اطلب رأي اجمهورررر .....؟؟؟؟

بسم الله الرحمن الرحيم
اخي العزيز بحر الشوق
انها لغريبه فعلا
وانا اقرا ماكتبته انت وانا مبتسمه لماذا؟لاادري
بس تصدق من زمان وانا احاول اتحكم بعقلي الواعي من زماااااااااااااااااااااااااان
بس مادري الى الحين المحاولات كلها بائت بالفشل
وبما ان مابعد الفشل الا النجاح فباذن الله بنجح
ومشكوره على المساعده ومثل ماقلت لك الاوان فات بس راح استفيد منها الايام القادمه
فالحياه طويييييييييييييييييييله صح؟
ومااعرفه اليوم ساستفيد منه غدا اليس كذلك؟
ومعذره على الازعاج والكلافه
مع تحياتي الريشه الناعمه

بسم الله الرحمن الرحيم
اللهم صل على محمد وعلى ال محمد الطيبين الطاهرين

الاخت الكريمة..

الريشة الناعمة..

مرحبا..

ولا يهمك اخيه كلنا اعضاء ومشرفين
انكمل بعض..
ولا فيه اي كلافة او ازعاج..
الباب مفتوح لك مجدداً...
ودوماً..


تحياتي
بحر الشوق

السيطرة على العقل الباطن واننا نخليه يعمل لحسابنا
فكرة بجد هايلة دة فعلا لو قدرنا يبقى ممكن ننجح فى حاجات كثيؤ
فكرة تستحق التجربة
تحياتى لك

بسم الله الرحمن الرحيم
اللهم صل على محمد وعلى ال محمد الطيبين الطاهرين

يعطيك العافية اخي الكريم

هناا

على تواجدك الرائع
واتمنى ان تكون نقطة بداية للوصول
الى باطننا..



تحياتي
بحر الشوق

السلام عليكم
الغالي بحر الشوق
هاي المشكلة انا و لة مرة قلتها لاحد لكني راح اقولها لك طلبا للنصح
اخوي انا عندي مشكلة الكتمان اي شيء صار لي ما اقوله لاحد بس هاي خلها على صوب
و ننطلق للاهم
اخوي المحترم
كانت لدي صديقة انا و هي كنا اصدقاء من الصف الاول الابتدائي
في اول يوم دراسي لي قالت لي امي ان اجلس بقربها و كذلك قالت لها امها
اصبحنا اعز صديقتين
حتى الصف الاول الاعدادي ((اللعام))
انا رحت في فرقة 8 و هي في فرقة 6
يعني ما صرنا وية بعض
بس كنت اروح و ياها في الفسحة
شوي شوي و لا قامت تييب ربعها اللي وياها و ياها في الصف
معانا في الفسحة
بصراحة انا تمللت كنت اتم اقعد ساكتة
و كل ساعة وحدة تقول حق الثانية
تعالي بقول لج شيء

هاي في الفصل الاول
في الصفل الثاني
لم اتحمل ذلك
و قمت رحت و ية ربعي اللي معاي في الصف
و ما قمت اروح و ياها في الفسحة
لكن لين كنت اجوفها كنت اضحك وياها بس هي ما كانت تضحك وياي
و بعدين عرفت انها ما قامت تكلمني
قلت حق ربعي
و لة وحدة قالت لي
لا تروحين لها انتي وايد احسن منها
هي كانت تبيج حق المصلحة***لاني انا كنت متفوقة و كنت دائما اعلمها ****
و بنت قالت ان بنات يقولون انج انتي من هديتيها تغيرتي و صرتي حليوة
ووحدة ثانية تقول ان هي بس كانت تبيني لها
فهي غارت لين جافتني اروح و ية ناس غيرها
فهل اعتذر انا لها لكني انا اعرفها حق المعرفة اذا اعتذرت ما بقبل اعتذاري و بتهينني
ام اتركها فان الله كان يريد ان ابتعد عنها لانها كانت تريدني للمصلحة
الحين انا بروح ثاني اعدادي هل اعتذر لها في اول يوم
ام اتصل بها ام ماذا
آسفة اخوي اذا زودتها

بسم الله الرحمن الرحيم
اللهم صل على محمد وعلى ال محمد الطيبين الطاهرين

:amuse: الاخت الغالية ..

المومياء

كم اسعدني تواجدك وطرحك ولا تنسي نحن هنا اسرة واحدة
ولا تقولي زوتها بالعكس ان شاء الله و الهمني العافية وطول العمر
لن اترك هذا ما حييت..

