أبكي و أنادي .. ليــه قطع المواصيــل ؟
متى على الله ساعة الوصل تاتـــي ؟
يادمعتي لا تطلبين المناديل ..,
تكفين ياعيوني من الدمع هــاتي ..!!
وينــه وينس الصبح والعصر والليل .؟
في غيبــته .. غابت جميع أمنيــاتي .,.
لو طحت من عيني انا أقول:
(لو طحت)
تبقى بقلبي والخساره لعيني
لو رحت من بالي ان أقول :
(لو رحت)
بال بلا ذكراك جعله حزيني
لو ضعت من بعدك انا أقول :
(لو ضعت)
هي ضايعه من دون وصلك سنيني
لا تنصدم اذا قلت انا اليوم مـا أبيك . .
القلب عافك و انتهى اليوم دورك . .
اعميتني بحبك عسى الله يعميك . .
ورميتني يا شين بـ أعمق بحورك . .
يالله توكل لا تجيني و لا أجيك . .
يـالله حبيب أمك قوم رتب امورك !!
لا صارت هذي علومك
راح تخسرني
ماعمر احد راح
من كيفه وناديته
عند الكرامه ابيعك
وانت خابرني
الله وكيلك ترى كل
شي مريته
كانه هجر بالسلامة
روح واهجرني
اخوي وهو اخوي لاصد
عني ماترجيته ..
ماأحد فاضي
ماأحد مهتم
فرحت أو عشت عمري بهم
ماتفرق بدمعي بكيت أو من وريدي دم
وينك انت ياللي لي عندك مكان
غلطتي إني خسرتك
قلت لي بس مافهمتك
كنت اظن إنك أكيد
وكنت مغرور وعنيد
كانت الدنيا ملاهي
وكان صدك لعبتي
كنت بك دوم متباهي
برغم ظاهر قسوتي
ياسنيني ذيك عودي
ودي اكفر غلطتي
تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبلعنها وبلعن كل شخص لي يطريها
خســرتنــي
وأنـا الكسبـــان
يوم فارقــت
واحد مثيـــلك
كلن على نفسه
ياخلي..
((ربــــــان))
لكن الحب (نصـيب)
ولازم (يصيبك)
عيش ياقلبي
نعــمه النــسيان
ولاتبكين..
ياعــين
على غيــرك!
روح و أختفي
عن حياتي
يا (خســــران)
ولا تجي.. ارحل
(اللــه حسيــبك)!!
قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
بأحرق بقايا مابقى من خطاياك
وأطوي صروح بالحشاء تعتقدها
سو الي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربن جيت منه تدله
ماراح تغلبني لوالحب غلاب
من حضرتك عشان قلبي تذله
رح واعتبرني واحدذنب وتاب
ماني بثوب تلبسه ثم تمله
أي محبه وأي عشره وأي حنان
وأي شوق اللي انت تتكلم عليه
يعني واثق ان باقي لك مكان
وان قلبي يرد لو ترتجيه
وين شوقك يوم انا احتجته زمان
وين حبك يوم انا ميت عليه
رح للي لأجله بعت حبي زمان
بس لا تنسى تسلملي عليه
قادر ابعد لو ماكنت قادر
دامها جت منك يعني وش بيصير
زينك اللي بالمرايا بس عابر
مثل ريح الورد في عمره قصير
هذي حروفي وانا مانيب شاعر
بس من صدتك تعلمت الكثير
بتركك انت وضميرك وانت خابر
ان اقسى شي تعذيب الضمير
هلا وغلا بك لومع الحلم مريت?
لو زارطيفك ناظري يوم صدفة?
ياواحد فوق الأماني تعليت?
قدرك(بقلبي) يالغالي تعرفه
(لولاك) في البشرماتهنيت?
الناس في كفه وغلاك لحاله بكفه?
ليتك يا ريف النشاما لنا جار
يوم اجيك ويم مثله تجيني
وليت المسافة بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني
ياللي تغرك ضحكتي بعض الأوقات
أحيان بعض الضحك معناه موتي
أوقات تلقاني أحاكيك بسكات
يوم الكلام يموت داخل سكوتي
يوم الحناجر تحتضر فيها الآهات
واعجز عن الشكوى ولو طال صوتي .
ضايق بالحيل محتاج أشتكي
لولا طبع فيني يمديني شكيت
بس أدور عذر عشان البكي
لو يدوسون بطرف ثوبي بكيت
وش بيدي أفعله غير الحكي
قاصره خطوات رجلي لو مشيت
اسرعي يا نفس موتي واهلكي
سرتي همي يوم بالدنيا شقيت ...
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
حتى القمر لاغاب شفتك محله
خلاص لاترجع ترا خاطري طاب
ابي طرا اللي كنت عايش بظله
رح واعتبرني واحد اذنب وتاب
ماني بثوب تلبسه ثم تمله
يموت العاشق المغرم وهو ينطر يشوف مناه
يموت ولا لقا خل(ن) حياة الهم يبعدها
لكن الصاحب الغالي عسى كل العرب تفداه
مادامه أهو جنبي حياتي وش ينكدها
طالت الغيبات يالغالي علينا
وان تحريتك فهذا من غلاك
لو يطول البعد ماوالله سلينا
المشاعر همها لحظة لقاك
ياكريم النفس مثلك مالقينا
لك معزه زادها عندي وفاك
فقير حظ وراس مالي ثيابي
وأبسط طموحاتي تهز أعمدتهم
فاتح لهم قلبي وطيبي وبابي
وعيونهم قبل الحكي فاضحتهم
قالوا وقالوا واشبعوا بأغتيابي
هذي نواياهم وذيك ألسنتهم
حتى وأنا اتألم وأموت فعذابي
دمعات عيني بالحزن فرحتهم
لا تنصدم ما عدت شي بحياتي..
كلك على بعضك كرهتك وعفتك..
مابيك لو أنه وجودك غناتي..
حذفت أنا اسمك من سجلي وحذفتك..
صارت حياتي معك تشبه مماتي..
مافيك حاجه طيبه لا وصفتك..
عمر الخطا ما كان نوع بصفاتي..
حتى مشيت العام دربك وشفتك..
أنا غلطت بحق نفسي وذاتي..
غلطه بدت من يوم جبتك وضفتك..
داخل خفوقٍ حط حبك مناتي..
تدري بصراحه ايش غلطة حياتي..
إني نزلت لمستواك وعرفتك
تدري بعد ماغبت وش كنت أسوي..!!
كنت وخيالك مثل جفـن ٍ علـى عيـن
كنت أنتظر والوقـت .. كنـه عـدوي
لاطااااال .. زاد الشوق فيني بضعفيـن
حتى قبل ملفاك .. هالحين .. توي ..!!
سافرت أفكربك / ولاأدري على ووووين
انت الوفـــى يوم الوفــا من سجايـاك
وانت الغـلا يوم الغـلا فيــك مجنون
وانت العزيز اللي على العـز مربـاك
وانت القصيـد اللي على القاف موزون
يحــلا الكـلام ليا طلـع من شفايــاك
و يصيــر له .. روح و يديـن و عيـون
شريـته وهو طفل صغير وجــاهل ،،
وعلمته كيف الناس للناس يوفون..
أخذت بيده رغم كل العــواذل،،
وأمنته على قلبـي وشلته بالعــيون
واليوم ينكـر كل ماكان قـايل،،
ويطعنــي برمح الغدر ( رمح مسـنون )
اتمنى تعجبكم
