نسيته خلف شبدي وغناتي بس راسي مفتر عليي وأمبى أقند راسي عدل
منصورووه :-يالله خلاص صار الحين غناتش وأنا في قريع هاااااااه

أم جسوم :-وانته بعد غناتي وخلف طوايفي
منصورووه :-يالله مقبوله منش يماه
وما شاف الا طبقة نعال في ظهره من الأيد السحرية لأم جسوم هههههههههه
وراح نصور المطبخ
وقامت أم جسوم تندي التتن وتذكرت انها قالت لمنصورووه يركب الفحم وراحت اله على طول


أم جسوم :-قوم قوم اطلع برا بس بكر القدو بس زخليني أركب الفحم أني
منصورووه :-يعني خايفه مني يعني

أم جسوم :-ولدي وأعرفك ولا أمباك تتأذى له
منصورووه :-يالله ما بنقول مقبوله لأنها تجب النعله في الظهر هههههههه
وطلع منصورووه الحوي وبكّر القدو
وجت امه بالراس -لعن الله حامل الراس -
وقعدت تقند راسها
وكررررررررررررر وكرررررررررر
ومنصوروه يطالع فيها
منصوروووه :-الحين يماه ويش بتسوي لجسوم في البيت
أم جسوم :-ويش با أسوي له داكوه حاله من حالنا بعد
منصوروووه :-لا يمه لازم نسوي له حجره فالفه وخليه يأخذ راحته له
أم جسوم :-يالله على إيدك أني من وين ليي بيزات
منصوروووه :-ما يهمش أماه أنا با أروح أشوف أستاذ زين
أم جسوم :-زين ، بس ما قلت ليي متاه بيجي جسوم
منصوروووه :-يقول الحجي عباس يمكن بعد فلافة أسابع
أم جسوم :-ويمدينا نسوي له حجره
منصوروووه :-با أشوف الاستاذ أنا ولا يهمش با أقول له بسرعه نمباها
أم جسوم :-لا يا ولدي لا تقول له بسرعه تالي يطلب عليك بيزات زياده
منصوروووه :-أجل ويش التدبير
أم جسوم :-قول له تعال شوف وكم تاخذ لامن تستوي الحجره وتال اذا قال لك تطول قول له نمباها بسرعه
منصوروووه :-ما شاء الله عليش أماه ما يفوتش شي أبداً
أم جسوم :-قول ما شاء الله
منصوروووه :-ما شاء الله عليش وعلى فكرش
أم جسوم :-يالله قوم من الحين روح شوفه يالله ولا تعود الا وياه وانتبه من الجهال لا يأذوم ولاد ابليس زين

منصوروووه :-ما فيه الا بكره الصبح الحين منهوه اللي لينا في هالليل الخرمز
أم جسوم :-أي والله يالله أجل قوم نام حق تقعد من الغبشه وتروح
منصوروووه :-تصبحي على خير يماه
أم جسوم :-وانته من أهله يا غناتي

وقام منصورووه ينام وقعدت أم جسوم تخطط كيفه بتستقبل ولدها

في نفس الوقت الحجي عباس في بيته يفكر في اللي صار له ويا أبو سلمان وأم جسوم
وهوه في التفكير يقول لروحه:-
أي والله لاويه ما أعرس صدق أنا
من زمان وأنا أدور على مره ولانا محصل
والحين جت وجابها الله
بس هيه ما تصلح ليي خبلا ولا منها فايده
وراعية مشاكل
بس أنا ويش عليي منها ومن مشاكلها بتتلهى ويايي وبتنسى المشاكل أكيد

ونام وهوه على هالتفكير

أما أبو سلمان ومرته شروفه فقعدوا يضحكوا على اللي صار وجرى ليهم هناك
أبو سلمان :-قايل لش ما منها فايده هالمره ، على طول تسوي بلاوي
شروفه :-مسيكينه من مات رجلها وسافر ولدها هيه ماهيه في حاله
أبو سلمان :-يالله تهديها يالله
شروفه :-ان شاء الله
وقمت شروفه وسوت نارجيله لأبو سلمان وحطت راسها ونامت هيه بعد
بس أبو سلمان قام يفكر في اللي صار وقعد يقول لروحه :-
أكيد ما فيه دخان من دون نار
ما قالت أم جسوم هالحجي الا من ورى حجي عباس
يعني لاويش حجي عباس مشغل هالخبل في حفيزه
أكيد وراه بليه
يالله ماعلينا ما نحط في ذمتنا
وقام حط راسه ونام

ومن غبشة الغباش فز منصورووه
وطلع من البيت لا شاف أمه وأمه شافته
وحتى أم جسوم فزت وطلعت من البيت لا شافت ولدها ولا شي
جسوم راح للأستاذ وجابه حق يبني له الحجره لأخوه جسوم وقال له الاستاذ تنبنى في اسبوعين بس
والقلاطه ميه وعشرين ربيه
وخلاص تم الاتفاق وياه يبدي من يوم فاني
وراح منصورووه وخلا الحماليه يجيبوا الحصى
ويا لسميت والرمل
وقعد يحارسهم على باب البيت

جسوم معروف وين راح

بس أم جسوم وين راحت ؟؟؟؟؟


قريباً ان شاء الله نعرف .

