رد: يومِيات محمد و زينب, عجيييب لا يفوتكم اجزاء ((ارجو التثبيت))
فيلسووووووووووووووف وين الجزء الأخير
تراك طولت علينا يا خوك
مع خالص تحياتي بوفيصل
رد: يومِيات محمد و زينب, عجيييب لا يفوتكم اجزاء ((ارجو التثبيت))
فيلسووف شكله انسينا ولا بيكم القصه
رد: يومِيات محمد و زينب, عجيييب لا يفوتكم اجزاء ((ارجو التثبيت))
وووووووووووووووووووووينككككككككككككككككككك ياالفيلسوف....
بأنتظار الحلقة الاخيرة...
تحياتي
رد: يومِيات محمد و زينب, عجيييب لا يفوتكم اجزاء ((ارجو التثبيت))
ها يافيلسوف بتجي تكمل القصه والا احرقها عليك
واحطها بلوتوث txt للجوال:toung:
اتمنى يكون غيابك في خير
وترد لنا بالسلامه خيوو
عن جد افتقدنا حضورك
رد: يومِيات محمد و زينب, عجيييب لا يفوتكم اجزاء ((ارجو التثبيت))
يسلمووووووووووووووووووووووووووووا
رد: يومِيات محمد و زينب, عجيييب لا يفوتكم اجزاء ((ارجو التثبيت))
فيلسوووووف طااااااار مااقصد طار يعني اقصد انه طلع من المنتدى خلااص بح غصب؟
طلع ونسي حتى يكمل القصه
يعني بختصار الي يعرف القصه يكملها ترى اني منقهرة ابغى اعرف النهاية
بس يبغى ليي اعيد اقرى القصه من جديد لأنه نسيتها ههههههه
يالله الي يعرف يكملها
تحياتي
حووووووور
رد: يومِيات محمد و زينب, عجيييب لا يفوتكم اجزاء ((ارجو التثبيت))
لدي القصه كامله وأنا على استعداد لتكملتها
ولكن قبل ذلك سأطلب من المشرف العام
مراسلة الاخ فيلسوف للإطمئنان عليه أولا ً
ولإخباره بأمر القصه فإن لم يكن بإمكانه تكملتها سنقوم بذلك نيابه عنه
وإن لم يرد خلال أيام من ارسال الرساله .. أيضا ً سنقوم بتكملتها .
أيضا ً قريبا ً سأضع لعشاق القصص المتسلسله وذات الاجزاء الطويله
سأضعها بصيغة txt للجوال
فترقبو أجمل القصص على جوالاتكم
رد: يومِيات محمد و زينب, عجيييب لا يفوتكم اجزاء ((ارجو التثبيت))
تسلمي والله ياشمعه
يالله انشااء الله يكون فيلسوف بخيرر
ننتظر...
تحياتي
رد: يومِيات محمد و زينب, عجيييب لا يفوتكم اجزاء ((ارجو التثبيت))
يسلم قلبك يا حور
يارب يكون بخير ويرجع لنا
وأحنا بالإنتظاااار
رد: يومِيات محمد و زينب, عجيييب لا يفوتكم اجزاء ((ارجو التثبيت))
ماشاء الله روعه ياالله ننتظرها بحراره
رد: يومِيات محمد و زينب, عجيييب لا يفوتكم اجزاء ((ارجو التثبيت))
اني ماااقدرت اصبر اكثر
رحت دورتها وحصلتها وقريتهااا خخخخخخ:embarrest:
رد: يومِيات محمد و زينب, عجيييب لا يفوتكم اجزاء ((ارجو التثبيت))
مرررررة تجنن القصة
قريتها كلها في يومين
بسررررعة حط الحلقة الاخيرة ولاترى باسوي زي حور وبادورها وبقراها
خخخخخخخخخ
تسلم على القصة الحلووة
رد: يومِيات محمد و زينب, عجيييب لا يفوتكم اجزاء ((ارجو التثبيت))
خخخخخخخخخخخ
سويتها سويتها سويتها
عــــدل
دورت عليها وحصلتها وقريت نهايتها
ما اقدرت أصبر >>> نفذ صبري
امممم نهايتها كانت حليوة
اهم شي كاانت نهايتها
ســـــــــــــعــــــــــــيـــــــــدة
لأني ما احب النهايات الحزيينة
خخخخخخ
تسلم اخوي (( فيلسوف )) على القصة
رد: يومِيات محمد و زينب, عجيييب لا يفوتكم اجزاء ((ارجو التثبيت))
رد: يومِيات محمد و زينب, عجيييب لا يفوتكم اجزاء ((ارجو التثبيت))
الحـــــــلـــقــــة الاخــــــيرة
مرت الايام مر السحاب و جا اليوم الي زينب تروح فيه الصالون حق ليلة الخطوبه
قعدت مريم الساعه12
مريم : امااه ,, زينب راحت الصالون ؟
الام : اي من زماان و انتين في سابع نومه
مريم : احنا متى بنرووح ؟
الام : يعني متى فدمتش ؟ بنتغدى و بنرووح كل مره جدي