لا تظلميها هذا اول شيء ولا تتسرعي وتخاصميها و لا تنسي لأن تغير المكان عليها
وقل الوقت الي كنتو تجلسوا فيه مع بعض ، وزادوا معافها واكيد في وحدة في الصف
الثاني اخذت مكانش طبعاً هذا قد يكون طبيعي نسبياً لأن بطبيعة الحال ان تجد احد قريب
منها في البيئة الثانية تتعاون معها وتساعدها وبصراحة انا مرت علي مثل هذه السالفة
عندما نقلت الى صف ثاني في البداية كنت مسكين ولا حتى اتكلم مع احد لأني ما اعرف
احد كنت انتظر الفسحة تجي بسرعة علشان اروح اشوف الي اعرفه او بالاحرى الي اعرفهم
ومع مرور الوقت قلت جلستي مع اصحابي الاولين وكونت صحبة جديدة وهذا مو معناها
اني نسيت اصحابي الاولين بالعكس كنا نلتقي يوم الخميس او الاربعاء وعادي ..
انصحش خييتي ان تقومي بالاتصال لها ولا تجعلي الامر ذو حساسية كبيرة والله لا يفرقكم..
وبالتوفيق،،



وتقبلي تحياتي
اخوك


بحر الشوق

بسم الله الرحمن الرحيم
هل لي ببعض المداخله اخي العزيز بحر الشوق وهل تتقبلين رائيي اخيتي الحبيبه المومياءه
ارجو اني ماكون ملقوفه بس حابه اطرح وجهه نظري
اخيتي الحبيبه
بصراحه انا نفسش بالضبط صار لي هالموقف
وعلى فكره بعد انا بعد كنت متفوقه ومع ذلك كل زميلاتي اللي اهم اعز اعز ناس علي بهالدنيا
اقل مستوى مني في الشطاره وهذا طبعا مو مدح فيني بس ابي اوضح وجهه نظرش انها تبي مصلحتها فهمتي
المهم اني انا بعد اشرح لهم واعلمهم واحيانا ماراجع ايام الامتحانات بسبب انشغالي معاهم
ولاني كل حين بشرح حق وحده شي فيضيع الوقت والوقت كله فداء لهم
وعلى فكره انا بعد علاقتي معاهم عشره عمر طوييييييييييييييله
المهم انا بعد كانت خلافات بينا وماكنا ندرس بنفس الفصل ومانشوف بعض الا في الفسحه
وكنا نختلف كثير ومع ذلك ماعمري فكرت انهم مصادقيني عشان مصلحه لا بس الفراق اللي صار هو اللي زحزح الثقه اللي بينا شوي بس واحنا بحاجه فقط لتوضيح الصداقه اللي بينا
ونصلح الامور ونشرح الاسباب وصدقيني صدقيني وانا اكبر منش وخبرتي اوسع
اذا كنتم بصراحه متصادقتين في الله ماراح تفترقون ابدااااااااااااااااااااااااااااااااااااااااااااااا ا
ولو اللي يصير لان عمر الصداقه المصلحجيه ماتتم وانتي اتقولين انها معاش من الابتدائيه
وهذي عشره عمر وماعتقد انه فيها اي مصلحه فانتي حاولي تشرحين لها وتتفاهمون
وانشاء الله ترجعون لبعض باذن الله
وبعدين لاتتفائلين بالشر وانتي مهما عرفتيها ماتدرين عن اللي بداخلها ولاتتوقعين الا الخير
ولاتقولين انها ماراح تتقبل اعتذارش انتي شوفي بالول رده الفعل وبعدين حكمي
ومعذره اخيه على التدخل واسمح لي اخوي الغالي بحر الشوق على اللقافه واتمنى
اخيتي انش فهمتي ماارمي اليه
وعذرا مره اخرى واتمنى لكما الصداقه الدائمه ولكم مني خالص الدعاء انشاء الله
تقبلو مروري الريشه الناعمه

بسم الله الرحمن الرحيم
اللهم صل على محمد وعلى ال محمد الطيبين الطاهرين



جداً روعة مشاركتك اخيه..

الريشة الناعمة

لا لقافة ولاحاجة اختي رأيك مسموع
ومفتوح لك المجال لأبداء الرأي في اي
شكوة او مشكلة ولا يقتصر على بحر الشوق
فقط ..
ونحن بانتظار ان تساهمي في حلول اخرى مع بحر الشوق..

شكراً لك على النشاط الرائع..
وعساه دوووووم..


