عرض للطباعة
السلام عليكم
الصراحة.. مو عارفة من وين ابتدي...
جوالي نوع نوكياn96i
كان مليان صوتيات وفجاة الملفات كلها اختفت ...
وحتى النغمات .. اسم المقطع موجود بس الملف غير موجود يكول ...
ابي اعرف كيف ممكن اني استرجعهم؟؟؟؟ علما انهم كانوا محفوظين في ذاكرة البطاقة..
بلييييييييييييييز ساعدوني.. لان الملفات وايد مهمة ...
شكرا مقدماً
نسالكم الدعاء
عليكم السلام والرحمة
جربي تطفي الجوال وتطلعي المومري منه
افتحي المومري عن طريق الكمبيوتر في قارىء المومري
رح يظهر لك ملف الذاكره افتحيه
حددي جميع الملفات واعملي لهم نسخ
تروحي للكمبيوتر وتفتحي ملف جديد بأي اسم مثلا ( محتويات المومري)
وتلصقي فيه اللي نسختيه من المومري
بعدين تقومي بعمل اعادة تهيئه لجوالك اما عن طريق ملف المومري عالكمبيوتر
تروحي لجهاز الكمبيوتر تختاري (قرص قابل للإزاله ) << هو نفسه المومري
تضغطي عالماوس يمين وتختاري كلمة (تهيئه) رح تظهر لك نافذه تختاري منها كلمة (ابدأ)
وتنتظري لحد ماتتم عملة التهيئه << وبهالطريقه تكوني فضيتي الجوال تماما
أو عن طريق الجوال .. تروحي لأدوات ومنا الى الضبط
الى الاتصال الى التهيئه لما تنتهي من التهيئه
ترجعي للملف اللي لصقتي فيه محتويات المومري
وتسوي لها نسخ وتلصقيها في (قرص قابل للإزاله) اللي هو المومري
بعدين تروحي للشريط الاسفل في الكمبيوتر بجانب الساعه وتضغطي (ازالة الأجهزه بأمان) إيقاف وموافق
نطلع الذاكرة من القارىء ونرجعها للجوال ونشغله
وإن شالله يزبط معاك بس في شي
ممكن البرامج تحتاجي تثبتيها من جديد .
وخبريني شيصير معك
موووفقين
السلام عليكم
مشكورة خية
راح اقعد ع الموضوع واجرب بعد الصلاة وان شاء الله يرجعوا
اما سالفة البرامج .. يعني هو ما فيه اضافات الجهاز .. ما فهمتها<<< النفسية متازمة ع اللي راح ... والمخ مو داك الزود
مشكورة خيتو
ما تقصري
نسالكم الدعاء
هلا خيه
عليكم السلام ورحمة الله
في الله عوض عن كل فائت
ما اعرف ظروفك بالظبط لكن اتوجه لله بجبر كسرك والنظر في أمرك
بخصوص البرامج مثلا مسن أو صانع ثيمات يعني من هالشغلات
بس لومافي رح يكون أريح لك
الليله رح ايكون عندي مشوار إن شاءالله بمجرد ما ارجع اجي اشوف اشصار معك
مووفقه
السلام عليكم
حبابة.. توني فاهمة المكتوب...<< شرحش
شكلش تتكلمي عن تنظيف .. تهيئة
اني ويش انسخ اذا يطلع لي الميموري فاضي؟؟؟!!!
ماكو ولا ملف حتى الافتراضي ماكو...
السلام عليكم
خيتي شمعة..
مشكووورة واجد ع المساعدة
الحمد لله استوى بس مو بنفس الطريقة اللي انت عطيتيني..
الصراحة قفلته وفتحته وطلعوا بس شويات واختفوا...
وتالي طفيته ولما فتحته طلع ماكو ذاكرة بطاقة كلش..
وهيكات الى اكثر من 20 مرررررة
لين فتحت الغطا وطلعت البطارية والشريحة واستوى بعد 3او4 مرات يمكن
مشكوووورة واجد وما تقصري
هلا خيه وعليكم السلام ورحمة الله
العذر والسماح منك عالتقصير
والحمدلله انه ضبط معاك بأي طريقه المهم ان المشكله انحلت
مووفقه مقضيه حوائجك