السلام عليكم ورحمة الله وبركـآته
اللهم صلِ على محمد وآل محمد
اللهم صلِ على محمد وآل محمد
احم اول موضوع لي هوون واتوقه هون مكآنهـ أنسب من العآم
وإذا مش مكرر ابي اشووف تفآعلكم وردودكم الحلوهـ
الا ياطفل لا تكبر ..
كذا أجمل كذا أطهر..
كذا لاهم يتراكم..
كذا لا ضغط لا سكر..
×
×
أخخخخخخخخخخخخخخ انصدت يافلان
جابتني بتي اللي ما اتخاف من الله، نوارة الدنيا
هي راحت بيت خالتها داك اليوم انچان أقوم اخلي أخوها ايروح ايجيبها
لكن بتك يالواحد، لازم اتحبها بعد ويش أسوي
إلا ما سلمت عفر من البهداله
إحم إحم
يا ألله أحد في البيتتتتتتتته
أنا على البااااااب
دخل ليكم الخير ياهل الخير
السلام عليكم
لكن بتنا آنســـهـ كرزهـ هي اللي سلمت من قبل و هي صاحبة الموضوع بعد
و عليكم السلام بتي
و هدولا بناتنا هالأيام قابين في صنع هالمواضيع الحلوة هدا من وين ايجيبوا هلأفكار
اتقول ينانوهو!
رآح نختـآر عضو / هـ ..
وبنخليه يسوي مقابله مع طفل[ أخوه.. ولد / بنت أخته.. ولد / بنت خآلته .. ولد جيرآنهم .. ولد عمته.. ولد ولد الجيرآن......الخ المهم أنه بزر ]
أضطريت أروح بيت اختي و أسوي ليكم هالمگابلة مع افنين من جهالها تقليدا على بتنا نوارة الدنيا
وحسب ما طلبتوا مني و لو إن الوكت عندكم برد و أنا مانا متعود عليه لكن ما باليد حيلة
دي وين عچازي بعد راح
هالجهال الگشرا ما ايخلوا شي مكانه أبدا
حسنوه! دور ليي عچازي عاااااااااااد ولدي
ولا يزيد عمره عن
10 سنوآت ..
إيه أدري، قلتي ليي من قبل، دهادير هالبنات
صاير اليوم چني متحقرص اشوي يمكن سكريي مرتفع
سامحوني بناتي
ونسأله هـ الأسئلهـ وتجيب أجوبتهـ..
منها نعرف وش تفكيره..
ومنها نضحك على بزارٍينكم ..
لا و الله يبتي، طلعت أنا اللي ينضحك عليي، لأن بزارين هالأيام ما ينضحك عليهم، لأن ثقافة بعضهم عالية جدا، و لو إنهم اصغار، لكن اتفوق اللي جمعته من ثقافة في عمري هالطويل كله
كل شي يفهموا فيه
شوفي بتي آنســـهـ كرزهـ جبت لش نفرين من هالصغيرات الله ايخليهم
بت سمها: زهراء
و ولد إسمه: محمد
و صرت أسألهم، و اسمعي أجوبتهم:
بس لا تاخذوا على اعقولهم و اتعاقبوهم تراهم يهال لأنهم مساكين تحت العاشرة كما أشرتم و لربما لا يفقهوا بما ينطقون
و أنا ما لي دخل أبد ابهالسالفة
"ويه على گلبي أولاد اختي"
الأسئلة :
1/ وشو تسوي إذا صرت/ي فآضي / هـ ؟
زهراء قالت: بتصدر حكم على كل اللي يدخلوا على المواضيع من أعضاء المنتدى و يقروا بس ما ايردوا بخصم 50 نقطة من كل واحد أو وحدة لكل دخلة
محمد قال: بيعطي المتفوقين بتفاعلهم في كتابة المواضيع الحصرية المتميزة و الردود المفيدة 100 نقطه زياده لكل تفاعل
2 / لو فزت/ي بـ 1000ريآل وش تسوي فيها ؟
زهراء قالت: ألف اريال عاده، ويش اتسوي هالأيام يالخال، بس بعطي أمي اشوية منها و الباقي بحاول اجيب چمن هدية حگ اللي يعصروا امخوخهم و يكتبوا هالشغلات السنعة و يحطوها في المنتدى، أبا وزعها عليهم
محمد قال: بياخذ اشوية منها بيعطيها أمه مفلات ما قالت اخته، و الباقي من هالحين بيبدأ أيجمع حق مهره - عاقل هلغبر!
3 / وين ودك تسآفر/ي في الاجازه؟
زهراء قالت: بدل السفر بتروح و يا أمها اتزور كل أهلها لأنها تعتقد إن زيارة الأهل اتطول العمر و تفتح الرزق و اتجيب علامات أكثر
محمد قال: لو يحصل على كم قرش زيادة على الألف المذكورة أعلاه، انچان ياخد جوازه و يجي ايزورني على طول لأنه افاده ايشوفني واجد - إيه أنا خاله !
4 / لو صرت/ي مدير/ة مدرسة وش بتسوي ؟
زهراء قالت: بتمنع الطابور الصباحي للبنات فورا علشان ما ايموتوا من الحر و البرد و أضيف الرياضة لأن السنه أكلتنا
امحمد قال: بيضيف فقرة غير منهجية في تدريس الصغار بتعليمهم الحروف الإنگليزية و بعض الكلمات الأولية منها، على شان أيحضرهم من بكير لأنه يشعر إن هاللغة هي لغة العصر
5 / تحبني يآ........ ؟ طيب ليش؟؟
زهراء قالت: اتحب الريحان لأنها يوم من الأيام شافته مشكوك و امعلگ على عچايف أمها وريحته الطبيعية الفواحه امعطره البيت كله و هو موجود في الحديقة ببلاش و من داك اليوم قامت اتقطع منه و اتحطه في كاس فيه مأ و اتحطة في غرفتها، لذلك، قالت: هي ألحين اتحبه
محمد لأنه أصغر من أخته بسنتين و يحب ايقلد على أخته قال: هو بعد ايحب رائحة الرازقي يتراوا ليي - الديچ يزعق من بيضته
6 / وش تعرف/ي عن :
الأنسولين :
زهراء قالت: الأنسلين هي مادة ينتجها البنكرياس السليم يوميا، فعندما يحس الأنسلين بالأكل قد دخل المعدة، ذهب بسرعة و انخلط معه ليذهب معاه عبر الأوردة ليغدي خلايا الجسم
لأن خلايا الجسم لا تفتح للأكل إلا إذا كان هو معها
يعني هو بريحته يبقى المفتاح
محمد قال: و مرضى السكر هم الذين يفتقرون لهذه المادة بسبب عطل أو تلف للبنكرياس و بالتالي لا تفتح الخلايا لتأكل، فيكثر طلبها للغداء
فيأكل مريض السكر أكثر و لكن بدون فائدة فتراه مع أكله الكثير يهزل و يضعف بدنه حتى يموت
و كذلك يتحول ما يأكله من غداء إلا سكر و يكون جسمه حلو جدا مما يضاعف عنده الجراثيم الفتاكة و البكتيريا، فيضطر أحيانا لبتر أطراف جسمه إذا تعرضوا إلى جروح
و أيضا قالوا كلام كثير ردا على هذا السؤال لكن مخي التعبان ما استوعب كل ما قالوه، خساره
الإنترنت :
زهراء قالت: مادة مفيدة إذا استعملتها صح
محمد قال: تراها يالخال كالنار تحرق، لو كان الإستعمال خطأ
مجلس الشورى :
الإثنين قالوا: ما فهموا سؤالي، قلت ليهم و لا أنا
الإتيكيت :
طلع ردهم على هالموضوع صراحة مختلف
قالت زهراء: حلم لو اتشوف روحها اتسوق سيارة
قال محمد: انچان زين لو يحصل على وحدة جديدة و لو مرة في عمره
التعليم العالي :
زهراء قالت: صعوبة في قبولها في الطب مع إنها متفوقة و ماخذه 99 و اشوي %
محمد قال: و هو ايطلع في أخته ببرود و من غير تعجب: غيري هالتخصص يمكن عليه خط أحمر، يمكن تنقبلي
الماركة :
اثنينهم قالوا: لا اتصدق يالخال: ترى ماركة بعد ما كو، لأن كل شيء في السوق صار هالأيام تقليد
الجوال :
قالت زهراء: اتصدق يالخال، إن الجوال زين، بس عيبه أما ايضيع لو ينسرق
محمد قال: الجوال جهاز لا يحسن وضع صورك فيه لأنه أداة غير مأمونة
الستلايت :
زهراء: زين نتسمع فيه العزاء و القراءة الحسينية
محمد: بس ما ايحب ايشاهد الأفلام المصرية من خلاله
أتمنى إن اردودهم أعجبتكم :amuse:
غريبن هالأطفال هم و اردودهم
:wink:
تحيآتوو: بناتيه لكن خلها احليوه اتجنن
و الحين من أختار من أختار من أختار من أختار
باختار بتنا "أمينه"
