ماعرفتوني .. كثر .. ما عرفني ..

اكييييييييييييييييييييييد إيمان وحركاتها الماصخة
ياربي اني انقهرت من هـ التصرفات فادي اعطيها بكوس http://www.alsarh.org/images/smilies/boxing.gif
وش هادي مرة عيونها قوية http://www.alsarh.org/images/smilies/a5.gif
لو اني كان سويت هـ الحركة http://www.alsarh.org/images/smilies/d12.gif اجيب مطرقة واسوي جريمة
خخخخخخخخخخ http://www.alsarh.org/images/icons/bad_evil.gif

اقتباس:

---

شوي الا الشايب وصل قريب عندهم.. وسمع رائد الضبعه تقول تبغى من باسكن روبنز وهو يقول ليها كون زون احسن ..

---

ببببببببببببببففففففففف مرة ضحكت عجايز يضحكوووووووو

http://www.alsarh.org/images/smilies/toot.gifhttp://www.alsarh.org/images/smilies/toot.gifhttp://www.alsarh.org/images/smilies/toot.gif

لازم فارس يروح سوريا لاااااااااازم
بعد اكيد بتصير سوالف ووناسة وفارس ورؤى http://www.alsarh.org/images/smilies/firewrk2.gif
اكيد بصير وناسة وضحك وفرفشة http://www.alsarh.org/images/smilies/firewrk2.gif
هههههههههههههههhttp://www.alsarh.org/images/smilies/firewrk2.gif
يسلمووووووووووووووووووو امورة ع الجزء الروعة
والله يعطيش كل عافية
تحياااااااااتي

جزئين غير شكل

حركاااات




وهذي بعد الغبيه

عفر ما عمرها شافت رجال عدل

مو مصدقه صايره ليهم مثل ذبانة بكٍ بانثر

خخخخخخخخخخ


بس تعالي خيوه
ترى الجزء في اغلاط كثيره على رؤى



1


ــ خخ المهم غناتي لا تنسي الورقه وبالتوفيق

2\..... 3\...... 4\...... 5\......

ومتى بنسااافر الله السفره حليووه بيروحا معانا ان شالله فارس وام حسين ..




بتوفيق خيتوووو


وبنتظار الجزء الجديد الي شكله اكشنااات بقوه



دمتــ بود

اضهار استمعت اميررره لنصيحتي<<<<<<<<وحده متفرغه
الجزء رووووووووووعه وخاصه ايمان هادي يادافع البلاء شكلها وحده مي مربيه استغفر الله<<<<<بعد السبايب تستغفر
يالله كملي وكلي اشتياق الى جديدش

ول ول

حريقه تحرقهم مو اوادم دوله

لزقوا في لرجال لزقه

مسكين يارائد وفارس

بس اني متاكد 100% هذي ايمان صديقت رؤى

يالله خيووه

تسلمي على هذا الجزء ونستنى الجزء الثاني ........

تسللللللللللللللللللللللم الأيااااااااااااادي خيتووو :cool:

جزء رووووووووووووووووووووووووووووووووووعه

كان ودي اخنقها قليلة الأدب هي وصديقتها :evil: :med::mesb:

وزين سوى فيها يوم يفلت المفتاح :lol:

بس ان شاء الله ما تسوي ليه شي ولا الى رؤى :silal:

.......................( المقصوووووووده هي ايمانوووووه )

جزء حركااات حلووووو مرررررررة ما شاء الله يسلموووووو ويسلم المخ

الي يطلع الحركات اللي كذا

تقبلي مروري وتحيــــــــــــــــااتي

واااااااااااااااااااو روووووووووووعة

الجزء يجنن الله يخليييك

والضبعا ن رووووووووعة

الله يكثر الباسكن في الديرة

ولا تنسي السفرة نبغاها رووووووووووووعة


ومشكووووووووووورة

تحياتي

السلام عليكم

امور مشكور على الجزء رووووووووووووووووووووعه

انا ابي فارس يروح الى ابوه بس ما يطول ويرجع ويروح مع رائد

اشاء الله يروح مع رائد

تحياتي

احداث حلوه

خاصه حركة العجوز مع باسكن روبنز ههههههههههه

فديتهم حركات هههههههه


وهذه ايمانوه ماتجوز هذا بدل مذاكرتها بل بل عليها وعلى جرأتها ..

ولاتخليه يروح معاهم سوريا خليه يروح المغرب ويشوف ابوه اولى <<صدقت السالفه


خليهم يبتعدوا عن بعض اشوي :toung:


يسلمووو امور على الجزء الحلوووووووو


في الانتظار

رائد..
ــ لا اله الا الله.. فارس لا تلومني اذا فصخت نعالي وصفقت هالذبانتين اللي ورانا هاا.. وربي مافي كرامه .. انا اول مره تمر علي بنيه كذا .. عادة الولد اللي يلاحق..
.

وصاااقعه وصواااقع تصقعهم قليلين ادب صحيح:evil::evil:
لو اشوف وحده قدامي وتسوي هدي الحركات لأخوي
كان تفقيع وتفجير وسب
دباابين صحيح
وييييييع ما اطيق البنات اللي كده قطيييييعه تقطعهم
احم خلاص بلا سبايب
..
ادري اموور راده متأخره بس قلت لازم اوقع حظور
تسلمين يالغلا ع الحلقه الروعه
يعطيك ربي العافيه
تحياتي
ضحكوه البطه

عجبني رائد يوم يفلت المفتاح ههههههههه
ولعتhhhhhhhايمانوووووووو الهبلونه
قواية عيون اييييييييييييه فراااااااااااااااااقه قصدي فراااااااغه
جزء روعه يسلمو خيتو أمورررررر

وييييي وش هلحاله البنات الحقوو اولأد

والله مصخرره

زمن عجيبببب

مسكين رائد ههههه كان زين لو فصخ انعاله وصفعهم كم رفسه بعد

عجل فراس يشبه تاريكان والله حركات طلع عجلل حليووو

ننتظر الجديد

اححح والله تواجد يبرد القلب ويثلج الصدر << تفرق خخخ
منورين وتسلمو من كل شر والله يسعدكم زي ما تسعدوني بهالتواجد الجميل

عذرا عالتأخير
وتفضلوا الجديد

فارس صار مبهووت... هذي بعد تعرفها رؤى.. بــــل ويش هذاا...
ــ رائد .. وبالله اقول ليها مين...
ــ قول ليها ايمان..
رائد وبإبتسامه مسخره عرفها..
ــ ايمــااان.. ان شـــــــــــــالله .. يوووصل..
وركب السياره وهي واقفه.. كفخ الباب.. ومشوا...

رجعت ايمان لريهام.. وهي محمقه...
ريهام..
ــ ويش فيه هذا .. من أي قرن .. احسه متخلف ويش فيه ابدا..
ــ اني اللي بجيب راسه للأرض.. بخليه يتدحن ويطلب من اخته الرضا لتراضيني..هين بس..
ــ خخخ والله انش منتين صاحيه.. افا بس.. كان انتين هالرائد كلمش اني الكحلي ولا عبرني.. الا صدق ويش اسمه..
ــ واني ويش دراااني.. ومن زين الكلام اللي كلمني به هالمصفع هذا ما عليه لكن..

اتصلت ايمان لسواقها يقرب السياره...
ريهام..
ــ بل توش ما عندش رصيد.. ويش صاير..
ــ اشلخ مع وجهش يعني من متى جوالي فضى.. ومن متى اني عندي احد يجيني صحيح خبله...

وصل السواق .. ركبوا... ايمان تكشف في السياره ,, ولا عليها السياره مظلله .. وكن الهندي مو رجال.. .. ريهام تخاف .. فظاله ببرقعها... ايمان وهي منقهره..
ــ باابو.. حط شريط راشد الماجد ..
ــ اوكي..

ريهام..
ــ بابو وبابو .. نافذتو... اهوو راسي يعورني خلنا هادئين..
ــ سكتي اني ابغى انسى هالمغتر وفعايله هااا.,,,
ــ زين بسم الله اكلتيني
وبالطريق وهم راجعين..
ريهام.. بصوت قلق وبهمس .. بصبعها تنبه ايمان
ــ ايماانووه..
ــ ويش فيش..
ــ هذا سواقكم سخيف طلعي.. يطالعنا ورا من المرايا...
ايمان وبكل برود..
ــ بابو.. عيب لا تطالع..
بابو بإبتسامه خبيثه..
ــ اوكي..
ريهام.. بخوف ورعب شديد..
ــ يماااه.. سواقكم الأولي ارحم.. وويييش هذا.. متى اوصل البيت.. روحتنا اني طنشت عواينه هالسخيف وهو يطالع قلت يتراوالي .. الا طلع صدق يطالع .. وصاقعه تخبق عيونه..
ــ اهووو ما تسكتي .. كل تحني.. فكينا .. ويش بيسوي.. بيخطبش مثلا.. فارقي مناك.. ما باقي الا ادق خبر لبابو بعد... ها بتغطى زين..
ــ أي احسن ..

فارس..
ــ جوعااااااااااااان..
رائد مختلع..
ــ اه.. تونا ماكلين في المجمع ويش فيك ناخرتنك الدوده..
ــ خخخخخخخ ما اكلت عدل من عواينهم هالبقرتين وهم يطلعوا..
ــ هههههههههههههه والله اكلت وعبيت بطني ولا علي منهم..
ــ ههههههه زين والله.. عليك بالعافيه.. المهم انا بوقف دقيقه باخذ لي شي ..
ــ اوكي ..