مريم :ساره وين ؟
الام : في حجرتها
راحت مريم الى ساره
مريم : ساره ,, انتين بتروحين ويانا الصالون .؟
ساره : اي كلنا حتى خالتي في مثل الصالون الي فيه زينب
مريم : اها
ساره : يلا روحي اسبحي لان بعدين بنتغذى و بنروح
مريم : انزين
و زينب في الصالون قاعده تاكل اجبااس حضرتها و وياها ندى
بعدين تغذوا بيت حجي ناصر و خلصوا و تجهزوا
مريم : امااه ,, شعري احط فيه كريم لو لا ؟
ساره : لا تحطين فيه شي لأن بسشورونه يا الهبله بس مشطيه
مريم : انزين
علي : ما جهزتون انتون انا عندي اشغال بعد لا
الام : جهزنا يا حبيبي
ساره : تدلي الصالون ؟
علي : اي هدانا مودي ندى
ساره : اها
بعدين جهزوا كلهم و ركبوا السياره
وصلهم علي الصااالوون
الام : رحم الله والديك ويسر الله لك
ساره : مشكوور علي حبيبي
مريم : مع السلامه
دخلوا الصالون و هناك زينب مبديين في شعرها فيه الرولات
مريم : انتين هبله لويش صابغه شعرش
زينب : ويش فيها لو صبغته يعني
مريم : بس حليو لون الصبغه
زينب : مشكووره
مريم : اماه شوفي بصبغ شعري جدي
الام : مافي ويلا سكتي
المهم بعدين قعدوا في الصالون واجد يسوون شعرهم و يكميجونهم
و جت الساعه 8 , زينب جهزت
صايره حليوه كشخه ,, و فستانها كان اروع من الفساتين حتى البنات الي في الصالون انبهروا من حلاوته ,, وفستانها كان لونه
فوشي (( وردي غامق )) مع وردي فاتح مرعص بالفصوص الورديه اللامعه على الصدر و على الجوانب و عند الخصر ,, ومكياجها كان رووعة ,, واللي زاد من جمال عيونها الكحل المرسوم حوليها كان بطريقة فينة ودقيقة ,, أما عن التسريحة كانت تجنن ولا أروع ,, لان شعرها طويل وناعم فما حبت ترفعه بالكامل ، طلبت من الموظفة تسوي لها تموجات على طول شعرها وتخليه على الجنب وبالزاوية وقريب من أذنها حاطه 3 ورود ورديه طبيعية ومن نفس نوعية الورود الي في الباقه ، وحطت فوق راسها الطرحه لونها وردي فاتح نفس لون الفستان ومرعص فيها فصوص من نفس النوع .. و طلعت ويش حلاوتها
اتصلت الى محمد عشان يجي ليها و يروحون الاستديو يصورون
محمد : هلاا بالعروووس
زينب : هلا حمود .. تعال الصاالون ليي عشان نروح نصور
محمد : جهزتين
زينب : اي توني جاهزه و اتصلت لك
محمد : اوكي الحين باجي لش
الام : ساره انتين بجي لش خطيبش ؟
ساره : اي و باخد ويايي مريم عشان انتين و ندى و خالتي وي علي
الام : اي
ساره : الحين بجي ؟
زينب : اي بنروح الاستديو نصور
بعدين جا محمد
ديد ديد
ساره : هكو جا ,, يلا زينب
زينب : لبسيني المشمر الاخضر و فوقه الدفه
ساره : انزين
زينب : لا تتعفس التسريحه حاسبي
ساره : لا ما بتتعفس ,, امشي بروح وياش السياره
زينب : انتون متى بتروحون الصاله
ساره : عقب شوي لان كلنا جهزنا بس امي عليها المكياج
زينب : انزين
و ساعدت ساره ختها زينب في ركووب السياره ,, لان فستانها مال عرووس ,و مو فستان عادي تعرفون يعني
و السياره مالت محمد مزينه بالزينه
ركبت زينب وي محمد و محمد متكشخ لابس بدله ويش حلاوتها
محمد : الله الله , ويش هل الحلاوه
زينب : حلوت ايامك
بعدين محمد قعد يمشي وحط اغنية :: كل ما تكبر تحلى ,, تصير احلى و احلى :: و هو يغني وياها و يطالع في زينب
زينب : انت موتك كاظم الساهر
محمد : اي لان اغانيه فن
بعدين وصلوا الاستديو ,, و صورو لمدة 3 ساعات
و هناك الفلبينيه تقول ليهم سوو جدي و جدي و هم مساكين يسوون , و يطخطخونهم صور
بس لو تشوفون الحركات طلعت حلوه فلته
نرجع لبيت حجي ناصر و الخاله و ندى
ندى : يلا هكو جا علي عشان نروح الطاله
الام : يوو جا ..