السلام عليكم خيي ابو زين
القصة كلما لها وتحلا اكثر
بس وين راحت ام جسوم
العلم عند الله وعندك
يسلمو خيي وما ننحرم ابداعاتك

مســــــــــــــــــــاكـ اللهـ بـ الخير خيووو ،،
يااللهـ حي هاالنشاط الحلو ،،
إن شاء اللهـ دوووم موب يوووم يارب ،،

اقتباس:

---

ما شاف نصور قدامه الا القدو وقام كت ماي القدو على وجه أمه

---

هههه هههه هههه هههه ،،
اللهـ يغربلكـ غربال يا منصوروه ،،
صدق من قال عنكـ خبل ،،
ماي القدو ،، كدا بدل ما توتعي بتفطس هع هع

اقتباس:

---

أم جسوم :- أجل قوم روح بكّر القدو وركب الفحم

---

فرصهـ أحد يسوي ليها القدو ،، هع هع

اقتباس:

---

منصورووه :-يالله خلاص صار الحين غناتش وأنا في قريع هاااااااه

---

أشتغلت الغيرة ،،:wink::toung:

اقتباس:

---

وما شاف الا طبقة نعال في ظهره من الأيد السحرية لأم جسوم

---

هع هع هع يحتاجها منصوروه هاالضربهـ كان يعقل شوي ،،:cool:
بس لو بـ قلم القدو أعدل تطلع الضربهـ هع هع

اقتباس:

---

وجت امه بالراس -لعن الله حامل الراس -
وقعدت تقند راسها

---

لعنة اللهـ عليهـ وعلى ربعهـ ،،

اقتباس:

---

منصوروووه :-لا يمه لازم نسوي له حجره فالفه وخليه يأخذ راحته له

---

عدل يفكر في أخوه ،،
خوش ولد ،، عدلتهـ الضربهـ ،، :wink::wink:

اقتباس:

---

أم جسوم :-قول له تعال شوف وكم تاخذ لامن تستوي الحجره وتال اذا قال لك تطول قول له نمباها بسرعه

---

مثل ما يقول المثل ،،
الذيب ما يهرول عبث ،،
ما ينقدر عليها أم جسوووم ،،

اقتباس:

---

وهوه في التفكير يقول لروحه:-
أي والله لاويه ما أعرس صدق أنا
من زمان وأنا أدور على مره ولانا محصل
والحين جت وجابها الله

---

عدل أنزرعت الفكره في بالهـ ،،
أم جسوووم بتعرس ،، هع هع

اقتباس:

---

بس أم جسوم وين راحت ؟؟؟؟؟

---

صدق وين راحت ؟!!!
بصراحهـ أني أشكـ أن جسووووم بيرجع ليهم معرس ،،
بس ما ادري ،،
بـ إنتظار الجزء الجااااااي ،،
يعطيكـ ربي ألف عاااااافيهـ خيووو ،،
وعســـــــــــــاكـ دووووم عاالقوة ،،
بـ إنتظاركـ ،،
خااااالص التحااايااا ،،
للدموع إحساس ،،

اخي الكريم (واحد فاضي)

نك نيمك لايتناسب مع ابداعك الرائع والملحوظ المفروض يسموك الابداع

اتمنى لك التوفيق

لك مني كل الاحترام والدعوات بالموفقية

يعطيك الف عافية اخوي
وحابة استئذن منك انو راح اجمع الرواية وابي اقراها بالجوال
اذا ممكن وراح انتظر ردك اخوي ويعطيك الف عافية

السلام عليكم ورحمة الله وبركاته

اللهم صل على محمد وآل محمد الطيبين الطاهرين

بصراحه أشكر كل من تفاعل مع القصة اللي طولنا عليكم فيها وااااااااااااااااايد

ولي أسبابي الخاصة التي سأضعها هنا أمام أعينكم بعد أن كسبت ما قمت به في منتدى معين

وعلى مدى شهر كامل من المراسلات ( البغيضه ) بيني وبين ذاك المنتدى

حتى حذفوا الموضوع من منتداهم

لأن التي >>>سرق <<< القصة هي مع شديد الأسف هو >>>نائب عام

وكذلك إكتشفت أيضاً أن أحدهم قد طبعها ووضع لها خاتمة لا تمت للحوار بصلة أبداً أبداً

فلذا توقفت عن الكتابة ووضعت الأوراق أمام صاحب المنتدى مباشرة


وبعدها سحب اقصة من الموقع وطالب العضو بإتلاف الأوراق والتي كانت معدة لتمثيلها في إحدى

الأماكن لكن والحمد لله رب العالمين أوقفت هذا الأمر <<<ليس غروراً لا والله لكن لكل شيء حقوق

