ضعنا يا صبرنا...

تسلمي حبيبتي امورة علجزء الروعة


هههههههههه امورة يعني هذا هو المقطع ماعرفه اله يامسجون وغايب وماكانت عندي كامله

يسلموو حبيبتي

والقصة كل ماجاها تحلي

موفقه لكل خير

مســــــــــــــــــــــــــــــاكم اللهـ بـ الخير ،،
حسبي اللهـ ونعم الوكيل ،،
واللهـ علي ما يستاهل ،، حرام ،،
لكن كلهـ من أسود الوجهـ حميدوه ،، عساه خناقة تخنقهـ وتفكنا منهـ ،،
باط قلبي عسى قلبهـ البط ،، النحييييس ،،
بس الشهادة اللهـ أشرف دا خوش ولد ،،
وجاسموه يعني هو كسر خاطري شوي ،، لكن بعد زفت ،، حرام يرضى بـ الظلم ،،
و هذا الذيب منهو بعد ،،
سود اللهـ وجهـ إبليس وربعهـ ،،
بـ إنتظاركـ خيوووه ،،
عاد لا تصيحينا في الجزء الجاي ،،
تقرحت شبدتي من الصياح < على قولة أمي هع هع هع ،،
لكن اللهـ على الظالم ،،
بـ إنتظار الجزء الجاي ،،
على أحر من الجمر ،، وإن شاء اللهـ يحمل بشارة الأفراج عن علي ،،
ســــــــــــــــــــــــــلام ،،
للدموع إحساس ،،

بسم الله الرحمن الرحيم

اللهم صل على محمد وآل محمد

وعجل فرجهم

يا علي والله إنه يقطع القلب يعني هذا جزاته مع الخيبةحمدوووه

الله يعينه ان شاء الله ويصبر أمه

لكن هذا حميد يجيء له يوم

\حسبي الله على الظالم\

((خخخ متأثرة مرررررة الظاهر أني))

يسلمووو الايادي يالقمر ومأجورين إن شاء الله

موفقة لكل خير

بالانتظار

هالنحيس حميدووه لو اشوفه الطخه وكسر عافيته بعد<<خلاص الولد عصب

يلا اميره نبغى التكمله

هالرواية ماينمل منها ابدا

تحياتي

ياعلي
البارت مره حزين..
بانتظار الغد إن شاء الله تعالى...
موفقة لكل خير إن شاء الله تعالى..
..دمتي بعين المولى الجليل..

اللهم صل على محمد وال محمد وعجل فرجهم ياكريم
::
::

بدايه جميله ورائعه كعادتك متميزه

يعطيــكـ العافيــه

وسلمت يمينكـ

السلام عليكم ورحمة الله وبركاتهـ
ماتوقعت حميدو نذل لهدرجة وجاسموه يعني مو لهدرجة بنتظار التكملة
وتسلمييي خية ع الاجزاء الرائعة
لاعدمنا الجديد
..}{..تحيــــــــــــــاتيـ..}{..

ايــــــــــــــــــــــــه كذا بدت الاحداث العدلة...

بصراحة الحلقة كانت احساااااااااااااااااااااااااااااااااس

وهذا من ابداعك يا اميرة واحساسك....

تاكيووووووووووووو

وقفة تأمل من القلب للقلب...

يهدينا الزمان حلو الأيام ومرها..
تبكينا الأقدار تاره.. وتاره ترسم الأبتسامه على شفاهنا

لا نعلم لِمَ.. ننسى اوقات الفرح.. ونستشعر انها قليله..!!
في حين نستعظم الحزن و نستشعر بأن لحظاته تستغرق العمر كله...!!

تواجدكم.. بهجة عمري ..يفرحني وينسيني تعبي و الصعوبات التي اواجهها مع كل جزء

اليكم احبتي الجديد...

