السلام ع ـليكم..~
بين متاهات الشعر النبطي ..~
اقتباس:
قبل أبتدي عندي طلب ركِّز طلب ماهو " رجـاء " !..مج ـهودي..~
موضوع يشمل كل ماراق لي من الشعر النبطي من القصائد المسموعة والمكتوبة ..~
أتمنى أن تنال ع أعجابكم..]~
السلام ع ـليكم..~
بين متاهات الشعر النبطي ..~
اقتباس:
قبل أبتدي عندي طلب ركِّز طلب ماهو " رجـاء " !..مج ـهودي..~
موضوع يشمل كل ماراق لي من الشعر النبطي من القصائد المسموعة والمكتوبة ..~
أتمنى أن تنال ع أعجابكم..]~
http://www.al-multqa.net/imgcache/2751.imgcache.jpg
المبدع :أحمد الصانع
..[بلآد الحلم]..
...{http://www.movn.net/styles/infstyel/images/headset.gif}..
جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. بشطرٍ صغير
قال نبدي : وش هو تعريف المُحال ..؟
قلت :
خَل هالكلمه فـ البيت الأخيـر ..!
القهــر : إن شفت دمعـات الرجال
و الوطن : ( إنسان ) .. مِتغيِّر كثير
و الطفل : لعبه على شاطـي الرمال
و الأمل : إحساس في عين الضرير
الوفا : [ قلبين ] .. يجمَعهُم حلال
و الرَجُل : اللـي علـى أهلـه يغير
و الرجا : لا قلت : للواطـي تعال
و الفشل : مدري .. ولكنـه مرير
و الشعر : في وقتنا .. بدر و طلال
زين أوَّل : حيـل يعجبنـي جرير ..!
و الغلا : إحساس إلى حَـد الخيال
و العِشِق : لا شفت مَعشُوقِك تطير
و الجفا : إعكس مفاهيم / الوصال
و الوَصِل : يعنـي تأكَّـد فيك خير
و العقل : تِسْفَـه أقاويـل الجهال
و الجهل : إن قلت عن نفسك كبير
و الخطر : لا صار ما عندك مجال
و البلا : إن صرت معدوم الضمير
و العجب : لا صرت تسأل منهو قال
و التعب : إن كنت تِبْحَثْ عن مصير
والغنى : بالنفس ما هو راس مال
و الفقر : من كان .. بـ أعماله فقير
يكفي يكفي .. أسئله إنهي الجدال
ويـ الله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ] .. ممنوع العقال
والمصيبه الشعب ما إختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شيء ودِّك فيه ولا يمكن يصير ..!
http://www.gbayel.net/vb/uploaded/99_01243883560.jpg
شاعر المليون\محمد بن فطيس المري
...[السيد حسن نصر الله والشيعة]..
يسعد صباح الشنب ياشيخ نصـر اللّـه
يسعـد مسـاء هيبتـك ياسيـد الشيعـه
يسعد مساء هيبتك في الحـرب والملّـه
يسعد مسـاء ديرتـك لبنـان والضيعـه
رجولتـك والفراسة تخجّـل الشـلّـه
ياشيخ برّاك الأقصى مـن هـل البيعـه
اللـي بصـدري تقـولـه دوم وتـدلّـه
كنـك تترجـم شعـور النـاس وتذيـعه
ردائك اظهـر عيـوب البشـت والخلّـه
والثـوب لا انشـق مازيّنـه ترقيـعـه
على هل البشت سـارت تضـرب الذلّـه
يااااشـدّة القبـح لاصـرّح جرابيـعـه
علمهم انك قضيـت مـن العمـر جلّـه
مامـت والمـوت فـي ديرتـك تقليعـه
بالأمـن ربـي سلبهـم هيبـة الطـلّـه
وأنت أسفل القصف والدنيا لـك مطيعـه
لانامت عيون من يقضـي العمـر كلّـه
بالـذلّ يشـري عـدوه فيـه ويبيـعـه
بأرواحنـا ترتفـع منـاصـب الثـلّـه
والـدم يسقـي ثرانـا مـن ينابيـعـه
ما ارتحت والقـدس مسلوبـه ومحتلـه
باسمك يبيـع العـدو غالـي مشاريعـه
علّمتهـم بالصـبـر ومثـابـر القـلّـه
وأسقيت صهيون من كاسـات ترويعـه
علمتهم طعـم فرقـى الخـل عـن خلّـه
والحزن فينـا وفيهـم عـدت توزيعـه
ما انت بزعيـم ولكـن صوبـك الدلّـه
فنجالهـا لـك يعـدّى الفاشـل وريعـه
شعر تشرف بمـدح الشيـخ فـي حلّـه
يقسى على البعض وأنـا قلـت باطيعـه
ما كبّـر الـذل سكنـى القصـر والفلّـه
اما انت كبّرت حتى كلمة الضيعه!!!!؟
والله يالـولا اليقيـن وخافـتـي لـلّـه
لا أدخل معك وأتقلّد مذهـب الشيعـه..~
http://www.al-multqa.net/imgcache/2751.imgcache.jpg
المبدع :أحمد الصانع
..[شلون حال المملكة]..
قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك
لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك
لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !
هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !
ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك
أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..
ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !
علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !
علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك
ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !
ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك
إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !
قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك " !
..
http://www.4shbab.net/vb/imgcache/8722.imgcache
...المبدع ..حامد زيد..
..[التمثال]...
..{http://www.hamedzaid.com/qseed/style...es/headset.gif}..
عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري iiبغربالك
انا عيب علي انقض كلامي والرجال iiافعال
واذا قلت اقطع حبالك تراني بقطع حبالك
عشان اكسب هدب عيني تجرعت العذاب iiاشكال
وليتك تراف بحالي علشان اراف بحالك
مسوي في حياتي شي مايذكر ولا ينقال
حتى العدو واهو العدو ما يعمل iiاعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد iiجبال
رحلت من العذاب وما وقفت الا على جالك
علامك كلما اجيك متواضع جيتني iiتختال
معاك اليا متى باصبر وصبري معك يحلى لك
مثل ما اقبلت لعيونك لزوم تلدلي iiباقبال
ومثل ما قد حشمتك حس واحشم قلبي iiاشوالك
انا محد بجابرني اساير معك iiهالمنوال
ترى ماني تبيع لك ولاني اصغر عيالك
انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك iiبخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي iiظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه iiباهمالك
صحيح ان الفراق اقسى ولكن الوصال iiمحال
وانا صعب على ارضي غرورك واضعف iiقبالك
بعد ما حققت عيني فبعدك للرقاد امال
اعود للسهر! ياخوي فال الله ولا iiفالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك iiبرمال
ابشكي للعرب فرقاك واضحك عند عذالك
ابهديك الوصال فراق واهديك الفراق iiوصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق iiفنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على iiبالك
اذا حبك هبال اطفال لك عندي هبال iiاطفال
ولا وابشر بعد بهبال حب ماهو iiبهبالك
واذا قصدك تهين اسمي عشان تشمت العذال
حشى لا انت ولا غيرك ولا عشره من اشكالك!!
http://www.fateh.ps/otherimages%5C%D...8%A7%D9%85.gif
الشاعر \فهد المعتوق
..{http://www.movn.net/styles/infstyel/images/headset.gif}..
ثلاث سنين انا اخطط لهذا اليوم يـا بـو سعـود
تيسّـر حالـي و جاهـز اوفّـي وعـدي بوقتـه
و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!
حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه
و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!
كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته
و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه
صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه
سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه
و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه
و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه
و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !
تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه
انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه
عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى
و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه
علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه
عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه
ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه
عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه
انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه
مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه
و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه
انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه
و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه
ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!
ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( 4 ف 6 )
.....آنتهيت ..~
ان شاء الله استمتعتوا ...=)
موفقين ..~
روح وريحان..]
مرحباإاإاإ
الغالية روح وريحان
ربي يعطيكِ ألف عافيه على المجهود
لكن حببتي القصائد الثلاث اللي في الوسط في يشتغل الرابط
لكن الباقي حملتهم وأستمتعت بالاستماع لهم
موفقة بحق الال
وننتظر الجديد
كل المودة
أمنيـ مجروحه ــات
يعطيك الله العافية
أختي روح وريحان
عاى هذه القصائد الجدا جميلة
والصراحة كل قصيدة تقول الزود عندي
وكلش ولا قصيدة السيد حسن نصر الله
والله يعطيك الصحة والعافية
يآهلآاقتباس:
المشاركة الأصلية كتبت بواسطة امنيات مجروحه
مشكورة خ ـية أمنيات مجروحة ع المرور ..
منورة والله ..}
لآعدمنا هالمرور
السلام ع ـليكم ...~اقتباس:
المشاركة الأصلية كتبت بواسطة الأمير الحسيني
كل الشكر أخي للتواجد
لآعدمنا المرور ..
موفق ..]
مرآحب ..}
أحمد الصآنع .. \ شآعري المفضل ..
كل كلمآته شبه حفظتها ههه
حـآمد زيد ...\ شـآعر الخنآجر ..
وكلمآته موت خطيره وأكثر شي قصيدته هذي ..}
فهد المعتوق .. \
قصيدته أثرت فيني بقوه ..
وأحووبهآ من زمـآن ..}
روح ..~
تسلمين من قلب ..
مآننح ـرم ..~