تحياتي
بحر الشوق

بحر الشوق
الريشة الناعمة
كل الشكر للنصائح
و بصراحة انا استحي اني اتصل
لان السالفة بدأت من الفصل الثاني
و اذا انا الحين اتصل لها شنو تتوقعون ان بكون ردة فعلها
هل تجوف ان هاي شيء لطيف
ام انها تقول ان هاي مو من صدقها
لان لو انتو مكانها بشنو راح تحسون ؟

بسم الله الرحمن الرحيم
اللهم صل على محمد وعلى ال محمد الطيبين الطاهرين

مرحبا اختي العزيزة..

المومياء

ترى عادي اختي لو صار اتصال منك لها لو مجرد انك تشرهي عليها
واتعاتبيها والصراحة راحة..
صدقيني اختي ترى هذي الحياة بسيطه لحظة تنهيها ..
كلميها ولا تترددي في شيء..
وانا لو في مكانها بقول لك ليش يالقاطعة.. هههههه


بحر

بسم الله الرحمن الرحيم
تسلم اخوي الغالي بحر الشوق
اختي الحبيبه المومياءه
ماعليه ماتقولين انها صديقه الطفوله
خلاص اجل ولازم الصداقه فيها تضحيه صح والا؟
وبعدين انتي ماراح تخسرين شي الا ويمكن يصير العكس يمكن اهي محتاجتش بعد
بس مستحيه وصدقيني صدقيني مهما الانسان ياخذ صداقات ماراح تكون مثل الصديق
الاول فمابالش من اللي بينهم عشره عمر
انتي جربي واتصلي وفهميها الضروف وانشاء الله راح تتفاهمون وترجعون احسن من قبل
ومثل ماقلت لش اذا كنتوا تبون ترجعون لبعض مافي اي احد يقدر يفرقكم غير اللي خلقكم
وعرفي في ذاك الوقت وانتي تكلمينها ان الله وياش لانش تبين الاصلاح واهل البيت
سلام الله عليهم بعد وياش وهذا غيرنا احنا بعد صح والا؟
فتوكلي على الله واتصلي ولاتسبقين الاحداث
ولاتتوقعين الا الخير
وبالتوفيق انشاء الله ولك مني دعواتي ودعوات بحر الشوق صح بحر والا ......
مع تحياتي الريشه الناعمه

:amuse: بكل تأكيد دعواتنا لك ..:amuse:

الغالي بحر الشوق
حبيبتي الريشة الناعمة
مشكورين و بصراحة اقنعتوني اني اتصل فيها
و اذا صار اي جديد بخبركم

مشكووووووورين
:bigsmile:

بسم الله الرحمن الرحيم
العفو اخيتي الحبيبه المومياءه
عاد بشرينا ها تراني على احر من الجمر ابي اسمع اخبار حلوه انشاء الله اوكي
الله يصلح بينكم انشاء الله
مع تحياتي لك الريشه الناعمه

السلام عليكم ورحمة الله وبركاته........
أشكرك أختاه على طرحك هذا القتراح الجيد وبالتوفيق ان شاءالله ويعطيش الله العافية
بصراحة كان في بالي من زماااااااان اطرح هذه المشكلتين الي عندي وأتمنى انش تحلينهم اليي في أسرع وقت :
1) بصراحة أحيانا وأني جالسة في البيت أتضايق وأحس بحزن وبكاء غير طبيعي وأظل بروحي أصيح وماأعرف شسوي وأحس ان الدنيا ضايقة فيني واني رغم صغرسني أحس بهالأشياء وأحتاج قلب يفهمني ويسمعني لكن أظل معزولة في غرفتي أصيح وأكون حزينة لكن ماادري شنو الحل وأفرك اني ودي أتقرب الى ربي أكثر لكن مااعرف اشلون ؟! فأرجو مساعدتي في أقرب فرصة بصراحة غالبا ماأشعر بهالشي وأظل كاتمة شعوري وأحيانا أفتح قلبي الى ناس قريبين مني ألقاهم مايقدرون يساعدوني معني انسانة ماينقصني شي ملتزمة بحجابي لكن ماادري اشلون أرضي نفسي :closedeyes:وأحيانا أفكر اقول يمكن من الفراغ الي عاني منه قلوبنا لكن الله العالم...

2)واما المشكلة الثانية فهي الملل وخصوصا لما جاءت العطلة أكون غالبا متمللة وماأعرف وين أروح أظل على النت او اروح أتمشى في البيت وأكون متمللة حديي أقعد وية أمي وأأفأف وأقول ابغي أطلع وبس هذا حالي وأفكر ودي أسوي اليي برنامج يومي لكن أحتاج الى من يساعدني وماأعرفش شنو أسوي فأرجو منك أختي ان تساعديني فهذه أقرب وسيلة لي لأطرح مشكلتي ولك الشكر الجزيل.....

مع خالص تحياتي:
ناصرة المهدي