وكان من المفترض من الأخ الكريم الإستئذان قبل فعل أي شيء

وكانت ردة فعلة غريبة جداً فهو يقول بأنه بذل مجهوداً في صياغة حوار وما أدري إيش

فقلت له لكنك لم تلتفت لما بذلته أنا من مجهود ؟؟

عموماً انتهت القضية الآن

وزانت النفسية الآن والحمد لله رب العالمين

ومرة أخرى >>>>أقول


لا أبيح ولا أحلل من ينقل من هنا أي جزء إلا بإذن ووضع إسم شبكة الناصرة الثقافية

كمرجع لنقل القصة ولا يكتفي بكلمة منقول ..........وإلا فلست مسامحه أبداً


للعلم هذا الأمر لا يعلم به أي أحد أبداً سواي

اقتباس:

---

المشاركة الأصلية كتبت بواسطة لحن الخلود

يعطيك الف عافية اخوي

---

اقتباس:

---

المشاركة الأصلية كتبت بواسطة لحن الخلود

وحابة استئذن منك انو راح اجمع الرواية وابي اقراها بالجوال
اذا ممكن وراح انتظر ردك اخوي ويعطيك الف عافية

---

خيت لحن الخلود إذنك معاك أختي

بالعافيه خيتي

صحيح إني تأخرت عليكِ لكن حتى لو نقلتيها فأنتِ مباحة ومحلله خيتي


آسف إذا سببت لكم أي إزعاج

خيتنا أيمرة المرح أعادت ما حاولت أن أنساه

عندما عرفت أن قصتها نقلت بدون إذن


لكم مني خالص التحيات ووعد بإكمال القصة ان شاء الله

والبداية بقصة أخرى إذا كنتم ترغبون


فمان الكرم
وداعة الله

مرحبا
وياك وياك
معاك معاااك
:clap::clap:
حاسين باللي يصيبك
لأن صابنا مرتين للحين ....:no:
والله يعطيك العافيه
كمل خيو كمل..
وابدا الجديد..
وخلهم يولو..
بيننا وبينهم الصرااط...
وربك يحلها ان شالله

<< داخله مظاهرات.. :seif:

:nosweat: مو لأني حسيت روحي كن احد سطرني طرراااق
وخوش طراق ليلة العيد
كلمن شاف وجهي ويش صاير اميرووه؟؟؟ :wondering:
قلت حالتي مهي حاله.. الناس تفرح الليله عيد :closedeyes:
واني الاقي احلى عيديه قصتي من بعد التحذيرات و المحاولات لمنع اي نقل
في مكان ثاني منقوله..!!

وفوق الشين .. قواة عين.. :notrust:
ويطلعوني اني الغلطانه..
ومايبغوني ازعل..!!!

اني صراحه ما ازعل ...
واذا ازعلت ازعل على الشديد القوي على من يهمني امره..

بس انقهر
تحترق اعصابي
ويطلع علي بتاثيرات صحيه ماتسوى علي وربي... :sad2:

الله على اللي يكونو السبب

الله المعين..

قرقر كتير من هذي نفره..
خلاص .. ستووب لو بهدر لبكره.. ما تبرد الحره..:suspicious:
حره تحر عدويني:noworry:
>> اطلعي بس
دمت بخير
وبحفظ الرحمن

اخوي ابو زين

يعطيك العافية ما قصرت

طبعاً كنت متابعة السالفة من البداية وقريتها لكن من خلف الكواليس
لكن من زمان وبصراحة ابدااااااع في ابدااع

كظام وزكاي عليهم حركات
وشكلي بقراها مره فانيه من البداية عشان اقدر اركز عدل ويا الاحداث

والحين اقول لك تابع ولا عليكم من احد

بجد يقهروا

اذا احنا انقهرناااااااا من اللي قاعد يصير اليكم من سرقااات اجل انت وخيتو اميرة المرح ويش مسوووين والله يعينكم
حاسيييييين بكم
والله اقوى على الظالم

ننتظر ونستنى جديدك
والله يعطيك العافية

صبـــــــــــــاح الخيرااات ،،
اللهـ فوق كل شيء ،،
و خيراً ما فعلت أيها الأخ الكريم ،،
تآآآآآآآآآآآآآآآآآبع نثر روائعكـ ،،
لا زلنا ننتظر منكـ المزيد ،،
صدقاً هو أمر يجلب الضجر ،،
خصوصاً و أن صاحبهـ صرح بـ عدم إباحة نقلهـ ،،
دون أخذ إذن مسبق ،،
لكن اللهـ موجود دااائماً ،،
و لـ تكمل المسيرة فـ اللهـ وحده يعلم ،،
كم نحن مشتاقون ،،
لـ معانقة روووائعكـ ،،
بـ إنتظاركـ ،،
خااالص التحااااياااا ،،
للدموع إحساس ،،

السلام عليكم ورحمة الله وبركاته
ربي يعطيك ألف عافيه
بصراحه رووعه
بنتظار التكمله
:wink:
تحياتي لك:amuse: