هههههههه والله حيره نااس يبغوا القصه طويله وناس بيناموا وياها نومه اهل الكهف
عموما خلاص صايره عملية مغط للقصه لعيون بعض الناس
وصدق اللقاء هالكني بسبة نااس ثانين خخخ بس عسل على قلبي << هااا لا يطولوه لكن
عموما مشكورين جميعا على التفاعل والصبر علي خخ
وتفضلوا االحلقه الجديده
الحلقه الثالثه والعشرون
ماجد وبنبره حزينه.:
ــ اخبارك يوسف ..
ــ الحمد لله .. خير عسى ما شر
ــ يوسف .. ما ادري ويش اقول ومن وين ابتدي بس انت شايل علي وزعلان ..
ــ هههه.. ويش تبغاني اقول .. اقول لا انت عمي وما نا زعلان.. واكذب على نفسي قبل لا اكذب عليك.. تبغى الصراحه زعلان من زمان وشايل بخاطري بعد وانت تدري بهالشي بس ويش اللي خلاك تسألني اللحين..
ــ انا ................اسف..
ــ اسف على ويش .. على السؤال..؟؟ لا عادي لا تسأل اصلا ليش تهتم فيني زعلت والا انطقيت.. ليش تهتم بواحد ما يسوى على قولتك..
ماجد ونبرة صوته مكتومه..
ــ يوسف انا اسف مو على السؤال...
ــ اجل ؟؟
ــ على اللي سويته فيك..
يوسف استغرب.. عمه.. يعتذر له.. عن اللي سواه فيه وبعد كل هالسنين.. وبنبرة سخريه
ــ هه ليش ويش طاري.. حلمان ؟؟
ــ يوسف انا ما اسخر.. يوسف .. انا ظلمتك.. بدون ما اسمعك,, بدون ما اتأكد من الكلام اللي سمعته.. كنت اناني وصرت بعدها انسان جاف وقاسي والحين ندمان يايوسف واللي خلقني ..
ــ ليش ويش صاير بالضبط ويش اللي خلاك تكتشف انك ظلمتني عقب كل هالفتره
ــ سحر يا يوسف .. تذكرها
يوسف من سمع اسم هالمخلوقه تنرفز واقشعر جسمه
ــ ايه وشلون ما اذكر وحده عفست حياتي
ــ عفست حياتك وحياتي ....
يوسف سكت .. بس مبين في وجهه حزن شديد
ــ خربتها.. أيه.. خربت بيني وبين انسان كان عزيز وغالي.. كان مثل اخوي كان لا ضاقت الدنيا علي احسه بجنبي قريب.. خذت عقله وصدقها.. وكذبني.. واتهمني بشي مو سهل.. شي يا كيف قدرت اتحمل انه يفكره فيني كذا .. كرهتني حياتي.. خلتني اهج بعيد ابعد عن المشاكل والهموم .. ويش اللي جاب طاريها ..
ماجد وبحزن شديد والم .. صار يحكي ليوسف اللي صار..
وبعد ما انتهى من السالفه
ــ يوسف.. سامحني ..
يوسف وبإبتسامه خبيثه وبلهجة مسخره كعوايده..
ــ افكر .. اشوف ...
ــ يوسف ارجوك .. تعبان انا .. وخاطري ارتاح .. ريحني الله يريح بالك
يوسف وبطريقه جاده:
ــ يا الله مانا مصدق .. لالا.. عمي يتأسف ويترجى.. يالله شقد الدنيا تدور والأقدار تلعب.. انا صدق شايل بخاطري .. وزعلان.ومن برى ماا اطيقك ولا اشتهيك.. بس قلبي يحبك.. ولما اسمع احد يتكلم عليك بسوء حتى لو اقرب قريب لي انقهر ..مع اني اسب فيك .. بس ما ارضى اسمع احد يتكلم عليك..
ويغير الطريقه الى مسخره
ــ وربي هههههههه دنيا.. ماااجدووووووه..
ــ نعم..
ــ نسيت الزعل وكل شي مضى خلاص .. فلنفتح صفحه جديده بعيده عن الهموم والمشاكل.. صدق انا طيب ..
وقام يوسف وقام ماجد وتحاضنوا والدمع صار يصب من الفرحه
وسجى تطالعهم ومسويه مناحه تقول تتابع فلم هندي ..
ماجد والفرحه تتهلل في وجهه ::..
ــ اشكرك يالغالي وربي انا اسف ووالله اني ندمان على كل شي سويته فيك واطلب أي شي تبغاه .. ما راح ابخل كلي افداك..
يوسف يفلص عمه وهو حاضننه ..
ــ ههههه تكفيرا يعني عن اخطائك..
ــ ااي... ههههه حسبي الله على شرك ايه عشان ارتاح اكثر واكثر
ــ طيييييييب ياماجد.. ان ما هلكتك طلبات ما اكون يوسييف..
ــ من عيوني تعبك راحه
ــ ههههههه سوي حالك مو لعيوني خخخ تكفيرا لذنبك
ــ هههههه يعني تقدر تقول كذا.. بس لفتره معينه.. وبعدين خلاص أي طلب على حسب ... انفذه لك والا لا
..ـــ ههههههه اجل على شرط
ــ اللي هو ..
ــ المده لتنفيذ أي طلب يطري علي مهما كانت صعوبته.. كثر سنين بعادنا عن بعض
ــ هههههه يعني حوالي 4 او 5 سنين..
ــ ايووه.. ولو بعد تسوي لينا عرض .. وتعطينا سنه بالمجان كان تطلع خووش واحد
ــ ههههههه لا باسوي دس كاونت .. .. بالله ويش بتطلب..
يوسف يفك الحضن ويجلس و يحط رجول على رجول
ــ بكيفي .. مزاجي.. اللي اطلبه.. انت ويش عليك
ــ هههه ما بتتوب عن سواياك الله يساعدني بس
ــ والله انت قلت تبغى ترتاح اكثر ما احد قال لك.. واستعد كم من يوم وبتجيك قائمة الطلبات هع هع هععع..
ــ ههههه بعــــــــد... من عيوني والله ..
ــ اول طلب ابغاه الحين
ــ اللي هو..
ــ قوم ارقص ....
ــ هههههههههه ارقص ويش منت صاحي
ــ من الفرحه قوم ارقص وانا بطبل لك
ــ لا مينوون انت .. هههههه ويش تهلوس
ــ خخخ ما بترقص بتعزمني الليله على عشا.. واختار
ــ عشا وغدا بكره بعد .. هههه ويش ارقص .. هذا اللي نا قصني تحزمني وعلى وحده ونص ..
ــ ههههههههههههههه بس بتطلع تحفه .. وصدقني بتغلب فيفي عبدو ..
ــ ولِّي عني.. فارق.. لعنه الله عليك وعليها
ــ ههههههههههه.. زين خلاص عشا وغدا.. اتفقنا
ــ صار ..
وسكتوا .. هدووء بس فيه صوت
ــ اهي.. اه.. اهيييي.. ااه... كح. كحح..اه..
ماجد ويوسف : ــ ههههههههههههههههههه
ماجد..:ــ سجى حبيبتي ويش فيش تصيحي
ــ ياااعيني على الرومنسيين.. اقول بسكر اذوني وباغمض عيوني وشوف ويش صاير
وسوى يوسف اللي قاله.. وراح ماجد لسجى.. قرب منها وحط ايده على ركبتها ورفع غطاها.. وصار يهمس
ــ تاااه.. ويش فيه الحلو يصيح
سجى وهي تضحك وتصيح بنفس الوقت
ــ ههه متأثره موقفكم ما تحملته
ــ ياعيني على الحساس امووت بالحساسين انا.. اسم الله ياغناتي امسحي دموعش يللا.. وخلاص.. تصالحنا.. يللا خلاص يللا عاد..
يوسف يخش عرض بينهم..:
ــ خففوا اصواتكم وياكم نفر عزوبي .. هذا وحاط صبعي بأذوني.. وعيوني عورتني وهي مغمضه.. ما خلصتوا
ماجد : ــ لا ويش عندك
ــ هههههه طلب..
ــ ههههههههههههههه بالله بدينا.. وشكلنا ما بننتهي
ــ خخخخ انت اسمع ويش طلبي..
ــ هاا .. ويش..
ــ نبغى طلعه مهي أي طلعه.. نبغى نروح المزرعه.. طلعه عائليه..
ــ ههههه اوكيه ولا يهمك
يوسف وهو يحرك حواجبه بخباثه
ــ خخخ وباركب سجى العربانه وخلك تتكلم
ــ عمى.. ركبها وشووف..ان ما كرفستك وشلخت بدنك وخليتهم يشيلوك بها
ــ ههههههه .. يااعيني على الغيور
ــ ايه اغار بعد ويش عندك
ــ يحق لك.. ما قلنا شي .. امزح وياك..
ــ ايه لا تعيدها
يوسف وهو يهز رقبته
ــ زين بابا..
ــ ههههههه ولا هونت عن سواليف الهنود هاذي
ــ ههه لا .. ولا راح اهون
ــ خخخ صدق لايق..
ــ هههههه ادري.. بس بذمتك.. .. ويمسك يوسف كلر بلوزته ويرفعه على فوق بدلع.. بذمتك.. مو حلوو..
ــ هههههه قمر .. ويش حلاتك..
يوسف يحط ايده على خدوده.. ويرمش بعيونه :
ــ وييييييه استحي..
ماجد وسجى..: هههههههههههههههههه..
قاسم في بيتهم يتطفر .. ويضرب فكر وهلاوس
ــ ويش صاير .. ياساتر .. تأخر يوسفوه..
وبعد ساعه دق عليه يوسف
ــ هاااا تفرغت سيد يوسف .. اخيرا ذكرتني ...
ــ هههههههه ليش ويش فيك..
ــ انت اللي ويش فيك.. وويش صاير
يوسف قص على قاسم السالفه..
ــ اهااا .. تمام الحمد لله.. يعني قاعدين وحاليه ليكم السواليف .. ومخلني اتطفر واقعد افكر ويش صاير.. بس صدق... من شااف احبابه نسى اصحابه ..
ــ ههههههه بدينا نغار
ــ غارت عليك دبابه..
ــ ههههههههههههههههه تغار علي شلون
ــ بقنابل قول امين ..
ــ ههههههه انا واللي اكلمه وامييييييييييين يارب
وبين ما كان يوسف يكلم قاسم.. جا قاسم خط
ــ يوسف جاني خط ابشوف مين واكلمك بعدين..
ــ اوكيه
قفل يوسف من عند قاسم بيشوف مين اللي متصل
لقاه رقم غريب.. رد عليه
ــ الو
ــ السلام عليكم
ــ وعليكم السلام ياهلا
ــ انت قاسم الـ.....
ــ ايه نعم مين معاي ....؟؟؟
ــ معاك ....
هذا ما ستعرفونه في الحلقه القادمه
واعذرووووووني على التقصير
<<<<<<<< صاير بس يدخل المنتدى يقرأ القصة ويطلع
حلوووة القصه ومشكورة خيتووو
لاتطولين علينا
يعطيك العافية
يسلمووووووووووووووووووووو يالغلا
بس بصراحه متحمسه للحلقه الجايه
وشاده الهمه علشان اشوووووفها
خخخخخخخخخخخخخخخخخخخخخخخخخخخخ
هههههههههههههههههههه
اميررروة قلنا لا طولي بالقصة بس مو تقطعيها وتخليني انتظر يوم ثااني بس عشااانها
اعذروني يالغاليين بس اميروه اليوم مزاجها مو اوكيه
ابدا مهي مروقه وما راح تنزل ليكم حلقه بس ان شالله بكره على خير اذا قدرت هااا اذا قدرت
حلقتين ان شاالله
اعذروني والله ..
ومتم بحفظ الرحمن
هااااااااااااااااااااااااااااااااي اموووووووووووووووووووور
خير شنو فيك؟؟
تراي بجيني هلوووسه عليك
ويلا بلا تغلي
اتمنى تكوني بخير
والله يروق هالمزاج
سلااااااااااااام
اوووه الجزء في اكشناات حلووه
تسلمي خيتووووووووووو
وننتظر الجزء الجديد
وكفاايه تمغيط فيها
نبي النهايه بفاااارغ الصبر
بالتوفيق
يسلموووووووووووووووووووو والله يعطيكي العافيه
ولا تطولين علينا اوكي
مع خالص تحياتي بوفيصل
سلااااااااااااااااااامات أميره
شفيش ؟؟؟؟ عسى ماشر بس؟؟؟
والله خوفتيني عليش
وعااااااااااااااااااادي متى ماجيتي احنا نستناش
تحياتي
يالله اميرة خلش فرش واحليوه وحطي الينا 3 حلقات مو ثنتين
بنتظار التكملة
يسلموووو على التكملة
وننتظر الجزء الي بعده
وياش طولي الأجزاء غناااااااتي
تحياتي
يسلموو جميعا على التواصل الجميل وعلى تحمل مماطلتي وكثرة التقصير وخلاص النهايه قربت على خير :bigsmile:
وتفضلوا
قفل يوسف من عند قاسم بيشوف مين اللي متصلالحلقه الرابعه والعشرون
لقاه رقم غريب.. رد عليه
ــ الو
ــ السلام عليكم
ــ وعليكم السلام ياهلا
ــ انت قاسم الـ.....
ــ ايه نعم مين معاي ....؟؟؟
ــ معاك مستشفى الــ......
قاسم اختلع ..
ــ خير ان شالله اخوي
ــ عساه خير بس الوالد تعب في الشغل وجابوه لنا المستشفى وهذا حنا نعطيكم خبر
ــ يعطيك العافيه اخوي .. جايين
ــ يعافيك .. في امان الله
قاسم خاف على ابوه وطياري المستشفى .. ويوم وصل لقى الدكاتره حاطينه بالعنايه المشدده.. قابل دكتوره المشرف على علاجه.. وصدمه بالخبر
ــ ابوك يا قاسم عنده فشل كلوي ومحتاج احد يتبرع له بكليه بأسرع وقت
قاسم راح على طول يسوي تحاليل عشان يشوف ينفع يكون متبرع والا ما ينفع..
وللأسف ما نفع .. وراح على طول بيتهم .. وهو خايف ومحتار كيف يخبر اهله بس ضروري يدروا وضروري يلاقوا المتبرع المناسب .. وفعلا خبر امه وخواته اللي جاهم الخبر مثل الصاعقه وصاروا يصيحوا ومسويين جنازه.. وقاسم يهدي فيهم.. وهم يزيدوا .. وهو يترجاهم يسرعوا وياه المستشفى عشان يسووا التحاليل
وسووا كلهم وكلهم للأسف ما مشى التحليل.. وصاروا بحيره.. قاسم حس نفسه ضايع ابوه حالته حاله .. ويحس نفسه متضايق ومخنوق .. ما شاف نفسه الا يدق على عمه ابو صادق " ابو سجى"
ابو صادق كان بشغله .. ويوم لقى قاسم يتصل به استغرب بالمره قاااسم بعد هالغياب ويش عنده.. ورد وهو متعجب
ــ ياهلا قاسم
ــ ياهلا عمي اخبارك
ــ الحمد لله ..
ــ عمي ..ااااااا...
ــ خير يا قاسم عسى ما شر
قاسم وبصوت مخنوق
ــ ابوي ياعمي بالعنايه المشدده
ابو صادق صعقه الخبر وبصرخه
ــ في االعنـــــــــاااااااااايه وليـــــــــش ويش فيــــــــه .؟؟؟..
ــ عنده فشل كلوي
ــ يالله بأي مستشفى انتون
ــ بالــ.....
ــ طيب مشوار الطريق واكون عندكم
ودقايق ووصل ليهم.. ويوم دخل ولقى حالهم حال كئيب وقاسم اللي ارتمى بحضن عمه والهم معتليه .. وابو صادق يخفف عنهم
ــ ويش الحين بيسووا له عمليه..
ــ ايه المفروض بس محنا لاقيين متبرع.. وتذكرنا عمتي ام سعود ..>> " ام ريم" فصيلة دمها مثل ابوي .. شوي لما تجي نطلب منها تسوي العمليه ان شالله ترضى..
ــ وليش ما ترضى ان شالله ما يصير الا الخير
وشوي تجي العمه ام ريم ومعاها ريم درت بالخبر من ريم كانت داقه على قاسم وخبرها...
ام سعود :
ــ خير ويش صاير .. وكيف صار هالشي ...
خبروها بالقصه وقالوا ليها محتاجين متبرع .. وصدمهم ردها القاسي والبارد والخالي من مشاعر الأخوه
ــ وييي اني ما فيني شدة عمليات واخاف على روحي اني بكبري يبغى لي ترقيع
<<< كفر سياره الإخت..
قسام دارت به الدنيا.. ويش يسوي .. وماهو طايق هالعمه ولا بنتها اللي ما فكرت تكلم امها .. ولا فكرت تسوي هي تحليل .. وهو مستحيل يطلب منها....
وشوي انتبه قاسم وين عمي ابو صادق .. دق عليه .. لقاه بغرفه التحاليل.. يحلل
واسف طلع ما ينفع بعد..
ابو صادق :
ــ ليش ويش فصيله دمه ..
الممرضه: .......
ابو صادق:
ــ يالله نفس فصيلة سجى بنتي بالضبط
طلع ابو صادق من الغرفه لقى قاسم قدامه.. وخبره ان فصيلة دم سجى مثل ابوه..
ويارب ما يخيب ظنه ويطلع صح وتتبرع له سجى .. وقاسم بكل امل يااارب ..
ويدق ابو صادق على سجى ويخبرها عن عمها...
سجى على كل الألم والجرح اللي صار ليها من عمها وولد عمها .. لكنها وبعفويه جرت دموعها حزن وخووف على عمها .. وكاسره خاطرها حالته .. وطلبت من ابوها يجيها بسرعه وتبغى تسوي تحليل على شانه وتقدم كل اللي تقدر عليه..
وصار المكتوب يصير .. طلعت سجى المتبرع المناسب .. سوت العمليه والدعاء يتردد في اركان المستشفى بالنجاح والشفاء العاجل لهم..
وسووا العمليه لأبو قاسم
والحمد لله .. نجحت...
وبعد كم ساعه .. فتح ابو قاسم عيونه... ولقى على يمينه اهله واخته وبنتها و التفت يساره لقى قاسم ومعاه وااحد من سنين ما شافه ابو صادق اخوه.. ابو قاسم حس بتأنيب ضمير حس بضيقه .. وصار يتأمل اخوه وعيونه تحكي الم وندم..
ابو صادق:
ــ الحمد لله على سلامتك يا خوي
ابو قاسم:
ــ الله يسلمك ... قالها والدمعه تنحدر على خده
ــ ليش هالدمعات ياخوي ما تشوف شر يالغالي .. والله يرجعك سالم لأهلك واحبابك
مد ابو قاسم ايده الى ابو صادق مسكها وعصرها بالقوه
ــ الله يخليك ياخوي .. ولا يحرمني منك..
ابو صادق حب راس اخوه ..
ــ ولا يحرمنا منك الهي
ــ ابو صادق يا خوي
ــ عيونه امر عليه
ــ ما يامر عليك ظالم وتنهد ابو قاسم من قلب وكمل : سامحني يا خوي .. سامحني .. من زمان وودي اتسامح منك ونرجع المياه لمجاريها .. بس كبرياء يمنعني وابليس اللعين يكون حاجز بيني وبين أي شي يرجع العلاقات بينا .. يا خوي سامحني طلبتك..داخل عليك بالله ومحمد وعلي...
ــ عن نفسي يا خوي مسامحنك دنيا واخره .. اطلب السماح من سجى بنيتي .. والله يسامحك ..
ــ وينها .. ليش مهي معاكم
ــ بالغرفه اللي جنبك ياخوي هي اللي تبرعت لك
ابو قاسم من سمع هالخبر ما احتمل وصار يصيح.. وابو صادق يهدي فيه ويطلب منه لا يتعب نفسه توه مسوي العمليه ويريح..
العمه ام سعود نرفزها الموقف وما تحملت الكلام اللي جرى بين ابو قاسم وابو صادق وحست بضيقه وقهر
ــ ريم يللا راح نمشي
ــ اماه بقعد هنا بيوصلني قاسم بعدين
قاسم:
ــ مانى فاضي .. وبعدين السياره ما تكفي جايب امي وخواتي معاي ..
ام سعود عصبت وشبت حريقه زوود من رد قاسم
ــ الحمد لله والشكر عاد هي اللي ميته على توصيلتك الله الغني .. امشي يا ريموه قدامي يللا
وطلعوا.. وابو قاسم قهرته اخته وتصرفها البايخ واللي حتى ما كلفت على نفسها تقول له الحمدلله على السلامه وما تشوف شر...
وطلع ابو صادق من عند ابو قاسم.. رايح لسجى.. دخل عليها لقاها نايمه
جلس جنبها .. وصار يتأمل وجهها البرئ.. ويمسح على شعرها ,, ويتذكر موقف طلاقها من قاسم,, والألم والتعب النفسي اللي مرت به .. وشوي جا ماجد ودخل عليهم..
ابو صادق قال لماجد انه بيمشي لأنه ترك الشغل والحاله قايمه وبس تصحى سجى يعطيه خبر ..
عطى ماجد جبين سجى بوسه .. وجلس جنبها ومسك ايدها.. وصار يتأملها كأنه اول مره يشوفها.. حاسس نفسه يشوف ملاك.. ملاك نازل من السما.. على كل الجروح اللي سببوها لها عمه وولده .. الا انها وقفت جنبهم وقت شدتهم .. وصارت لهم العون ..
قاسم طلع من عند ابوه بعد ما عطوه مسكنات.. عشان بيوصل اهله البيت وهو طالع من غرفة ابوه .. كان ماجد طالع بيروح محل ورد قريب بيشتري لسجوي باقه... وتلاقوا مع بعض قاسم وماجد
ماجد :
ــ هلا قاسم .. الحمد لله على سلامة الوالد ما يشوف شر
قاسم يرد ببرود ومن طرف خشمه ..
ــ الله يسلمك .. وانت بعد الحمدلله على سلامة اهلك..
ــ الله يسلمك
طلع قاسم ركب السياره صفق الباب من العصبيه .. وامه وخواته مستغربين منه.. بس فطوم كانت عارفه اخوها زين.. عارفه انه مستحيل ينسى وما راح ينسى..
وصار قاسم طول الطريق شاد على نفسه ويحس عروقه بتفور دم من القهر.. يحاول يهدي في روحه .. ويبطل وهم ان ماجد خطف سجى منه لأنه هو من باعها بالأول.. والأفكار والوساوس تتراكم عليه .. لين وصلوا البيت وصعد غرفته شدخ االبااب وتسند عليه وانهار على الأرض وغطى وجهه بكفه وغرق في همومه...
ماجد رجع من المحل حامل باقة ورد كشخه.. لقى سجوي لسا نايمه.. قطع ورده وصار يلعب فيها على وجه سجى بهداوه.. وقعد يطالعها .. وشوي طلع قلم وصار يكتب على اوراق الورده اللي قطعها..
دنيتي عمري حيااتي غناتي مالي غيرك احبـــــــــــك ماجد
وحط الورده قريبه من راسها . باس خدها . وطلع عنها ....
وبعد ساعتين صحت سجى لقت ابوها جنبها ..
صار ابوها يمسح على شعرها
ــ الحمدلله على السلامه .. يا احلى عيون ..
ــ يسلمك يالغالي
ــ اخبارش يابنيتي ..
ــ الحمدلله بخير
ــ ما تحسي بتعب ..
ــ يعني شوي مو وايد....... اخبار عمي
ــ الحمدلله تمام..شوي واطل عليه.. وتراه يسلم عليش بعد ويطلب منش تسامحيه
سجى تبتسم وتطلع تنهيده من قلبها
ــ سلم لي عليه وتحمد له عني بالسلامه وطمن بالها انه مسامح
ــ يسلمش غناتي .. ويعطيش على قد نياتش ويوفقش
ــ اللله ويش باقة هالورد حلوه ..
ــ ايه ذوق ماجد من عنده هذي وترك لش هالورده جنب راسك بعد
رفعت سجى راسها شوي لقتها.. ورده بيضا ومليانه كتابه
خذتها وصارت تقرى اللي فيها وتطالع ابوها وهي متورده ومستحيه.. وابوها مبتسم لها..
ــ الله يخليكم لبعضكم ولا يكدر عليكم ويهديه دوم عليش يارب
ــ يسمع منك الهي .. يارب يا كريم
شوي جا مااجد حامل بيده دب كبير وحلويات وصاير وجهه ما يبين من كبارة الدب ..
ــ مساااء الخير ... والإحساس والطيبه .. مسااء ما يليق الا بأحبابي..
كان ماجد ما يدري ان عمه موجود خخخ مو شايف قدامه من الدب ومتحمس ومشتاق لسجوي
ويوم حط الأغراض وانتبه استحى وخجل وارتبك
ــ كح اااا .. اا.. هلا اا ... هلا هلا عمي اخبارك
ــ ههه الحمد لله ويش فيك ياولدي لويش سكتت كمل والله عليك صوت مره حلو ..
ماجد وهو متلخبط .
.ــ هههه امحق صوت عااد ياعمي لا تجاملنا ..
ــ الا والله انه حلو .. وما اجاملك .. والا ويش رايش سجوي
سجى وهي مبتسمه
ــ يسلم لي هالصوت وراعيه.. عسل
ماجد ابتسم وحس دخان طلع منه من الحيا ..
ــ اشكركم .. من ذوقكم والله .. للحبايب قمنا نسوي الفنون
ــ الله لا يحرمني منك وتسلم يالغالي
ــ ولا يحرمني منك ... ويخليش لي...
وبين ماهم سواليف ومستانسين
دق باب الغرفه...
والى الملتقى بالحلقه القادمه...
واعذروني على تقصيري..
ههههههههههههههههههههههههههههههههههههههههههههههههه
والله حلوة حلوة والله لو بعد مانتبه لعمه وكمل الاغنية جااااان مسخرة
يسلمو اميرة على التكملة الحلوة
اميرووووووووووووووووووه
هذا اني تاركه القصه يومين مانزلتي الا جزء
امرنا لله نتحملش
بس لصبر احدود.....
وننننننننننننننننننننننتظررررررررررررررررر