غربة الأوطــــــــــــــــــان...

صرآآحه أمووره بآآرت ...<< موو عآآرفه تعبر عن شعورهآآ من شدة روعة البارت

تعجز الأقلآم عن شكرش

و تجف الأقلام من كتآآبة تعاليق على البارت

ننتظر بآآرت الليله

اسمحي ليي ما حبيت أطلع ومآآ أكتب شي

اللهم صل وسلم على محمد وآل محمد وعجل فرجهم وفرجنا بهم ياكريم..



هههههههه غربل الله أبو اللقافة ...كنت حاسة ان الكريم مو حق بشررة >يم احساس


اتوقع المتصلة ازدهاار...


عااد هالوداد كم فشلة حصلت اليوووم......ههههه مافي على الزحلقة كان الوصف خيااالييي


مابتشمت على قولة المثل من عاب استعاب والعيب واقف على الباب>كل هذا ومابتتشمتي :weird:





ياعلييي عور قلبي صادق ....الكل مهتم في شفيق وكأن صادق سوى جريمة مسكين...

يمكن هو من النااس اللي ماتعرف تتصرف وقت العركة ..مو لازم جبان >محامية ...:amuse:


اي نعم شفيق حالة خاص ولازم الكل يهتم فيه ...بس بعد لازم يقدروا شعور الكل....



مراد ماشاء الله عليه ...... طلع رجااااااااال..........والرجال قليلُ ....


ويوسف طبعاً غني عن الوصف ....:amuse:



حبيب حبوووب حده.....ويخاف تُخلق مشاكل بين الاصحاب...



سام عجبني انه قام وصلى ....الله يهديه ياارب...




أمووور الحبوبة ...


ولك شو هالباراتات اللي بتجنن...يخزي العين ....:toung:


لامن جد ابداع وماتحتاجي لشهادتي......تحرسك عين الله ..




سلمت راحة الأيدي....

وسلم قلبك...



لازلتُ انتظر...


دعواتي اغمركِ بها...


موفقة لكل خير إن شاء الله تعالى

دمتي بعين المولى الجليل

بصراحة روووووووووووووووووووعة الجزء

بس طيح الله حط البدوان الخايسين
هذه فخرهم يعني عساهم طاعوون يشيلهم

كلنا شوق للأحداث الجديدة

بصراحة حدي مستانسة ع اللي صار في ودادوو ,,
باانتظارك يالغلااا

:amuse: متابعة وياكم

مرحبا
والف شكر لتواجدكم اللي يثلج الصدر
لا عدمت هالنور .. وهالتعاليق الحلوه..
اللي تارات تصيب وتارات تخيب ...
تعجبوني وعلى قلبي زي العسل...:embarrest:

في ناس خبرنا فيهم حجاج بمكه..:wink:
نسألهم الدعااااء و اكدو انهم مابينسونا...:cool:

مسامحين عالتأخير صارت ظروف عارضه امس

تفضلو الجديد..

وبين ماوداد تدهن وجهها بفازلين..
وحسن في الحمام يسبح..
دق جوال حسن..
وكانت المتصله اماني....
وداد : ــ ويش تبغى دي بعد .. !!
الا بطلعة حسن من الحمام :
ــ جوالي دا؟
وداد : ــ ايه .. اماني اختك..
انتهت الرنات...
حسن :
ــ يبغى لي اشوف ويش تبغى
وداد : ــ ويش تبغى يعني اكيد رجعني البيت.. لا تطلع توك راجع من العمل ارتاح بس .. وخلها لبكره..
ــ لا باشوف ويش تبغى..
وداد عوجت بوزها ماهو عاجبنها الوضع,,..
اتصل حسن في اخته:
ــ ها خيه.. ويش بغيتي؟
اماني وصوتها متغير :
ــ مجتبى رجع بالسلامه..
حسن بأنفعال ومستانس:
ــ اووووووه حركات الحمدلله عالسلامه.. متى.؟
ــ الظهر
ــ افا وتوش تتصلي !
ــ لا بس صارت ظروف و مشاكل منعتني اتصل
ــ خير ان شالله
ــ عمي مسوي عمليه و ارتفع السكر ورقدوه
ــ اووو لا حول .. مايشوف شر .. عملية ويش
>> وداد تتسمع عالمكالمه وتعابير وجهها مستنكره و مستفهمه
اماني : ــ بعدين اعلمك كنت متصله بس اذا ماعليك كلافه تجيب ولادي الليله .. اذا نايمين ماعليه.... خلهم
ــ لا شدعوه الحين اجيبهم من زمان ماشافو ابوهم
وداد صقعت الفازلين عالطاوله .. وبنفس الوقت ابتسمت:
ــ اخيررررا رجع .... اف اما اني مابيطلع يوديني دقيقه المستشفى ولا بيشتري لي مرهم... ماني قادره من حرارة وجهي وهي يركض لولادها.. سواق عندها ...
سكر حسن و على طول طلع يشوف ولاد اخته..
طل عليهم في المجلس لقاهم قاعدين..
ايثار منسدحه على بطنها تلون في دفتر و باقر قاعد في زاوية الغرفه وضام ركبه و سرحان..
من شاف خاله دخل عليهم وقف و بلهفه:
ــ خالي ما اتصلت امي؟ ماقالت متى بترجع؟
ايثار قامت ويا اخوها:
ــ ايه خالي من الصبح امي طلعت متى بترجع...
حسن :
ــ اكلتو؟.
باقر : ــ ايه سوت لينا ماريا بيض
ــ زين اجل قومو باوديكم لأمكم...
وبأبتسامه عريضه:
ــ ابووكم رجع من الخفجي وبتروحو له
باقر والفرحه مو سايعتنه:
ــ ررررجع
ايثار :
ــ هييييييييه
ونطت على اخوها ميته من الفرح
حسن صار يضحك عليهم ... وفي باله:
ــ بتصير ليكم وحشه في هالبيت..
وسبقهم للسياره
وهم طالعين كانت ماريا طالعه من غرفتها بتطل عليهم نامو لو لا ...
وبتشوف اذا يحتاجو شي :
ــ يؤ وين رايحين..؟؟
ايثار بحماس:
ــ بنرووح نشوف ابوي رجع..
ماريا :
ــ والله.. حركااااات.... مين بوديكم؟
باقر :
ــ خالي حسن..
ماريا في بالها:
ــ خير اللهم اجعله خير خخخخ .. والله زين يوم الله هداه.. دوم ان شالله
وطلعو....
في السياره ..
ايثار:
ــ باقر تتوقع شكل ابوي تغير؟
باقر :
ــ ويش اللي يغيره..؟؟
ــ من زمان ماشفناه .. كبر الحين.
حسن :
ــ ههههههههههههه قالو لش جاهل يوم يروح.. بعده زي ماهو رجال...
ايثار:
ــ ويش دراني قلت يمكن يتغير الواحد كل سنه شكل...
حسن:
ــ لا ابوش الحين زيي في عمر ما يتغير بشكل واضح بعد 20 سنه اذا صار عمرنا 50 وزود بنشيب وبنتغير..
في امريكا ..
الوقت اول الصبح...
فتح ستيف عيونه لقى فراش سام فاضي ..
قعد قعود والتفت لفراش مارك لقاه بعد فاضي,..
وقف وهو مرتعب:
ــ يا الهي .. اين ذهبا... لا .. لن يفعلها مارك.. لن يفعلها...
شوي الا جواله يرن... طالع الأسم الا هو الزعيم جون:
ــ اهلا سيدي..
ــ اين مارك؟
ستيف بتوتر :
ــ لا اعلم للتو صحوت من النوم ولم اجده..
ــ ابحث عنه سريعا وفي غضون ساعه وتعال معه لدينا اجتماع
ــ حسنا..
سكر ستيف الجوال وهو مو عارف ويش يسوي..
ــ ذلك المارك .. الى اين قد ذهب .. ولمَ لم يسال الزعيم عن سام...
الا باب الحمام ينفتح ويطلع مارك وهو يفرك راسه بفوطه
ستيف نقز مختلع:
ــ اووه..
مارك :
ــ مابك هل افزعتك؟؟
ــ آآآه .. نعم... لم اتوقع وجودك هنا... عموما افرغ من امورك ولنتوجه للزعيم هنالك اجتماع..
ــ اجتماع .. لماذا ؟
ــ لا اعلم..
ــ حسنا .. اين سام؟
ستيف بإرتياب:
ــ لست ادري .. ولم يقل لي الزعيم ان اصحبه معك...
ــ ربما سبقنا الى هناك..
ستيف يرفع حاجب بأستنكار :
ــ اوه.. ربما.ههه. كيف فاتني ذلك
مارك يدف راس ستيف بصبعه:
ــ لا ادري مابال عقلك هذه الأيام.. انه معطل نسبيا...
ستيف يفرك راسه:
ــ لا ادري فعلا..
ودخل الحمام سكر الباب وتسند عليه ..
زفر زفره من قلب:
ــ انت السبب يامارك في ضياع عقلي ..
صار يحك شعره بالسرعه:
ــ لا ادري ياسام الى متى سأبقى اخاف عليك ويهمني امرك.لهذا الحد....؟؟. هه لا بأس فأنت تستحق مني ذلك
وصلو بيت ابو مجتبى.. ونزلو ..
حسن:
ــ سلمو عالبابا وقولو له الحمدلله عالسلامه.. الحين توكم تشوفوه وتوهم اهلكم يشوفوه .. والوقت ليل بكره ان شالله اجي اشوفه و اسلم عليه اوكي..
باقر :
ــ ان شاالله
كان باب البيت مردود.. فدخلو على طول..
دخلت ايثار الصاله تركض ركيض ..
ــ اماه... يبااا
كان مجتبى بالصاله قاعد.. من سمع صوتها ارتفع وقعد على ركبه وقلبه صار يراقع..
التفتت له ... وفتحت عيونها مذهوله .. وملامح وجهها تغيرت..
صارت تمشي على ورى ببطئ وخوف .. وصلت للجدار و تسندت عليه مهي عارفه وين تروح..!!
باقر ظل واقف مكانه يطالع في هالرجال.. وحواجبه بتعبير يملاه الأسى..
تمتم بهدوء:
ــ يبااا ؟؟
مجتبى وعيونه اغرورقت دموع:
ــ ابوي ...
باقر بدى يتأوه ويصيح بشكل متقطع يفطر القلب:
ــ اهئ .. يبا .. اهئ .. يبااااااااا
وراح ركض وارتمى بحضن ابوه...
اماني و ام مجتبى واقفين على باب المطبخ يراقبو الموقف ..
ام مجتبى ماقدرت صارت تصيح و تون ..
اماني مبتسمه ابتسامه تداري وراها الدمعات..
مجتبى يتأمل في ايثار اللي لازالت متنسده عالجدار و تنافخ..
و الرعب مبين على ملامحها الصغيره...
باقر حاضن ابوه بالقوه وشاد على ثوبه من عند الظهر بأيده الصغيرتين ...
مجتبى لم باقر بذراعه اليمين ومد اليسار لأيثار وبهدوء:
ــ تعالي بابا.. تعالي..
ايثار وشفايفها الصغيره ترتجف ..
ودموعها بعفويه صارت تنزل على خدودها ..
تستنشق الهوا بأنفاس متلاحقه..
مشت صوب ابوها .. وصلت له ... ومسكت كفه بكفينها الصغار ...
وهي تتأمله و ترتجف من الألم والخوف..
سحبها لصدره وضمها .. انطلقت بنوبة صياح ..
ماقدرت اماني قعدت على الأرض وصارت تصيح هي الثانيه .. انفجرت من الموقف ..
ام مجتبى انحنت لعند اماني وصارت تمسح على ظهرها وبهمس متقطع :
ــ مسحت عليش الزهرا ام الحسنين بالصبر ... و مسحت عليه بالعافيه ..
مجتبى يرفع راسه للسقف كل شوي لا يطيحو دمعاته.. ياخذ نفس عميق .. ويمسح على روسهم .. يضحك بأصطناع و هدوء :
ــ لا تخافو بابا,.. مافيني شي .. بس استخدم ادويه الحين و ارجع زي ماكنت...
اماني بصوت مبحوح:
ــ الحمدلله يوم رجع ابوكم بالسلامه
باقر بنحيب :
ــ يبااا انا خفت... لما ... صار الأنفجار .. ولما ... قالو ناس ماتو.. بغيت... بغيت... اموت..
مجتبى بأبتسامه:
ــ لا تخاف ياولدي هذاني وياك..
ايثار و الأنفاس تتلاحق:
ــ ما...بتروح ... وتخلينا...
مجتبى :
ــ لا خلاص ماباروح ولا باخليكم..
امير متسند على برواز باب غرفته .. ويتأملهم بهدوء.... ماسمعوه الا يتمتم بصوت منخفض :
ــ يباااه... يبااه...
مجتبى التفت له ... وابتسم...
ــ تعال...

امير يحبي على ركبه بتردد لين وصل لعند مجتبى وفي حضنه ولاده...
قعد وراه..
وصار براسه يضرب ظهر مجتبى على خفيف وهو يصرخ و يون .. وينادي .. يبا..
وشوي يزيد الضرب والصريخ ..
ام مجتبى كلما شافته بهالوضع و ينادي على ابوه..
تذكرت حال ابو مجتبى و زاد الحزن عليها..
مجتبى يلتفت له يحاول يهديه:
ــ امير .. ويش فيك..؟؟؟
زدات نوبة الصريخ وصار يرفس ..
نور راحت له تركض .. مسكته وصارت تسحب فيه..
وقامت ام مجتبى تعاونها عليه.. لين دخلوه الغرفه ..
وصارو اللي برى الصاله مايسمعو الا صريخه و ام مجتبى تهدي فيه
ــ سميت عليك بالله و محمد وعلي .. سمت على عمرك الزهرا ام الحسن وحسين..
نور:
ــ امير .. امير اهدى حبيبي .. هاك.. هاك ارسم..
ويمسك امير الورق وعلبة الألوان ويرميها حد ماعنده ..
تصقع في باب الغرفه وتتنفر الألوان لبرى..
ايثار قامت من حضن ابوها .. وراحت تلم الألوان وهي تمسح دموعها وتحاول تتماسك و تضبط نفسيتها..
جمعت الألوان وراحت صوب امير مسكت ورقه وصارت ترسم جنبه ...
وهي تنشد له ومع كل كلمه تسحب نفس و تشاهق :
بالألوان .. بالألوان أرسم بيتاً للأجيال
فيه أزهار و طيور و به باب و له سور
سأرتبه لما أكبر و سأجعله أكبر أكبر
وله ساحة ألعب فيها و به شجر عال أخضر
من بدت تنشد و ترسم جنبه.. هدأ و صار يراقبها ويردد وراها اخر كلمه ...
ام مجتبى قعدت بتعب :
ــ لا اله الا الله ما تعرف لك الا هالقمر..
نور بأبتسامه:
ــ ياغناتي هالقمر ...

وقعدت جنبها تمسح دموعها...

في الرياض ..

يوسف يسوي كمادات لشفيق من بعد الخلعه اللي تعرض ليها وقعدته في الحمام.. ارتفعت حرارته..

مراد قاعد يحوس في لاب توبه .

ــ ايوااا هذي وصفه طبيعيه لتخفيض الحراره..

حبيب قاعد على سرير يوسف :

ــ ويش هي؟

مراد يقرأ الكلام المكتوب :

ــ تنتشر أمراض البرد حاليا وخصوصا الأطفال: ويعاني الكثير من ارتفاع درجة الحرارةويهرع الكثير الى مخفضات درجة الحرارة والتي لها مساوىء كثيرة, ولكن أنصح اخواني أنيستعملوا

شوي رفع حاجب مستنكر..

السيد كان وياهم في الغرفه...

ــ ويش ؟!

مراد بأبتسامة سخرية يكمل:

ــ يستعملو نبتة الرجلة (البقلة الحمقاء) والموجودة لدى بائعي الخضار, تعصر وتوضع علىسائر البدن وبعد نصف ساعة على الأكثر ستدهشك النتيجة.

كاظم وياهم ايضا قاعد عالأرض مستند على سرير يوسف ووراه حبيب على طول .. الا يدحن ضحك:

ــ البقلة الحمقاء .. ويلي اباموت...

حبيب:

ــ ويش تطلع دي عرفنا البقل بعد بقلة حمقاء .. والله حاله .. ماعندنا لا ذكيه ولا حمقاء ... اهو بس عنا.. ويا هالوصفه..

السيد وكان قاعد جنب حبيب :

ــ قول لو عندنا ويش خانته وحنا مسبحينه في بقل ... !!

صادق كان وياهم خش عرض يبغى يشاركهم السوالف.. وبهدوء:

ــ لا ... وشفيق بعد..

التفت له يوسف :

ــ ويش قصدك..؟؟

صادق حس روحه غلط..:

ــ لا .. ولا شي..

يوسف وهو يعصر الخلقه ويحطها على جبهة شفيق :

ــ فلتقل خيرا او لتصمت..

صادق ارتبك .. قام وطلع عنهم..

السيد:

ــ يوسف ويش فيك عليه.. خف عنه شوي..

يوسف :

ــ قهرني بتصرفه .. كأنه مايدري بحالة شفيق و الوضع الصحي اللي هو فيه..

اقلها استنجد بأحد .. اصرخ حد ماعندك .. دافع .. حتى لما رحنا كلنا لشفيق ما كلف على عمره ورجع ويانا.. لا والحين قاعد يتمسخر..

حبيب بهدوء:

ــ ياخوك لا تلومه يمكن من النوع اللي مايعرف يتصرف ..

كاظم :

ــ انا اشهد انه ما يتكل عليه ولا يعرف يتصرف في شي

الا بصفقه جايه على راس كاظم من ورى .. وكان حبيب اللي صافقنه :

ــ انت الحين اللي فلتقل خيرا او لتصمت

كاظم تكتف :

ــ هااا .. ابصمت..

ويحط كفه على بوزه..

مراد يسكر لاب توبه...:

ــ ماليكم الا الفيفادول...لو بنادول عالأقل ..

السيد:

ــ صح صح.. لحظه باقوم اشوف كأنه عندي ..

شوي ورجع السيد:

ــ افا مخلصه..

مراد:

ــ اباقوم اشتري له..

يوسف يمسكه..

ــ اصبر بنشوف الشباب تحت يمكن عندهم واجد عليك طلعات اليوم ومداور..

اتصل يوسف بمصطفى .. وسأله..

مصطفى:

ــ لحظات اشوف الشباب واذا عندنا بنجيبه ليكم واذا ماعندنا بتصل عليك

سكر مصطفى وهو كل ثقه في ايمن ما يخلى على طول عنده يخاف على صحته...

راح له الغرفه وكان معاه محسن منسدح يحوس في جواله..

مصطفى :

ــ ايمن عندك بنادول لو فيفادول؟

ايمن :

ــ لا..

محسن :

ــ شداب توي شايفنه البارحه يشرب بندول والعلبه متروسه..

ايمن يطالع في محسن على جنب..

محسن:

ــ بل عليك.. عطيه وبشتري لك اذا خلصت..

ايمن بقهر:

ــ طرار عندك..

محسن:

ــ انا داري اجل تشدب وهو عندك..

مصطفى :

ــ انا لله.. الحين ويش ..

ايمن قام بيطلع له:

ــ زيين هذانا باعطيك... كم وحده تكفيك.. وحده لو فنتين.؟؟

ــ العلبه كلها..

ايمن فتح عيونه:

ــ بل لويه؟

ــ مو الي لأنها لشفيق مصخن وعيب علينا نودي ليهم بالعدد نعطيهم الكرتونه يستخدمو اللي يحتاجوه.. احسن

محسن:

ــ ايه دام كذا ولا يسمونا شقة البخيلين..

ايمن متردد..

محسن يقوم له وينهب العلبه من ايد ايمن ويعطيها اياه...

وبقهر:

ــ وحريقه قلت لك بشتري لك وحده لا تموت..بل بل ...

ايمن :

ــ فارق مابغى شي منك..

مصطفى :

ــ علي ياعلي يلعن يومه بندول اللي بيخليكم تتشابقو..

الا بدخلة نوري عليهم:

ــ ليش من متى ماتشابقو...؟؟ ويش صاير الحين..

مصطفى :

ــ انا باودي البندول محسن يعلمك السالفه..

وطلع مصطفى..

مصطفى يتعب من الدرج مايتحمل .. وبالعاده اذا بيركب ليهم فوق يستخدم الأصنصير..

دخل الأصنصير وكان لحاله..

جى بيصعد الدور الثاني .. شوي الا يطفي الأصنصير ويعلق بالنص ...

مصطفى :

ــ بسم الله ويش صار

شوي الا تنطفي اللمبات..

مصطفى :

ــ اه.. ياااربي . ويش هالحاله...

يدور في مخابيه على جواله:

ــ اوهووو نسيته ..

صار يطق باب الأصنصير وينادي ولكن مامن مجيب ...

مجتبى يتأمل وجه ايثار وباقر وهم نايمين... ويهمس لأماني:

ــ وحشوني .. فطرو قلبي بهاللقاء ..

اماني تضغط على كف مجتبى:

ــ جهال مرتبكين ولا عرفو يتصرفو..

ماسمعت اماني الا مجتبى وكأنه يصيح... الغرفه ظلمه.. همست:

ــ ويش فيك ابو باقر؟

مجتبى يحاول يداري دموعه:

ــ لا ابد.. مافيني شي ... من فرحتي بشوفتكم..

اماني في بالها وقلبها معورنها:

ــ قليل اللي لاقيته هاليوم .. فضفض همومك الله يغير الحال

مصطفى بدى يستحر .. الوضع داخل هالأصنصير لا يطاق ...

يوسف استبطأ مصطفى.. فأتصل عليه...

نوري كان قريب من جوال مصطفى .. سمعه يرن.. بس ما التفت وطالع مين المتصل ...

هاني:

ــ وين مصطفى جواله يرن

نوري :

ــ ركب يودي بندول للشباب فوق الظاهر جلس وياهم شوي..

انتهت الرنات.. يوسف بأستغراب :

ــ وين راح .. لويه مايرد...!!

ريماس تكلم شهربان عالماسنجر عطتها ايميلها حق اذا بغت سؤال تشرح ليها عالمسنجر احسن من تلفون البيت ..

كانت تتضايق منها لما تتصل عليها وماعطتها رقم البيت الا لأنها استحت تردها من بعد ماكذبت عليها وقالت ليها ماعندي جوال... :

ريماس : ــ من متى ماريا خويتش؟

شهربان بأستياء:

ــ اشوفش مهتمه فيها واجد ..

ــ معجبه فيها..

شهربان في بالها:

ــ استر من اعجابش ...

وترد على شهربان:

ــ من لما كنا صغار وحنا جيران ونلعب ويا بعض..

ــ هي واخوانها وياش يعني

ــ اني وياها و يوسف اخوها و اخوي ..

ريماس في بالها:

ــ من صغرهم ويا بعض .. للحين .. بل بل ..

وشوي تبغى تغير الموضوع لا تشك شهربان في امرها:

ــ شهربان ويش يعني اسمش

شهربان :

ــ ها.!!

ــ لا بس من زمان كل ابغى اسألش ويش يعني اسمش

شهربان:

ــ والله يامحفوظة السلامه هذا اسم مدينة المقداديه بالعراق سابقا.. كانو يسموها شهربان لأن في احد الروايات يقولو ان الأمام علي عليه السلام مرض بس نزل فيها فقال شرها بان.. او شرها بين.. وراحت بين ألسن الناس .. شهربان.. وينقال شهر بالفارسيه يعني مدينه.. فهي مدينه بالمختصر..

ريماس :

ــ يعنووو.. عجيب والله

ــ خخخخ اللي يسمع .. عاد ويش يعني اسمش انتين..

ــ زيش اصله فارسي ويعني الألماس المطعم بالجواهر..

ــ ياعيني ياعيني ...

وفي بالها: ــ أي الماس و أي جواهر .. الله يغير حالش بس..

شوي شبكت ماريا

شهربان:

ــ اوكي غناتي مسامحه ريماس باقوم انام باي ..

وعلى طول حطت ليها حظر ..

ماريا :

ــ هلااا.. مجتبى رجل اختي رجع بالسلامه..

شهربان:

ــ صحيح...

ــ اييه و توه حسن مودي ولاد اختي .. تعودت عليهم وحشه الليله بدون اختي اماني.. وزهق بلا ولادها...

ــ الله يعينش .. بااااااااااااااالغين فيش يارب تعرسي و تقابلي محروس المحاريس ولا تزهقي

ــ اف منش ماعندش غير هالطاري ..

عبدالأله .. طل على اخته:

ــ مابتنامي وراش بكره مدرسه..

ــ الحين شوي بس تقوم ماريا باقوم..

ــ بل عليكم ماتزهقو ويا بعض في الباص و المدرسه وترجعو ماسنجر ما تخلص سوالفكم..

شهربان تتعيلف في عبدالأله:

ــ والله الجلسه ويا مرووي ما تنمل..

عبدالأله ارتبك:

ــ ايه زين لا تسهري تصبحي على خير

وانحاش ..

شهربان :

ــ ههههههههههه ماقدر عاللي يستحوووو

كتبت لماريا الموقف اللي صار ...

ماريا :

ــ ويعني !!

شهربان :

ــ مايقدر اخوي مايقدر..

ــ مايقدر على ويه؟

ــ انا لله.. لقد اسمعت لو نااااااااااااااديت حيا ولكن لا حياة لمن تنادي..

ــ اقول .. يا بشار بن برد .. قومي نامي بس..

ــ ايوا ايوا مذاكره الأدب عدل..

ــ طيررري

ــ ههههههه زين تصبحي على خير

ــ وانتين من اهلووو..

عبدالأله منسدح على سريره ويفكر:

ــ آخرتها ويش بيصير..؟ ياترى بتصير من نصيبي .... البنيه شاطره و مخها مفتح..وشكلها ناويه على بعثه.. وين تفكر تتزوج دي .... افففففف ويش فيني انا ... ياربي ارحم بحالي و غيره الى احسن حال..

فتحي في احد المزارع ...قبل بدء السهره..:.. يسولفو عن الزواج وامهاتهم والحنه على روسهم ....

فتحي :

ــ والله الحال من بعضه.. ام عبدالستار تهدر في الطالعه والنازله .. لا وحاطه في بالها بنيه شكلها... بس ويش اللي يخليني اعرس و ابلش روحي وانا البنات وقت ما ابغى حولي ملايين

يضرب كفه واحد من الشباب:

ــ ايه ويش عليك .. مزيون و فلوس .. وين مايصيرو حولك وحواليك..

فتحي :

ــ افاااا عليك ماحد يعيش بدون قروش.. مخباك يقرقش الكل يعرفك.. مخباك يتضوور جوعا .. ما احد يسلم عليك..

واحد ثاني من الشباب: ــ ههااااي استر عاللي يتضور جوعا.. خلف الله علي انا يتقطع جوعا...

شوي الا جوال فتحي يرن..

فتحي : ــ اوه .. خفر السواحل .. اقصصصد.. الدفاع المدني ... لا عفر وزارة الداخلية

.. الووووه

عبدالستار بعصبيه:

ــ لا تقول مابترجع البيت من بدري .. تونا اول الليل والله باقفل البيبان.. ارجع و تعشى يوم ويا امك .. حس على دمك شوي..

ــ اووو .. توها بداية السهره .. ويش لي ارد عليك .. فكني مانى جاي..

ــ والآخير وياك الظاهر ما بترتاح الا لما اقطع عنك كل شي و اقفل حسابك في البنك..!!

ــ يللا عاااااد... الحين بس على شان صرت الكنق عبدالستار و الراس العود والكل بالكل واللي متصدق علينا بكم هالفلس .. بتذلنا... وبتتحكم فينا >> الكنق = الملك بالأنجليزي..

ــ استغفر الله .. الله يصبرني عليك... هذانا قلت لك .. وقد اعذر من انذر ..

ــ قد قشر و قد بهر بعد.. سلاااام .. تشاااو

طوط طوط

عبدالستار يطالع في الجوال وبقهر:

ــ يا انا يا انت يافتحي .. هين بس اراويك..

الا بجية رسالة لعبدالستار من ابرار ..

عبدالستار وبدون مايقراها على طول.. خيارات.. ومسح..

وفلت الجوال بقهر على جنب...

في امريكا وبعد ان خلصو اجتماعهم افراد العصابه..

وكان تخطيط لطريقه يتدارو فيها مؤقتا عن الشرطه...

جون:

ــ قبل ان تنصرفو سوف اعلن عن شيء ما ... اود ان تأخذوه جميعا بعين الأعتبار ولا اريد أي اعتراض ... ومن يعترض على ذلك فليخبرني بأسبابه المقنعه...

الكل يتطلع لهالشيء اللي بيقوله جون..

جون وكان يجلس عن يمينه سام اللي مو عاجبنه الوضع طول الوقت ويحس نفسه متضايق عوايده في كل اجتماع...

حط كفه على كتف سام...:

ــ اني سوف اتبنى سام كأبن لي .. والمطلوب منكم معاملته كما تعاملونني ...ومستقبلا ان حدث لي أي مكروه او وافتني المنيه .. سيكون هو خليفتي في زعامتكم...

مارك فتح عيونه .. سام بيصير زعيم عليهم.. والكل بالكل .. والمتصرف في الأموال .. له الكثير وليهم القليل المقسم بينهم بالتساوي ... كلمته مسموعه واوامره مجابه...!!!!!

ضرب كفه بلا شعور عالطاوله ..

جون التفت له..

ــ مارك .. مالأمر؟؟؟.. الديك أي اعتراض .....؟؟؟

مارك خاف من جون..

ابتسم ابتسامه بارده:

ــ لا .. كانت بعوضه ضايقتني فقتلتها..

جون:

ــ حسنا.. يمكنكم الأنصراف ...

ستيف يطالع في مارك .. يحسه مره مولع و الحقد تارس قلبه... :

ــ لازلت لا استطيع ان اثق بك يا مارك.. كيف لي ان افعل ذلك بعد ان اصبح سام ابنا لجون.. كيف لي !!

سام شابح بعيونه.. ومهو عارف كيف يتصرف ...!!

الكل قام وطلع من الغرفه الا هو ظل جالس ..

انتبه له ستيف ورجع له.. قعد جنبه وحط ايده على فخذ سام وبهدوء :

ــ مابك ؟ الم يعجبك كلام الزعيم؟؟

سام سرحان بذهول ..

ستيف يحط ايده الثانيه على كتف سام:

ــ ليتني استطيع ان اخلصك من هذا المكان.. فأني ارى بداخلك انسان انقى من ان يحيا حياة كهذه.. لست ادري من انت.. ليتني كنت ادري لرحمتك من هذا العذاب وان كان الثمن حياتي..

هالكلمات رنت في مسامع سام.. حس بالأمان لوجود ستيف جنبه..

يحب هالستيف وستيف يحبه ومثل الأخوان..

ستيف كان لقيط .. رباه توم وبعدها وهبه للزعيم كفرد للعصابه من لما صار عمره 10 سنوات .. لا حول له ولا قوه ..

وعى عالدنيا وهذا حاله.. بس كان صاحي الضمير و ان حاول يموته في مغلب الأحيان..

و من لما جى سام ليهم وهو يحسه مثله.. مجبور على فعل اشياء ما ترغب فيها نفسه..

بس مابيده حيله على عكس باقي افراد العصابه اللي يتلذذو بالجرائم ويعتبروها مصدر رزق ..

حاول ستيف كذا مره يهرب ويترك العصابه الا ان الحياه مارحمته ولا لقى شغل يقدر يكمل فيه حياته ويسد به جوعه .. الكل يرفضه ..

حتى انه اضطر يجرب العمل في ملهى ليلي الا انه فوق الدناءه انحطاط لكرامته و استعباد له مقابل الشهوات والمال..

هالأمر خلاه يكره الحياه و يحس ان العيش مع تأنيب الضمير ارحم له من التخلي عن الكرامه و الغرق في الرذائل...

اول ماعرفه سام .. كان دايما يردد له من بعد ماحكى له قصته:

ــ لأكن سارقا اشرف لي من ان اكون عاهرا..

سام وهو يستحضر حكاية ستيف ومعاملته طول هالفتره له...

ابتسم و بهدوء ...

ــ شكرا لك..

ستيف يشد على كتفه:

ــ لا شيء يستحق الشكر... لك مني نصيحه وان ادت لقتلي يوما ما.. ان عرفت من تكون... رجاء بلا تفكير .. اهرب .. ولا تعود... ولكن قبل هذا فلتودعني ..

وقام عنه...

ريماس تتقلب عالسرير .. وتفكر في خطة جديده تخلي شهربان تصادقها وتصير قريبه منها وتترك ماريا اللي فرحانه بها وحاطه العين عليها لأخوها...

ريماس بينها وبين نفسها:

ــ ويش فيني اني كأن مافي هالبلد الا هالولد .,. فقع راسي التفكير فيه.. افففففففف...

آآه.. المشكله ماشفت واحد للحين بحلاه و بهدوئه و اخلاقه وفوق هذا النحوس اول صبي اتقرب منه وماااااااايعبرررني ,,, آآآه يالقهر .... عسل صراحه... يستاهل اعصر مخي على شان اوصل له.. حتى لو لعب المهم اكلمه واوصل له.. فكري ياريماس فكري..

مصطفى ومرت عليه ساعه وهو محبوس في الأصنصير ويطق بابه ولا احد حوله

الأصنصير صغير و خنقه .. والجو صيف وحر .. مصطفى مو قادر يحس نفسه بدى يدوخ..

قعد عالأرض و صار يرفس في الباب...

يوسف :

ــ لاااا .. الظاهر نسانا.. ابتصل بعد اباشوف..

نوري :

ــ لاااا مصطفى استحلى القعده ويا الشباب فوق ويش عليه قعدتهم ما تنمل.. اشوف بس مين المتصل..

ومن شاف اسم يوسف انصرع..

ــ يوسف يتصل فيه.؟؟ ليش وين راح اجل .!!

رد عليه :

ــ هلا يوسف ..

يوسف : ــ هلااا وينك ساعه انتظرك قلت اذا ماعندكم بترد علي !!؟؟

نوري بأستنكار : ــ انا نوري ... انت يوسف يوسف جارنا فوق ماغيرك؟

يوسف مستغرب اعظم منه: ــ ايه .. وين مصطفى .. ويش صاير؟؟

ــ أه.. مصطفى طلع ليكم من ساعه على حساب بيجيب البندول ...

ــ ويش !! ساعه.. ماجانا احد..

ــ ياساتر وين راح.. اباقوم اطلع اشوفه..

ــ زين ..

طلع نوري ماشاف احد في الممر ...

عص حبة الأصنصير .. لقى لمباته مطفيه...

شوي الا يسمع صوت.. طق

نوري صار يصرخ:

ــ مصطفى .. مصطفى .. انت داخل..؟؟

مصطفى دايخ .. زحف على ركبه و سند اذونه على باب الأصنصير يسمع صوت نوري يناديه..

ــ انااا هنااا.. الأصنصير علق فيني بالنص..

نوري يتصوخ الصوت:

ــ يااااا ربي ... من دي ساعه وانت عالق..!!

مصطفى :

ــ الحق علي عاد حاس نفسي خلاص اختنقت..

ــ يالله ويش اسوي ..

صار نوري يحاول يفتح الباب ماقدر محكم الأغلاق ..

طلع برى للحارس الهندي حق العماره...

مايعرف للأصنصير..

صار نوري يصرخ فيه:

ــ تصرررررررف بيموت الرجال داخل

الهندي :

ــ مافي معلوم ايش يسوي

ــ و حزن .. موظفينك هنا لوووويه

ــ سوي حراسه ينظف عماره مافي معلوم هذا اصنصير ..

ــ فاااارق زييين

الشباب في الشقه سمعو صريخه.. طلع محسن يركض :

ــ ويش صاير

نوري يشوت باب الأصنصير شوته:

ــ تقفل على مصطفى وعلق فيه بالنص ..

ودخل يركض الشقه اخذ جواله و مو عارف يتصل لمين وويش يسوي...

طلع وركب بالسرعه الدرج وصار يحاول في الأصنصير يعصص في الحبات من فوق ...

صرخ :

ــ اوووووووووووووه ...

وشات الباب شوته..

بنفس الوقت مراد وحبيب طلعو من الشقه يشوفو ويش سالفتهم ...

حبيب:

ــ خير ويش صاير ؟

نوري بأنفعال وعصبيه:

ــ مصطفى من دي ساعه عالق بالأصنصير ..

ــ ياساتر .. ويش هالحاله...

نوري ينادي:

ــ مصطفى ... تسمعني....؟؟

صوت مصطفى صاير اقرب هالمره... يعني الأصنصير علق قريب يوصل لفوق...

وكان متهالك ومختنق :

ــ اييه .. اسمعك...

نوري صار يسب:

ــ عماره فيها اصنصير مافيه احتياطات امان ولا جرس ولا مسؤول صيانه غير هندي اغبر بهيم مايعرف كووووعه من بوعه..

حبيب :

ــ يبغى لينا نشوف فني صيانه... صح مالينا الا ابو خالد راعي العماره يدبرنا.. لحظه اكلمه

ودخل حبيب الشقه يركض اخذ جواله واتصل عليه:

ــ آسف ابو خالد بس ماعليك امر الأصنصير تعطل بواحد من الشباب وعلق فيه مو راضي يطلعه صار له ساعه.. ويش العمل..

ــ لا حول اللهم سترك.. طيب راح ارسل لكم فني صيانه دلحينه.. ان شالله خير..

مصطفى مابين الصاحي والنايم.. يحس نفسه فقد عرق بكمية كبيره .. وعطشان يبغى ماي...

بهدوء يتمتم:

ــ مااي.. ابغى ماي...

الا يسمع صوت اخته دانه... ولا ينتبه الا هي واقفه قدامه بأبتسامتها البريئه وفي ايدها كاس الماي تمده عليه...

ــ اشرب .. اشرب ...

مصطفى يتأملها مذهول.. ومو عارف ويش يسوي ...

ــ دانه.. جيتي..؟؟ دانه... وين رحتي .؟؟؟

سكر حبيب الجوال واللي بالشقه مذهولين..

السيد:

ــ ويش صاير ؟؟

ــ مصطفى علق به الأصنصير..

يوسف من الخلعه ارتبك و دف بالغلط طاسة الماي اللي كان ينقع فيها الخلقه لشفيق .. وطاحت عالأرض.... وانكب الماي.....

الى الملتقى.. مابعد العيد وكل عام و انتم بخير :amuse:

لاه لاه ياممصطفى يامسكين
الله يكون في عونه
كان خليتي واحد من النحيسين اللي يتعلق فيهم اللفت خخخخخ
ذكرتيني بسوريا لما علق فينا اللفت أني وأخوي
بغيت أموت ومنها حرمت أركبه
لين طاحوا رجايلي أربع طوابق ورجعت أركبه خخخخخخ

الله يطلعه سالم غانم يارب

ننتظرش بعد العيد الله يكون في عوناا

يووو مصطفي مسكين .!

::

هلشباب من بلوه لبولوه مساكين ,,

أمورة شنو لبعد العيد ويلي بننتظروواجد اموره

يالله بانتظار الجاي غاليتي

يسلموووو غآليتي ع البآآرت

لآآ خلآآ ولآ عدم

حرآآم مصطفىآ اهئ اهئ لآآ تقولي دآآنه بتآآخده ويآآهآآ إلى الموت << فال الله ولآآ فآآلش

دموعي على خدي وأني أقرىآ موقف مجتبىآ مع أولآده و أخوه :sad2:

يعني هدي ريمآآسوه مآآ تتوب الرجال ما يحبها غصب هي السآآلفه << هدي شوي شوي

ابرار حضرتهآآ وش مرسله لعبد الإله :huh: ؟؟

و كل عآآم وانتي بخير

:}

كل عام وانتين بخير اموره
بارت روعه وش اقوول بعد مايحتاج
بصراحه موقف مجتبى يعور القلب وخصوصا بنته ايثار
اموره خليتي ادموعي على خدي ولا عاد امير مسكين
بس هالقمر عرفت ليه هههه
ومصطفى مسكيــــــن لا تموتيه <<<< كانها ملك الموت
وهذي ريماسوه ان شاء الله ما تسوي شي لعبد الاله
وابراروه مابتهون عن عبد الستار وفتحي الله يهديه بس
وازدهار ماسمعنا صوتها ..
وحسن الله يهديه ان شاء الله ودادوه بعد
وماريا عورت قلبي بيوحشوها اولاد ختها
وبـــــــــــــــــس
يسلمو ع البارت
وبانتظارش يالغاليه
تحياتيـ ..

يسلمو عالبارت وننتظر الجديد
وكل عام والجميع بألف خير

كل عام وانتي بخير اموورة
يسلمو ع البارت الكشووخي << ايفة ع مصطيف شكلة بيودع ,,,

كل عام وأنتِ بخير وصة وعافية

متباركين بالعيد

أمورة حبيبتي الأجزاء الاخيرة مرررة روعة

جوناآآآآآآآآآآآآآآآآآآآآآآآآآآآآآآآآآآآآن بصراحة
يعطيك ربي العافية

تحياتي

اللهم صل وسلم على محمد وآل محمد وعجل فرجهم وفرجنا بهم ياكريم.....


ياعلييي مصطفى ......هالطيب هالهادئ .....يصير له كذا....


بس كيف شاف أخته ليكون بعيد الشر..............................!!



اممم ماادري ربطت بين عطش مصطفى وانسكاب الماي من يد يوسف .....حسيت في اندماج اروااح بينهم...

يمكن من صفاء روح يوسف يتأثر تلقائي وتتصل روحه بروح اللي يحبهم.....!!






وهذي ريماسوا اللي ماتستحي على وجهها.....شكلها ناوية على نية شينة ..استغفر الله ربي...


بس على عبد الاله. هالحركات ماتمشي ........!




لقاء مجتبى بأولاده كان مؤثر بقوووة بقوووة ...وعميق لابعد حد...ابدعتي غناتي...



هو انتي ابدعتي بكل شي ماشاء الله علييك..بس هالمواقف الصعبة واللي تحتاج لقوة ...


هي اللي يتجلى فيها الابداع بشكل أوضح ....



ردة فعل أمير أثرت فيني بقوة.....ولما هدأته بنت اخووه بالأنشودة ...عشت الوضع معاهم عدل...


اممممم أميرة جاني إحساس إن هالأنشودة والنعي والشعر الحزين اللي يقولهم قيصر كلها بقلمك...:amuse:







غمضي رايح فيييها >>تقصد اللي اسمه فتحي:noworry:




وداد الحين بترتاح...بس بعد مابيعجبها الوضع خوب هالانسانة ماتقدر تعيش بدون مشاكل :toung:




غاليتي أميرة المرح...


سلمت راحة يديكِ النابضتين إبداع....المُلهمتين إحاسيس المُجسدة كل واقع نتعايش معه...

البااارت روووعة وابداع...




كل عام وانتِ بقلبٍ سعيد....وأيامكِ والليالي ملؤها ابتسامة ....


ننتظرك هنا.....


موفقة لكل خير ومقضية حوائجكِ بحق سادة البشر...

دمتي بعين المولى الجليل

على ـآ قلبي مصطفى ـآ
وسآم لوي بعد يتبنآه المنتحسس جون
روووعهـ البآآرت
يسسلمووو أميره

يعطيش العافية غناتيي

واسمحي ليي ع التقصير:embarrest:

انــــــــــتتــظر بشــــــوووق

تحياتي

مرحبا
وكل عام وانتون بألف خير حبايبي
وينعاد عليكم العيد بصحه وسلامه

ماعليه عالتأخير
خبركم بالعيد والطلعات والروحات والجيات
غير اختبارات اعمال السنه اللي راح تبدي يوم السبت
وتستمر حتى :wacko:6 محرم..
ادعو لي اتوفق و الله يسهل علي كل اموري
الحين خذت بريك على شانكم قلت ماكتبت .. خلني اعوضهم
وخبركم اميره اذا غابت تعوض بعدين بشي راهي :toung:

على فكره .. غاليتي دموعه.. لا غناتي .. القصايد لقيصر من شعراء وكتاب عراقيين والأناشيد هذي حقت الروضه لاطشتنها من النت...
:amuse: بتعرفي اذا شي اني كاتبنه اذا خاطره او ابيات شعر بالعاميه
العراقي صعب ياااابه إنصف الحـ چـي الحلو منه كلما بغيت

تفضلو الجديد

فني الصيانه بعد حوالي النصف ساعه وصل مع مالك العماره .( ابو خالد )..

وقاعد يحاول يشوف حل ...

نوري والعرق يصب منه.. وهو يهوي على نفسه ببلوزته..

ــ يالله حررر موووت .. ويلي عليك يا مصطفى..

ويلصق في باب الأصنصير وينادي:

ــ مصطفى.. تسمعني؟؟!!

ولا من مجيب ...

نوري متوتر حده.. يوسف يحاول يهدي فيه ..

حبيب : ــ ان شالله ما بيصير الا الخير .. مايسمعك شكل الأصنصير معلق في النص فما يوصل له صوتك..

نوري : ــ ان شالله .. يارب .. يارب

ويسأل حبيب ابو خالد:

ــ صار لينا حنا مستأجرين سنتين ماشفنا هالحاله.. هالشي صار من قبل ؟؟

ابو خالد :

ــ لا اول مره ..

حبيب :

ــ من كم سنه هالأصنصير؟؟

ابو خالد :

ــ طبعا من اول ما بنيت العماره



السيد صار يتلفت حوله ... العماره قديمه و حالتها لله...

محسن بهدوء يسأل :

ــ بل ... من اول مابناها... اول مره تصير هالحاله؟؟ يعني اول مره بعد فني الصيانه يجي يكشف ؟؟

ابو خالد وبهدوء وعفويه:

ــ ايه اول مره

نوري شب حريقه:

ــ حشا.. المفروض تعمل صيانه دوريه للعماره .. لا يروحو السكان ضحايا... تلاقي العماره فوق الـ 50 سنه من انبنيت << قالها بقهر وصيغة مبالغه

ابو خالد عصبته لهجة نوري الأستفزازية:

ــ لا ياشيخ لا تمخصها عاد... ماصار لها 13 سنه..

نوري يكفخ وجهه ويصير يفرك فيه بكفه و يتباعد كم متر عن ابو خالد..

يوسف يطالع نوري خلعته الحركه

محسن يهمس ليوسف:

ــ هذا نوري اذا عصب يخفف غضبه كذا... لو مايسوي هالسواة من زمان كفخ المالك وكرفسه تكرفس...



داخل الأصنصير .. مصطفى .. متربع بجلسته وفي الزاويه ومسند راسه للجدار ..

ماسك علبة البندول بيده اليمين وكأنها كاس .. و عاصر عليها بالقوه..

العرق منه يصب .. وهو مابين الموتعي والفاقد للوعي ...

بهمس متقطع مابين الحين والآخر ينادي :

ــ دا..نه..



يوسف برى قلبه مو راضي يوقف عن النبض .. ونبضه مو طبيعي..

نبض خوف .. ترقب .. ويلوم نفسه كل دقيقه ويحس انه السبب لما كلم مصطفى و خلاه يجيب ليهم البندول...



الكل طلع من الشقه ماعدا شفيق المريض...

و صادق بالصاله مستحي من الكل....

وتوزعو اللي تحت واللي فوق واللي يتنقل مابين فوق وتحت ..

مابين امل و رجاء ودعاء ان الله يفرجها و يفتح هالأصنصير ...





ريماس تكلم غاده عالماسنجر...

غاده زعلانه وماليها نفس ترد..

ريماس :

ــ ويش فيش حاقرتني ؟؟

غاده :

ــ مافيني شي..

ــ شدابه...

ــ ويش تبغي؟؟

ــ بل يعني من غير مطرود اخلصي قولي اللي عندش وفارقينا

غاده ماردت..

ريماس :

ــ ويش صاير فيش خايسة نفس .. خايفه من الأختبارات النهائية باقي اسبوعين يا غناتي لماذا التوتر..؟؟؟ اذا ما جبتي نسبه زينه لا تخافي باأأمن لش واسطه...

غاده ماترد ..

ريماس:

ــ وحريقه .. تكلمي مين .. الدفش حسامووو؟؟

غاده ردت:

ــ لا : ( ياليت...

ــ اف اف .. عرفنااا لويه هالدفاشه... حسام مو شابك.. استر عليش وحشش هااا

ــ ما يكلمني ..

ــ ها.. لويه؟؟

ــ سالفه طويله..



ــ ويش صاير؟؟؟ لويه مايكلمش خايب الرجا.. قولي لي واراويش فيه...

ــ يقول مامني فايده.. ماعندي جوال ولا ني راضيه اعطيه رقم بيتنا... وهو مو تبع مسنجرات ذاك الزود.. فما بيفضى .. ولا بيكلمني الا اذا فتح المسنجر ولقاني راسله له رقمي ..



ــ اهاااااا والله انش عذبتيه عذاب ماتسوى عليه هالخمس دقايق اللي تكلميه بهم في هالمدرسه ولا بعد بصيغة انثى وبالخش وبالدس..

ــ : ( ويش اسوي .. ابوي وامي مو راضيين ياخذو لي جوال



ــ ابو التخلف درينا انهم يقولو ماله داعي .. سواق خاص عندش ومايتأخر عليش.. وكل محل تطلعيه نطلعه وياش .. وبيوت صديقاتش عندنا ارقامهم .. لويه جوالات !!عدااال.. ماعليش اني عندي جوال زايد جوالي القديم بدون كام .. و باخذ لش شريحه

ــ ويش تقولي .. لالا.. تبغي اهلي يذبحوني



ــ عبط مستفحل فيش انتين والا ويش .. ويش دراهم..

ــ كيف ويش دراهم..

ــ والله مايبغى ليها شي يالبقره.. حطيه صامت وهزاز وخشيه في غرفتش مو لازم تسوي اعلان ترى عطوني جوال..

ــ صدق ...

ــ صدقين.. خلاص بلا عبط بكره اجيبه لش..

ــ ياعمري ريماس الله لا يحرمني منش

ــ ايه حق تعرفي فايدتي...



ريماس في بالها اشياء و اشياء تبغى تعرفها من غاده..

ومفكره زين مازين شلون تسالها عنهم...

ريماس:

ــ غادوه.. فيش شي مميز..

غاده وبكل ثقه:

ــ عيوووني الحلوووه..

ريماس :

ــ مالت عليش .. خبله والله.. اقصد شي غريب يعني في جسمش .. مممم علامه فارقه هيك شي ..

ــ ممممممم لا مافيني شي غريب ... زي ويه مثلا يعني

ــ اني قايله انش بهيمه...

ــ داويش انتين كل تسبي فيني

ــ ههههههههههه احبش لأني..

ــ يعنووو

ــ زيي مثلا .. اصابع كفي اليسار الخنصر و البنصر طول بعض ..

ــ يووووو صحيح؟؟ ما انتبهت

ــ هههههههه ويش اللي يخليش تنتبهي وهي في ايدي اليسار... مممممم وزي مثلا الشامات... فيني في رقبتي من ورى شامه كذا قد الزيتونه...

ــ يوووووووو زي ماريوووو بس مو في رقبتها .. ماتبين انتين من شعرش كل منزل على رقبتش...

ريماس فتحت عيونها وشلقت بوزها شبرين..وفي بالها...

ــ وصلنا خير .|. والله انش عبيطه يا غادوه..

ريماس بتساؤل:

ــ وين شامتها ماريا..؟؟ ماشوفها تبين اذا مو في وجهها ولا رقبتها..

غاده وبعفويه تامه:

ــ في بطنها فوق سرتها على طول..

ريماس خلاص مهي قادره من الفرحه على هالمعلومات الخطيره:

ــ وانتين ويش دراش بها دي ؟؟

ــ ههههههه مره رايحين بركه اهلي وقالو لي اعزم صديقاتي فراحو وياي شهربان و ماريا.. وحنا نسبح شفناها وصرنا نتحرش فيها.. خبرش ماريوو بيضااا خخخ ماحد قال ليها تلبس بجامه خفيفه...وحتى شهربانو عندها وحده بعد فوق كوعها اليمين...

ريماس بأبتسامه خبيثه:

ــ اهاا شهربانو بعد

وفي بالها:

ــ لا دي مانبغى منها شي ...

احمد في امريكا .. طالع من الفندق اللي سكنو فيه... من بدري الصباح.. يتمشى .. مع موظف ثاني وياه ..

احمد وهو ياخذ نفس طويل:

ــ آآآه والله تعبنا باقي اسبوع و نخلص هالدوره .. احس كأنها من سنه..

ــ وحشوني اهلي وولادي ... اول مره اسافر هالكثر واتركهم..

ــ وحشوني انا بعد امي وابوي و اخوتي .. بس متعودين على غربتي خبرك ما اخذت كم شهر من تخرجت من الجامعه في الرياض..ولو اني كلما كلمتهم احسهم مخبيين شي عني والله العالم..

ــ احسن والله لا يحاتونك .. ولو اني متأكد انهم مستحيل مايحاتونك. ولا تقعد تهوس ياشيخ.. جوعاااان انااا

ــ نشوف الحين اقرب كوفي شوب ونفطر ..

وهم ماشيين وقفو عالرصيف بيقطعو الشارع للجهه المقابله... ينتظرو اشارة المشاه تعطيهم الضوء الأخضر....

لفت نظر احمد وهو يتأمل المحلات اللي بالشارع المقابل .. سام..

صار يتأمل فيه وهو واقف للحظه يحوس في جواله ..

السيارات اللي تمشي تمنع احمد انه يدقق النظر.. ومع ذلك احمد مستمر يتأمل..

الذهول مالي نفسه.. وفي باله:

ــ ناجي.. يشبه ناجي مره...

يطالعه من فوق لتحت بكل تفاصيله.. يطالع الشعر الطويل المربوط و اللبس الغريب بعض الشيء ... ويتأمل بصعوبه ملامح الوجه..

ــ لا اله الا الله يخلق من الشبه اربعين... !!! رحمة الله عليك يا ناجي ..

الأشارة صارت خضرا ... مشى الرجال اللي مع احمد خطوتين والتفت لأحمد اللي كان شارد و يتأمل ...

ضربه على خفيف عند ذراعه:

ــ شفيك ...!!

احمد :

ــ هاا.. لا مافيني شي ..

وهم يقطعو الشارع.. احمد:

ــ شايف داك الرجال اللي لابس القميص الأسود الجلد..

ــ وين هذاك اللي بدون اكمام !!

ــ ايه..

ــ شكله تبع عصابات.. شفيه؟

ــ يشبه اخو مرت اخوي .. متوفي..

ــ اهاا الله يرحمه.. على شان كذا شردت من شوي ..

مرو عالسريع ناحية سام اللي كان يكلم قيصر :

ــ بالعياده انت؟

قيصر منسدح ويفرك في وجهه:

ــ ايه وين راح اكون هالسا من الصبح ..

ــ أوه قعدتك يعني .. آسف..

ــ لا يابه .. شدعوه .. واحشني .. شكو ما وحشتك هالوقت كله .. لا اتصال ولا سؤال

ــ ههههه افاا.. لو ما وحشتني ما اتصلت و اذيتك... طيب كذا ربع ساعه وباكون عندك..

ــ عالعين والراس حبيبي حياك..

تصوير كاميرا مصوبه ناحية سام من مسافه بعيده بعض الشيء فما لاحظ سام الفلاش ..

(( شخص غريب يراقب تحركات سام اللي اخذ له الصوره .......))

شفيق .. قام من سريره .. طلع برى الصاله لقى صادق قاعد لحاله..

سأله عن باقي الجماعه..

صادق:

ــ الأصنصير مسكر على مصطفى .. وراحو يسعفوه..

شفيق :

ــ كان راكب لينا يعني؟

ــ ايه جايب لك بندول..

شفيق وملامح وجهه تبدلت .. مذهوله..

طلع من الشقه لقى قدامه على طول محسن و هاني و كاظم ..

البقايا كانو تحت مع الفني ...

كاظم :

ــ ويش اللي مقومنك .. توك منت قادر .. ارجع اخوك مافيه الا الخير ان شالله...

شفيق ولا كأنه يسمع كاظم..

نزل بالسرعه تحت وهو حافي ..

وصل تحت ... تلقاه السيد:

ــ شفيق ويش صاير؟؟ ويش اللي مقومنك. !!

يوسف راح له..

شفيق يمشي بهدوء ويتسند على باب شقة نوري ... وبهدوء:

ــ من متى و مصطفى داخل؟

يوسف بأرتباك وقلق باديين على وجهه بالقوه :

ـ من الساعه 7 المغرب ... صار له 5 ساعات تقريبا

نوري متوتر بالقوه خلاص طفح به الكيل

صرخ حد ماعنده:

ــ صارت نص الليل .. بنتصل بالشرطه يدبرو لينا حل .. مامنك انت وهالهندي فااايده...

ابو خالد:

ــ يابن الحلال بتودينا بداهيه و بندخل محاكم والسبب اصنصير .. بذمتك وش بيسوون بيجيبون فني هم بعد... اصبر وخل الرجال يشوف شغله...

نوري :

ــ اصبر .. اصبر لمتى... الرجال داخل لا حس ولا خبر صار له 5 ساعات .. ساعه وينتصف الليل .. وحضرتك احر ماعندنا ابرد ماعندك..

ــ وش تقول انت .. لو ابرد ماعندي بقعد لهالوقت معكم؟

ــ غصببببببببن عننننننك..

ــ تراك مصختها معاي

حبيب يحاول يهدي في ابو خالد ..

والسيد ويوسف ماسكين نوري ..

ومن الصريخ نزلو اللي فوق كلهم ....

نوري فلت من ايادي السيد ويوسف وتوجه لباب الأصنصير

وصار يطقه حد ماعنده:

ــ مصطفى.. تسمعني... مصطفى .. رد علي عاااد...

شفيق يتأمل نوري ..

وذكريات ترجعه لطفولته البائسة...

وابوه حابس امه في غرفه و حارمنه من حضنها...

ينتظر الوقت اللي يطلع فيه ابوه من البيت..

ويروح يطق الباب ببرائه .. عل وعسى تفتح له..

مايدري انها مجبوره ماهو برضاها هالأعتزال...!!

يذكر كيف كان يضرب في الباب ضرب بنفس طريقة نوري .. حد ماعنده.. ويناديها..:

ــ اماااه.. افتحي لي .. اماااه .. تسمعيني ؟؟!!

ولكن لا مجيب .. امه بالداخل تكون فاقده الوعي من بعد العنف اللي تعرضت له ..

شفيق .. خلاص في عالم ثاني... تشنج وهو واقف على باب شقة نوري ,... وعيونه شابحه ماترمش ...

نوري خلاص وصل حده توتر وخوف على مصطفى .. سند ذراعه على باب الأصنصير .. وحط جبهته فوقها .. وصار يتنفس بالسرعه و عيونه غرقانه بدموع يحاول يمنعها تسيل...

وبصوت اخف من اللي قبله:

ــ مصطفى.. بتطلع... بتطلع...

يوسف والسيد يمسحو على ظهر نوري يهدو فيه

وحبيب يهدي في ابو خالد قد مايقدر .. اللي ماسكت عن قولة مجنون << يقصد نوري..

شوي يرفع نوري قبضة كفه اليمين ويضرب حد ماعنده ازرار الأصنصير...

ــ اييييييه مجنوووون زين مجنوووون

طييييييييييييييييييييييط... صوت مخيف طلع.. انفتح باب الأصنصير..

ونزل الأصنصير بسرعه مو طبيعيه لتحت ..

و ارتطم بالأرض ...

الكل صرخ... وبسرعه دخلو يسحبو مصطفى اللي كان خلاص مو في وعيه...

يوسف وحبيب ونوري ومراد و أيمن و كاظم كلهم تعاونو على حمل مصطفى .. ..

يوسف ماشال عيونه عن ايد مصطفى اليمين وعلبة البندول شاد عليها كلما حاولو يشيلوها ما تنشال ولا فتح ايده...

وصلو باب الشقه وهو رافعينه ..

و ابو خالد معصب حده ويصرخ فيهم خربتو الأصنصير

محسن :

ــ بل عليك اللي يسمعك كان صاحي من قبل هو خربان

السيد بأستهزاء:

ــ الله يعينك بس على نفسك .. ما حاتيت الرجال اللي انحبس فيه خايف على اصنصيرك.. لا تحدني افضحك بكره في الجرايد..

ابو خالد:

ــ تفضحني.. هه ضحكتني ..

هاني وهو يحوس في جواله:

ــ اقول والله فوق شينك قواية عينك.... ترى صورت الموقف كله وماعندي مانع كلها ساعات وانشره باليوتيوب..

و فر جواله ناحية مالك العماره ... وفعلا هاني مايفوت أي حدث سواء سعيد لو حزين بدون ما يوثقه .. لزوم هدرته..

محسن :

ــ ههههههههههههههههههههههههههه تعجبني هاني cnn

ابو خالد خلاص يحس روحه في موقف حرج:

ــ لالا.. استعيذو من الشيطان ياجماعه.. ماحصل الا الخير .. تبون اتصل بأسعاف لجل خويكم انا حاضر...

السيد:

ــ روح بس تسهل بيتكم..

ابو خالد يكلم هاني:

ــ تكفى استر على ماواجهت..

هاني شالق بوزه شبرين:

ــ ان شــــــــــــالله بس بشروط..

ابو خالد وكأن العباره استفزته وبنبرة غضب :

ــ شروط بعد .. وش شروطه !

هاني يقلب في جواله:

ــ والله ... ايدي تحكني .. وودي انعنش اليوتيوب...

ابو خالد يحاول يتمالك نفسه وينسحب مع الهندي بهدوء..

شفيق على الباب وحالته حاله

نوري و بتثاقل:

ــ وخر عن الباب..

شفيق ابدا ما كنه يسمع...

نوري :

ــ وخررررررررر

ويدف شفيق على جنب...

شفيق طاح عالأرض ... ولسا شابح ..

شوي صار يشاهق بتسارع وبصوت عالي ...

يوسف ترك مصطفى .. اختل توازن الشباب شوي بس قدرو يدخلو لداخل الشقه وهم حاملينه

ركض لشفيق وصار يحاول يرفعه عن الأرض ..

محسن وهاني والسيد ركضو لعند يوسف وشفيق

محسن :

ــ ويش صاااير ؟؟ ويش فيه ..

..

شفيق مايرد عليهم

يوسف وكأنه عرف ليش شفيق كذا...

يحاول يشيله بس شفيق متيبس ...

هاني وبعفوية المعتاده :

ــ ويش اللي مطلعنك وانت مريض .. هالوقعه دي كلها صارت على شانك.؟..

شفيق بجمود مو طبيعي.. يوقف من بعد ماسمع كلام هاني..

يوسف ماسك ذراعه..

شفيق يسحبها بهدوء وبهمس:

ــ خليني..

ويركب الدرج .. درجه درجه وايده تمسح الجدار و البال مشغول...

محسن يهمس لهاني بقهر:

ــ ماتتوب عن الهدره لو بتووب تبت

.

دخل يوسف شقة نوري يتطمن على مصطفى وويش سوو وياه..

لقاهم جابو له عطر و بصل ...

ونوري فوقه يشممه ويسطر خدوده.. ويرشح وجهه بالماي ..

حبيب:

ــ اذا مرت عليه عشر دقايق ولا اوتعى بنتصل اسعاف ..

مرت عشر الدقايق

نوري ماتحمل قام وراح الغرفه بيتصل بالجوال للأسعاف...

شوي فتح مصطفى ..

ايمن صرخ:

ــ آآآآآه الحمدلله فتح .. فتح..

مصطفى وبتعب:

ــ ويش صار..!!

نوري يرجع طيرااان و يمسك مصطفى من بلوزته ويقعده قعود.. و يسحبه لعنده ويحضنه فرحان:

ــ مافيك شي .. مصطفى متأكد.. الحمدلله .. الحمدلله

هاني مبتسم ويهمس لمحسن:

ــ نوريو يحب مصطفو واجد .. شوف كيف فرحان به زي الجهال

محسن:

ــ يستاهل صطيف ... والله ماقصر فينا هالموقف خوفنا عليه.. وتووب عن الهدره توب

بس هاني مايقدر .. يرجع يهمس لمحسن:

ــ انت مو نوري اللي تستغرب منه.. شوف ايمنووو...

ايمن كان مبتسم ابتسامه مو طبيعيه وفي عيونه دموع محتبسه

هاني وفيه ضحكه مو قادر يحاول يحبسها..

وبالجوال صور وجه ايمن ... وصار يساسر محسن وهو يضحك:

ــ بكره نمسكها عليه هالحركه خخخخخخخ

محسن:

ــ ماقول غير خلف الله عليك يا ضبيعه..

يوسف :

ــ الحمدلله على سلامتك مصطفى... خوفتنا.. كل مني يوم اتصل و اقول لك جيب هالبندول ما يسوى عليك والله

مصطفى ابتسم و انتبه لأيده .. ترك العلبه وكانت مخفسه تخفيس...

محسن يمزح ويضرب ضربات لأيمن شهق شهقه:

ــ انطحنو الحبات...

مصطفى يفتح الكرتونه الا يتنفرو كم حبه طلعو من الشريط حقهم..

شوي الا الشريط فاضي و تقريبا 8 حبات بندول مكشوفين اللي طاحت غير اللي انشق القصدير فوقها..

نوري يشيلهم ويحطهم في نشافه..:
ــ هههههههه ما شالله عليك مره طردتهم من بيوتهم كل ابوهم...

محسن:

ــ الحين شفيق بتكفيه حبتين بالكثير 4 .. الباقي درام .. مو زينين مكشووفين في الهوااا

ايمن ساكت و منقهر من محسن اللي قاعد يتحرش فيه ..

هاني وبعفويه وبدون قصد...

ــ ايمن اللي يبقى لفه بقصدير .. واستخدمه بعدين .. ولا تخلي في القلب حسره..

ايمن فقد اعصابه وصرخ فيهم:

ــ خلااااص ... ويش انت وياه.. ويش شايفيني ؟؟؟ .. صار ليكم ساعه وانتون تضربو ضربات.. عديمين حياء لهالدرجه اللي يبقى اخذوه ...

وترك المكان .. دخل الغرفه و صفق وراه الباب

محسن منصرع من رد فعل ايمن اول مره يصرخ كذا...

هاني حس روحه مصخها .. فظل واقف ومرتبك

بقية الشباب متسائلين و مو فاهمين ويش صاير

مصطفى ونوري الوحيدين اللي فاهمين فيهم...

نوري بهدوء:

ــ انا لله ماصارت دي بندول اللي جابت لينا هالسوالف كلها.. خذ اخوك فيه العافيه ان شالله

يوسف ياخذ النشافه وفيها البندولات.. ويحس بالذنب على هالطلب:

ــ الله يعافيك ماتشوفو شر ..

وانسحب هو ويا ربعه من الشقه بيركبو شقتهم...

حبيب و السيد و كاظم تقدمو ..

يوسف بتباطؤ كان يركب الدرج و سرحان يفكر..

مراد حس عليه .. وصار يتباطئ وياه...

مراد..: ــ كح..

يوسف ابدا هدوء...

شوي يوسف وبهمس:

ــ لو مخلنك تجيب بندول من الصيدليه واجد احسن

قريب يوصلو آخر الدرج..

مراد:

ــ اخوك ترى الذنب مو ذنبك الله رايد لكل هالشي انه يصير ...

ويضرب كتف يوسف وبتشجيع:

ــ طيبة قلبك غامره الكل .. استحاله احد يلومك او يسيء الظن فيك ..

ويدخل الشقه..

يوسف ابتسم وحس بالراحه شوي...

مراد شابك كفوفه ورى راسه و قاعد يدور بالصاله و مغير صوته يسخر:
ــ يوعااان انا و تعبااان ولا اصدق احد مثلي...... ما تعشيناااا .. ويش ودكم تآكلو... بانزل اقرب مطعم لو بوفيه..

حبيب يمسح على دبته:

ــ ايه والله ترى ما تعشينا وانا اقول المحروسه حق ويه تصاوي

كاظم :

ــ هااااا .. مين المحروسه ؟؟

السيد:

ــ هههههههههه دبته ياحظي

كاظم بتساؤل اعظم:

ــ تصاوي ؟! دبه تصاوي ؟!

حبيب:

ــ استر عالفصيح... اجل ويش تقول

كاظم وبعد تفكير لثواني:

ــ تقرقر.. تقرقر من الجوع..

الكل مات ضحك عليه..

مراد :

ــ تقرقر عاد.. لا بالله تصاوي اعدل .. لويه تقرقر

كاظم وهو مصر على رايه و يتحلطم:

ــ ايه .. الصوت يسوي .. قررررررر.. مو صووووووو

حبيب يفكر:

ــ قر لو اعترف ههااااي.....

كاظم يطالع حبيب على جنب وبهدوء:

ــ بــايخ....

حبيب شالق بوزه شبرين:

ــ خخخ..بيني وبينك.. اول مره تقول شي سليم..

كاظم :

ــ وجع في بطن عدوك..

السيد يصفق وهو يضحك..

ــ اول مره يسبك بالعربي هههههههههههههههههههه

حبيب يطالع كاظم على جنب:

ــ اشوى بعد عدوي..

يوسف يضحك وياهم ...وشوي تذكر شفيق ..

دخل الغرفه يشوفه .. مالقاه...

سمع صوت دش الماي في الحمام.. فتوقعه يسبح...

كل واحد طلب له حاجه ياكلها.. وجمعو فلوسهم,..

مراد:

ــ عاد ياشباب لا تتأملو خير .. الوقت متأخر و احتمال كل المطاعم والبوفيات مسكره .. مشينا ابو يعقوب..

يوسف ماكان متوقع ان مراد يبغاه يروح وياه .. فما رفض :

ــ ايه احتمال ترى نرجع ليكم بمعلبات...

كاظم:

ــ عساه اندومي ماشي حاله متنا جوع..

حبيب:

ــ الله يقرفك.. في المشمش تأكلنا اندومي..

كاظم:

ــ مشمش !؟ شمعنى المشمش..؟؟

حبيب :

ــ ويش مدريني .....

وطلع يوسف مع مراد

قيصر يغمس الكماج في كاس الحليب وياكل ...

ــ ولك يابه مافي احسن من الكماجه .. على هالصبح تروقك ترويق ..شكو ماكو...

سام يقلب الكماجه في كوب الحليب كأنها ملعقه .. لين ذابت..

قيصر :

ــ سامي .. شبيك ؟؟ اسايلك شكو ماكو ماترد..؟؟

سام :

ــ ها...

قيصر ينفض ايده:

ــ لاااا .. اليوم انت مو على بعضك.. ما خابرك هـيـچ !

سام :

ــ تطلع وياي ... في خاطري كلام واجد وابغى اقوله..

قيصر :

ــ ان شالله خير.. ايه اطلع .. خلينا نمشي هالسا الهوا يشرح الصدر..

وطلعو من العياده يتمشو في الطريق ....

سام متردد في الكلام مع قيصر..

قيصر ساكت عنه فاهم عليه انه متردد ومايبغى يضغط عليه وقت ماحب يتكلم يتكلم..

وصلو متنزه .. قعد قيصر على احد الكراسي .. وقعد سام جنبه..

سام يفكر في باله:

ــ كيف راح ابدي الموضوع.. ويش باقول له.. انا عضو في عصابة نشالين و محتالين كبيره.. ولا بعد ابن متبنى لزعيم العصابه... معقوله بيظل وياي بعد ما اقول له هالحقيقه.!!. وين اروح انا؟ تعبت نفسيتي .. تعبت والله

قيصر يراقب سام اللي كان شارد و ماسك بنطلونه و شاد عليه عند الفخوذ ..

قيصر يحط كفه على كف سام وبهدوء:

ــ.. إن چنت رايد تحچي هالسا لو في وقت ثاني ... تأكد إني ابسمعك..

سام و اعصابه المشدوده ارتخت شوي ..

قام:

ــ بروح اشتري لينا شي نشربه..

ومشى عن قيصر يدور اقرب ثلاجه..

مصطفى بعد الدوخه اللي حصلها سبح ونام على طول ..

محسن وهاني حاسين بتأنيب الضمير ناحية ايمن... ويلومو روحهم ...

ويتمنو انهم ما تحرشو فيه قدام الكل..

ايمن منسدح جاينه ارق .. ويفكر ...

ــ ليش ما احد يفهمني.. والله اني خفت على مصطفى اكثر من أي شي .. ليش دايما يدورو السلبيات في كل المواقف ضدي .. والله ماكنت افكر بشي ساعتها غير مصطفى وسلامته.. ليش يطلعوني دايما البخيل اللئيم عديم المشاعر... كرهت هالحال .. وكرهت نفسي ...

في شقة حبيب ...

كاظم يبغى يدخل الحمام..

ــ اوووووووو .. عاد شفيق في الحمام يسبح... ابغى ادخل انا.. اففففففففف

السيد :

ــ قوم طق عليه الباب...

كاظم:

ــ شدعوه ااذا طقيت عليه بيطلع على طول..!!

حبيب :

ــ الا وين صادق ؟؟؟

السيد:

ــ أي والله نسيناه..

كاظم :

ــ هالمنسي .. شوفه في أي زاويه مندعس بكتابه..

الا بفتحة باب الحمام و صادق يطلع..

الكل فتح عيونه.

كاظم:

ــ انت اللي في الحمام ؟!

صادق مو فاهم شي ...!؟

السيد دخل غرفة شفيق مالقاه موجود..

راح غرفتهم هو وحبيب مالقاه .. الصاله كذلك..

السيد :

ــ ياساااااتر وين راح دا.. يوسف قال عن حساب هو اللي يسبح !!

صادق فهم السالفه.. وبهدوء:

ــ اهاا.. شفيق مختفي .. وتفكروه في الحمام..

يسكت شوي ويكمل بنبره تخفي قهر:

ــ اما انا ما سألتو نفسكم رجعتكم من برى ويني ..

كاظم:

ــ مو وقت العتاب.. وين راح؟؟ حالته ماكانت طبيعيه..

ماشافو الا صادق ينفجر فيهم:

ــ حالته مو طبيعيه.. يروح مستشفى النفسي .. ولا يأزمنا معاه.. ويش جايبنه الرياض يدرس .. طلعتوني اليوم على شانه.. جبان.. اناني .. استحقرتوني بما فيه الكفايه.. ونسيتو وجودي وياكم .. اساسا وجودي من عدمه.. يلعن دي عيشه وياكم..

ويرمي الفوطه اللي كان ينشف فيها شعره عالأرض

ويدخل الغرفه و يصك الباب...

>> ليلة الحمسانين وياليل ما اطولك ... >> خارج النص :toung:

الكل منذهل من رد فعل صادق ..

السيد:

ــ قسينا عليه واجد شكلنا..

حبيب:

ــ الله يهديه عاد يقدر الموقف .. والوضع...ماله داعي هالأنفعال دا كله..!!

كاظم:

ــ خله يولي .. اتصلو بيوسف ومراد خلهم يشوفوه بطريقهم يمكن طلع يتمشى...

السيد وحبيب يطالعو في كاظم..

كاظم بضحكه مرتبكه:

ــ ويش فيكم تطلعو؟

غاورو عنه وطلعو يشوفوه عل وعسى يلقوه عند باب العماره لو في مكان قريب...

ولما ما لقوه..

كاظم:
ــ اسااسا نعاله في الشقه ... يعني ماطلع الا اذا طلع حافي
حبيب ماسك شعره ويشد عليه:

ــ ويش هاليوم المنتحس من اوله لآخره.. علي ياعلي ياعلي

السيد:

ــ يبغى لينا ندفع بلاء .. مو طبيعي اليوم ابدا..

حبيب :

ــ ولو اني مابغى اخلعهم.. بس خلهم يلتفتو يمكن يلاقوه يتمشى زي ماقلتو..

واتصل على يوسف..

يوسف نسى جواله بالسياره و نزل هو مع مراد لمطعم ...

وبين ما حبيب يتصل .. مر واحد عربجي وشاف الجوال يولع ويطفي داخل السياره..

تقرب بهدوء .. الوقت متأخر ومافي احد زحمه ذاك الزود...

فتح الباب وكأنه راعي السياره...

خطف الجوال وانحاش به..

حبيب:

ــ لم يتم الرد.. شكله صامت الله يستر ... اشوف مراد..

واتصل على مراد ..

رد عليه :

ــ هاا ابو الحب ويش صاير؟

حبيب:

ــ ماشفتو شفيق بطريقكم؟؟

مراد بأستغراب:

ــ شفيق !! ليش وين راح

يوسف التفت على مراد بأستغراب..

مراد:

ــ اها.. زين.. اوكي... حياك..

وسكر ..

يوسف :

ــ ويش فيه شفيق ويش صاير؟

مراد :

ــ يقولو مو بالشقه واللي كان يسبح صادق..

يوسف فتح عيونه:

ــ اووووه.. وين راح..

ــ دورو عليه بالشقه مالقوه يقولو رجعتنا نشوف يمكن بالطريق

يوسف يضغط على راسه :

ــ يــــــالله ويش هاليوم..

ــ هدي اخوك هدي

ويدفع الفلوس ويشيل الأكل ويطلعو ..

ركبو السياره .. ومشو وهم يراقبو الطريق .. يمين ويسار ماهم شايفين اثر ...

سام رجع لقيصر حامل علبتين عصير ..لقى واحد يصور قيصر ...

تعجب سام من امره ولما تقرب وانتبه الرجال ان سام لاحظه.. سوى روحه ما يشوفه وتوجه الى اطفال كانو يلعبو مقابل سام... و كلمهم بالأنجليزيه طبعا:

ــ هيا يا اطفال اريد ان التقط لكم صورة جماعية الآن..

الأطفال مستغربين بس ويش وراهم .؟

حاصل ليهم واحد بيصورهم وهم موتهم التصوير..

صفو طابور .. و عطاهم صوره..

قعد سام جنب قيصر وهو لسا مو متطمن.. ليش الرجال شمل في الصورة الأوليه قيصر.. كان يقدر يتعداه ويصور الأطفال وهم يلعبو بشكل اوضح..

حاول يطنش الموضوع.....

فتحو العصير ثنينهم مره وحده... << كان علبه معدنية مثل الببسي

قيصر :

ــ هههههه قلوبنا على بعضها .. مافرق توقيتي عن توقيتك ولا بثواني
ابتسم سام وبهدوء و بالأنجليزيه:

ــ اتسائل ما اذا ستكون قلوبنا على بعضها حتى النهايه ؟

قيصر وهو يشرب .. نزل القوطي وبأستغراب:

ـ ها؟؟ شبيك يابه تحـچـي وياي انجليزي .. قيصر آني .. عراقي .. ايه ان شالله راح يكون للنهايه .. ليش لا..

سام وبالأنجليزي:

ــ اتطلع لذلك حقا..

قيصر يضرب راس سام من ورى على خفيف...

سام بأبتسامه يرفع راسه للسماء و ايضا بالأنجليزيه:

ــ ربما لم يحن الوقت لأفصح عن مكنونات نفسي..

قيصر يحاول يكون بارد الأعصاب .. ويرد عليه بالأنجليزي:

ــ حسنا.. كما تشاء..

وفي باله:

ــ مارايد إشي بحياتي في هالوقت كثر ماني رايد اعرف شنو يدور في راسك ياسامي ...

وصلو مراد ويوسف الشقه ولا شافو اثر لشفيق..

دخلو بالسرعه..

يوسف :

ــ ماجى.. ماشفتوه..؟؟!!!

حبيب وقف ومنصرع:

ــ يعني من صجكم ما بين !! وين راح دا..

يوسف :

ــ حالته ماكانت تسمح له يطلع.. انا خايف عليه من....

وسكت يوسف..

مراد فتح عيونه... وتذكر الرجال اللي اذوهم في المنتزه..:

ــ لا عاد.. ويش جيبهم لهنا.. !!

السيد فهم عليهم...

ــ شدعوه بيلحقونا .. ماتوقع.. الله يهديه شفيق تلاقيه قاعد في مكان قريب .. بالهداوه ندور عليه كلنا وان شالله بنلاقيه..

عبدالستار .. والنوم مجافي عيونه ... تفكيره مشوش ومشغول ..

مابين اخوه و طليقته...

شغل الكمبيوتر وصار يتصفح المواقع .. لفت نظره خبر ...

مقتل الشابه : ابرار...... واحالة زوجها احالوه للمحكمه للتحقيق بشأن ذلك..

ارتبك عبدالستار و صار قلبه يراقع...

دخل عبدالستار الموضوع.. وصار يقراه... وبين الكلام ان الزوجه كان اسمها ابرار بدون ذكر اسم العايله.. وانها مطلقه مسبقا و تعرضت للعنف المنزلي نتيجة شكوك زوجها الحالي في شرفها...

عبدالستار مو مصدق الخبر.. !!

دخل احد منتديات القطيف .. قسم الوفيات... وصعقه موضوع..

(( انا لله وانا اليه راجعون.. انتقلت الى رحمة الله الشابة السعيدة ابرار آل ... الفاتحه على روحها ))

صار يذكر اللي سوته فيه وكيف عذبته و آلمته و حطت من رجولته..

يذكر كلام ابرار و استنجادها به..

مسك جواله مو عارف ويش يسوي .. مرتبك حده.. انتبه للزاويه من فوق رمز الرساله صغيرون.. دليل انه وصلته رساله بس ما انتبه ليها ولا فتحها...

دخل الرسايل وفعلا كان فيه رساله جديده من 3 ايام تقريبا.. ومن ابرار..

عوايده يمسح رسايلها بدون قراءه..

بس هالرساله لا شعوريا فتحها...

ولقاها...

كاتبه كلمتين فقط..!!

كلمتين... هزت وجدانه وكيانه و خلته دموعه تسيل

((حللني..

وبيحني...))

انهيار تام في نفسيه عبدالستار... يحس نفسه مو بالدنيا...

شوي الا يسمع برى صوت فتحي اخوه يِرَجّع ..

طلع له لقاه في الحمام والباب مفتوح.. و حالته حاله ...

وبعد ماخلص بيطلع .. مسكه عبدالستار ورماه عالأرض ..

وصار يهدر عليه ويصرخ فيه..

ــ اصحى من اللي انت فيه... ويش هالحياااااه..

وشوي قام يضربه ضرب بلا وعي ولا شعور..

وفتحي عالأرض بس يتأوه.. يتألم .. وشوي يضحك..

مو قادر يفوق من حالة السكر والمخدر اللي واصل ليها..!!

الا بطلعة امهم على صوت الأزعاج.. قريب اذان الفجر..

مسكت عبدالستار تحاول تبعده عن فتحي..

صارت تصيح وتصارخ فيه يوقف عن الضرب والشوت والدوس في اخوه..

بس عبدالستار يزيد.. ضرب وضرب

وامهم مهي فاهمه ليش هالدرجه معصب فيه..

تدري فتحي يسهر لآخر الليل

تدري به يشرب معسل

تدري به ما يشتغل عدل ويصرف فلوس

رمت روحها على فتحي اللي بدى الدم يطلع من وجهه... وصارت تصيح و تصرخ بأنفعال على عبدالستار:

ــ ليـــــــــــــــش .. لأنه مو خليصك تسوي فيه هاللون.. على شان انت الكبير بتصير الكل بالكل علينااااا... خلاص بتذبحه... قلت لك كلمه لا يسهر لا يبذر مو تضربه وتقضي عليه.. انعدم حسك... ماعندك احاسيس .. كذا الرجوله في نظرك..!!

ماعندك.. احاسيس .... والرجوله

هالكلام.. زاد الوجع في قلب عبدالستار... تلازمت وياه كلمات ابرار وهي تندفع عليه بوقاحة طالبه انه يتركها في حالها بعد الخيانه:

: ــ بــــــــــارد .. ماعندك احاسيييس .. حجررر.. تعبت منك .. من خجلك هذا.. اني مرتك مو غريبه عليك.. ليش تعاملني بهالطريقه.. ما احبك اني .. مـــــــــــــــا احبك.. ما احسك رجال ابدا..

تسارع انفاسه المتعبه بعد الضرب تباطت... وانسحب بهدوء ...

دخل غرفته .. سكر الباب عليه وتسند.. ظهره يزحف على الباب ببطء وألم لين ما جلس عالأرض يصيح من جد .. وبحرقة قلب ... والدموع على خدوده تشهد واقع الألم اللي ساكن نفسيته..

في الرياض ..

كل الشباب صاحيين وبالصاله..

الأكل برد.. ولا احد لمسه..

الكل تعبان و مرتبك وخايف..

مو عارفين ويش يسوو..

يوسف:

ــ نتصل بالشرطه على هالحاله نبلغ عن مفقود...

حبيب:

ــ كبير هو مو جاهل اكيد طلع محل بتصير لينا سالفه اذا اتصلنا..

السيد:

ــ صلو على محمد ياجماعه.. نمهل لبعد صلاة الفجر ماباقي شي .. واذا مابين نسويها ونتصل بالشرطه.. شفيق صحيح كبير بس كان وضعه مايسمح له يطلع بهالليل..

وبعد ساعه...

اذن اذان الفجر..وبعد ماصلو..

يوسف ماقدر بأنفعال:

ــ نتصل بالشرطه .. خلاص تعبت اعصابي... جواله هنا موجود .. ومافي طريقه نوصل له بها... وحالته حاله..

حبيب :

ــ خلاص خلاص اخوك بتصل انا...

ودق حبيب عالشرطه يخبرهم ..

الشرطه استغربو كونه كبير ومفقود.. وبعد ماشرح ليهم حبيب حالته تفهمو الموضوع وطلبو صوره له على شان البحث..يجيبها مقر الشرطه

راح يوسف يركض الغرفه .. فتح محفظة شفيق و اخذ بطاقة الأحوال حقته.. وعلى طول طلع مع مراد متوجهيين لقسم الشرطه...

يوسف بلا جوال .. منسرق ومادرى به..

مراد نسى جواله في الشقه ...

كاظم بعد ماطلعو:
ــ اف انا مانى طايق روحي باقوم اسبح ماسبحت من الربكه اللي صارت لينا اليوم

حبيب والسيد:

ــ أي والله حتى حنا نسينا عمرنا..

كاظم:

ــ انا اول واحد..

ودخل كاظم الحمام...

فتح الماي .. سبح شوي زين .. وبعد ماحط الشامبو .. وقف الماي..

كاظم:

ــ اووووووو لا حول..

فتح باب الحمام:

ــ ابو الحب الماي خلص .. عفر تروح تفتح لينا الخزان الأحتياطي على ما بكره الصباح نكلمهم يجي ابو خالدو الدفش يشوف لينا صرفه

طلع حبيب من الشقه وهو يتحلطم:

ــ زين بعد دي ثالث مره يخلص الخزان ويجي يهتم فيه مو سالفة ألأصنصير بعد...

ركب حبيب السطح...

وتوجه للخزان بيفتح الماي

الا يسمع صوت ونين...

الى الملتقى.

جزء كئيب حزين مؤلم

والله اني هذي ريماسوه خايفة منها صحيح إن لم تستحي فافعل ما تشتهي ذكرتني بهاديك الي في مسلسل أشواك ناعمة نسيت اسمها يلعن ابليس

ننتظر الجديد بأمل وتفائل بأن غدا سيكون أفضل من اليوم

وكالعادة تقولين الى الملتقى ونحن نقول متى الملتقى

تحياتي لك

اللهم صلي على محمد وآله الطيبين الطآهرين ،،

وي على قلبي مصطفى ،، مسسكين علق فيه الاصنصيد ،، آشوآ فتحححح ،،

شفيييق مسسكين ركب وقعد يونون فوق ،، مسكين ،، فقيل دم هانيووو حق ويه قاله كذ ـآ ،،

احمد يــآآربي يرجعه بالس،ـــلآمه ،، ممممممم ،،

سـآمي > سآم < فششش ألبك > كف ههههههآي ،، قول لقيييصر

يوسف /،، يؤؤؤ مسكين بآآقو جوآله وهم ياغافلين ليكم الله ،، > )=

آبرآر | ويييييييييييييييييييلي علييييييييييش رحمش الله

عبد الستـآر | حرآم تهئ تهئ مـآتت ابرار ويجي له فتحيوو الدفشش ،، نـآقصنهم


مـآريـآ : وووونهي !! لييه مـآجبتيهـآ مـآتحلى الروآيه الا بشبقتها مع ودآدوو > لـآيككككثر

,, صـآدق " يؤؤؤ اول مرههه ينفعل هيك ،، بسسس ينططم هو احسسن > *_*

ايمن " يؤؤؤ صدق مسسكين حرآ’م فششلوهـ مـآعجبتني مـآهقيتها منهم يفشلو ؛_؛

>>~

آموووره آبدأإع ،،

تسلمييي
و
دآمت انآملك الذهبيه قلبو

يعطيكِ الف عافيه غلاتي
وكل عام وانتِ بألف خير

تهيء تهيء
طـآأإعون ‘‘ جـآأإأني أإكتئاب
مسكييين عبد الستاأإأر ..
مسـآأإكين كلهم
جزززززء روعه
سـآأإلمه من كل شر

مصطفىآ:الحمد لله يآربي زين انه فتح..!؟
صآدق:كسسر خآطري مآآآآره ..!؟
سآآآم:والله اشك انووو هذآ الي صوره ورآه مصيبه
عبد الستآر:زين والله افتك من القلق ابرآرووو<<<حقوده...؟
يوسسف:مسكين سرقوآ جوآله...!؟
مرآد:لآشكـــله اهتداء...!؟
شفـــيق:مسكين عورني بفآدي<<<<يآحنونهـ أنتي..!؟
هآآني:حآقده عليه .....!؟
يسسلمووو أموره ع البآرت....نآآآيسس مآآآره....!؟

يعطيش العافية على البارتات الحزينة اليوم

يومهم هذا من مصيبة لمصيبة الله يكفينا الشر

موفقة في اختباراتش يارب

ويلي ويلي عليك ياشفيق
اموره ويش اقول ويش اخلي
لو اقعد من اليوم لبكره
واني اشكرش مافي فايده
يسلمو ع الجزء والله روعه
بانتظاركـ
تحياتيـ ..

>>صوت الأنين صادر من شفيق

ان شاءالله البارت الجاي يسكر أبواب فضولنا

///

اللهم صل وسلم على محمد وآل محمد وعجل فرجهم وفرجنا بهم ياكريم وألعن من آذى فاطمة

علي ياعلي...وش هاليوم المنحوووس عليهم من حاجة لحاجة مو بس عليهم البارت كله مفاجئات ...

أول شي مصطفى حمد لله على سلامته عور قلبي بقوووة...

ونوري ....ياعيني ع الأبضاااي.....

شفيق تعاطفت معاه بقوة..وصادق كسر خاطري لأن معه حق بكلامه بس مااختار الوقت المناسب..

هذا بارت الزعل وبارت السرقة ...وبارت الموت والمفاجئات

يوسف ياغافلين لكم الله....سرقوا جواله وهو ولاداري من هالبهدلة اللي صايبتنهم

يمكن مزح الشباب عادي لو بوقت ثاني مع أيمن بس لأن هالوقت الكل منفعل وخايف على مصطفى فيطلع الانفعال ع الأصول ولاأحد يتقبل الكلام اللي ينقال له.....وتصير ردة الفعل عكسية >>ماطلبوا منك تحللي...:toung:

ريماسوو نحاسوووو ..وش هالبنت ديي استغفر الله ربي خلتني اغلط :embarrest:..اكيد بتخلي رجال يكلم عبد الاله ويقول له عن هالشامة اللي في ماريا وكأنه استغفر الله له علاقة فيها .....أعوذ بالله وش هالأفكار>هذي توقعاتش مو الأحداث ترى :toung:

أبرار ماتت ياعلييي وآخر رسالة كأنها حاسة إنها بتموت يعني........

عبد الستار انفعل بعد >اقول لكم بارت الانفعال...

بس غمضي يستاهل ماجاه ..لكن لاحياة لمن تنادي....

أحمد يصير له سام يعني.............!!:weird:

يعني سام يصير أخوي أماني وماريا وحسن ويوسف.....!!!!!!!!!!!!!!!!!!!!!!!!!!!!!!


:wacko:معقول جى هالطاري قبل وأني مضيعة

أما فقرة لما سام شاف اللي يصور هالمجهول...

ولما راح المصور يحاول يصور الأطفال والأطفال متفاجئين ضحني هالمشهد....اقصد هالموقف...

أكيد اللي سمع ونينه حبيب هو شفيق بس المشكلة يوسف جواله انسرق..والباقي ماحملوا جوالاتهم

امممم هدرت واجد احس...

حبيبتي أمور تسلم الأيادي ياااارب ويسلم عقلك وفكرك العميق...من جد الباااارت حمااس بشكل غير طبيعي..

يعطيك العافية يارب ..

وموفقة في امتحاناتك ان شاء الله...

مقضية حوائجك يالغالية ببركة رب العرش وأنواره..

دمتي بعين الاله مُحصنة

متى الجزء الجديد

مرحبا
الله يحيي التواجد الحلو
والتعليقات الروعه...
ربي لا يحرمني هالتواجد..
والله عسل .. و تعليقات مذهله
شي يصيب و شي يخليني اضحك من قلب

بالنسبه للجديد
راح يكون بأذن الله خلال الأسبوع القادم
وبطول الجزء السابق..

:) لأني ابغى اخلص الروايه في اقرب وقت ممكن
فبتقل عدد ايام تنزيل البارتات... وبالمقابل بيزيد طول البارت
تماشيا مع ظروفي و اوقات اختباراتي

الحين عندي التزامات اخرى بالمنتدى اخلصها خلال هاليومين :wacko:

لا عدمتكم يارب
دمتم بخير
وبحفظ الرحمن

خوذي رآآحتك غنآآآتي....
بإأإأإأنتظـــــــــــــــآآآرك.......