ساره : اي يلا اماه ,, يحارسكم
طلعت ندى و الام والخاله و ركبوا السياره و راحو الصاله
مريم : و ان شاء الله احنا متى نروح ؟
ساره : يو الحين بجي محمد ويش فيش
مريم : اتصلي له
ساره : انزين
اتصلت ندى الى محمد خطيبها
محمد خطيبها : الحين جاي ليكم
ساره : اوكي
مريم : بجي ؟
ساره : اي الحين
بعدين جا محمد و ركبوا السياه و راحو الصاله
وصلوا الصاله و هناك الصاله فيها خوات محمد و اهله و اهل زينب بس للحين ما جو المعازيم ,, و توهم واصلين الا جايه الملايه الي تغني في الحفله و قعدت تقرأ المولد و بدأو الناس يجون الصاله شوي شوي لييييييين ما انترس المكان بالنسوان و الجهاال و الفوضه
و مريم كالعاده تراكض وي ايمان << زين ما ينشق فستانها مره فانيه
و ساره واقفه وي ندى و الام واقفه وي الخاله و ام محمد يسولفوون مستانسين ,, و لابسين الفياب الكشخه و تساريحهم بعد حليوه ويش حلاوتها كشخه كشخه
و الموضفات يوزعون الوجباات والعصير و الحلاوه
بعدين قعدت الملايه تغني : يا باني الغرفه على السيف بنها على ساس قويه ,, محمد مجمع له الافات ناوي على عرس البنيه
الام : كلللللللللللللللللووووووووووووووووووويي
و كل حين تغني الملايه اغنيه فانيه : هلي هلي هلي يا نجمة البحرين هلي هلي هلي عروسنا من وين ,, من لبنان لا لا لا من الامارات لا لا لا من البحرين اي نعم اي نعم هذي عرووس الزين
سمها غدير لا لا لا ,, سمها ايمان لا لا لا ,, سمها زينب اي نعم اي نعم هذي عروس الزين
و مريم المشدوخه هي و ايمان مو مسويين سوايه كل ياخدون وجبات
مريم : اني اخدت فلاف وجبات
ايمان : اني بعد
مريم : امشي نروح نراكض على المسرح
ايمان : يلااااا
بعدين جت الساعه 11 و جو المعاريس
الام : جو المعاريس
و تقوم الفوضه في المكان كل من يبغي يشوف العرووس كلهم يوقفوون و الجهال كلهم تاكضوا عشان يشوفون الملاك الهي العرووس يعتبرونها ملاك
ساره : ويش هل الغفصه انزحوا شوي بندخل العرووس ما يمديها حتى تتنفس
زينب : ساره تعالي عدلي طرحتي
ساره : انزين ’’ هل الجهال غافصينا غفااص
و زينب مجوده ايد محمد ,, و الباقه في الايد الفانيه و لو تشوفون محمد جيفه مستحي و في نفس الوقت مستانس
بعدين جو اهل محمد و زينب وراهم يزفوووونهم
و المايه تغني : يا هلا ويا مرحبا بجية الزينه يا هلا و يا مرحبا باركوا لينا ,, لا اله الا الله ,, حضر محمد وعلي و الشر عنه ينجلي
و الناس يصفقوون و يجببون و يغنون
الملايه : بارك الينا يا علي بارك بارك
و مريم و ايمان يصفقوون ويتقمزووووون
مريم و ايمان : زنووب دللوها دللوها بغت حموود عطوها عطوها
بعدين ركبوا المسرح و قام محمد شال الطرحه من على زينب
و بعدين لبسها الدبله وقام الصفااااق و التجبب
و نفروا حلاوة و مشموم و بيزات عليهم و مريم تلاقف هي و ايمان
مريم : حصلت ربيتين
ايمان : اني فلاف
و محمد و زينب يضحكون
بعدين لبسها الطقم كاامل ,, و افنينهم مستحيين ,, وبعد تالي قصوا الكيكه و مريم تبغي قطعه منها
الام : تالي بنعطيش سكتي و مرض
مريم :
الهي جايه الجده تصفق و تغني و تقول : اعطونا من هل الكيكه
الام : تالي عمتي
وقاموا زينب و محمد يأكلون بعض من الكيكه يشربون بعض من العصير
و عقب ما خلصوا من جدي قامت الام عطت مريم تودي العصير و هي الهبله اخدته تبغي توديه بدفاشه و يقوم وينكسر واحد منهم
ندى : يوو ويش سوتين يا مريم
مريم : اني كنت ما ادري و انكسر
الام : ويش هل الحاله ,, لازم بلوى وياش خليه بتشيله الفلبينيه
مريم : انزين
تالي قاموا النااس جوا يباركون الى العرووس و المعرس و من ضمنهم ابرار راحت تلم على زينب
ابرار : الف الف مبروووك
زينب : الله يبارك فيش
ابرار : مبرووك
محمد : الله يبارك فيش
بعدين صورو الاهل صوره جماعيه على المسرح
و قعدوا الاهل و يصفقوون وااااجد للعروسن
هذي احدى الصور لمحمد و زينب
عاشوى حياة سعيده و جابوا بت اسمها حنان و ولد اسمه عبدالله
و هذي ساره و محمد ,, جابوا ولدين ناصر و احمد ,,
ندى و علي جابوا توام بنات سموهم بيان و بينات
و عاشو كلهم حياااه سعيده مليئه بالحب و الفرح و السعاده