الحلقة العاشره


وفي الصندقه.. حميد يشيل أي شي يصير دليل ادانه له.. جمعهم بيبيعهم في اسرع وقت للجماعه اللي يتعامل وياهم... الا بجية الذيب ..

نفسه الرجال اللي جى لحميد في سوق السمك... هو يدل مكان تواجد حميد ويجي له ويشتري منه المسروقات .. بس حميد ما يعرف اسمه الحقيقي ولا يعرف بقايا العصابه.. اللي الذيب فرد واحد منهم موزعين على مناطق مختلفه...

ــ هلا حميد.. ويش تسوي.؟؟
ــ هلا بالذيب .. هلا والله.. اجمع الحوايج ..
ــ جمعتهم... اشووف...

وصار يقلبهم.. ويسعر كل قطعه كم بيدفع عليها...

وتمت البيعه... كان في كم حاجه عند جاسم خاشنهم... حميد ما يدري بهم... جاسم محتفظ فيهم بيبيعهم لروحه...

لأنه كان يدري بحميد وتصرفاته اللي من تحت لتحت.. اغلب الأحيان ما يعطيه حقه عدل .. ياخذ النسبه الأكثر ...

الساعه 9 الليل .. ابو جاسم وام جاسم وزينب.. يودعو بيت ابو علي بيرجعو بيتهم..قبل لا يتأخر الوقت اكثر ويصير ما يصلح لمشي ..

علا ماكلها الحيا .. للحين مالك مارجع...
ظلت في المجلس وليلى قامت توصل بيت خالها للباب..

وطلعت زينب همست لليلى :
ــ لمتى بتظل دي وياش..؟؟
ليلى : ــ حرام عليش ليها اسم... لين يرجع اخوها..
زينب كشرت : ــ مالت.. الله يعينش ان شالله ما تسوي أي تصرف يقهر..
ــ ما شكلها.. ويش فيش عليها..؟؟
ــ خخخخخخ مافيني شي .. انتبهي لروحش ولأمش وابوش غناتي... يللا باي..

ابو علي جت له النعسه من التعب و التوتر .. راحت له ليلى و ووصلته غرفتهم حق ينام...
ام علي تعبانه حدها بس النوم مجافيها.. قعدت وياهم ساعه بعدين استأذنت وراحت غرفتهم تتسطح تريح شوي...

وظلو في المجلس ثنتينهم لحالهم...
كم دقيقه هدوء...
ليلى : ــ احم..
علا ابتسمت..
ليلى : ــ ايه.. بنظل ساكتين كذا..!!
علا بأبتسامه : ــ مادري..
ــ ممممم ندبر لينا سالفه ... بعدش تدرسي ؟
ــ خلصت الثانويه واخذت دبلوم حاسب .. وهذاني قاعده في البيت... وانتين؟
ــ لا بس الثانويه.. قدمت في الكليه ماقبلوني الا انتساب مابغى اتعب عمري .. فقعدت في البيت..
ــ الحمدلله على كل حال..
ــ الحمدلله..

رجع الصمت مره ثانيه..
ليلى نقزت وهي مختلعه : ــ يووو اسمحي لينا.. من جيتش العصر حتى كاس ماي ما عطيناش..
ابتسمت علا .. حست روحها في بيتها ومرتاحه والوضع عادي وبعفويه:
ــ جوعانه تراني بعد..
ليلى استانست مرره:
ــ ههههههههههههه فديتش حق ويه ما تكلمتي؟؟
ــ ههههههههه صراحه .. استحيت ..
ــ افا .. والوضع ماكان يناسب .. عاد على حظش اول زياره لينا في هالظروف.. الله كريم...
ــ الله كريم الجايات اكثر ان شالله.. وان شالله بكره تفرحو برجعة علي ليكم...
ــ ان شالله ربي يسمع منش ... تاكلي بيض ؟
ــ ايه عادي...
ــ زين بروح اسوي .. قومي وياي الصاله شغلي التلفزيون وقعدي .. الكل الحين في غرفه عادي لا تستحي..
علا مستحيه ..
ليلى راحت ليها وقومتها..
ــ قووومي عن القعده هنا...

وقامو الصاله.. قعدت علا وشغلت ليها التلفزيون .. صارت تفرفر في القنوات .. اخيرا حطت الأنوار ..

وكانت كليب مدامع الضياع لجعفر الدرازي
..
طلعت ليلى تركض من المطبخ حامله طاسة فيها 3 بيضات ووقفت عند التلفزيون,,
علا : ــ ههههههههههه ويش فيش...؟؟
ــ يعجبني جعفر و قصايده.. رادودي المفضل..
ــ ما شالله عليش ههههههههههه جيتي تركضي ... يعجبني اني بعد..
ــ مين المفضل عندش..؟؟
ــ باسم الكربلائي والشيخ حسين الأكرف
ــ الله يحفظهم يارب جميعا ...
ــ يارب ويحفظش
ليلى ابتسمت : ــ ويحفظش.. تجنن هالقنوات من فتحوها والناس عليها..
ــ ايه .. مره تمام الله يخلي القايمين عليهم.
ــ يارب...

ظلو ساكتين شوي ... كل وحده تدور سالفه مهم عارفين...
ليلى : ــ يؤ نسيت حالي بطاستي ..ههههههههه باروح اسويه..
ــ ههههههههههه زين.. اجي اساعدش؟؟
ــ هههههههههه لا تسلمي ويش باسوي خوب بيض..
ــ يعطيش العافيه
ــ الله يعافيش...

وراحت ليلى تسوي البيض...
عزمو ريما بس ما رضيت تطلع ماليها نفس وبحجة انها تذاكر كالعاده...

قعدو اكلو و جابت ليلى الكيكه اللي جابتها علا...
..وتأخر الوقت.. الساعه وصلت 12 الفجر...

علا خلاص ميته من الحيا.. تحس من اول مره مصختها والأوضاع اللي هم فيها مهي حمل هالزياره المتأخره.. .. بس مو بيدها ..

للعليم امرنـــــــا.. يعظم لأجرنــــــا... ضعنا يـــــــاصبرنا..

ــ هلا مالك.. وينك..؟؟
ــ هلاا... بعدني في البحرين تعلطت بنا السياره.. غير تالي زحمة الجسر شكلنا بنتأخر..
علا انفعلت وعصبت فيه:
ــ لمتــــــــى ؟؟؟؟؟؟؟ يعني هاااااااا لمتـــــــــــــى؟؟
مالك يعصب فيها هو الثاني: ــ ويش اسوووي لش تعطلت بنا السياره ماحد قال لش ترووحي...
ــ ماحد قال لي .. حق ويه تروح عني البحرين :: وتنساني مو ذنبي ..
طووط طووط طووط
علا فتحت عيونها... وصارت تبلع في ريقها تحس بغصه...
ليلى لاحظت عليها التوتر..
ــ علا... ويش فيش غناتي؟؟
علا بعدها ماسكه الجوال في ايدها... وساااكته ... و بهمس ..
ــ قفله.. في وجهي..
ليلى سكتت ماعرفت ويش ترد عليها..
بعفويه انسلت دمعه من عيون علا..
ليلى تقربت منها و حوطتها بذراعها..

ــ يمكن فصل الخط وياه.. ما تدري ..
علا بعفويه تامه .. وكأنها تعرف ليلى من سنين صارت تفضفض:
ــ من يوم يومه كذا.. مو اول مره
ــ دام انه مو اول مره ليش الزعل اجل ؟؟
ــ الوضع الحين غير.. الوقت تأخر وما يسمح بهالحركه البايخه منه..

ليلى بأبتسامه: ــ شرايش تخليه يولي وتباتي وياي الليله
علا ارتبكت: ــ لا ويشو ابات.. ماقدر..
ــ افا ليش عاد.. والله احس نفسي اقعد ويا احد اسولف وياه.من زمان ما سولفت... و ريموه اختي ما تعطي وجه ولا تنعطى وجه...

علا مرتبكه.. وبالمحايل .. وافقت بس بتتصل لخالتها امل تدبر ليها عذر لعمتها سميره..

امل طمنت علا انها بتتصل في سميره وبتقول ليها علا وياها .. تأخر الوقت وحسين في العمل ومالك في البحرين.. فبتبات عندها..

سميره مشت عليها الشلخه..

دخلو الغرفه... ريما كانت مغطيه راسها بالبطانيه وكالعاده حاطه سماعات المسجل..
رفعت البطانيه ومن شافت علا داخله .. قعدت وشالت السماعات وصارت تطلع..

علا بخجل..
ــ بقعد وياكم الليله اذا مافيها ثقله..
ريما من النوع اللي تموت بالمظاهر .. تحب تصادق البنات الهاي زي ما يقولو..
فردت بوزها شبرين ونص...
ــ هلاااا .. لا ولو حق ويه امانع..؟؟؟ صدر الغرفه لش والعتبه لينا...

ليلى تطالع ريما على جنب .. تعرفها وتعرف حركاتها دي...
علا بخجل : ــ تسلمي...


تابع<<

ليلى طلعت منام وفرشته.. وطلعت شرشف بتغير شرشف سريرها...
علا بأستنكار..
ــ لويه تغيريه؟؟
ــ بتنامي على سريري الليله واني على المنام..
ــ لالا.. تسلمي فديتش خليني على المنام...
ــ هذاني باغير الشرشف لش...
ــ غناتي مو هذا القصد.. بس سريرش هو لا اصير فوق وانتين تحت..
ــ مااايصير بعد انتين ضيفتي انيمش تحت واني فوق..
ــ عااادي ههههههههه ويش فيها..؟؟ تدري شلون..

وخرت علا المنام .. وشالت منام سريرها ونزلته على الأرض...
وهي تشيله طاح على وجهه وانفتح بالمقلوب ..دفتر .. شكله دفتر ذكريات او ما شابه..
ــ اوه.. آسفه مادريت في شي ...
ليلى شالته وحطته في الدرج: ــ عادي شدعوه..
ريما جاها فضول ... دفتر ويش هذا؟؟؟
في حياتها ما شافت ليلى تكتب؟؟؟

طفو الليتات وانسدحو يسولفو...
علا صارت تسأل ليلى عن هواياتها و اهتماماتها..
ليلى ابتسمت..
ــ ههههههههه تصدقيني اذا قلت لش مادري.. ما شوف شي اتميز به..
ــ ليش عاد.. تلاقيش عندش بس مدفونين ما تدري عن روحش...
وبعفويه كملت كلامها..
الدليل الدفتر .. شكلش كاتبه...
ليلى في الظلام ما يبين.. ارتسمت ملامح الحزن على وجهها.. وبهدوء..
ــ لا .. ماني كاتبه ولا شي .. دفتر خرابيش هذا ..
ــ يعنوو..
ــ انتين ويش هواياتش؟؟
ــ اني.. الرسم...
ريما نطت بالسالفه:
ــ الله حركتاااات .. ترسميني اجل ؟؟
علا : ــ هههههههه لا بعدني ما وصلت لهالمرحله..
ليلى : ــ ويش ترسمي.. ؟؟
ــ ارسم لوحات زيتي..
ــ تمام ما شالله عليش ؟؟ الحين عندش لوحه ترسميها..
ــ ايه لعاشوراء .. باقي ليها اللمسات الأخيره بعد 3 ايام باسلمها..
ــ عليش بالعافيه ومأجوره.. لعاشوراء ؟؟ وبعد ثلاثة ايام... بعد ثلاثة ايام يبدي شهر ذي الحجه...
ــ ايه بس يبغوها قبل على شان ينضمو الوضع و العرض و هالسوالف..
ــ الله يوفقش ان شالله..
ــ ويش رايش تروحي وياي المعرض التابع للحسينيه .. تتفرجي يومها على اللوح
ــ ان شالله.. تسلمي غناتي..

ريما : ــ ناااااااس ونااااس .. واني ما بتاخذووني؟؟
علا : ــ ههههههههههه ولا يهمش .. لويه ما ناخذش...


في التوقيف.... ايده على خده وحاط الهم في القلب ...
كان معاه واحد موقوف مدمن خمر.. وآثار السكر شوي بعدها فيه...
علي مو طايق الوضع ولا اللي وياه.. والحزن مرسوم في وجهه وعيونه غرقانه دموع..
ما سمع الا السكران:
ــ انت.. هيه.. ويش فيك عافس هالسحنه..
وصار يهربد موال..
لااااا تشتكي للناااس.. لاضاق بالك..
الناااس ماتملك مسره .. ولا ...ويــــــــــش ..
علي يطالع فيه وصمت ابدا ولا كلمه..
السكران يكمل : ــ اف منك.. ولا ياااس
ولا تحسبك في التعاااسه لحالك..
اعرف ترى عاااايش معك في الدنيا اجناااس..
هههههههههه زيي .. شوفني .. هذانا وياك مفلوت هنا حالي من حالك... لا برطمت ولا انقهرت

علي جته غصه... ـــ حاله من حالي ... اييييه الله العليم بحالي ..
السكران يكمل :
ــ الناااس حالهم مثل حاااالك
والكل من مر الليالي شرب كاس ..
ويقعد جنب علي و يضرب على ظهره :
ههههههههههه انا اللي خاطري الحين في كاااس...


علي تنرفز مو طايقنه ولا طايق ريحته ولا طايق هربدته ولا الوضع ولا المكان ولا شي ... صرخ صرخه حد ما عنده ..
ــ وخرررررررررر عني ...
السكران نقز :
ــ بسم الله ههههههههه ويش فيك عدال .. تقول جربان اوخر عنك.. تشني البخت..
علي بقهر :
ــ الجربان انظف منك يالتعبان..
السكران :
ــ ههههههههههههههههه اقوول الله عالنظافه اللي جابتك هنا .. هههههههههههه قال انظف قال..

علي ما تحمل .. نزل راسه بين ركبه .. يحس بقهر الظلم بحسره والم ...

صارت دموعه تسيل على ثوبه.... و في باله ..

ــ صادق في اللي يقوله.. أي نظافه اللي جابتني هنا.. على آخر عمري اتسمى حرامي... يالله الطف بحالي ...


ام علي ما غمض ليها جفن.. دمعاتها تسيل وصوت نفسها ينسمع ...
ابو علي انقلب على ظهره.. مد ايده ومسك ايدها ..
ــ اييه يا ام علي.. الله كريم.. هدي بالش ... خلي ايمانش بالله قوي..
ــ و النعم بالله .. احاتيه يابو علي .. احاتيه.. اكل لو ما اكل الحين... نايم لو صاحي... اللي وياه في التوقيف مين... اشوى الجو شتا لا يموت من الحر... ماني قادره اتخيل ولدي هناك...
وتصير تصيح...
ابو علي ضغط على ايدها.. وسالت دمعته على خده...

ريما :
ــ علا .. تسمعي اغاااني؟؟؟
علا بأستنكار: ــ لأ ...
ريما : ــ غررريبه
ليلى : ــ ويش الغررريب بالله.. تفكري الناس كلها زيش..
ريما بسخريه : ــ لا زيش..
علا : ــ هههههههه ويش فيكم .... ولويه قلتي غريبه...
ليلى : ــ ما تستحي لأنها..
ريما : ــ مالش شغل. خليت لش الحيا....
علا: ــ لويه بتتشابقو الحين.. وحق ويه قلتي غريبه؟؟؟؟؟؟
ريما: ــ لا بس كل البنات الغنيات اللي اعرفهم يسمعو ولا بعد اجنبي وبعدة لغات..
علا : ــ ههههههههههههه وليش يعني كل الغنيات يسمعو.. عندهم سيوله يشترو ليهم يعني.. والا ويش القصد!!!
ريما : ــ خخخخخ شدراني بس انتين اول وحده تمر علي كذا...
علا : ــ ان شالله مو آخر وحده.. وان شالله انتين بعد تبطلي تسمعي...
ريما : ــ خخخخخ على خير..
ليلى : ــ ياليت تهون.. ابدا ما عندها حتى نيه انها تهون..
علا : ــ لا ان شالله بتهون..
ريما حطت السماعه .. و لا عندها فيها .. تغطت بالبطانيه.. وفي بالها:
ــ شلة مطوعين و يللا عاد بيقعدو يحنو على راسي...


جاسم في غرفته .. طلع من تحت سريره كرتون فيه راديوين و 3 جوالات.. وصار يقلب فيهم.. وفيه غصه ... شوي بدأ يصيح.. ويعتب على حاله..
ــ انا فاشل.. عاطل باطل.. بس عديم انسانيه وضمير.. هذا اللي ماتوقعت اوصل له..

باب غرفته يطق .. ارتبك وبسرعه دخلهم في الكرتون تحت سريره...
ــ ممميين...!!
ــ اني زينب...
ــ ويش تبغي.؟؟
ــ ابغاك بقعد وياك..
ــ مابغى اقعد ويا احد...
ــ افتح زين...
ــ مانى فاتح .. روحي عني...
ــ زين باجيب لك اكل ما تبغى..
ــ ماااااااابغى شي ...
ــ زين كيفك...بالطقاق

راحت عنه زينب وفي قلبها حره.. تبغى تسأله عن تفاصيل السالفه وشلون عرف حميد و من متى.. بس ابدا مقفله النفسيه مع جاسم.....

حميد في صندقته منسدح... يتقلب يمين وشمال يبغى ينام موعارف...
قام من منامه وهو يتحمق..
ــ اففف اتقلب كني دجاج شوايه.. لو فيني نومه نمت.. اطلع احسن لي ..

طلع وقعد عالبحر.. شاف طراد علي مربوط.... راح ركبه وقعد فيه.. وبلا وعي صار يسترجع ذكرياتهم وطلعاتهم .. ومقالبهم في بعض...

صار حميد يحاول يطرد شبح هالذكريات... ما يبغى يتذكر شي .. يحاول قد ما يقدر يموت صوت الضمير الحي بداخله...

لين تذكر يوم ينقذه من الغرق ...
ساعتها ما قدر يتحمل...

غطى وجهه بكفوفه وصار يصرخ و يضرب في روحه..
ــ انا ليش سويت كذا.. نذل .. انا نذذذذل...

قام و رمى روحه في البحر .. وصار يكفخ الماي وهو يسب في نفسه... لين تعب ورجع عالطراد رمى روحه .. ونام...

سجاد.. ما جاله نوم.. طلب من امه بألحاح تخليه سهران وياها .. لين يرجع ابوه الصبح من العمل وبعدين اذا نامو بينام ...

وافقت امه .. وخلته يطالع سبيس تون.. مسلسل ريمي..
كان اخو ريمي ( آرثر) ما يمشي مثله.. وفي هالحلقه مشى...

امل كانت عندها هوايه .. تسوي اكسسوارات يدويه.. خشبيه وخرز وخيوط,,, من حركتات البنات هاليومين.. وتبيعهم...

كانت تشك قلادة خرز,,, ولا سمعت الا ولدها ..
ــ اماااااه..
اختلعت امه وجت له تركض..
ــ ويش فيك...؟؟؟؟؟؟
سجاد وفي عيونه لمعة دموع الأ مل ممزوجه بأبتسامه كسيره ببراءة طفوله..
ــ آرثر.. مشى...
امه قعدت جنبه وحوطته بذراعها.. وباسته:
ــ فديتك..
ــ بمشي انا زيه صح
ــ ان شالله غناتي.. ان شالله..
ــ هو شكله اكبر مني .. يعني اذا صرت قده بمشي.. امااه تتوقعي كم عمره..
امل ابتسمت: ــ عمره !!.. الله يخلي الواحد يمشي في أي عمر.. يمكن انت تمشي الحين .. يمكن اكبر منه.. الله العالم..
ابتسم سجاد ابتسامة رضا.. ورجع يتابع الكراتين..

قامت امل وهي سرحانه.. وتفكر في حال ولدها.. و في قلبها تدعي يارب ما يطول ويفرجها عليه...

وبين ماهي تشك خرزات العقد. جى على بالها حسين... شكت الأبره بصبعها..
ــ آي...
ضغطت عليه وفي بالها..
ــ الله يستر...

حسين عمله كله حديد في حديد.. مسؤولين عن انابيب البترول صيانه و تمديد و غيرها من هالشغلات المتعلقه بها...

صارت مشكله وبالغلط طاح بيب كبير على رجول حسين... اغمى عليه من ثقل البيب و نقلوه المستشفى على طول.....
الى الملتقى..

يوووووووه ويش بيصير في حسين يعني..
معقول يصير مايمشي؟؟؟
بصراحة البارت حمااااااااااااااااااس
رووووووووووووووووووعة ماشاء الله عليك خيتي..
شكله دفتر المذكرات اللي عند ليلى كاتبه فيه عن نسيبها داك الله مسافر
اللي تحبه..
وهو اتوقعه والله اعلم تزوج هناك ولاهو داري عنها..
شغلتي اتوقع وبس..هههههه
بانتظار الغد...
موفقة لكل خير إن شاء الله تعالى..
..دمتي بعين المولى الجليل..

الله يعيطك الف عافية امورة علجزء الروعه

بسم الله الرحمن الرحيم

اللهم صل على محمد وآل محمد

وعجل فرجهم

جزء ابدااااع ما شاء الله

علا ما شاء الله عليها بيضة الوجة لكن نحيس الخلقة أخوها تصرفه مرة بايخ بدل لا

يدبر لها سيارة يسوي كذا...

أما جاسموه وحميد جعلهم الماحي ان شاء الله صحيح ما يبين فيهم خير ابدا..

الله يفرج عن علي ويطلعوه من السجن وسجاد بعد ان شاء الله يطيب ويرجع يمشي

اما حسين ها ويش فيه بعد اصابته خفيفة صح أمووور ..


تسلم الايادي على الجزء الروووعة

موفقة لكل خير

بالانتظار

مســــــــــــــــــــــاكم اللهـ بـ الخير ،،
يا علي تمنيت أن علي يطلع اليوم ،،
وهذا حميدووه لو يقطع روحهـ تقطيع صياح و ندم ،،
يظل قليل أصل ،، مالت عليهـ ،،
لكن سهرة علا و ليلى ،، عجبتني ،، ونااااسهـ شكلها ،،
ودي أروح وياهم ،، خخخخخخ ،،
صدق ،، و حسين أن شاء اللهـ ما يصيبهـ لا شر ولا ضر ،،
وتعدي على خير ،،
بس كأن البارت اليوم قصير ،، < ما شبعت الظاهر ،،
وناااااااسهـ الروايهـ بـ صراحهـ ،،
يعطيكـ ربي ألف عاااااافيهـ خيوووه ،،
وسلمت يمينكـ ،،
بـ إنتظار التتمهـ ،،
إلى ذالكـ الوقت ،،
كوني بـ أمان اللهـ وتحت رعايتهـ ،،
تحيااااااااااااتي ،،
للدموع إحساس ،،