وصل بقاله نزل وشرى له سنكرس.. ورجعته لقى رائد يكلم جوال.. رؤى كانت متصله فيه.. تبغاه يجيب ليها اقلام وخرابيط استعداد للأمتحان..
ــ أي صحيح ..تسلم عليش وحده..
ــ وحده..!!!مـــــــــــــيــــــــن..؟؟
ــ ايمــاان...
ــ بل.. أي ايمان..
ــ خخخ تسوي روحش ما تعرفيها خويتش..
ــ اه ....في وين شايفنها..
ــ في الراشد ولا بعد تغازل..
ــ هاااه.. بسم الله.... احلف..
ــ لا والله خخ تسوي روحش ما تدري بها..
ــ شلووون شكلها..
ــ هههههههه يا ظريفه تستظرفي علي .. ليش كشفت لي هي..
ــ لا يعني شلون ..ما ادلي. كيفا اشلح لك...
ــ امحق شكل .. كتف ومخصر ومزكرش ونقاب.. والكحله تقولي عيون نعامه..
ــ هههههههههههه مهي هي.. هي ما تلبس كتف تلبس عباية لاس ومخصله وصدق مليانه زينه..
ــ اقوول.. هي .. قالت لي ايمان خوية رؤى.. وقالت اسمي... فارقي بس..
ــ يؤ..
ــ يؤ هااا.. اسمعي هالأشكال لا اسمعش مخاوتنها.. ولا اشوفها جايه لش لا اكسر رقبتش انتين وياها..
ــ بل بل.. ويش علي اني من لبسها..
ــ اللي يسمعش من زين الأخلاق.. وبنبرة مسخره.. شوكولاته سايحه.. سايحه.. وع الحمدلله والشكر بنات اخر زمن..
فارس يسمع المكالمه.. وخايف على رؤى لا يحط رائد الحره فيها.. ويأشر على رائد بيده .. حركة شوي شوي ..
رائد قام يضحك..
ــ المهم.. اسمعي.. قولي لأمي بتغدى برى اوكي..
ــ وين بتلوح.. مع مين..
ــ مع ابو الفوارس...
رؤى عفويا صرخت صرخة فرح..
ــ ياااااي تصالحتوا..
رائد.. موخر السماعه عن اذذونه.. فارس سمع وضحك ..
رائد..
ــ ههههههه.. حمااس هاا.. المهم قولي لأمي زين..
ــ ان شالله..
ــ يللا باي..
ــ مع الف سلامه.. ولا تنسى الحوايج اللي ابغاهم..
ــ ان شالله..

فارس..
ــ وين بتروح تتغدى برى.. البيت يا حبيب امك وابوك..
ــ اه لووويش.. ابغى اعزمك على الغدى..
ــ لالا .. البيييت. اولا .. اختباراتك ما بقى شي يبغى لك تروح وتذاكر... وثاني شي امي ام حسين لحالها مافي .. << ويعطي رائد كم بحلوس..
ــ اقوووول...لا تتحجج زين بنمر على امي ام حسين وفي بيتنا.. وانت على قولتك اذااكر هااا.. بخليك يا عبقرينو الرياضيات تعلمني...
ــ ههههههههههه عبقرينو مره وحده.. زين ما عليه...
ــ أي انت شاطر بالرياضيات وتكتب خواطر وشعر و كتاباتك حليوه.. والله مستغرب منك شلون ما جبت نسبه..
ــ خخخخ الظروف يا خيي الظروف.. وياكرهي للفيزيا والكميا.. خسفوا بالنسبه تخسيف..والإنجليزي افحط .. انت احسن مني بالإنجليزي..
ــ اوو... ار يو شوور..
ــ انشب احسن لك..
ــ ههههههههه زين برجع اجل ادق على بيتنا وبقول ليهم بيجي وياي استاذ خصوصي عالغدا ..
ــ خخخ الله يقطع سوالفك .. اوكي...

ومروا على ام حسين.. ورؤى يوم انها درت بجية فارس راحت طياري المطبخ وتحوس وتشيل وتحط.. وسوت بسبوسه..
زهرا..
ــ هادويش رووحي داكري .. خلي اني بسوي..
ــ خلاص اخذ لاحه شوي من هالمداكله.. << وفي قلبها كل هذا لفارس ومن الفرحه على حساب تصالح ويا اخوها..
رؤى وهي تقطع سلطه...
ــ امااه..
ــ هلا امي..
ــ بيت جيرانا لضا من متى خبلش بهم..
ــ تقريبا من اسبوعين.. لويش..
ــ واحشيني.. الباب بالباب.. حنينوه زعلانه علي وما تكلمني على حساب قلت ليها بلوح ليها بعد لجعتنا اخل مله من البحل .. بس ما لحت.. ومنها ما تكلمني.. كل مني اني النحيسه..
ــ هههههههه كنش ما تعرفيها عادي كل مره انتون كذا .. وثاني شي قليل يتواجدوا في البيت..
ــ يؤ لويش..
ــ نسيتي عرس كوثر في الإجازه.. يجهزوا ويحوسوا.. العصاري والليل ما تحصليهم في البيت..
ــ واااو.. نسييت.. حلاوتها كوثل بتصيل علووس..
ــ الله يسعدها وعقبال سمر يارب..
رؤى بنبره اسى..
ــ يااالب.. والله سمل حليوه.. واخلاق.. يا سبحان الله .. نصيب والزاق..
ــ أي والله ارزاق.. من يوم هي صغيره وهي ويش حلاوتها حتى اني ويا اختي تهاني قلنا بنخطبها لخالش كرار رحمة الله عليه.. بس هذا القدر والمكتوب.. هو يروح .. وهي تظل نصيبها موقف..
ــ يللا الله يلفع حظها بولد الحلال اللي يسعدها .. والله يلحم خالي ويسكنه جنته ..
ــ يالله ياكريم...

ــ اووووووووووه..
رؤى ترمي السكين من الخلعه على الأرض..
ــ اماااااااااااه...
زهرا حطت ايدها على صدرها وخذت نفس....
ــ بسم الله سمت على عمرنا الزهرا ام الحسن وحسين.. من متى وصلتوا..
ــ تووونا... خخخخخ اكم برى الصاله ام حسين وفارس..
زهرا..
ــ أي اني عندي مشمر هنا في المطبخ.. روح جيب لأختك واحد
ــ زين...
راح رائد ركب فوق .. طلع من الكبت مشمر... الأخ مرووق وفرحان.. ومخه مهلوس... قام لبسه وتغطى.. ونزل..
فارس من فووق لفت نظره احد بمشمر .. قال اكيييد رؤى.. وصار يغض النظر مستحي...
ووصل رائد وهو متغطي للدرجات اللي قدام فارس مقابله الصاله,, فارس رفع راسه واختلع.. وفي باله..
ــ اه.. الا صارت طوييله.. لايكون هذي امها... لااا.. امها مهي كذا . ويش هذا بنيتها بعد كنها عرضانه...
ويغض النظر وعيونه فاتحنها.. مهو مصدق ..
ام حسين.. نظرها على قدها شافت اللي تنزل..
ــ امي رؤى.. هذا انتين..
هي من قالت رؤى ..ورائد نازل من على الدرج.. جته الضحكه.. ويدوس طرف المشمر وطررم طرااااااخ... يتكسر على باقي الدرجات لأخر درجه وفي الصاله ينشدخ على وجهه..
فارس انصرع .. ام حسين ما تقدر تقوم بسرعه..
فارس قام.. ووقف على راس رائد..
ــ سلامات..
مهو عارف ويش يسوي.. قام وقف عند الدرج ينادي على رائد اللي ركب ولا نزل..
ــ رااائد.. راائدووه تعاال..
يبغاه يشيل اللي طاحت.. وللحين مختلع مين هذي معقوووله رؤى...!!!
الا ايد تطلع من تحت المشمر.. وتتوسد على الأرض كان يقوم .. وينبته فارس للأيد فيها شعر وايد رجال.. ولا بعد الدليل الخااااتم .. خاتم رائدووه النحيس...
تاابع>>>

ويسحب فارس المشمر.. الا برائد ..يون من الطيحه وهو ميت ضحك.. وينقلب على ظهره..
ــ ايييي.. هتكت ستري .. حسسسسسسسبن الله عليك..
ــ ههههههههههههههههههههههههههه مينوووون.. لا تتحسب علي هههههههههه ويش مسوي..
ــ والله مأساه الله يساعد البنات كيفا يشوفوا .. اااييي..
ــ هههههههه هم متعودين مع وجهك.. قوم قوم.. تعورت..
زهرا طلعت من المطبخ حامله تبسي فيه كاسين ماي لفارس وام حسين..
شافت فارس ماسك المشمر ورائد منبطح على ظهره ويون ويضحك..
ــ وي ويش صااير .. هلا فارس..
فارس وهو ميت من الضحك .. وام حسين مره مهي قادره ضحك..
ــ ههههه هلا ام رائد .. ولدش ههههههه تستر وطاح..
زهرا..
ــ ههههههههه ما يجوز عن سوالفه.. هههههه قوم امي تعورت..
ــ ااييي.. يعني.. شوي... ترضرضت عظامي..

قوموه.. وودت زهرا لرؤى المشمر ..
رؤى ..
ــ ويش صايل بلى ضحك وسوالف..
علمتها امها باللي صار..
ــ ههههههههههه مسكين اخوي.. بس يستاهل ماحد قال له خخخخخخ...
طلعت رؤى.. وقعدت وياهم .. جنب ام حسين...
وهي متغطيه..
ام حسين..
ــ وي عااد باشوفش من زمان ما شفتش ياعيني..
رؤى تضحك بهداوه ... << عالصامت بس هزاز خخخ
ام حسين..
ــ دخليني معاش تحت المشمر بشوفش..
رؤى مهي قادره ضحك.. دخلت راس ام حسين معاها تحت المشمر..
ام حسين.. باستها..
ــ وي عساني منحرم من هالشوفه يارب .. شحوالش امي ..
رؤى بحيا ..
ــ وما ننحلم منش .. الحمدلله حياش الله...
رائد ميت ضحك على شكلهم..
فارس قلبه يطق طق .. وبيموووت وده يكون مكان امه ام حسين ويهلوس في باله..
ــ متــــــــــــــى بس مـــــــــــتــــــــــــــــــى...

واستوى الغدا وتغدو... وبعد الغدى بساعه.. جابت زهرا بسبوسة رؤى..
وحطتها على الطاوله اللي بالصاله.. رائد نقز من الكنبه بصفقه وقام يفرك اياديه..
ــ هلاااا بالبسابيس هلا هلا..
فارس يضحك عليه..
ــ بسااابيس خخخخ هههههههههههههه خخخخ قطاااوه...
ــ هههههههه وجهك..
وقعد على الأرض وصار يقطع ويحط بالصحون.. اول قطعه مدها على ام حسين,,
ام حسين..
ــ وي يا ولدي هادا ويش..
فارس..
ــ مياااو.. بسابيس..
الكل قام يضحك..
رائد:
ــ ههههه هذي بسبوسه..
ــ ويش بعد تطلع دي...
ــ حاليه زي الكيكه..
ــ وي ما اقدر من السكر يا ولدي اغناكم الله..
مد رائد الصحن على فارس..
فارس..
ــ ما احبها...
رؤى من سمعته قال ما احبها.. شهقت داخل قلبها شهقه .. افااااا واني مسويتنها على حسابه تهي تهي..
رائد حمق حط الصحن على الطاوله واخذ ملعقه وقام ياكل وهو يقول..
ــ كيفكم.. والله مافي احلى من بسبوسه اختي .. توفروا
ام حسين ..
ــ يؤ .. مسوى رؤى.. وي بعد قلبي .. اجل ابغى طشوونه << نتفه.. قطعه صغيره بالمره..
زهرا ..
ــ ههههههه الله لينا .. أي مسوى رؤى..
ــ ويي يا عيني يا ام رائد.. هذي رؤى الغاليه على قلبي .. افا عليش..
زهرا...
ــ تسلمي الله يخليش ..
فارس من سمع انها من رؤى.. انصررع.. كنه يبغى يغير رايه وياخذ .. بس مستحي ويش بيقول يخاف يلفت النظر.. وفي باله ... ــ اووووف ويش هالخباله فيني .. ابغى .. اوووف...
رائد عطى ام حسين قطعه صغيره.. واخذ صحنه والملعقه .. وقعد جنب فارس.. وقام ياكل.. وشوي قام يحايل في فارس.. يذوق بس ملعقه..
فارس استااانس جته الفرصه...
رائد وهو ماد الملعقه ناحية فارس .. فارس فتح بوزه.. رائد خانه واكلها..
ــ تقوول مم ما تحبها.. ممممم.. والله لذيذه..
فارس يضرب راس رائد زي التيله..
ــ وجع تلعب علي..
ــ هههههههه زين هاا جرب والله بتحبها...
واكل رائد فارس ملعقه..
فارس حسها احلى حاجه اكلها في حياته.. وبعفويه..
ــ والله رهيبه ولذيذه.. خلاص بحب البسبوسه.. تسلم الأيادي..
رائد..
ــ ههههههه قايل لك.. الله يسلمك.. احط لك قطعه لحالك لا تأذيني كل شوي واقعد القم فيك..
ــ ههههههه الله يغربلك زين..

طبعا رؤى ذابت ذوبه ما يحتاج

والعصريه.. قعد رائد وفارس بالغرفه.. فارس يعلم رائد كم مسأله,, ووصلوا للمسأله اللي عصت وصعبت عليهم هو ويا اخته وصاروا يدوروا على قانونها...
رائد..
ــ افف هذي ثقيلة دم انا ما فهمتها ولا رؤى .. هذاك اليوم حاولنا لين قطننا وخسنا ولا عرفنا..
ــ ههههههه اشوفها الحين...
صار فارس يفكر فيها..
ــ اهاا.. فيها هي فكره.. مو حل مباشر بقانون.. اشرحها لك الحين.. وتالي اشرحها لأختك..
ــ خخخ مو المشكله انا ما اعرف اشرح..
ــ ههههههه غربل الله شرك.. زين اجل اكتب الشرح خطوه خطوه..
ــ ايهيي.. والله سالفه وبتعب عمرك.. واذا ما فهمت شي من الكتابه بتسألني وانا فاهم بس ما بعرف اوصل المعلومه.. اقول لك .. بخليها تجي معانا بهالمسأله تفهمها وتروح..
فارس طق قلبه.. وفي باله..
ــ الله اشرح ليها انا.. وي.. هههههه جت منه هوو...
راح رائد غرفة رؤى لقاها تذاكر..
ــ ويش تسوي..
ــ قاعده احاول في المسأله اللي ما علفناها داك اليوم .. شكلها مهمه وضميلي مو مطاوعني اطنشها..
ــ هههههههههههههههههههههههههههه
ــ على ويش تضحك..
ــ ام الصدف يااا شيخه..
ــ ههههههه ويش تهلوس..
ــ جاي بقول لش قومي البسي مشمرش وتعالي غرفتي فارس يعرف ليها وبيعلمنا اياها..
رؤى انصرعت..
ــ هااا..
ــ ويش فيش مفهيه.. من قال هاا سمع.. قومي انا تالي اذا فهمتها تدري بي ما اعرف اشرح..
ــ هاا زين الحين باجي..
طلع رائد..
رؤى قامت لبست مشمرها وخذت كتابها ويا قلم.. وراحت ليهم .. طقت الباب كان مردود.. مع الطقه طاح قلب فارس..
قعدت بعيده شوي..
رائد..
ــ تعالي منا.. ما بتفهمي على بعد.. بيشرح وبيكتب..
فارس مرتبك.. ويطالع في المسأله عدل يتأكد من روحه هل صدق يعرف ليها لو لا ..لا يتفشل.. وطلع فعلا يعرف ليها ...
قعدت روؤى جنب اخوها.. وفتحت المشمر من تحت جهة الكتاب.. ما تشوف الا ايد فارس وهو يشرح ليهم.. وابتدى يشرح ويكتب.. رؤى حطت كتابها على الأرض وقامت تكتب .. ومن الربكه.. كتبت سطر كامل غلط.. انتبه فارس .. نبهها..
ــ اا.. لو سمحتي .. غلط مو كذا..
وقام يوريها ويش الصح.. وهي مرتبكه ومهي عارفه أي سطر يقصد.. قام فارس مد قلمه وكان حبر على السطر الغلط بكتاب رؤى وصار يحك الكتاب بالقلم فبين اثر الحبر خط رايح جاي..
رائد..
ــ خخخخخ زين لا تنسي هالغلط .. يللا عدليه..
رؤى مرتبكه.. قامت تمسح الغلط .. وتعيد الكتابه عدل...
وخلص الشرح .. والحمدلله فهموا .. وقامت رؤى تركض..
رائد..
ــ ما عندش بعد شي مو فاهمتنه.. ترى فارس فهلوي وعبقري رياضيات فلته ما شالله ,, يشرح لينا مره وحده..
فارس يضحك..
ــ لا عاد مو لهالدرجه.. الحمدلله زين.. ماشي حالي..
رؤى ..
ــ لا شكلاا.. يعطيكم العافيه..
فارس ..
ــ الله يعافيش..
وفي باله..
ــ افااا.. تكفي ..عاااد... بعد مسأله... اخخ يا قلبي...

وخلصوا مذاكرة الرياضيات....

تابع>>>

بعد اسبوووع...

الساعه 3 الفجر.. رؤى تحت دش السباحه... صار ليها نص ساعه في الحمام...
رائد يشلخ الباب عليها..
ــ اطلللعي.. خلصينا.. اه..
ــ دقيـــــــــــــــقه...
وفي بالها وهي تحت الماي..
ــ اوووف يخلب علي .. اللواق ؛؛<< الرواق خخخ
وبعد عشر دقايق .. طفش رائد ويشوت باب الحمام شووته...
طرااااخ..
رؤى..
ــ يماااه.. وصاقعه.. قعدت امي وطلعت الجنانوه اللي في الحمام.. بسم الله على عملي... ويش فيك لووح اسبح في حمام ثااني...
ــ مانى رايح خلصي .. امواس حلاقتي وعفستي كلها بهالحمام خلللصي..
ــ الله اللي يسمع وين بتلوح بيحلق ومدلي ويش..
ــ سكتي هاا توش البارحه عند المرايا بالملقط مع هالحواجب ... طخ طخ طخ << يشدخ الباب..
اطلللعي...
ــ زيييين.. اوووف.. يالله صباح خيل..
طلعت من الحمام وطلعتها مد رائد رجوله يعرقل ليها.. تعرقلت.. وصارت تتوازن لين صدمت بالطوفه اللي قدامها ..
ــ الله يغلبلك يادب.. زين ما صدمت باب غرفة امي وابوي كان فزعت امي..
ــ خخخخ عدال ويش هالسبووحه .. هذا وكل يوم كنتي تتسبحي .. لو ما ادري بش بقول سبوحة تعويض خيسة اسبوع..
رؤى تبحلس عليه..
ــ مالت عليك.. ويش علفك انت.. يقول لك ايام الإختبالات.. تسبح عدل وحس بالماي وانت تحته مو سبوحه عالطايل .. خل الدم يتحلك..والدوله الدمويه تتنشط ..
ــ أي اختبالاات.. حق الخوبال واي دوله واي مدينه.. يالله على دقيقه الواحد يراجع بها مين مخرف عليش هالكلام..
ــ صدقني ..خخخ ابلة الأحياء قالت لينا. ولا تسخل علي...
رائد وهو يسكر باب الحمام ..
ــ تت .. بس تت..
ــ ههههههههه وجهك قطووه قالوا لك...

راحت رؤى غرفتها.. فتحت القران تقرى شوي.. لين اذن الفجر .. صلت.. وقامت تراجع... لين الساعه 6:15... وتالي لبست وخلصت.. وطلعت لرائد لأنه هو اللي يوصلها الصباح ايام ألإختبارات...
وصارت وياه بالسياره تسمع له القوانين.. وتراجع بصوت عالي وهو يسوق.. الا بجوال رائد يرن..
طالعه رقم غريب.. رد عليه ..
ــ الوو نعم..
ــ اهلييين هلا والله صباح الخير,,
ــ اهليييييييييييييييين.. وسهلييييييين.. ويش جوال مين هذاا..
ــ جوالي توني ماخذنه البارحه.. سجله عندك..
ــ ليش الأولي ما رجعته..
ـ ما ابغاه خلاص قفلته يولي.. هذا خلاص جديد احسن.. اخبارك واخبار النفسيه اليوم..
ــ الحمدلله.. تمام... هذانا بالسياره بوصل اختي وبروح المدرسه..
ــ الحمدلله. وموفقين يارب... الا صدق شلوون جوالك وياك.. انا فكرتك بعدك في البيت .. ليش مو ممنوع بالمدرسه..
ــ خخخ الا ممنوع بس اخليه بصندوق السياره..
ــ انتبه اجل لا يسووا لك مثل سيارتي..
ــ ان شالله..
ــ يللا حبيبي بالتوفيق وانتبه لروحك والله الله بالقران.. وخصوصا اية الكرسي .. واستهدي بالله وصلي على محمد واله .. وبتتوفق ان شالله..
ــ الله يخليك يالغالي لا توصي حريص..
ــ يللا مع السلامه واشوفك على خير..
ــ على خير حياك الله..

رؤى من المكالمه عرفت ان فارس المتصل .. ابتسمت .. وسرحت...
رائد .. أي ويش قانون هذا ذكريني به... << هدوووء كنه يكلم طرمه..
ــ رؤوووه.. هيييه ..
ــ هاااه...
ــ انا لله.. احنا وهالهاااه.. قولي نعم ووجع..
ــ ههههههه زين .. نعم.. ويش ..
ــ خلاص تذكرته خخخ..
ــ مالت عليك..
ــ اقول وصلتي يللا .. انزلي.. وبالتوفيق..
ــ جميعا.. يللا مع السلامه..
ــ الله يسلمش..

دخلت رؤى المدرسه.. وراحت للمكان اللي تقعد فيه هي ويا خوياتها.. وصلت لقت روان وفي حضنها مثل ما توقعوا.. ايمان.. وشكل روان معصبه.. وايمان مفهيه وشكلها ما كنها جايه مدرسه ولا كنها ايام اختبارات.. شعرها مسويتنه حركات ومتكحله وحاطه لمعه بشفايفها.. واكسسوار.. مره حاله وروقان مو طبيعي..
ويوم وصلت رؤى وسلمت عليهم.. نطت ايمان..
ــ هلاااا.. وغلاااا.. جت المنقذه .. اكيد بتعرفها ... جننتيني روانوه..
روان وهي محمقه وابدا مهي مروقه..
ــ خذ لك النكوووره صار لش ساعه مسويه لي ازعاج وتوتر واني اشرحها لش والحين طلعت ما اعرف .. فارقي بس..
ــ امواااه فديتش لا تزعلي امزح..
ــ مالت عليش .. هلا رؤى غناتي اخبارش..
ــ الحمدلله تمام وانتين..
ــ الحمدلله بقوم عنكم مناك كان اراجع كم كلمه..

ايمان خذت رؤى على جنب..
ــ هلااا.. اخبارش غناتي..
رؤى تذكرت كلام اخوها وحاسه بضيقه وهي مشتهيه القعده ويا ايمان..
ــ هلا الحمدلله..
ــ خخخ لا تخافي ما ابغاش تشرحي لي شي.. بس ابسألش..
ــ هلا..
ــ والا اقول لش.. لبعد الإختبار .. باي باي..
ــ حياش..
راحت رؤى جنب روان..وصاروا يراجعوا.. الا روان تسأل رؤى عن نفس المسأله اللي شرحها ليها فارس..
رؤى زي اخوها ما تعرف تشرح ولا توصل المعلومه.. فطلبت منها روان حل المسأله اذا عندها وهي بطالع الخطوات وبتفهمها ان شالله لحالها.. عطتها رؤى الحل.. صارت روان تقرى فيه.. وصلت للسطر اللي شخط فارس تحته بالقلم الحبر .. وسألت رؤى..
ــ هذا ليش حاطه تحته خط.. مهم..؟؟ فيه فكره.. والا ويش ماني فاهمه..؟؟
رؤى ببتسامه ..
ــ لا بس كذا واني الاجعها شخطتها.. وفي قلبها تقول.. فديته من شخطها خخخ..

وجا وقت الإختبار.. دخلوا البنات اللجنه وقلبهم يصفق.. وصل مظروف الوزاره.. وقاموا يوزعوا الورق ودفاتر الحل.... وتوهم يوزعوا,, الا بنيه صفقت ايدها بعفويه على خفيف على الطاوله.. وقامت تصيح..
ــ مـــــــــاااايكفيني الوقت.. تهي تهي.. مااا يكفي..
المراقبات انصرعوا منها..
رؤى من الخلعه.. قلمها الرصاص تعبئه.. انكسرت حربة القلم.. ورجعت تضغط وتطالع في البنيه.. وفي بالها..
ــ بسم الله هاداوووويش بعدنا ما حلينا.. حلي وتالي صيحي تهي تهي.. جبتي لي قلق..
وصاروا المراقبات يهدوا في البنيه.. ويجيبوا ليها ماي...
وبنص الإختبار... الا وحده ثانيه قامت ترجع.. رؤى قدام.. بس تسمع الصوت...ومتنرفزه حددهااا.. وفي بالها..
ــ لاااحوول الله تهي .. ويش هاللجنه هاااذي.. لاعت جبدي.. تهي .. كل هذا خووف...

رائد في اللجنه.. معاه.حيدر خاله..
شوي الا استاذ ضارب بالمسطره على طاولة واحد قريب لحيدر.. كانت عيونه طايره لدفتر حيدر يبغى يلقط منه كم حاجه...
حيدر من الخلعه بعفويه طار القلم من ايده.. وراح الإستاذ وهو يضحك جابه له.. وصار يمسح على ظهره ..يبغاه يهدي..
رائدحاط قلمه الحبر في اذونه اليمين وقلمه الرصاص بيده وقاعد يفكر بسؤال..
ويوم جت في باله فكره...صار له ساعه يبري قلم رصاص كلما براه انكسر .. ما شافوه الا بعفويه يصفق القلم والبرايه..
ــ اوووه ويش هالصاقعه..
الكل قام يطالع فيه..
الإستاذ ضحك عليه..
ــ ااششش يا ولد هذي لجنه...
رائد وهو مبتسم ورافع حواجبه. ورافع قلمه الرصاص المنكسر بإيد والبرايه بإيد..
ــ ابغى قلم رصاص لو سمحت...

جابوا له قلم.. وصار يحل...

في قاعة رؤى..شويات الا وحده رافعه ايدها وتسأل عن سؤال واضح وحله مباشر..
رؤى فرت ورقتها تشوف السؤال شافته سهل مافي شي.. المراقبات يشوفوا البنيه ويش عندها.. وهي تهدر .. وتتفلسف.. ومهي عارفه.. مسويه السؤال شي عظيم وعالمي.. رؤى شكت في عمرها ..
ــ ويلي.. والله بسيط ومباشل.. ويش فيها هاذي.. يوه.. لا يكون بس في فكله واني خبله..
وصارت تطالع فيه ضيعت عشر دقايق وهي تحله على جنب مره ثانيه .. وطلعت نفس النتيجه..

وفي قاعة رائد... ما سمعوا الا صرخه الإستاذ..وهو ماسك واحد .. ويوقفه.. ويمسك مسطرته ويرفعها جهة الضوا..
ــ الله الله.. ناحت قوانين الكتاب على المسطره.. ولا شفافه بعد.. مشمخنها تشميخ.. بويش يا شاطر بإبره... قوم قدامي للإداره... ويطلعوه برى..
ورائد يطالع ومفهي.. ويرجع يحل..

تابع>>>

شوي الا الإستاذ .. ينبه الوقت قريب يخلص..
ونفس الشي المراقبات بعد ....
ــ باقي ربع ساعه يا بنات.. اللي كاتبه برصاص تحبر..
الا البنيه اللي في بداية الإختبار.. تصيح.. رجعت تشاهق وزادت صياح.. وصاروا يهدوها لا توتر البنات باللجنه... وشوي اغمى عليها..
قامت رؤى تركض تحبر وهي تتنافض ومتوتره..
ــ حشاا مو امتحاان هااذاا هذا ويش هالبنات.. جابو لي خوف مو طبيعي الله يغلبلهم.. مفتكه لوانوه ويا ايمانوه في اللجنه الثانيه اووووف..

انتهى الوقت... وقاموا يجمعوا دفاتر الإمتحان.. رؤى تقرى ايات وتنفخ على دفترها وهي تدعي يارب تتوفق .. وفي بالها اخوها ياارب يتوفق..

وطلعوا من القاعه.. الأولاد على طول كل واحد سيارته وبيته.. البنات.. يراجعوا الحلول.. روان اكلت الكتاب اكال وهي تراجع.. رؤى مهي مشتهيه اكره ما عليها هالحركه.. الا بجية ايمان المروقه..
ــ هااي .. ويش سويتوا..
رؤى ..
ــ الحمدلله.. وانتين
ايمان..
ــ خخ ما ادري.. وانتين روانوه..
روان ..
ــ هاا الحمدلله .. بس وين هالقانون الزفت هذاا..
ايمان..
ــ خخخ.... رؤى دقيقه تعالي بسألش..
ــ هلا..
وبهمس..
ــ الا اخوش وصل لش السلام لو لا..
رؤى انصرعت.. يعني كلام رائد صدق .. وطلعت بعد لطلعة السوق ليها لبس وحركات خاصه.. لا حوول...
ــ ايه... وصل..
ــ ززييين اشوى.. أي بعد. ابسألش... مين هذا اللي وياه..
رؤى حمقت .. ويش فيههااا هذي تسال عن فارس << دقتها الغيره..
ــ خويه... لويش..تسألي؟؟
ــ اهاا.. ادري خويه.. اجل خويته خخخ.. ويش اسمه..
رؤى شبت حريقه..
ــ وانــــــــــي ويش دلاااني..
ــ زين شوي شوي .. ويش فيش عصبتي.. خلاص باي باي وموفقين..
ــ باي..
روان..
ــ اووف ويش فيها هذي ..
ــ ويش دلااني..
ــ بيني وبينش كلما جا ليها تخترب.. ما عادت ايمان الأوليه..
ــ أي والله افاا بس افاا...الله يستل عليها بس تعبنا ننصح فيها و لا يفيد..
ــ اييييييه خلها على الله... ويييين هالقاانووون
ــ اهوووو فالقي بسسس

وانتهى اول يوم .. بتوتر وخوف وقلق..
وبعد اسبووع ويومين..... وما باقي الا يومين اضافه لهاليوم وتخلص الإختبارات..
ــ الصلااااة خير من النووم... << مسجد قريب بيت فاضل..
رؤى .. وجنبها دلة شاي وعيونها متفقعه وما كان عليها صلاه وتعبانه حددها.. قامت تصيح..
ــ والله ما نمت.. تهي .. والله صعب الفيزيا ليش خلوا الكيميا اللي ذاكرته يوم سبت .. تهي تهي.. يالله ساعدني..

رائد اخوها كان مذاكر الفيزيا من قبل وما ذاكر الكيميا.. بس سوى زين...

بعد نص ساعه ..قعد رائد من النوم للصلاة وبيراجع .. مر على رؤى.. لقاها قاعده على الأرض.. وحاطه راسها بين ركبها.. وكفوفها على راسها وتحت ارجولها فارشه جريده فيها اسئله للفيزيا واجوبه.. وقاعده تقرا..
ــ رؤى.. ما نمتيي؟؟؟
رؤى بصوت تعبان ومبحوح
ــ لااا..
ـــ حراام عليش ارتاحي شووي ويش فايده مذاكر بدون راحه.. قومي نامي لش ساعه.. تالي بقعدش..
رؤى ساكته.. ما شاف رائد الا عالجريده دموع تطيح..
راح لخته.. رفع راسها لقى عيونها منتهيه .. ومبين على وجهها تعب مو طبيعي..
ــ قووومي يلعن ابو النسب والإختبارات.. ما تسوى عليش بتموتي.. ما يصلح لش .. كفايه عليش فيش جي سكس بي دي << فقر دم فولي.. ,, وحامله سكلسل وسهر وقلة اكل ولا شرب بهالشاي.. قومي عااد.. على شاني..
قومها ... وسدحها على سريرها.. وغطاها...
ــ ماني ناايمه ما خلصت...
قام يطبطب عليها..
ــ نامي ساعه بس صدقيني بقعدش تالي وبراجع وياش عالسريع اللي ما خلصتيه..
ــ احللف بس ساعه..
ــ والله العظيم.. يللا ريحي..

ريحت رؤى ساعه.. وجلسها رائد بعدها.. على طول قامت..
وصار يراجع وياها بسرعه.. وعطاها ملخص قوانين كاتبنهم هو للجزئيه اللي ما خلصتها .. واستانست به .. وصارت تصيح.. وهو يهدي فيها .. ويضحك عليها..

وعدوا هالإختبار.. مع بعض الثغرات من رؤى بسبب التعب... وكان رائد يوديها الصباح وترجع الظهر مع باص..
وفي الباص .. ما قصر السواق دار برؤى ذاك اليوم من طياحة الحظ .. الفريق كله.. واخر وحده وصلها.. نزلت وهي تترنح.. وراسها داير.. لا اكل ولا نوم... دخلت بيتهم... وفي الحووش...طاحت مغمى عليها..

الى اللقاء بالحلقه القادمه.. :cool:

هاي

مشكور امور جزء روعه

بس روى مسكينه

حرام بعد بعدين ماتجيب نسبه ياحلاتها

تحياتي

وااااااااااااااااااااااو يسلمو جززززززززززززززززززء رهيب

اقتباس:

---

ــ رؤى.. ما نمتيي؟؟؟
رؤى بصوت تعبان ومبحوح
ــ لااا..
ـــ حراام عليش ارتاحي شووي ويش فايده مذاكر بدون راحه.. قومي نامي لش ساعه.. تالي بقعدش..
رؤى ساكته.. ما شاف رائد الا عالجريده دموع تطيح..
راح لخته.. رفع راسها لقى عيونها منتهيه .. ومبين على وجهها تعب مو طبيعي..
ــ قووومي يلعن ابو النسب والإختبارات.. ما تسوى عليش بتموتي.. ما يصلح لش .. كفايه عليش فيش جي سكس بي دي << فقر دم فولي.. ,, وحامله سكلسل وسهر وقلة اكل ولا شرب بهالشاي.. قومي عااد.. على شاني..
قومها ... وسدحها على سريرها.. وغطاها...
ــ ماني ناايمه ما خلصت...
قام يطبطب عليها..
ــ نامي ساعه بس صدقيني بقعدش تالي وبراجع وياش عالسريع اللي ما خلصتيه..
ــ احللف بس ساعه..
ــ والله العظيم.. يللا ريحي..

---

صحيح مزوووووح ويضحك ونحيس احيانا بس حنون
وووووووووووووووووااااااااو روووعة جزء روعة
ياريت تكون مسلسل كلن احين بعد تصير احلا واحلا
يسلموووووووو خيتو
ننتظر جديدش الرائع
تحيااااتي

علي قلبي رؤى مسكينه

الله يا خد الدراسه وساعتها
مسكينه رؤى في الحوش عادي والظهر علي كده بتصير مشوي
ما بيشوفها غير رئوده واكيد بيخلوها تنام اليوم كله
يا الله تسلمي امووو
ولاتتئخري علينا
تحياتي
رهف

ذكرتيني بسالفه صايرة لي مع خوي اخويي
ذاك اليوم يجي اخوي اشرح له المسئله ويروح يشرحها لخويه
وبدقيقة يجي اعيد الشرح له http://www.5aial.net/big/11.gif لين طلعت روحيhttp://www.5aial.net/big/8.gif


خخخخخخخخخ



مسكينة رؤى بعد طاحت مريضه http://www.5aial.net/big/42.gif سلامتها والله كسرت خاطري http://www.5aial.net/big/55.gif

وعلى فكرة ياليت كل الاجزاء هذا الطولhttp://www.5aial.net/big/73.gif

<<<<<<<< طماعةhttp://www.5aial.net/big/81.gif


يسلموو يالغلاا


بنتظار الجزء القادمhttp://www.5aial.net/big/98.gif

دمتــ بود

تسلمي غناتي على الاجزاء الرووعه الي تجنن


الله يعطيش الف الف عافيه


ورجعتيني الى ايام اختبارات الثانويه العامه


ايه صحيح توتر وزحمه ولافيه نوم اذكر في امتحان الكيمياء وصلت لدرجه اني اذاكر ولا اوتعي الى روحي

الا الكلام الي اقوله خرابيط خرفت


وخلعتيني على روئ عسى مافيها شيء


تسلمي يالغاليه والله يعطيش الف عافيه

دمتي لنا

الصبيان يختبروا ويروحوا بيوتهم والبنات يراجعو الحل ههههه زيي نحاسه مادري ليش ؟
ايمانووووووو الهبلونه ودي أعطيها إسطار خخخ
ياقلبي مسكينه رؤى
ايييييييييه الفيزياء طلع ليها قرون وهي تعبانه
واغمي عليها بعد وبعدين !!!!!!
يسلمو أمورررر
دمتي بود بانتظار الإصدار النيو

هلا أموووووورة

وااااااااااااااااااااو ويش ها لجزء:rolleyes: رووووووووووووعة

خبلتينا

مشكوووووورة حبيبتي تسلمين:amuse:

يجنن:wink:

>>>>>>>>ولعاد فالس و لؤى:bigsmile::bigsmile:

تسلمييييييييييين

تحياتي

هلاااااااااااا والله
بالطش والرش وماي المرشرش <<<<<<<<<<< ما ادري ويش يقولوا :nuts:


حركااااااااااااااااااااات الجزء روووعه يجنننننن :clap:

ما شاء الله عليش أموووووووووور :kaseh:

تشكري على الجزء الروعه

جزززززززززززء مرررررررررررررررررررررره روووعه وحليووو وطويل <<<نبغى كل الاجزاء كذااا

وايام امتحانتهم ذكرررتني بالذي مضى ايام مرعبه بس حلووووووه

سلمت الانامل التي خطت هذا الابداع

بانتظااااااااااااااااااااااااااار الجديد

تقبلي مروري وتحيـــــــــــــــــــــــااتي

هاااااااااااااي أمووووره
سوووووري على تأخر الرد
المهم الجزء ملللله لائع ولؤى وعاليا عليها والله كسلت بخاطلي
والله يعينها على هالنحيسه إيمانووووه
يسلموووو يالغلا على الجزء اللووووووعه<<<روعه مو لوعه
خخخخخـ

يالله عليك امووووووووووور الغلاااا على الجزء الروعه

احداث رهيبه

خاصه وانت تعرضي لحظات الخوف والقلق

ومره تودينا مدرسة اولاد ومره بنات مرره اكشن :kaseh:


بس زين ماطفى عليهم الكهرب والمكيفات :lol:


وحركه البسبوسه ياااااااااااااااااسلاااااااااااام سلم :clap::clap:


ومقلب المشمر :deh::deh:



حركتاااااااااااااااااااااااااااااااااااااااااااااا ت

الجزء مررره طويل قلت يمكن فاتني جزء وحطيتي حلقتين وماحسيت

ياحليلك وانت كريمه <<بتنذبح :laugh:


دوم ان شاء الله :toung:


سي يوووووووووووو <<رد سريع سوري الراس مصدع والكحه ملعوزتنها :closedeyes:

ياااااااااااااااااااايي ياهووووو
ويشو هدا اميرووه
الحلقه فلته مفلووته تجنن
ورائدوه مع المشمر والله انه كشخه عدلل
والله والستر عاد مع فيسه
ورؤى على عمري طاااحت مسكينه في الحوش عاد ويليي عليها
الحين بظل في الحوش فتره طوييله مسكينه
الله يعينها ع الحر وربي ينجحها وينجع رائد وشغل فارس
ويعرس فارس على رؤى وهشكل يعني
تسلمين حبيبتي ع الحلقه
عطاش ربي العافيه
تحياتي
ضحكوه البطه

هلا اموووره شخبارج شلونج عسااج عالقوووه
والله ان الاجزاء جدا رائعه وحلوووه وعااد يلا ترى جايه المدرسه والله يعيني
مابقدر اجووف باقي القصه لازم افظي نفسي على شااان اشوفها
اهئ اهئ اهئ اهئ الله يوفق الجميع ان شاء الله
وعليا مسكينه رؤى كسرة خاطري بتموت في هالحرر بررره والشمس عليها
يلا اموررره نبي التكمله والله يجزيج الف خير
وانا تابعه لقصتج بس ما ارد << خووش تعترف << لا اهي دائما تعترف ويقولون الاعتراف بالحق فضيله
بس اليوم قلت لازم ارد عليج شلون مارد عليج لازم ارد
تحياتي لكِ وبالتوفيق ان شاء الله
الشمعة

مشكوره اختي

على الجزء الرائع الطويل

وقلت انها ايماان هل الخبله

مسكينه

رؤى على عملي<<< على عمري

يعطيك ربي العافيه اختي اميرة المرح

علجزء الروعه والفله

ننتظر الجديد بس هلله هلله بروى مسكينه

تسلمووو عالتفاعل الرائع
واعذورني عالتأخير قضيت وقت الغياب
نوم × نوم :embarrest:
السهر ذبحني وهلكني ... باصير ضبعه بسرعه من كثر السهر خخخخخخ
وعووضت...

وعـــــــد من اميرووه..
الليله+ ليلة الجايه+ ليلة السبت
في اجزاااء :cool:
انتظروووني

ويسلموو علتواجد الرائع
والإنتظار

دمتم بحفظ الرحمن

يلا امووووره ننتظر القصه بفاارغ الصبر احم احم
وانتِ هم تابعي قصتي
تحياتي للجميع
الشمعة

يسلموو حبايبي
وتفضلوا الجديد....

ــ اتهيـا ويـن مـا اشوفـه تهيـا
وارسي بمرساه وشراعي شراعـه
مـن عرفتـه والمحيـا بالمحيـا
ــ هلاااا رااائدي...
ــ سواقنا الفني فني ...و سواااقكم هندي هندي.. سواقكم ركبو جني.. سواقكم شلخوو جنيي.. يادان دانه وادانه.. ياليل دانه وادنه... ياليل دانه وادانه... هلا هلا صفقه .. باقي يومين واخلص يا فويرس وافتك.. صفقه يللا لا انتفك .. يا دان دانه وااداانااا .. <<< رائد على باب بيتهم ماسك الجوال يكلم فارس ومروووق حده.. ونازل من السياره..
ــ ههههههههههههه الحمدلله والشكر هاا بشر ويش سويت اليوم خبري فيزيا وصعب ها عسى الأخبار اوكي..

رائد وهو يكمل كلامه بلحن الهيصه اللي سواها في البدايه..
ــ والله ما ادري يا خيي.. سويت انا اللي عليي.. سويت انا اللي عليي والباقي باقي على الله.. هلا هلا..
ــ هههههههه رااائدووه ويش فيك..
ــ ويش فيني.. فرحان ما باقي الا يومين.. وافتتتك..
ــ عساك دوم مبسوط يا لغلا وسهاله يارب وتعديهم على خير ويخلف التعبه.... اجل اخر يوم ويش بتسوي الساتر الله بتجيب عرضة وفرقة كبر الشارع ويللا رقص..
ــ أي وياعلايه .. يا علاااايه..
ــ هههههههه اقول انشب بس .. ويللا روح ريح وتغدى و خذ لك غفوه و وخلي جوالك عند راسك بقعدك للمذاكره..
ــ حلو حلو.. وبخلص بسرعه بكره علي توحيد وذاكرته من قبل..
ــ ايوواا عفياا.. اجل بطلع معاك .. منها نمتشى ومنها اسمع لك..
ــ ايوا ايوا.. زين
و يفتح باب بيتهم.. ويشوف رؤى مرميه بالحووش.. ويشهق شهقه.. صروعت فارس تصروع..
ــ بسم الله رااائدووه ويش فيك.. وين انت .. في السيااره لو ويش << خاف عليه فكر سياره طلعت له وبغت تصدمه لو شي..
ــ فارس فارس اكلمك بعدين باي باي..
ــ ووووييييش صااااير لاتخلعني...
ــ رؤى اختي طايحه بالحوووش ماا ادري باي باي ..
ــ هاااه... ووويش...
طووط طوووط ..
فارس مسك قلبه..
ــ ويلي .. على قلبي ... ويلي ويش فيهاااا....
وقام يركض طلع لأمه ام حسين..
ــ امااه بروح مشوار بسرعه وراجع..
ــ وينا بتروح يا عيني..
فارس وهو يلبس نعاله .. ويتعثر بالطبقات...
ــ بروح مشواار ضروري اذا تأخرت لا تخافي..
ــ خير اللهم اجعله خير... تعــــــــــــاااال عدل صروالك مقلوب...
فارس انصرع ... في باله .. صروااال أي صروااال .. لا يكون بنطلوني.. طالع تحت.. لقاه عدل.. وطاحت عيونه تحت اكثر لقى نعاله مقلوب من الخلعه.. عدله وهو فيه ضحكه على سوالف امه ام حسين بس مهي راضيه تطلع ماله مزاج...

ويطلع يركض بالزرنوق وهو يركض يشوت قوطي بيبسي ويطفره بعيد ويوصل لضبعه مسكينه ماره عند فتحة الزرنووق بتدخله.. ويصقع فيها.. وتنقز ...

ــ بسم الله علي المشافي المعافي هااادااا ويييش هالمصبنه هدووولاااا..
فارس وهو يركض ..
ــ اسف اسف ...
ــ والله حاله .. مصبنه ما تستحي .. اسف هذا اللي فالحين به.. زين بعد قال لي اسف مو مفلات غيره اعجمي و سروي...
فارس فيه الضحكه وبعد ماله مزاج وفي باله..
ــ فاااضي انا لضبعه تتحمق وسروي بعد...

ويركب السياره يدق سلف ما تشتغل .. مره مرتين .. مافي فايده.. ويضرب الدركسووون..
ــ اووووووووووف هااداااووووويش هالصواااقع وهالنواااايب ويش هالحظ المنتكس...
وينزل يركض يشوف له تكسي..

بالطرف الثاني كان رائد رامي كتابه ودنياته .. وحاط ايده تحت راس رؤى كاان جسمها حااار مولع من الشمس .. عز الظهر..

صار يصرخ .. امااااه .. اماااه.. ما تسمعه امه بعيد والمكيفات تشتغل وما يندرى بعد بأي وادي..

جا بيفتح باب الصاله الا مقفووول .. ضررب جبهته..
ــ اووف ااااوووه نسسسيت امي مهي هنا في بيت جيرانا تعاونهم على تكييس الحلويات وتجهيز خرابيط العرس من الصبااح..
ويرجع لرؤى .. وياخذ هوز الزراعه وبلا وعي يرش على وجهها.. ولا في فايده صاير وجهها اصفررر ومحومر شوي من الحر..
حملها لسيارته.. وسدحها ورى.... الا بجية فارس نزل بسرعه وفتح باب السياره قدام..
ــ ووويش صاير..
رائد يفتح ازرار دراعته وجبهته تصب عرق..
ــ ماا نى داري رؤى ويش فيها دخلت الا هي مرميه بالحووش..
فارس ياخذ نشاف ويمسح وجه رائد عن العرق ..
ــ هدي هدي وصلي على محمد.. قوم اقعد ورى ويا اختك انا بسووق..
ــ تسلم الله يخليك.. ما تقصر..
ــ اقووول قووم مو وقت الشكر والمدايح..
ويركب رائد ورى .. ويحط راس اخته على فخذه ويصير يمسح علي جبهتها العرق .. وهي ابدا ما تتحرك...
رائد قام يصيح..
ــ فاارس .. ويش اسوووي.. ابدا ما تتحرك.. اختي راحت.. .. لالا... ويش اسوووووي..
فارس بلا وعي دار عليهم.. كانت رؤى بلا غطى .. وحالتها حاله تكسر الخاطر.. فارس من شافها غض النظر وجته الغصه على حال الحبيبه .. وشوي تطب دمعته..
ــ هدي رائد .. هدي حبيبي .. تحسس نبضها.. شووفها تنبض..
رائد يحط ايده على صدرهااا..
ــ لااا.. ما احس فيه.. لاااااااا...
فارس اختلع وقف ودار عليهم .. مهو عارف ويش يسوي صار يقول لرائد
ــ حط ايدك يسار مناك ..
ورائد يحرك ايده على صدر رؤى يبغى يحس بنبض قلبها مو قادر كان مرتبك خايف يحس قلبه بيطفر وقلب اخته ابدا مو حاس فيه..
فارس بلا شعور ومن الخووف والربكه.. مد ايده .. ومسك ايدها جهة الرسغ وضغط بشويش..
وتركها بسرعه..
ــ تنببض .. فيها نبض .. لا تخاااف هدي وصلي على محمد واله بس .. الله ويانا..
رائد ودموعه شلال..
ــ ان شالله يارب..

ووصلوا المستشفى.. فارس نزل بسرعه.. وطلب من الطوارئ كرسي لو نقاله.. وجابو ليها كرسي.. وشالوها.. ودخلوها بسرعه على الطبيب... وبعد ربع ساعه طلع ليهم..
رائد يركض له..
ــ ويش يا دكتور .. ويش صاااير... وويش فيها ؟؟؟؟
الدكتور وهو يبتسم .. ويكركر ضحك على خفيف..
ــ هدي هه هدي يابني..هه.. مفيش حاقه تخليك تبكي بالشكل دا..
رائد حمق ويطالع في فارس وهو يتحمق..
ــ انا هذا اللي ببكس وجهه... انا فويش وهو فويش ..
ــ الله الله الله في ايه.. انت ليه عصبي بالشكل دا..
فارس قام يتفاهم ويا الدكتور .. شكل هالدكتور رايق ومروق ولا عنده سالفه ورائد مو بعيده يفرك وجهه بالقاع..
فارس:
ــ ويش يا دكتور عسى ما شر..
ــ لأ.. لا شر ولا حاقه بإزن الله دي بس انيميا حاده من نأص الأكل .. والراحه.. كم يوم مع العنايه حتبأى كويسه ان شاء الله..
فارس وهو يتنهد من قلب..
ــ ان شالله..
رائد رمى روحه على الكرسي وهو يطلق زفرة قويه...
الدكتور راح .. وفارس قعد جنب رائد اللي كان يطالع الدكتور على جنب وهو رايح..
ــ يللعن فيسه انا فويش وهو يضحك..
ــ خخخ انت بعد ما قصرت عليه شوي وتشتر ثيابه وانت تسأل ويش صاير.. عموما الحمدلله عالسلامه وما تشوف شر..
رائد يضرب فخذ فارس ويسند راسه للجدار ويغمض ..
ــ اوووف.. الله يسلمك .. والشر ما يجيك.. بس بجد خلعتني..
ــ لا اسم الله عليها ما فيها الا العافيه ان شالله..
ــ ان شالله.. ومشكور فارس وما تقصر والله تعبتك معاي..
فارس يضرب خشم رائد على خفيف باصابيعه زي التيله...
ــ لا تقول كذا... تعبكم راحه...

قام رائد وطل على اخته.. وقالوا له المغذي يبغى له كم ساعه..
فارس..
ــ قوم نطلع من جو هالمستشفى وتاكل لك حاجه.. ونرجع ليها وبالمره تمر على امك تشوفها الحين بتختلع عليكم...
رائد..
ــ اوووه.. امي امي.. وي .. الحين بتخاف لا انا وصلت البيت ولا هي..
وقام يتحسس مخباه.. بيشوف جواله..
ــ اف اوهوو بالسياره.. قوم مشينا ونرجع بعد شوي..
ركبوا السياره وفتح رائد صندوقها الصغير اللي قدام.. وطلع جواله..
ــ اف اف اف 45 مكااالمه تخييييل ....
فارس ..
ــ يالله اكيد امك..
فتح رائد سجل المكالمات..
ــ أيـــــــــــــه على عمري اختتللللعت..
ودق عليها ما مداه يرن حتى رفعته وبلهفه وصوتها شكلها كانت تصيح.. وصوت مريم مرت جيرانهم معاها تهديها وتقول الحمدلله هدي اكو رد عليش..
ــ هلا .. هلا اماه..
ــ هلا امي .. وينكم ويش صاير لا انت ولا اختك..
ــ لا تخافي اماه بس رؤى تعبت شوي ووديتها المستشفى..
ــ وي على عمري على قلبي .. ويش بهاااا..
ــ اماه عاد صلي على محمد ما فيها شي.. بس فقر دم حاد حطوا عليها مغدي وبعد كم ساعه بنرجع البيت..
ــ وصاقعه تصقع النسب.. الله يلعن هذي حاله.. وفجعه تفجع الكتب والمذاكره.. بتي.. ويلي عليها..
وصارت تصيح.. ورائد يهديها من جهه .. ومريم من جهه ثانيه... خذت مريم السماعه منها..
ــ هلا رائد انتبه بس وسوق على مهلك.. امك خلها علي بهديها اني يللا مع السلامه..
ــ هلا الله يسلمش..

سكر رائد السماعه..
ــ على عمري امي قامت تسب وتلعن بالنسب والمذاكره من قهرها..
فارس وهو مبتسم..
ــ روعه امك الله يخليها ليكم ويخليكم ليها..
ــ تسلم .. والله يخليك لأم حسين ويخليها لك وما يحرمكم من بعض يارب..
ــ يارب يا كريم ..

تابع>>>

فارس يبغى يلطف الجو..
ــ حسبي الله عليك يا رئووده من الخلعه بغيت اجي لك وصراولي مقلوب..
ــ هاااه.. بفففف هههههههههههه صرررررواااال ويش ..
ــ هههههههههههه امي طلعتي تقول لي عدل صراولك تقصد نعالك..
ــ هههههههههههههههه ويلي على امي طارت من نعال لصروال يللا نفس الوزن خخخخ ..
ــ خخخخ مسكينه امي .. والله خايف عليها.. البارحه تقول لي حط اللبن في الفرن .. تقصد الثلاجه..
ــ ياعلي .. انا لله...
ــ والله بدت تنسى اسامي الحوايج الله يستر اخاف بكره بدال لا تسميني فارس ما يندرى ويس تسميني..
ــ الله يستر خخخخخخ...
ــ ولااا تخيل بعد شدخت ضبعه بقوطي بيبسي بالزرنوق شتته عليها شوته ولا ماردونا يسويها.. خفست وجهها تخفيس..
ــ احلللف ههههههههههههههههههههههههههههههه ويلي اكيد سويت بوجهها دوار لو شارع رايح جاي من قوة الضربه..
ــ ههههههههههههه ولا بعد تقول زين قلت ليها اسف مو سروي..
ــ هههههههههههههه ووويش سرووي بعد..
ــ سوووري يالمفهي هذا وفلتة زمانه بالإنجليزي,..
ــ ههههههههه الإنجليزي مو الضبيعي..
ــ خخخخ ووويش الضبيعي بعد..
ــ كلام هالضبعان والشياب لو تذبحني نصه ما افهم له..
ــ الله الله ههههههههههه عداال يا افندينا..
ــ هههههههههه والله ما افهم داك اليوم ابوي ابو كرار عاطني كرتون منشق يقول لي شحوه مدري ويش هي معناتها ارميه ... يبغاني اطلعه برى الشارع..
ــ هههههههههههه شحوه.. ههههههههههههه شحووه.. شووووحه يالمفهي..
ــ ايوااا شوووحه.. هههههههههههه ويش دراني عنك.. انت مسوى من امك علمتك هالكلام انا ويش دراني ويش تطلع شووحه بعد..
ــ خخخخخخخخ ههههههههههه والله مانى قادر.. شحووه.. شششششششش...

وصلوا لمطعم.. خذوا ليهم سندويشتين عالسريع ويا ببسي... بعد ما خلصوا اكل.. فارس عطى رائد علبة الببسي الفاضيه..
ــ هاااك.. شحوهاا...
ــ هههههههههههه لا تمسكها علي هاااا..
ــ هههههههههه خخخخخخ ههههههه خلاص هاك شووووحها..
رائد وهو يغير نبرة صوته لمسخره ويبحلس على فارس..
ــ شحتهااا..

وبعد الكم ساعه المحدده رجعوا لرؤى.. دخل عليها رائد لقاها مفتحه.. حط ايده على راسها..
ــ الحمدلله عالسلامه..
رؤى بصوت مبحوح.
ــ الله يسلمك.. ويش صايل.. لويش جبتوني هنا..
ــ هذا من قلة اكلش وراحتش ومن قلة اهتمامش بصحتش جبتش هنا فيش فقر دم حاد..
رؤى ودموعها طاغيه بعيونها..
ــ متى بطلع.. التوحيد ما فتحته ابد واياته وااايد طويله...
ــ يلعن ابو المذاكره على قولة امي زييين.. هدي وريحي ولا تحاتي بذاكره وياش ان شالله.. بشوف الدكتور الحين اذا بيطلعش ونطلع..
ــ ان شالله..

طلع رائد وسأل الدكتور قال عادي تطلع بس لازم ترتاح وتذاكر ولا تجهد نفسها ذهنيا ولا بدنيا ولا نفسيا...
طلعوها.. وفي السياره... فارس..
ــ الحمدلله عالسلامه...
ــ الله يسلمك..
ــ ما تشوفي شر..
ــ الشل ما يجيك..
وفي باله.. ــ على عمري ياليت اللي فيش فيني.. وقاعد يحاول يخمن جوابها.. ويبتسم..

فارس..
ــ خلاص نزلني هنا وانا بكمل للبيت يا بتكسي يا مشي .. وتوكلوا تأخرتوا عالبيت وايد اليوم..
رائد حمق ..
ــ لا والله انشب .. لفتحة الزرنوووق اوصلك ولو السياره تدخل الزنوق بعد دخلتها.. بس مع فيسك لا اسمعك ترطن هالرطنه مره ثانيه..
ــ خلاص خلاص رائد افندي لا تعصب .. مافينا شدة عصبيتك..
ــ أي احسن لك..
رؤى ضحكت عليهم..
فارس في باله..
ــ فديت هالضحكه وراعيتها انا...

وصلوه بيتهم.. وقبل لا ينزل.. رؤى:
ــ سلم على امي ام حسين..
ــ الله يسلمش يوصل ..
وفي باله..
ــ وي الله يسلم قلبش وحسش وما يحرمني منش..
رائد..
ــ وانا بعد سلم عليها ... غرت ليش ناس وناس.
ــ الله يسلم قلبك وحسك وما يحرمني منك.. << فضفض مشاااعره لا ينفقع.. خخخخخ
ــ هههههههه حركتااات تسللم ...
ــ الله يسلمك يللا في امان الله..
ــ في امان الكريم..
دخل فارس على ام حسين لقاها نايمه ومغطيه غداه.. فتح الغدا وصار يتغدى.. ويفكر في ابوه..
ــ ويش عنده ابوي بهالوقت يبغاني.. ليش متذكرني..
يحاول يتذكر شكله مو ذاكرنه.. اصلا شلون يتذكره وهو ترك امه من اول ما جابته وهو لسا صغيير
ــ اااه.. اذا امي ماتت وانا ابو 3 سنوات.. ما اتذكرها حتى عدل.. الا من سوالف جدتي تخليني احس اني شفتها حسيت بحنانها... شلوون يا يبه تبغاني اذكرك انت.. شلوون

ويغص فارس بعظم سمك.. ويقوم يركض يشرب ماي... يحط الكاس على المجلى.. وياخذ نفس..
ــ رحمة الله عليش يالغاليه.. والله خاطري بدفا حضنش.. صحيح امي ام حسين ما قصرت الهي لا يحرمني منها.. بس انتين غير والله غير..
رفع باقي كاس الماي وصار يصبه على شعره وهو منزل راسه في المجلى. .. والخصلات يداعبها الماي بلطف .. رفع وجهه مسحه عن الماي والدموع.. وغسل وراح غرفت ياخذ له غفو...

في بيت ابو فاضل ..
رؤى بحضن زهرا.. تحاول فيها كان تشرب شوربه..
ــ والله اماه مالي نفس ... احس بطني يعولني وحلقي ماني مشتهيه..
ــ على شاني امي .. على شان خاطري..
وتحاول رؤى قد ما تقدر..
ــ زين ما ابغى شولبه ابغى عيش الشولبه حاله.. والجو حلل احس جبدي لايعه..
ــ زين هااش امي..

وصارت تلقمها العيش..
رائد في غرفته يراجع كتابه كان مذاكرنه من قبل على شان بعد ما تريح رؤى يذاكره ليها ..
خلصت رؤى غدى..
ــ تسلم عليش حنين لا انسى وواحشتنها مره.. ولو ما الإختبارات كا مرتش مسكينه تنازع الوحيده في بيتهم بكتبها وكل يوم طلعه عنها الأسواق..
ــ ههههههه تستاهل ما حد قايل ليها قلت ليها من قبل داكلي قبل لا يجهزوا لأختش على شان تفتكي..وهي تالي لاحقه وبعدين .. طاحت بلاسها اللحين ..
ــ المهم غناتي هدي وارتاحي لش شوي غفوه كذا ساعه لو ساعتين..
ــ لاااا..لالالا.. ويش انام.. ابغى اداكل...
ــ ويش يابتي تذاكري.. ريحي شوي يا غناتي عاد ما يسوى عليش هالتعب .. تالي يا بعد روحي افتحي لش هالكتاب..
ــ زين وين لائد..
ــ هذااا انا علباااااب..
زهرا..
ــ بسم الله وهذي كل سوالفك زي الجني تطلع لينا فجأه..
ــ خخخ مو قصدي بس جيت كان ما بتنام بذاكر وياها..
ــ أي قعد وياها وذاكر.. وترى ابوكم ان شالله يوم الأربعاء بيرجع من الشمال ويلي وحشنا من زمان..
ــ احم احم وحش امي .. وسوتها جمع .. امااه وحشش مووو..
زهرا وجهها تلون..
ــ اهوو عاد استح على وجهك.. ليش ما وحشكم انتون بعد..
ــ الاااا... بس كل واحد يتكلم عن روحه.. احم قولي وحشني فاضل.. واحنا بنقول ايه وحشنا ابونا..
وطلع لسانه على جنب ويحط ايده على راسه.. لأن علبة النشاف جايه طياري وصاقعه وجهه ..
وتطلع زهرا عنهم وهي تضحك..
رائد يسكر الباب ويضحك على امه..
ــ خخخ استحت امي ششش.. وحشها ابوي وتسوي روحها تتكلم عنا..
ــ هههههه الله يغلبل شرك.. ان شالله الله يعطيك مله زي امي ياااكليم..
ــ يااارب ياكررريم ويعطيش ريل زيي.. هههههه
ــ هههههههه ان شالله
ــ عادي عندش واحد زيي بنحاستي كله يهزأ ويعصب ويكفخ..
ــ يؤ يؤ حلو وبااالد..
ــ حلت دنيااااش.. يللا نبدي نذاكر شويات..
ــ يللا. بسم الله..

وصاروا يذاكروا ويحفظها في الأيات ويسوي ليها حركات في كل درس على شان يركز في بالها..

تابع>>>

ــ الوو..
ــ هلا والله هلا .. هلا بهالصوت وراعيته .. مين معي..
ــ هههههه مالت عليك.. شكلك ترقم وايد لذلك منت مثبت..
ــ لا والله بس ابغى اعرف الإسم .. هالصوت الروعه اول مره اسمعه..
ــ هههههههه من ذوقك والله معاك ريم << ايماان اصلا ...
ــ هلا بالريم.. اكيد قدك مثله والا ما سموك لله فلله..
ــ ويشو قدي بعد..
ــ هههههههه ما تعرفين ايش يعني قدك.. يعني خصرك يا عسل .. انتي من وين..
ــ انا مالك شغل من وين .. انت ليش مرقمني..
ــ والله من الحلا .. ومن بين كل الملا .. اخترتك وحبك على قلبي اعتلا..
ــ اف اف اف .. الله الله شاعر بعد..
ــ افا عليكي اعجبك والله

شوي انتظااار جوالها في احد يتصل..
ــ لحظه ياا.. الا وش اسمك..
ــ مشعل الله يسلمك <<< خوووي حسسسن ولد خالة رائد<< ام الصددف...
ــ عاشت الأسامي .. لحظات امي تنادي بشوفها وبرد..
ــ اوكي فديتك
قفلت السماعه من عند مشعل .. طالعت الشاشه الا جواد يتصل بك.. وفي بالها..
اوووف من هاللزقه كم مره قلت له عوووع ما ابغاك فارق لكن هين اوريك..
ــ الووووووو.....
ــ هلا والله هلا بهالألووو..
ــ اني ويش قلت لك.. ما قلت لك فارق ... ما ابغاك اني العوووع منك العوووع..
ــ شيه السالفه على هواش هي.. احبش يالمينوونه ما تفهمي..
ــ حبتك قراده صحيح ما عندك كرامه..
ــ يالله انتين لويش ما تحسي ويش مسوي فيش انا..
ــ اف كل هذا وويش مسوي يا اخي فكني ريحني فااارق خليني بحالي ما تفهم..
ــ لويش يعني شفتي لش شوفه جديده..
ــ انالله ياصبر ايووب صبرني عليك.. صحيح دلخ وقطة وجه.. الله ياخذني يوم اكلمك واخذ رقمك اووووف..
ــ بل بل بل .. ولااا لا تدعي على روحش فديتش اسم الله على عمرش..
ــ الله ياخذك بدالي زييين... و انقلع
ــ يا ربي ليش انتين كذا..
ــ اذا سمعت رجال يكلمني رديت..
ــ افااا يعني انا مو رجال...
ــ لااا ابدا.. ودجاجة امك بعد..
ــ والله مره ماخذه عني فكره..
ايمان عصبت .. هذا بدل لا يعصب ويسد في وجهها ويلعن خيرها ويفارق قاعد يقرقر..
ــ ااااااااااااااااااه يلعن دلاختك وثقل دمك فااااااارق ..
شوي الا جاها انتظار...
طالعت الا هو مشعل ..
ــ انقللع زين..
ــ ويش فيش انتين اكيييد شايفه شووفه..
ــ ايه شايفه باي فارق..
طووط طووط طوووط..
جواد..
ــ سكرتي في وجهي ..ولا بعد شايفه لش شوفه .. هين بس...

ــ الوو هلا حبي..
ــ هلا وش فيه جوالك انتظار
ايمان في بالها ــ بل بل تحقيق هووو..
ــ لا ابد كنت اكلم خويتي..
ــ خويتك...
ــ أي ليش منت مصدق..
ــ الا وليش مصدق يعني.. المهم نرجع لموضوعنا..
ــ أي موضوع..
ــ ابي اشووووفك..
ــ هاااه..
ــ وش بلاك هاااه.. يقولون نعم..
ــ هلا..
ــ أي يا حليلك كذا.. ابي .. اشووووفك...
ــ أي وين..
مشعل في باله
الله اكبر ويل قلبي ويلاه.. وش هذي مشفوحه على طول ما صدقت على الله .. اول مره اقابل بنت كذا توني ما خذت اسبوع من عرفتك.. يلعن خشتك.. بس زين صيدك سهل.. اوريك يالريم ما اكون مشعل ان ما خليتك تركضين وراي وتطلبين رضاي..
ــ الوووو وينك..
ــ هلا والله فديتك.. لا بس واحد من الربع كان عندي.. أي وش قلتي
ــ براحتك ..
ــ طيب شرايك اشوفك عند مجمع الواحه يوم الخميس الساعه 10 الصباح..
ــ الصباااح صعبببه..
ــ اجل متى..
ــ 10 المسا زين
مشعل في باله..
ــ يااا ويلي شبلااها البنت خرفت وقعدت .. هههههههه 10 المسا يا زينه زيناه بعد.. جت منها مو مني انا.. وربي هالبنت خبله وبتخبلني معها..
ــ الووو وينك واحد من الربع بعد..
ــ ايه وش مدراك..
ــ خبررره..
ــ ام الخببرره يا شيخه فديتها وفديت راعيتها.. خلاص اتفقنا .. 10 المسا ليلة الجمعه قبال ماكدونالدز اللي يالواحه اوكي..
ـ اووكي ..
ــ يللا باي..
ــ باي...
قفلت ايمان السماعه .. وصارت تضحك وتضحك....
ــ مفكرني خبله يا مشعلووه هين بلعب فيييك لعب بوريك مين ايماان يا بطيخ

والى اللقاء في الجزء الجديد :cool:

تسلمي اموررررررررررره على هالجزء الروعه
مررررررررررررررررررررررررره عجبني وخلي كل اجزائج جذي طويله خخخ
ولاتحرمينا من هالقصه ابدا
وانا متابعه لج
تحياتي لكِ
الشمعة

هاي

مشكوره امور جزء روعه

بس ابدايه اروع من كل الاجزاء

وخاصه

فارس بلا شعور ومن الخووف والربكه.. مد ايده .. ومسك ايدها جهة الرسغ وضغط بشويش..
حسافه ومئة حسافه ماكانت موتعيه

تحياتي

ودي اشوفك يا اموووووررر