تعتقدوا الطرارات يسووها

وصلت الميه لتحتي وأنا مش داري
بس إلا عور قلبي كسرت خاطر السيده الصغيره
رايحه ويالبنات السوق وفرحانات
الصغيره: بشتري ليي شنطه( تعرفوا البنات وسوالفهم)
والكبيره فرحانه بالنجاح وبتشتري ليها أغريضات
جايه باطلع البوك إلا مامن شي يو وين راح ليكون تركته عند راعي الفطاير لما جيت أحاسب النكته ماشريت ضقت من الزحمه ومشيت ( وقفت حق التنفيضه له)
لا ترى الچيس مقضوض ( قضته الفآره) يو عجل نفضتني نفاض الموقوفه ( يوم الحشر)
أكيد وقوفش طويل وعطش زايد يامسكينه شفتي هالقرشين بيسألش وبيعاتبش عليها 5أشخاص
الله يعين قريشتين وفي ويوم واحد گيف لو قضيتي عمرش على هالدرب
وأني طبعي من أشتري حاجه أحط بوكي ويا لغرض في نفس الچيس (أريح له)
شافتني أطلع لفلوس وارجع البوك في الچيس شغلت الرادار حقها وجابت العصابه وطوقوني(ويش مدريني حسبتهم شرايات)
وفي وسط الزحمه بخفة يد وصعوبة ممشى في يوم الحشر
ماني منقهره على الفلوس قد قهرتي من الإستغفال إلا صرت فيه (طبعي الثقه الزايده )
لو ضايعين من عندي ( وصارت لي مره طيحت 100ريال )مانفقهرت قد إستغفالها ويياي
بس أختم كلامي وأرفع إيدي بدعوه : بحق صاحب اليوم وأخيه لاتتهني فيهم ونار وزقوم في بطنش
ولاني خسرانه (الفلوس وسخ دنيا)
عن الإمام المهدي (عجل الله فرجه): ولي في إبنة رسول الله إسوة حسنه
من خطبتها عليها السلام: فدونكها مخطومة مرحولة ، تكون معك في قبرك ، وتلقاك يوم حشرك ، فنعم الحكم الله ، ونعم الزعيم محمد صلى الله عليه وآله وسلم ، والموعد القيامة ، وعند الساعة يخسر المبطلون ، ولا ينفعكم إذ تندمون «ولكل نبأ مستقر»«فسوف تعلمون من يأتيه عذاب يخزيه ويحلّ عليه عذاب مقيم».

نصيحه:
لاتوقفوا وسط زحمة النسوان
ولو شفتوهن حاوطوكن فلو منها قبل لاينفضوكم

فعلا هاذا الي صاير في هل ايام في الاسواق

وانا الحمد المكان الي فيها زحمه ماحب اروح ماحب الاختلاط الي ماليه داعي

انتظر تخف الزحمه واروح

الله يعوض الفلوس تروح وتجي

صدقتي بحر مكان الزحمه ماتنبغى
الله يعوض
ولاتتهنى فيهم

الموقف صار لش أنتين لو ناقلتنه من منتدى ثاني

اي ولله هذاا اللي يصير

واني مثلها

احط بوكي في الكيس

..
الله يعطيك العافيه


تحياتي

اقتباس:

---

المشاركة الأصلية كتبت بواسطة zaza2090

الموقف صار لش أنتين لو ناقلتنه من منتدى ثاني

---

ماله داعي السؤال تقدر تسوي بحث وبيطلع لك:wink:

اقتباس:

---

المشاركة الأصلية كتبت بواسطة اسيرة شوق

اي ولله هذاا اللي يصير

واني مثلها

احط بوكي في الكيس

..
الله يعطيك العافيه


تحياتي

---

خيه كوني حذره >> تصير واجد سرقة البوك من الكيس وبدون ماتدري
الظاهر زايده مع الإجازه حالات السرقه
في نفس المكان بعد إسبوع صارت محاولة سرقه على مايبدو من نفس الشخص
عند بائع الأحذيه وقفت ودخلت الحذاء في كرتونه وحاولت تهرب لكن صاحب البضاعه إنتبه لها ومسكها بس للأسف:no: مابلغوا عنها الشرطه مدري ليش ؟؟:ranting: