ماعرفتوني .. كثر .. ما عرفني ..

جزء رووووعه

عن جد

اميرة غير

بلا جده بلا بطيخ

خخخخخخخخخخخ


بس حبابه عفر بس اني الي صرت اتصيد اخطاء رؤى


شرك = شلك

بنتظااار الاجزاء القادمه

بس ها انتبهي على نفسش بلا سهر


<<<<<<<<<< اسمع من ينصح

خخخخخخخخخخخ


دمتـــــ بود

يسلموووووووووووووووووووووووووووووووووو امور
اني خلاص بصيح اهئ اهئ بصير تواجدي قليل كل من هالمدارس
اكره المدراس
يسلموووووووووو امور هالجزء الروعة
ولاعاد فارس يوم يتفقد نبضها
يسلموووو خيتو عالجزء
تحيااااااااااتي

من طول الغيابات جاب الغنايم
جزء روووووووووعه ذكرني بحالنا يوم كنا في ثالث ثنوي بس اني الحمدلله ماصابني لا إغماء ولاشي <<<تحكي قصة حياتها
لاوهادي المتفرغه ايمانوووووووووه تغازل ايام اختبارات
يالله ننتظر الجزء الجديدلاتطولي واجد

عوافي عليك خيتي اميرة..

صار لي كم جزء امر عليه واقراه بالسريع من زحمة العمل وما يكون فيه فرصة للرد

لكن لتعلمي خية كلنا هنا موجودون بين احداث قصتك وابداعك الرائع والمميز..

يعطيك الف عافية ولك من اجمل تقدير والطف تحية

ياسر

مشاء الله والله وصارت تطورات يا برنس فاني

والله وطلعتي فنانه

اقول لش شي تدري في وقت غيابي كنت اذخل قصتش اقراها واطلع

الله حركات

كان ودي اتصيد عليش بس الاخوه ما يقصروا

يسلموا على الجزء الحلو وبانتظار الجديد خيتو

اخوك

امير العاشقين

ــ ولااا تخيل بعد شدخت ضبعه بقوطي بيبسي بالزرنوق شتته عليها شوته ولا ماردونا يسويها.. خفست وجهها تخفيس..
ــ احلللف ههههههههههههههههههههههههههههههه ويلي اكيد سويت بوجهها دوار لو شارع رايح جاي من قوة الضربه..
يسلمووووووووو أمووووووووور يامبدعة
الله لو يصير مسلسل اني ابغى دور رؤى
بس الله يعيني اذا انتهى المسلسل
لساني بينقلب من حرف الراء خخخخخخخخخخخخخ
موفقه يارب

يسلمووووووووووووووو اموووووووره على الجززء الرووووووعه

السلام عليكم:::


هلا أمووورة

شأحوالك؟؟

آآسفة حبيبتي اني كنت أقرأ من ورااء الكواليس بدون ما أرد عليك>>>> أدري ودك تعطيني كفوف معتبرة>> أستاهل

بس ترى المسامح كريم :)

بس المشكلة أن قصتك أو قصتينك راائعة وما تستاهل رد والسلام

وكل جزء أقول الجزء اللي بعده أكتب لي رد عدل ويجي الجزء الثاني وأقراه وما يكون لي نفس أكتب عدل


بس اليوم قلت لنفسي استحي على وجهك وردي يا بنت


كأني قلت قصة حياتي :)



عالعموم الرواية فوووق الرووعة

ووصفك للمواقف والأكشنات تماااام وحللو ويخلينا كل أشوي نتحمس للجزء اللي بعده أو الموقف اللي بعده
خصوصا وصفك للامتحانات ورهبتها أنا ما بعد تجي الاختبارات وقاعده أحاتيها وأتخيل روحي في محل رؤى أو روان >> الله يعين ويوفق الجميع
سواء في قصتك " آسف عليك يا قلبي مو عليك ياحبي" أو " ماعرفتوني كثر ما عرفني "

ومشكورة وتسلم هالأنامل الذهبية ياااارب

وربي يوفقك ويعطيك العافية


وآآسفة مرة ثانية :embarrest:

وان شاء الأيام الجاية حتى لو أنها أيام مدرسة برد على كل بارت


أختك::

نور الحلم

جزء اكشن ام الاكشن بعد
تسلمي امووووووووووور
والله جزء فلته ودي ايمانوه بتشوف لما لطختها بنعال الحمام ما اكون رهوف
بنتظار جديدك
جاااااااااااااااري الانتظار
تحياتي
رهف

مشكووووووووووووووووور

//مشكوره//

اختي اميرة المرح

على الجزء // الروعــه//

وننتظر الجزء الجديد

تسـلمين على الجزء الروعــه

تسلمي يالغاليه والله يعطيش الف الف عافيه


دمتي لنا غناتي

والله الجزء تمام ويجنن

ها امووووووور وينك وين الاجزاء
الررررررررررروعة اللي تبرد القلب
ننتظرك ياحلووووووووووة

يعطيك ربي الف عافيه امورة علجزء الروعه

ايوا ايوا عاشو<<<مابعلق لاني نعسانه ان علقت
بصير زي الهبله مثل داك التعليق حتى انتينا مافهمتي ويش كاتبه
بس بقول حاجه
وصمرقع يصرقع ايمانوه ام الصبيان
رهفووه قصدي انينوه همشي اني بالمساحه ونتينا بالنعال همشي
هجوووم طاخ وطيخ على ايمانووه
لو اعرفها فقعتها على حركاتها وع وعووه

تسلمين عيوني ع الحلقه الاكشناات الروعيه
عطاك ربي العافيه
تحياتي
ضحكوه البطه

بسم الله الرحمن الرحيم
هلاااا شخباركم امبيى ضحوكه ويش هذا كل ذا محمقه على ايمانووه ترى هي كلها قصه
يعني مابتنتفعي من شي لاتعبي نفسج بس عيشي جوهااا على قولت امورره
عااد دائما تخيلي اشكالهم هااا ههههه
تحياتي
الشمعة

يسلموو عالتفاعل الأكثر من روعه.. والله لو يمدييني واقدر رديت عليكم واحد واحد تستاهلوا وربي مو مقصرين
الله يخليكم الهي ولا يحرمني منكم..
ياهلا بالجدد منورين والله...
ضحوك ورهووف... هههههههههه غربل الله شركم
طحتوا في ايمان طق يوم بسنه كسرتوا عظامتها..
فسجلت غياب اليوم...
اعذرووني على التأخير .. بس زحممممممممه ... وربي ونادرا اذا ريحت..
وبعد اسبوع دراستي وبتزيد الزحمه الله يكون بالعون
وكلما جيت احاول اختم هالقصه لقيتها تنمغط
الساترالله لا تتحول مكسيكي وفارس يقلب اليخاندرو.. ورؤى سنيتيا... خخخ

تفضلوا الجديد
اسألكم الدعاء

بعد يومين...
هدوووء سايد بالسياره...
رائد..
ــ رؤى.. وتاليتها ويش فيش اليوم اخر يوم..
ــ ...........
ــ وبعدين امس عدى خلاص ما صارت هذا هالتوحيد اثر على الأدب اليوم.. ويش فيش ليش كذا..
صوت بداية صياح..
ــ وبعدين.. افففف .. انا لله.. صدقيني ما بتنقص النسبه وايد ان شالله..
رؤى بصوت مبحوح ومخنوق..
ــ شلوون ما بتنقص .. هااا.. امس ولا دليل احس الكل اللي خبصت فيه بالحلوف واللي نسيته.. والأدله عليها علامات وايد .. واليوم ما لكزت عدل غيل اللي قبل خلاص نسبتي بطيح في الألض
ــ لا انشالله خير تفائلي.. ولا تتعبي روحش اهم شي صحتش
ــ ان شالله...
جوال رائد يرن..
ــ هلا وغلا اهلين..
ــ هلا فيك ويش فيك ما دقيت غريبه مو اليوم اخر يوم لو انا غلطان..
ــ خخخ أيه اخر يوم .. بس من التعب ومار على اختي بعد.. فما مداني
ــ ها ويش سويتوا..
ــ الحمدلله يالله الإيد على القلب بنتظار النتيجه..
ــ موفقين ان شالله..المهم ارتاح الليله بطلع معاك ومع حيدر اوكي ..
ــ ان شالله ... على خير ...

رؤى وصلت البيت وبغت من الله توصل لحضن امها وبالصياح..
ــ وي على عمري ويش فيش تعبتي..
رائد..
ــ لااا.. بس تحاتي في هالنسبه..
زهرا وهي تمسح على راس بنتها..
ــ احنا ويا هالنسب اللي ما تخلص سوالفها.. اهم شي راحتش وصحتش ويش فيش لا تصيحي فطرتي قلبي ..
رؤى تمسح دموعها.. وتهدي روحها..
زهرا..
ــ بكره بيجي ابووكم.. يللا ابغاكم تريحوا وتروقوا من زمان ما شفتوه نبغى استقبال حار

رائد يبغى يلطف الجو..
ــ اما استقبال وحركتات هذي عليش اماه.. احنا حدنا بنسلم ووحشتنا يبه.. وبطلع انا ويا اختي وبنخلي ليكم البيت في هذه الليله..
زهرا تمسك اذون ولدها وتمصعها على خفيف..
ــ نحييس ولا تستحي هههههه وعليك سوالف تستاهل عليها مو بس قرصة اذون .. دوسة بطن..
ــ اييي هههههههه خلاص التووبه..
رؤى تطالع فيهم تضحك..

وفي الليل الساعه 9 طلع بيمر على فارس .. وصل له وركب معاه...
رائد..
ــ ها ويش اخبارك واخبار امي ام حسين..
ــ الحمدلله بخير الله يسلمك.. وامي ام حسين نامت وقفلت البيبان وهذاني وياك..
ــ خخ يللا مشينا نمر على حيدر وبعدين قول لي وينا تحب نروح..
ــ ممممممم والله مافي بالي مكان معين.. خليها على ابو حسين يحدد لينا ..
ــ اووكي..

وصل رائد بيت جده.. ودق على حيدر ...
ــ هلااا رائدووه..
ــ اهلين .. ها يللا اطلع دحنا عالباب..
ــ دقيقه بلبس الجوتي..
ــ حشاا وين رايح بتلعب كوره.. خلصنا يللا عاد..
ــ زين سكر جاي انا.. باي..
ــ باي...

رائد وهو يضحك..
ــ والله حركتات هالخال.. مين يصدق هذا هو حيدر الطشونه يوم احنا صغار.. الحين كشخه وعنايه وحلاة وصوت .. اف اف ,, يطيح درزن بنات..
ــ ويلي منك والله لو ما اعرفك بقول حدك حسووود وعين حاره والقبر
طلع ليهم حيدر ويا عيني على الحركتات فعلا كاشخ..
ركب السياره ...
ــ سلام عليكم..
ردوا عليه السلام...
رائد يعدل مراية السيارة ويطالع في حيدر ورى..
ــ ا وووه.. ويش هذا ...ويش هالكشخات خاالوو ...ويش هذااا محنا ..رايحن مجمع الصراحه.. فويرس لالا ما نروح وياه... اخاف يطيح سوقنا ذاك اليوم بنتين ورانا... الحين هذا ويانا اغسل ايدك ولا وحده ..
فارس ميت من الضحك..
حيدر يعدل نظارته...
ــ هااا ..ويش فيك انت ... بديناا عااد... ويش هالهدره .. حشاا .. يقولوا لي ولد اخت عندي حسوود اغبر..
ــ هههههههههههه وجهك جزاتي امدح فيك.. فارق بس ..
ــ لا تمدح.. خخ ..
رائد وهو حاط ايده على خده وبهمس
ــ لويش بالله.. تستحي يعني ...
ــ اسكت عني...

صاروا يفروا بالسياره من وادي لوادي .. شروا ليهم شاورما مشتهيها حيدر اخذ له لحم.. وقلد عليه رائد.. بس فارس اخذ له دجاج.. اخيرا راحوا سوق الحب,,, وخشوا في الدواعيس.. وهم يتمشوا.. كانت الدنيا زحمه.. والسيارات متلاصقه.. والناس تتمشى وتتبضع...
فارس..
ــ جبدي لايعه تصدقوا..
حيدر..
ــ من ويش..
رائد..
ــ خخخ متوحم..
فارس يصفق رائد ضربه ..
ــ قلالة حياك.. ما تستحي ..
ــ اييييي هههههههههه امزززح..
ــ زي وجهك مزحك..
ــ أي ادري يعني حليو..
ــ ايهييي ما بنخلص عاد انفتحت سالفة الحلا ... صدقووني لااااايعه...
وشوي وقفت سيارتهم جهة بنيه واقفه.. مبرقعه وتطالع في فارس.. فارس التفت ناحيتها بس عقله مو معاها مع لوعة جبده ..
فارس جبده لا يعه وبدون قصد يطلع لسانه لبرى.. وفي وجهه جاي جهة البنيه زوجها مدري اخوها... وينبته لفارس وهو يبحلس.. ويجي له ويطق نافذته وهو محمق ..
ــ نزل النافذه,,,
فارس فتحها...
ــ نعم..
ــ وش هالحركات بعد ما تستحي على وجهك انت تغازل بنات خلق الله قلة ادب وقص بلسانك بلا في شكلك.. ..
فارس مليون الف استفهام وتعجب فوق راسه..مو فاهم ويش القضيه...
ــ ويش تقول انت..
ــ لا والله لسانك هذا بقصه اذا طلعته ثاني مره استحوا على وجهكم..دشران بصحيح..
رائد طقت عنده 180 وزووود... << حشاا عداد مو بني ادم..
ــ ياهييييييييه انت.. الززم حدودك لو سمحت طيب..
حمق عليه الرجال..
ــ وانت مين على شان تامر علي والله لجيب لكم الهيئه الحين..
حيدر حمق وكانت عنده علبة ببسي فاضيه...
فتح النافذه ورماها جهة الرجال..
الرجال نقز.. والتفت لحيدر يسب فيه..

فارس فتح باب السياره بسرعه.. ونكس راسه وقام المسكين يرجع..
الرجال وخر يركض... البنيه قالت حد ما عندها..
ــ ويييييييييييييييييييييييييييع.. << ههههههههه بلوووع جبدكم ..
رائد خاف عليه وقام يصارخ على الرجال..
ــ شفت .. تعبان هو ولسانه يوم يطلعه مو قصده شي .. وخر منااك بس...
وقام طلع من السياره.. والهرنات تضرب ورائد محمق ... راح يركض بوفيه قريبه اخذ ماي ورجع لقى حيدر سدح كرسي فارس اريح له.. وفارس شكله مره منتهي مو قادر..
شربه الماي.. ومشوا.. والرجال ماكلف على عمره حتى يعتذر ....

ــ الوو هلا رؤى اخبارش غناتي...
ــ هلا لوان الحمدلله احسن..
ــ خوفتيني عليش اليوم الصباح ابدا صفرا ومنتين على طبيعتش..
ــ لا تخافي غناتي زينه الحين تسلمي...
ــ الله يسلمش...
هدووء...
روان.:
ــ رؤوووه...
ــ ههههههه ويش فيش خلعتيني..
ــ لا قلت يمكن نمتي.. رؤووه خلصنااااااااااااا,,,
ــ هههههههههه أي والله افتكينا.. بس خايفه حدي..
ــ لا تخافي ولا شي ان شالله خير غناتي وبتتوفقي يارب.. صدقيني..
ــ ان شالله.. ايمانوه ما تدلي بها؟؟
ــ ايمانوه هالأيام مالي بها.. تدري امي مانعتني اكلمها.. بيني وبينش ما عدت ارتاح لهالمخلوقه ابد..
ــ الله يهديها هي معتفسه حدها وكلما جا ليها للأسوء
ــ مالي بها ماني ناقصه مشاكل.. أي اخبارش و اكلي عدل وريحي ها لا اجيش ادوس فبطنش..
ــ ههههههه زين ..
ــ يللا باي باي وخلينا نشوفش مو جت الإجازه خلاص تقطعي..
ــ لا انشالله نتلاقى قليب وعلى خيل
ــ على خير مع السلامه
ــ الله يسلمش..

سكرت رؤى من عند روان.. وجا على بالها فارس .. قامت تهلوس..
ــ ويش جيبك على بالي.. يعني ويش .. ليش افكل فيك.. ويش سويت فيني يا فالس .. يالله..
حطت راسها وغفت عيونها..

تابع >>>

في السياره.. متوجهيين للمستشفى.. فارس ابدا منتهي.. وحالته حاله.. شوي الا جوال رائد يدق..
طالع رائد الأسم..
ــ اوووف انا فاضي له هالحزه... ولي فارق..
ويحط بزي..
حيدر مستغرب.. ويش صاير..
وشوي ويرجع يدق.. رائد ماله خلق .. رمى الجوال ورى على حيدر..
ــ هااك رد عليه...
طالع حيدر .. الا هو حمزه..
حيدر:
ــ اه وانا ويش دخلني به.. بعد يقول عني ملقوف.. لو حسنوه ما عليه ولد اختي.. فارق مناك..
ويحط الجوال قدام. وهو مو راضي يسكت.. يدق ويدق...
شوي رائد قفله خيير شر...

حمزه بالطرف الثاني.. منقهر ومولع وشاب حريقه لويش هذا ما يرد ولا قفله بعد... ... قام دق على تلفون البيت
رؤى كانت غافيه... وكان التلفون لا سلكي جنبها يوم تكلم روان...
ازعجها الإتصال.. وزهرا ما ردت.. فردت هي.. وبصوت مبحوح مبين عليه التعب..
ــ الوو
حمزه من مسع صوتها قال يمكن زهرا..
ــ هلا وين رائد..
ــ لائد مهو هنا طلع دق عليه جواله
حكزه في باله.. ــ لائد .. فديتها هذي رؤى..
ــ هلااا رؤى اخبارش
رؤى اختلعت مين هذا اللي يعرف اسمها ولا بعد اخبارش...
ــ نعم.. مين انت..
ــ ويش فيه صوتش مبحووح.. خير سلامات..
ــ مين انت وويش تبغى..
ــ ههههههه شوي شوي علي ويش فيش خايفه.. تطمني انا حمزه..
رؤى مصدعه وبعفويه..
ــ أي حمزه..
حمزه طفر ..
ــ افاا ولد عمش..
ــ ايه نسيت اسفه هلا.. لائد مو هنا ..
ــ أي زين دريت انه مو هنا..
ــ اجل يللا باي..
ــ دقيييييقه.. ويش فيه صوتش..
ــ شالبه بالد .. باي..
ــ سلامتش ما تشوفي شر.. << دلاخه يبغى يهدر مو عارف
ــ الشل ما يجيك باي..
ــ انتبهي لروحش..
ــ باي باي..
ــ باي
سكرت رؤى وودها تكفخ حمززوه تكفخ وفي بالها وبحمق..
ــ ثقيييل دم يااالبي .. ويش هالصبي هذاا...
حمزه بالطرف الثاني..
ــ فديتها ولا تعطي وجه .. صفقتني من كثر قولة باي تصفق.. ااااخ يا رؤى... وين بتروحي مني بس...

وصولوا المستشفى.... شالوا فارس كل واحد مسك ذراع وحطها على كتفه.. وسحبوه سحاب..
وصلوا به الطوارئ ودخل على الدكتور...
وشويات جاهم خبر فارس.....
تسمم غذائي......
حيدر..
ــ اناا قايل له الله يهديه.. لا ياكل دجاج بهالرطوبه الا يبغى شاورما دجاج.. ها راح فيها الولد..
رائد يستفسر ويش بيصير الحين ...
قالوا له يبغى له اسبوع بالمسشفى.. يترقد...
رائد خايف عليه.. ويش يترقد بالمستشفى.. ويفكر بأمه ام حسين..

راح وجلس بالإنتظار يفكر كيفا بيقول ليها وهي تخاف على فارس من الهوا الطاير ..
وبلمح البصر استرجع موقفه مع عبدالله يوم يروحوا لأم حسين يخبروها عن فارس لما طقه ابو مصيبه بسوق الخميس... ويتذكر موقفها.. ويتذكر عبدالله وموقفه ..
ــ يالله يوم انا صغير كنت افتكر روحي شجااع يوم اخبر امك يا فارس.. طلعت مو شجاعه الا عفويه .. الحين مو عارف شلون اتصرف .. اااه.. رحمة الله عليك يا عبدالله...

طلع رائد وحيدر من المستشفى وصل رائد حيدر بيتهم.. وراح رائد لأمه وقال ليها السالفه.. وطلب منها تروح معاه لأم حسين تفهمها وتهديها ... وفعلا .. صار المتوقع يصير ...
ــ وديني .. رائد وديني له..
ــ وين اوديش له اماه.. خلاص الزياره انتهت ليل الحين بكره ان شالله خير...
وصارت ام حسين تصيح.. وزهرا تهدي فيها وبالموت قنعتها تبات معاهم لين يطلع فارس بالسلامه...

ويوم ثاني...
الساعه خمس الفجر بعد الصلاة بساعه... بيت فااضل هدوووء الكل نايم... رؤى قعدت تبغى ماي.. نزلت تحت.. وهي نازله... سمعت صووت بالصاله... والتفتت.. وحد ما عندها صرررخت....

والى اللقاء .. :amuse:

ياااااااااااااااااااااااااااااااي


كلعادة

رووووووووووووووووعه





وكثر من روعه



اكيد رؤى شافت ابوها وبتركض له وبتحضنه

<<<<<<<<<< تستبق الاحداث بالخير خايفه على رؤى لايصير صلصول

<<<<<<قامت تتكلم زيها



يسلمو خيتو


وبنتظار الجزء الجديد



بفااااااااااارغ الصبر



دمتـــــ بود

خخخخخخخخخخخ

والله حركاتا اميرة هالجزء وصايرة الرومنسية تزيد من حلقة لثانية ههههه

وهالصرخات ماتخلص لو عشان نمقع شعرنا وننتظر الحلقة الجاية ههههه

موفقة يارب وعوافي عليك..

ياسر

هاي

امور جزء روعــــــــــــــــــــه حلو واااااااااااااايد

انتظر الجديد

الله الله الله وماشاء الله على الابداع

غناتي الله يخليش ويحفظش

صراااحه القصه كلما جا اليها تحلى وتحلى

مسكين فارس مايستاهل الي صار له

واستانست لما جاء على بال روئ

بس شكلها صرررخت يمكن شافت ابوها

تسلمي يالغاليه

دمتي لنا

اتوقع ابوها جا من السفر

يالله اميرووووه قسم بالله متشوق

اكشنات والله

المهم خيتوو عندش غلط

حكزه في باله.. ــ لائد .. فديتها هذي رؤى..
ــ هلااا رؤى اخبارش

يالله اميروه ترا والله بصيح

عفيه شطوره انتي ما بتهلي عفيه

هلووووووووووووو
كيف الحال؟؟؟
جزء رووووووعة
بس يالغلا حمستينا
الله يسامحك
بسررررررررعة نزلي الجديد
ننتظرك...

يسلموووووووووووووو على الجزء مرررررررررررررررررره رووووعه

وشوقتينا يا شريره ابغغغغى اعرررررررررررف وش بيصير

يعطيكـ العاااافيه

تقبليـــ تحيـــــاتيـــ

يباااااااااااااه حبيبي وحشتنيي<<<هدي رؤى تقول يعني
تسلمين اميروووه ع الحلقه الروعه
ربي يعطيك العافيه
تحياتي
ضحكوه البطه

السلام عليكم
هذي اول مشاركه لي في هالنتدى الروعه وخصيتش اختي اميرة بالرد لان كتاباتش جداً حليووووووووووووه واكثر من روعه ...............مأقدر اقول أكثر من جدي لآن بصراحه لو ويش اقولماأوفيش حقش
تسلمي غناتي على هالجزاء الحليوه
بس عندي طلب صغيروووووون واتمنى ماترديني مادام اني جديده في المنتدى ياليت تهديني جزء طويل وحليو

في إنتظار الجديد

ريح الجنه

أني أول مرة أقرا القصة واني آكل ايسكريم وطلعت بعد الحلقة فيها لوعة جبد >>> يقطع ابليسش أميرووووووووو

ههههههههههههه
غيران فارس من تعب رؤى والحين هو اللي تعبان وتسمم غذائي أوووووووووووووه
مايشوف شر
موفقه أمووووووووور

ههههه جزء حركات وفلته مرره

ويبيلي دست علي قولتك يعني ماعلي ردي علي قدي ههههه

ربي يعطيك العافيه امورة حبيبتي

هلااااااااااا
ياكثر اعذاري :nosweat:
والله غصبن عني..
ادري ودكم تكفخوني .. وتطيحوا فيني دست..
بس مضغوطه مره..:angry:
عندي صراحه شغله لااااازم اخلصها..
وبكره وبعد بكره بداوم بالكليه :closedeyes:
نظامي ونومي معتفس.. :wacko:
اشكي حالتي بصراحه هنا خخخ
بحاول قد ما اقدر اكتب.. اعذرووني
وشكرا على التفاعل
ومراحب بالجدد ياهلا

اسألكم الدعاء وان شالله قريبا بما يسركم ارجع.. :amuse:

دمتم بحفظ الرحمن

هلا امور



ربي يعطيك الالاف من العافيه على الاحداث الحلوه


قرأت الجزء ماقبل الاخير يوم الجمعه وانا حالتي حاله يعني قراته وانا نايمه بس من التشويق اللي فيني



ماني قارده اقوم واترك الجزء ...


وجيت اعلق بس شكله جفني اللي علق من النوم :wacko:



والله كان جزء فله حلووووووووووو مررررررررره


بس خليني اعلق على الجزء الاخير

اقتباس:

---

رائد يبغى يلطف الجو..
ــ اما استقبال وحركتات هذي عليش اماه.. احنا حدنا بنسلم ووحشتنا يبه.. وبطلع انا ويا اختي وبنخلي ليكم البيت في هذه الليله..
زهرا تمسك اذون ولدها وتمصعها على خفيف..
ــ نحييس ولا تستحي هههههه وعليك سوالف تستاهل عليها مو بس قرصة اذون .. دوسة بطن..

---

هههههههههههههههههههههههههه حلووووووووووووه زين عنده احساس :toung:

اقتباس:

---

ــ لائد مهو هنا طلع دق عليه جواله
حكزه في باله.. ــ لائد .. فديتها هذي رؤى..
ــ هلااا رؤى اخبارش
رؤى اختلعت مين هذا اللي يعرف اسمها ولا بعد اخبارش...
ــ نعم.. مين انت..
ـ

---

احنا وهالحمزه اللي واقف عظم بالبلعوم

اقتباس:

---

ــ وش هالحركات بعد ما تستحي على وجهك انت تغازل بنات خلق الله قلة ادب وقص بلسانك بلا في شكلك.. ..
فارس مليون الف استفهام وتعجب فوق راسه..مو فاهم ويش القضيه...
ــ ويش تقول انت..
ــ لا والله لسانك هذا بقصه اذا طلعته ثاني مره استحوا على وجهكم..دشران بصحيح..

---

هههههههه بل بل بل

الحين اللي يغازلوا مالهم احد يوقفهم عند حدهم واللي على باب الله و ابرياء يجيهم الدست

صدق تجيك التهايم وانت نايم

اقتباس:

---

ــ يالله يوم انا صغير كنت افتكر روحي شجااع يوم اخبر امك يا فارس.. طلعت مو شجاعه الا عفويه .. الحين مو عارف شلون اتصرف .. اااه.. رحمة الله عليك يا عبدالله...

---

ويه ويه مسكين افويرس ويش جرى اله ويه ويه الله يساعد قلب رؤى الحين :rolleyes:

ولازم يعني تذكرينا بالمرحوم :sad2:



تسلمي امور على الجزء الروعه والحلوو

وريحي بالك وروحي الزريبه ولاتشيلي هم وخلصي اشغالك ونامي كويس وعدل لايجيك كف راشدي

من اللي يحبهم قلبك



بالانتظاااااااااااااااااااار

امور

لاتشلي همنا:noworry:

اهمشي انش مرتاحه:amuse:

وبعدين كلما ريحتي نفسش طلع الجزء اروع واروع :shiny:

>>>>>>>> يعني مو لله فــ لله:wink:

خخخخخخخخخخ

بنتظارش يا الغلااااا :in_love:

دمتــ بود

اميرة مطول الغيبات لازم يجيب الغنايم ههههههه

يعني نبغي جزء بعد مايحتاج زييين

ترا كل شوي نخش ندور وندعي نشاء الله اميرووه كملت لينا جزء ويخيب املنا

يالله احنا انتظر ترا بسرعة..

هلا

امور طولتي واااااااااااااااااااااااااااااااايد

ملينا ننتظر وااااااااااايد

بس امور مانبي جزء قصير نبي طويل

واني انتظر الجديد

تحياتي

اللهم صلي على محمـــد وآل محمد

جزء ابداع × ابداع

وان شاء الله يجيبون نسب تشرح الصدر وتفرح قلوبنا

وويلي لو على هالتعب اللي تعبته رؤى وطيحتها ما تجيب النسبة اللي تتمناها >>> حدها متأثرة



أعوذ بالله من هالحمزوووه ما يخلص من جرأته ومصاخته البايخة هاللي ما يستحي على وجهه قلة حياء قسما بالله العظيم هذا اللي ناقص يطق سوالف مع رؤى جان يفقع مرارتها اهو وبياخته
مو كفاية تعبها من هالاختبارات يجي اهو ويقطع عليها نومتها >>> حدي متنرفزة من حركاته والله يستر لا يخرب على فارس ورؤى شكله ناوي نية شينه مثل وجهه

وماخلصنا من مرض رؤى تمرضين فارس الله يعينه على هالأسبوع اللي بيقضيه في المستشفى ويطلع منها سليم مشافى " يارب "
:sad2:



وربي يوفقك في دراستك
وان شاء الله قريب نشوف أسمك على كتب روايات باسمك

أختك:: نور الحلم

هاااااااااااا اموووووووور
ملينا واحنا ننتظر
وينك
من طول الغيبات جاب الغنايم
ليلة الخميس والجمعة مفروض تنزلي لينا جزء حتى لو قصير

:embarrest: هلاااا
:embarrest::embarrest::embarrest:
اخباركم .. كل عام وانتون بخير
:embarrest:
ااااا.. والله كنت البارحه بكتب جزء وحتى اسألوا الضحكه البريئه و امل الظهور :wink:
بس الشبكه ضربت عندي :sad2: وحاولت اشبك وما قدرت :sad2: وانسدت نفسي..

بس الليله :bigsmile: عندي ليكم مفاجأه بمناسبة رمضان.. جزء على كيف كيفاتكم بإذن الله
بس اسألكم الدعاء..
مشكورين على الصبر علي << ادري ودكم تكفخوني :toung:
بس وربي حالتي :wacko:
ياكثر البس موو :amuse:
والسمايلات بعد موو.. :rolleyes:
مسوى ماني عارفه ويش اقوووول :embarrest:
انتظروني بما يسر
دمتم بحفظ الرحمن

هلاااااااااااااااا
جااايه اركض وراي دوام
اسألكم الدعااء
تفضلوا الجديد
والعذر ثم العذر على القصور

ويوم ثاني...
الساعه خمس الفجر بعد الصلاة بساعه... بيت فااضل هدوووء الكل نايم... رؤى قعدت تبغى ماي.. نزلت تحت.. وهي نازله... سمعت صووت بالصاله... والتفتت.. وحد ما عندها صرررخت....
ــ اااااااااه
شافت في المطبخ في الظلمه واحد عن المغسله واقف...ويوم سمع صرختها.. نقز وطق السقف والتفت..
ــ وووويش فييييش...
الا هي بصرخه ثاانيه..
ــ يباااااااااااااااه...
فاضل:
ــ هلااا.. هلا وغلا.. ههههههه شوي شوي.. غربل الله شرش خلعتيني
وتركض لأبوها وتحضنه..:
ــ واااحشني مله مله . انت اللي خلعتني في هالظلمه.. . اخباالك..
ــ هههههههه الحمدلله تمام.. جاي بغسل وجهي بسم الله.. اخبارش انتين غناتي.. << ولع الليتات.. وهو يكمل كلامه..
ويش فيش صفرا ومو على بعضش وويش مقعدنش..
ــ بسم الله على عملك هههههه.. ما ادلي اسفه... لا بس تعبت من الإمتحانات شوي.. الحين احسن.. قعدت بشلب ماي.. والله مفاجأه
ــ الا صرختش المفاجأه.. الحين بتقعدي العالم..وويش سويتي بهالإمتحانات
ــ الحمدلله ماشي الحال.. يووه.. الحين عااد.. امي ولائد بيقعدوا من الصليخ..
فاضل وهو يغمز لرؤى..
ــ رائد يمكن.. امش .. مافي امل تقووم.. مالي الا اخلعها..
ــ ههههههه حلااام.. ويش بتسووي..
ــ هههههه افكر انام وتقعد الصباح وتشوفني ..
ـ لالا.. هههههه حلاااام تخلع امي.. لا يصيبها شي..
ــ ههههههه ويش تبغيني اسوي .. وينا انام...؟؟
ــ نام بالصاله بالمجلس.. نام بغلفتي .. والا لالا.. غلفتي معاي ام حسين..
ــ اوه اوه من متى.. والله حركات واحشتني الله يخليها..
رؤى ونبرة صوتها متغيره فيها رشة حزن:
ــ مسوى فالس تعبان في المستشفى.. وهي بالموت لضت تنام وياي..
ــ اهاا .. ما يشوف شر.. ويش فيه..؟؟
ــ تسمم غذائي..
ــ يالله.. ما يشوف شر.. وان شالله يقوم بالسلامه
ــ ان شالله..
ــ الحين ويش يعني انام وين... انا لو ما قعدتي سويت اللي براسي ..
ــ هههههههه لالا حلام تختلع امي.. بجيب لك منام في المجلس.. لا تخلع امي صلاحه ابغاها..
راحت رؤى بتجيب المنام.. وابوها يضحك ويهدر..
ــ هههههههه غربل الله بيلسش انا بعد شيه ما ابغاها.. واحشتني..
رؤى التفت له وهي تضحك..
ــ ههههه يؤ يؤ لومنسي ابووي..
ــ ههههههههههههههه غربلش ربي غربال رووحي جيبي المنام بس تعبان..
ــ ههههههه ان شالله..
وجابت رؤى لأبوها المنام.. ونام في المجلس..

يوم ثاني الصباح.. قعدت زهرا اول وحده.. نزلت تحت.. وصارت تحوس في البيت.. .. حست بشي غريب.. صوت باب المجلس الداخلي ينفتح . << كان للمجلس بابين واحد داخلي يطل على دهليز وحمام وباب يوصل للحوش وثم لباب الطريق.. وباب ثاني يوصل للصاله.. زهرا سمعت الصوت من داخل في الأولي..
. وخافت... راحت ركبت غرفة رائد.. وطلت.. لقت رائد .. حاضن المخده ورايح فيها نووم.. ووجهه مفهي حده..
ــ راائد.. امي رااائد..
الا رائد يهلوس:
ــ فارقي مناك.. يللا عااد.. مانى..
زهرا حمقت..
ــ راائدووه... يا بطيخ..
رائد انتبه من النوم..
ــ هاا .. هااا.. ويش... ويش صاير..
زهرا ومبين على وجهها الخوف:
ــ قوووم.. ما ادري مين بالمجلس .. تحررك..
ــ هااا.. يمكن ابووي << قالها ورجع شدخ روحه ونام..
ــ قوووم ابووك قال العصر بيوصل مو الصبااح..
ــ هااا.. والله.. زين بس بدخل الحمام..
ــ لا تدخل.. قوووم على طوول تالي..
ــ ويش تاالي بطني يعورني اواجه الحرامي وانا بهالحاله.. تبغي ويش يصير فيني خخخ..
ــ فااضيه لك تنكت تووك بترجع انام..
ــ لا وانا نايم بتحمل.. فرضا صار ضرب وشدخ ويا الحرامي برووح فيها..
ــ ياااربي اللهم طولش يااروح.. يااعلي وين ارووح اني .. ويش هالولد.. اني ميته من الخووف.. وهو يستظرف علي .. قوووم..
ــ ههههه زين بقووم.. بس ان سويت شي مانى ماسح.. << قالها وهو قايم بيطلع من باب غرفته..
وتمسكه زهرا وهي مقهوره من دراعة نومه من ورا وتدفه قدامها بسرعه .. حرررك..

نزل .. وقف عند باب المطبخ..
ــ اقوول اماه.. اعطيني ساطور.. والا لا.. شي يصلح للمخ.. مقلى.. ملاس.. أي شي حق ضرب..
ــ مع وجهك بلا غباء علي..
ــ لا والله فرضا مسلح.. وعنده بازوكه.. وطااخ.. الا انا مسدووح.. ويش اسوي.. ابغى مقلى وملاس.. المقلى درع للوقايه من الرصاص والملاس للقيام بالمهمه..
ــ تهي تهي.. جبته عوون لي .. قام يستظرف راائدووه وربي كف..
ـ افاا.. زين بروح له خالي اليدين.. وخله يطرقني رصاصه تطفرني .. بشوف انا.. بسم الله مشينا..
ــ لاااا .. تعاال .. تهي .. خذ بجيب مقلى وملاس.. دقيقه..
جابت زهرا مقلى شكله قديم عندها مخفس ومحترق وحالته حاله..
رائد مسك ايد المقلى وصار يفر بإيده الثانيه ويتمسخر:
ــ خذ لك.. طالع ويش جايبه لي.. هذا بالله صبع الحرامي بيخترقه مو رصاصه بعد.. هذا بصفق راس الحرامي به بينشلخ والحرامي ما بيصير فيه شي .. توتوتوتوتوتوتو.. لاااا ما ينفع دااا..
زهرا وهي مره خايفه وودها تكفخ رائد..
ــ فاارق منااك اني فويش وهو في ويش.. دقيييقه بجيب لك العجره بس اخاف تصفق راسه بها وتودينا بداهيه..
ــ جيبيها بس.. لا اجل هذاا درع بالله.. مقلى الفقر...
صار رائد يفر المقلى بسرعه وهو ماسكنه من ايده.. وشوي طننن.. تقبع الإيد ويطير البدي تبع المقلى.. وطراااخ على السراميك.. وصووت مره يصرووع..
زهراا جت تركض بالعجره وهي ميته من الخووف.. الا باب المجلس اللي يوصل للصاله ينفتح..
طبعا زهرا قبل من الرعب قفلته.. ويسمعوا طق في الباب.. ولا مجيب.. تالي قام الشدخ..
زهرا خلاص رجولها مهي شايلتنها...
راح رائد وهو يتثاوب.. لصق روحه في الباب..
ــ ميييين..
ــ افتح انا ابوووك..
ــ ويش اسمك..
ــ هههههههههه ظريف.. افتح لا اكسر راسك..
ــ مانى فاتح ويش اسمك..
ــ فاااضل افتح..
ــ فاااضل ويش؟؟
ــ ههههههه رائدووه يا دب افتح لا انتفك..
ــ هههههههه
وفتح الباب و في الأحضان..
زهرا سندت العجره على الجدار وقامت تصيح مهي عارفه من الفرحه لو الخلعه..
وراحت وسلمت على فاضل وتحمدت له بالسلامه.. وسولف ليهم سالفته الفجر وان هذي فكرة رؤى انه ينام بالمجلس لا يخلع امها.. زهرا تضحك :
ــ هههههههه ويش مجيبنك الحين انت قلت العصر لو مسوي زي ما قلت ما بختلع كذا.. ويلي طاح قلبي في بطني من الخلعه.. الحمدلله على سلامتك ونورت بيتك..
ــ هااا اطلع واعوود العصر.. ههههه قدموا الوقت شوي.. وطلعنا بدري ابرد للطريق..
ــ لالا ما اقصد.. منورنا والله ويش فيك بس خلعتنا فاجأتنا ... << تلون وجه زهرا.. فديتها خخخ
فاضل بهمس:
ــ الله يسلمش والنور نورش..
رائد يثاوب وهو متوجه للدرج:
ــ اااااخ .. بتبدوا غزل... بااي تمسوون على خيرر.. وراي طلعه العصر لفويرس..
زهرا:
ــ هههههههه وانت من اهله..

وفي العصر... توجه رائد للمستشفى.. طبعا قال لأم حسين ثاني زياره بوديش اله اذا بيطول وما بيطلع.. لأنها ما تقدر على المشي والمشاوير وتتعب ..
دخل على فارس لقاه مسدوح وحالته حاله.. وجنبه تبسي الأكل.. ومغطيه الصحون..
ــ هلااا فارسي.. ما تشوف شر حبيبي..
ــ هلا وغلا هلا رئووده.. الشر ما يجيك..
ــ اه للحين ما تغديت..
ويفتح رائد الصحون ويصرخ....
ــ ههههههههه هذااا ووووويش
ويمووت عليه فارس من الضحك وبصوت مبحوح من التعب..
ــ ههههههههه انشب لا تفضحنا من البارحه وهم يأكلوني كذا.. لاعت جبدي..
رائد مهو قادر ميت ضحك والكلام معاه يقطع:
ــ ههههههه.. عيــ ههههههه ـــش... ابيض هههههه ونااشف.. ولا بعد ههههههه فووقه بطااا هههههههه طســـه مسلوووقه.. هههههههههههههههه حلووه دي ...
اااغه.. دادا..
ــ ههههههههه انشب بس.. مانى قادر.. نفسي بأكل زي الأودام..
ــ وي على قلبي خويي.. ليش زين ههههههه خخخ هالبطاطس المسلووق وهالعيش .. الحمدلله عز الله النعمه..
ــ اسكت .. وماصخ بعد..
ــ هههههههههههههههههه اااه يالشاايب.. ويش هالحاله..
ــ يقولوا للبطن يمسك.. لأن بطني تدري به ضرب بعد فجعة هالشاورما..
ــ الله يكون بالعون.. طيب ويش خاطرك فيه..
فارس جت على باله فجأه بسبووسه اشتهى الحلا..
ــ نفسي في بسبووسه..
ــ وي على قلبي احلى بسبووسه ولا يهمك..
ــ فديتك انا..
رائد مسك جواله ودق بيتهم... رفعت امه وطلب منها بسبوسه لفارس...
زهرا ما تضبطها كثر رؤى.. راحت لرؤى.. كانت تتابع مسلسل بالتلفزيون << اجل الراديو..
ــ امي رؤى تعبانه؟؟
ــ لا الحمدلله مافيني شي .. ليش بغيتي شي؟؟
ــ يقول رائد فارس افاده ببسبوسه شان تسويها.. اخاف اسوي ما تطلع بحلاوة اللي تسويها انتين..
رؤى ابتسمت ابتسامه شبر..
ــ لااا مافيني الا العافيه.. بقووم اسويها..
وتسويها رؤى زي الحلاوه.. ما جا اذان المغرب الا هي خالصه.. طبعا رائد سأل الدكتور قال بيطول يوم بعد على فارس فقرر المغرب ياخذ ام حسين... والبسبوسه معاه..

وصلوا المستشفى رائد.. وام حسين.. وكيس فيه صحن البسبوسه..
طبعا المستشفى ممنوع يدخل للمريض اكل من برى..
دخل رائد بالكيس وما احد انتبه له يفكروه هديه.. وتم تهريبه بنجاح..
وصلوا غرفة فارس.. دخلت ام حسين طبعا ما يحتاج..بالأحضان.. وصياح وفارس يضحك عليها,, وقعدت.. وحط رائد صحن البسبوسه..
ام حسين:
ــ عوافي عليك يا ولدي.. على عمري رؤى مع انها تعبانه سوتها لك..
فارس قام قلبه يضرب ضرب .. اووه راح فيها..
رائد :
ــ الحمدلله زينه هي الحين مافيها الا العافيه .. عوافي عليك ابو الفوارس
توه فارس بيمد الملعقه بسم الله الا بدخلة الممرضه الفلبينيه بتحط ابره بالمغذي
وتشووف صحن البسبووسه ما شاء الله و ....

الى اللقاء قريبا...
ليهاا تكمله لسا ما خلللصت بس..
ورااي دوااام .. اسألكم الدعااء