حياك واسحب واحد وراك ..!!~(خيتي أسيرة شوق ~.......... حياااك :)

السلام عليكم ورحمة الله وبركاته..
أعتذر لغيابي الغير مقصود..الذي إبتدء بزحمة الدراسه وانتهى بإنقطاع النت بسبب خلل من الاتصالات السعوديه المحترمه :evil:
..ونسمي بإسم الرحمن ونبدأ..
متى استيقضت اليوم؟
أنا مانمت الا بعد صلاة الفجر وجلست 5 ونصف صباحاً << إذا عندي امتحان ماأقدر أنام أبدا ً:sad2:
الماس ام اللؤلؤ؟
يمكن..ولا واحد بس إذا مصرين (ألماس)
ما أخر فلم شاهدته بالسينما ؟
أنا إنسانه قديمه جداً..وبما أن السينما بتاعتنا في طور الصيانه بعد مانهار الجزء العلوي لها..فاخر شي كنت شاريتنه فيلم 27dresses <<عارفه انكم تقولون وااااال قديمه :amuse:
ماهو برنامجك المفضل ؟
مافيه شي محدد..لأني ماشاهد تلفزيون كثير
عادةً ماذا تتناول بالفطور؟
زعتر..وشاي..أو بيتزا وميرندا
ماهو الطعام الذي لا تفضله ؟
تقريباً ماأكل اللحم..ويمكن أكله إذا مشوي بس..
وكمان أنواع من السمك..ماأحبها.
ماهو السي دي المفضل لذيك في هذا الاثناء ؟
المجهولة قدراً
سندويشتك المفضله؟
أمم فيليه من سبايسي..وبيغ شيك من ماري بروان..وشاورما التنور ..<< كأنو الجواب بس سندويتش واحد :noworry:
اي نوع من السيارات تقود؟
بما أني مستحيل أقود حتى لو سمحوا لنا بالقياده..أنا أعتبر القياده فن أنا لاأتقنه..وعشان هيك أنا بختار السياره اللي احب اركبها bmw وكامري ..وأي سياره حلوه وصغيره .<< ترى مأأعرف لسيارات
بس الاهم والمهم..أني مااركب كارسيدا..أكرهها مع أني ماركبتها الا مرتين في حياتي..:wacko:
اي الصفات تكره ؟
الأنانيه..الكذب..اللقافه..:toung:..
نوع الملابس المفضله لديك؟
أي شي سيمبل ومريح..
اذا صارت لك عطله وخيروك اي مكان من العالم وين ودك تروح ؟
فينسيا
عندما تتقاعد وين ودك تستقر؟
في مدينتي عنك..
ماركة ملابس مفضله لديك؟
مافيش شي محدد..أي شي حلو ويناسبني..أشتريه
اي عيد ميلاد مميز مر عليك؟ من عمرك انت؟
عيد ميلادي العشرين.. وعيد ميلادي 22 اللي كان قبل ثلاثة اشهر.. لأني حصلت على التهنئه هوون من حبايب قلبي..
رياضه تحب تشوفها؟
كنت أكره كل الرياضات بس الان احب اشوف كُرة القدم,,طبعاً بس مباريات المنتخب
متى عيد ميلادك؟؟
10/3/1408هـ
1/11/1987 م
يوم الأحد في الساعه الثالثه بعد الظهر
هل انت شخص مسائي ام صباحي؟يعني تحب تسهر والا من النوع الا تفزع من الصبح ؟
مسائي..
رقمك المفضل؟
8
عندك حيوانات في البيت؟
أنا..أكيد لا..مادري ليش من تخصصت علم الحيوان كرهت كل الحيوانات بس بيتنا عندهم كاسيكوتين (تو كاسيكو)..وكناري..وحوض سمك
اي خبر جديد يخصك تحب نشاركك فيه
باقي شهر وأتخرج :)
دعواتكم..
شنو كان حلمك وانت صغير ؟ (طيار دكتور مهندس) ؟؟وهل تحقق ام لا ؟
للأمانه..كنت أتمنى أكون أشياء وااايد..بس لما كبرت ماكان عندي طموح..:wacko:..ولما تخرجت من ثنوي تمنيت ادرس علوم طبيه وماانقبلت..وفي النهايه سلمنا نفسنا للكليه ودرسنا علم الحيوان.. وأنتظر اتخرج عشان اقولكم تحقق جزء من الحلم او لا..
شلونك اليوم؟
رماديه على صفراء..لأني مانمت وتعبانه
شنو نوع الحلاو المفضله لديك؟
فليك..سنكرز..مارس
وردتك المفضله؟
روز..وردي وأحمر..
اي تاريخ بالروزنامه تنتظره على احر من الجمر ؟
13 أوغست :embarrest:
اكتب اسمك ؟ وعمرك؟ ومستوى تعليمك؟
أخرى ::بسمهـ::
عمري 22 عاماً..وثلاثة أشهر تقريباً
جامعيه (آخر سنه)
ماذا تسمع في هده اللحظه ؟؟
صوت التكييف :)
أخر شي اكلته؟
الزعتر اللي كان عالفطور يعني اللي 8 ساعات موماكله شي..
ولما تشوف شهاب هل تتمنى؟
قديماً كنت أذا شفت..أتمنى أو بمعنى أصح بعد مايروح اتذكر انهم يتمنون :wacko:..ولكن ياريت أشوف شهاب عشان أتمنى أشوف ناس يتمنون يشوفوني..وعشان أتمنى أمنيه أُخرى :wink:
اذا كنت طبشور اي لون تحب ان تكون؟
أبيض أو أخضر
شلون الجو الحين؟
تقريباً..في الخارج الجو يغلي..بس عندي برد لأن التكييف شغال

من هو أول شخص كلمته بالتلفون اليوم؟
أغلى الناس << صديقتي
مشروبك الغازي المفضل؟
سفن آب

مطعمك المفضل؟
سبايسي ,,المطعم الصيني

لونك المفضل؟
أخضر..وأسود ..ورمادي
لما كنت طفل شنو كانت لعبتك المفضله؟
الخطه..اللقفه..
الصيف ام الشتاء؟
الربيع :bigsmile:
القبل ام الاحتضان؟
ولا واحد..:weird:

شوكلاته ام فانيليا ؟
شوكولاته وفانيليا :amuse:

شاي ام قهوه؟
شاي

متى كانت اخر مره بكيت فيها ؟
البارحه
..لما مسكت الكتاب فوق 5 ساعات وما خلصت الا ورقتين..:sad2:

ماذا يوجد تحت سريرك؟
بطانيه اضافيه..وكرتون ذكرياتي

ماذا فعلت الامس؟
صحيت من النوم وتغذيت وذاكرت..ولما حالتي النفسيه انقلبت..رحت عالكورنيش..لعبت وشميت هوا ورجعت اذاكر

من شنو تخاف؟
الأماكن المرتفعه..الغرق,,
وأني أموت برصاصه (أخوي يحب القنص وكل مره يكون راجع من القنص اتخبى في الغرفه :sad2:)

تحب الحلو ام المالح؟
المالح
كم مفتاح موجود بميداليتك ؟
واحد فقط
كم سنه مرت عليك بوظيفتك الحاليه؟
بنكمل 4 سنوات في وظيفتي كطالبة جامعيه..أما وظيفتي كطالبة عامة صار لي 17 سنه
يومك المفضل بالاسبوع ؟
الأربعاء والخميس
في كم منطقه عشت؟
عنك..بما أنها مكان سكني..والدمام عشت فيه يوم ونصف بما اني انولدت هناك :wink:
..
أشكر هذيان الحلوه لأنها إختارتني
ودموعه لأنها إستدعتني..
وأشكركم جميعاً لانكم انتظرتوني..:embarrest:
,,ولأني أحتار..وأنا أختار..
بختار صقيقتي..حلم الخلود..
هي ماتشبك كثير..بس بتشبك عشان عنونكم..

اليوم بعد أول موضوع أدخله هو هذا الموضوع ..

حياكم الله جميعا
براءة - هذيان - أخرى

الأخت بسمة طلعت من محبين bmw >>> الله يكثرهم

وأكثر ما ظحكني هو أن بسمة عاشت يوم ونصف بالدمام >>> هههههه ههههههههههه هههههههههههههه
أنا ما أدري كم قعدت الوالدة بالمستشفى فلذلك ما أدري كم يوم عشت بالدمام
لكن أختي بسمة >>> بعد لين رحنا المدينة مثلا كم يوم نذكرها هنا >>> !!

وخلاص صلي المغرب ونامي >>>> سامحين لك
اليوم مختبر أول فاينل عندي >>> وعارفين معنى الاختبارات


وبالتوفيق للجميع دنيا وآخرة
أخوكم / علي

هههههه عجبتني فضايحك أخرى هع
ويلااااا قولي لخيتوو حلم الخلوود تشبك عشااان عنووناااتناا
نبي انشووف الفضايح الحلووه
تحياااتوو

ما شاء الله فضايح حلووووووووووووووووووووة



هذيان


سجلوني معاكم في الكوادر

تراني شاطرة في الشغل


هههههههههههههههههههههههههه


واخونا علي قاعد يحسب كم واحد يحب ال bmw:deh:

حساسه بزياده
بشري من عيوني
بس للمصداقيه ذكريني وقت الحج ها ؟

نور الهدى
حياك الله يالكادره بس انتبهي للشغل زين :toung:

لي عتب هنا .. >>> أقول ضف وجهك

اقتباس:

---

المشاركة الأصلية كتبت بواسطة علي pt

المهم في وحدة ما تداوم هالايام أول ماتجي اسحبوها >>> بقايا حنين ،، عرفتوها

---

المهم عدت لتذكيركم
بسحبها هناآآآآ

ع ل ي

هع هع هع هع

شو هيذا

يسلمو خيتي على أجوبتك الحلوة كثري منها
تحياتي لكم

متى استيقضت اليوم؟

الساعه 11 صباحاً لأني منحاشه من الدوام :bigsmile:

الماس ام اللؤلؤ؟
الماس

ما أخر فلم شاهدته بالسينما ؟
مطب صناعي و honey
ماهو برنامجك المفضل ؟
رايتشل راي

عادةً ماذا تتناول بالفطور؟
في الدوام>> بانكيك و كوفي
وفي البيت >> جبنة وشاي بالحليب

ماهو الطعام الذي لا تفضله ؟
السمك المشوي

ماهو السي دي المفضل لذيك في هذا الاثناء ؟
مافيه شي معين

سندويشتك المفضله؟
شاورما - تورتيلا من هرفي

اي نوع من السيارات تقود؟
مرسيدس , BMW , أفالون , رنج روفر

اي الصفات تكره ؟
الكذب , الخيانه , الغدر , اللقافه :)
نوع الملابس المفضله لديك؟
البسيطة والنعومه اللي تناسبني
اذا صارت لك عطله وخيروك اي مكان من العالم وين ودك تروح ؟
إيطاليا أو ماليزيا
عندما تتقاعد وين ودك تستقر؟
مكان يجمعني مع عائلتي

ماركة ملابس مفضله لديك؟
بيرشيكا , زارا

اي عيد ميلاد مميز مر عليك؟ من عمرك انت؟
عيد ميلادي 19

رياضه تحب تشوفها؟
كرة القدم

متى عيد ميلادك؟؟
28/9/1408 هـ
14/5/1988 م

هل انت شخص مسائي ام صباحي؟
يعني تحب تسهر والا من النوع الا تفزع من الصبح ؟ كنت شخصيه مسائيه , لكن الظروف أجبرتنا أن نكون شخصيه صباحيه

رقمك المفضل؟
5-11
عندك حيوانات في البيت؟
لا..أصلاً أنا أخاف من الحيوانات , بس أتمنى لو كان عندي قطة صغيرونه أو همستر .
اي خبر جديد يخصك تحب نشاركك فيه؟
خطوبتي بعد شهر :embarrest:

شنو كان حلمك وانت صغير ؟ (طيار دكتور مهندس) ؟؟وهل تحقق ام لا ؟
دكتورة..وإن شاء الله يتحقق
شلونك اليوم؟
الحمد لله
شنو نوع الحلاو المفضله لديك؟

جميع أنواع الجالكسي , بونتي , كيندر , رفاييلو

وردتك المفضله؟
روز الخليط بين لونين , توليب , ورد محمدي

اي تاريخ بالروزنامه تنتظره على احر من الجمر ؟
23/ رجب

اكتب اسمك ؟ وعمرك؟ ومستوى تعليمك؟
حلم الخلود
21 و9 شهور
دبلوم مختبرات طبيه

ماذا تسمع في هده اللحظه ؟؟
صوت التلفزيون
أخر شي اكلته؟
معكرونه حمراء
ولما تشوف شهاب هل تتمنى؟
للحين ماشفت شهاب , ولو يمر شهاب ماادري شو بتمنى
اذا كنت طبشور اي لون تحب ان تكون؟
أبيض أو أخضر

شلون الجو الحين؟
معتدل
من هو أول شخص كلمته بالتلفون اليوم؟
السواق لما اتصلت له أقول له لايمر عليه
مشروبك الغازي المفضل؟
ماأشرب

مطعمك المفضل؟
كوبر شندني - المطعم الصيني - شلالات لبنان



لونك المفضل؟
الأسود- الرمادي- الأخضر


لما كنت طفل شنو كانت لعبتك المفضله؟
الخطه - لما كنا نلعب مدرسه - ولما كنا نلعب حريم
الصيف ام الشتاء؟
الشتاء
القبل ام الاحتضان؟
الإحتضان



شوكلاته ام فانيليا ؟
شوكلاته

شاي ام قهوه؟
شاي
متى كانت اخر مره بكيت فيها ؟
ماأذكر..

ماذا يوجد تحت سريرك؟
كانت فيه بطانيه بس أخذها أخوي لما راح الجبيل
ماذا فعلت الامس؟
رجعت من الدوام , ورحت أبحث عن فستان للحفله ..بس

من شنو تخاف؟
أخاف من الغرق , والحيوانات جميعها

تحب الحلو ام المالح؟
الاثنين

كم مفتاح موجود بميداليتك ؟
3 مفاتيح

كم سنه مرت عليك بوظيفتك الحاليه؟
بعدني ماأكون موظفة رسميه ..::دعوااااتكم ::

يومك المفضل بالاسبوع ؟
الاربعاء , الخميس
في كم منطقه عشت؟
منطقتين ( سيهات ,, عنك )

,,
أخوي علي..ناوي يسحب بقايا حنين..
إستدعوها..وإذا تأخرت..لكم حُرية إختيار عضو آخر

خيي علي,,
ههه أنا حسبت اليوم ونص لأن الدمام هي من إستقبلتني لما طلعت عالدنيا..بعدها أمة محمد في البيت عرفوا أني موجوده :toung: ..ولا تفكر تحسب أيام المدينة لأننا على هالحاله بنصير ماإستقرينا في مكان ,, ولا تسنتر هنا وااايد الإمتحانات أهم :amuse:

عواميه صفوانية..
عساها دووم الضحكه,,أهم شي إني رسمت البسمه :)

نور الهدى , Habit Roman
الأحلى تواجدكم,,:)


حلم الخلود..
فضااايح مُعتبره..وأهمها تطنيشك للدوام :huh:
وللأسف :toung: إنظميتي.. لمعجبين البي ام دبليو
,,

شكلي ..أخذت راحتي بالموضوع,,:),,
ننتظر بقايا حنين,,


,,
وشُكراً لكِ ورووده على الموضوع,,

إستظافات حلــــــــــــــوه مررره
ياعيني ياعيني على هيك الحركاااات:wink:
لاخلا ولاعدم منكم
موفقين لكل خير وصلاح

تسلمين ورده حياتي على هيك طرح
موفقه لكل خييير صلاح

حوائج مقضيه بحق من هم النور على النور

في انتظر بقايا حنين...

والله المو ضوع حلو ويسلي


موفقين


بلانتظار

الله وحده مخطوبه :toung::in_love:>>توني بس أفكر أقول ممكن وحده تشاركنا بخبر زي كده:embarrest::nosweat:
حلم الخلود:ألف مبروك الخطوبه وعقبال الزواج:kaseh:
والله يوفقش وتتوظفين وتنفعي شيعة علي بوظيفتش:coool:

يسلمووو خيتو حساااسه .. الله يبارك بحياتك :embarrest:
وعقبال كل العزابيه يارب
والله يسمع منك وأتوظف أن شاء الله.. لاتنسونا من دعاكم الصالح
بأنتظارك خيتوو بقـايا حنين

اقتباس:

---

المشاركة الأصلية كتبت بواسطة علي pt

لي عتب هنا .. >>> أقول ضف وجهك

المهم في وحدة ما تداوم هالايام أول ماتجي اسحبوها >>> بقايا حنين ،، عرفتوها

المهم عدت لتذكيركم
بسحبها هناآآآآ

ع ل ي[/center]

---

أقولك أستآذ فضآيح :wink: ..


يآحبك للفضآيح :amuse:



ولآ .. خيتو حلم الخلود معاه بعد :sad2:

اقتباس:

---

المشاركة الأصلية كتبت بواسطة علي pt

الأخت بسمة طلعت من محبين bmw >>> الله يكثرهم

---

من الحين زيد عليهم وحدة >> هع







لي عودة للآجآبة


بس يمكن مو اليوم .. في أقرب فرصة أن شآء الله


وأعذروني ع التأخير من الآن .. بس مو قادرة أركز في شي >> بسبة القرف الأختبآرات



أختآروا عضو جديد ..

مشآن لآيبرد الموضوع وخيتوو وردة تستخف بعدين





دعوآتكمـ ,,/

حنين ..~

حلم الخلود ..
اجابات رائعة
وألف ألف مبروك الخطوبة
الله يتمم لكم على خير
وعقبال باقي أسرة شبكة الناصرة

وان شاء الله تتوظفين بالوظيفة المناسبة لك ..

شكرا للأخت حلم الخلود على وقوفها معي في استدعاء بقايآ حنين ..
بس هذي معروفة بالتهرب ،،،،، أمزح
الله يوفقكم خية وجميع طلاب العلم بالاختبارات ..

المهم
نرجو من حلم الخلود اختيار شخصية جديدة مني لين تجي الأخت !!


وخلاص انا ما بحسب عدد محبين الــ bmw لأن صار عندي يقين بها .... هه