♥ღ.. بعد الشووق والعذابـ .. مااتتـ بحضنـ حبيبها .. ღ♥

♥ღ.. بعد الشووق والعذابـ .. مااتتـ بحضنـ حبيبها .. ღ♥

راح أعرض مجموعة من الأجزاء من هذه القصة الجميلة ،،

الجـــــــــــــــزء الأولـ ..
عايلة خدوي ..
خدوي"عمرها 15 سنة بيضة وعيونها وسط بس ماشاء الله عليها وواسعة .. خشمها طويلـ وشفايفها ناعمينـ .. بس مشكلتها انها قصيرة .. اهيا بنوتة حلوة وفيها خبال وعلى قد نياتها "
ام فيصل (ام خدوي) : امينة ,, ابو فيصل : طلال
فيصل :27 سنة ,, وفراس : 23 سنة واخر سنة بالجامعة ..
دانة : 28 سنة متزوجة وعندها بنت عمرها : سنة ونص واسمها شهد ..
جواهر : عمرها 30 سنة وعندها بنت اسمها سارة عمرها 3 بس ماشاء الله عليها لسانها وعقلها اكبر منها وكلامها جنها عيوز .. وعندها ولد اسمه سلمان وعمره 6 سنين
*
عايلة عبدالرحمن
عبدالرحمن : "ولد حلو وطيب ومحبوب عند الكل .. وعمره 19 سنه اول سنة جامعة >كل الوسامة فيه بنظر خدوي <"
عنده اخو اسمه : علي وعمره .. 10 سنين واخت اسمها .. ليلى وعمرها 8 سنين
ام عبدالرحمن: اسماء , ابو عبدالرحمن: حسن

****

خدوي كانت قاعدة على النت (هوايتها المفظلة وادمان بعد)
كانت تكلم رفيجتها وتؤام روحها ليال على المسن (ليال رفيجة خدوي من صف اول ابتدائي وعلى طول مع بعض تقريبا ليال بنت حبوبة وتحب تساعد اي احد محتاج طبيبة نفسية خخخ واهيا ماشاء الله عليها جمال وذوق واخلاق بس ماتزيد عن خدوي)

خدوي : هلا حبيبتي ليال شلونج شخبارج شعلومج ..
ليال : هلا فيج عمري انه تمام والله ماشي حالي
خدوي : عساه دوم
ليال: وانتي شلونج وشنو مسوية مع الدراسة (خدوي كانت هاملة دراستها بسبب النت لدرجة نزل مستواها من 93 الى 83 وايام الإمتحانات النهائية للفصل الأول بدت)
خدوي: تمام ماشي حالي .. والدراسة طبعا زفت انه وين والدراسة وين هالفصل مستواي كلش نزل
ليال : انتي هي شفيج انتبهي لدراستج (وبدت تزف في خدوي ) ............
خدوي: اووووووه سكتي ولي يسلمج .. سندرتينا .. غيري السالفة تراني زهقانة حدي وودي بشي يفرفشني
ليال : اي هذا انتي .. اذا يات سالفة الدراسة غيرتيها .. انزين شقاعدة تسوين .. ؟؟
خدوي:ماكو اكلم الربع .. وطبعا على المنتدىى .. (المنتدى هاي اهم شي بدنيا خدوي .. هاي المنتدىى صاحبه ماجد جريب ليال الا اهوا يصير رفيج عبدالرحمن و عبدالرحمن احد المساهمين في هاي المنتدى)
ليال : وانتي دوم ع المنتدى .. (خدوي كانت اكثر عضوة تشارك بالمنتدى وتموت عليه جنه المنتدى حد من اهلها )
خدوي : واهوا في احلى منه
ليال : انزين حبيبتي انه الحين بروح
خدوي: وين تو الناس .. قعدي معاي تراني ملانة حدي ..
ليال : مريووم تبي النت .. بتصل فيج الحين انه بعد ملانة حدي ..
خدوي : اوكي عمري انطرج ..
"طلعت ليال من النت وعلى طول اتصلت في خدوي"
(خدوي تقول في بالها عنبوج لحقتي)
خدوي ردت ..
خدوي (تصرخ): ليالييييييييي .. ليال(صرخت): خجوووووووووووووووووج (قالوا هالجملة مع بعض لان من عوايدهم اذا سمعو صوت بعض او شافو بعض يصرخون بأساميهمـ .. وخجوج هاي اسم الدلع الي مطلعته ليال لخدوي من صف سادس)
ليال : وينج انتي ماتبانين ولا نسمع صوتج ..
خدوي : الله شصاير فيج فيج مو جنج تجاملين وايد توج تزفيني ع الدراسة
ليال : لا والله بس وحشتيني
خدوي: اقول
ليال : قولي يا بعد عمري انتي
خدوي: اخلصي وقولي شتبين
ليال: بل عليج ماتوقعتج تفهمينها
خدوي: لا والله عبالج غبية وبقرة مافهم
ليال:شفيج اتغشمر معاج
خدوي:ويهج بس (هاي الكلمة المفظلة عند خدوي)اخلصي وقولي شعندج
ليال:لا والله مافي شي
خدوي:يه ..
ليال:الا قرب عيدالأضحىى ها ..
خدوي: اي انه وايد مستانسة هاي احلىى عيد عندي
ليال:لا انا عندي ..عيدالفطر احلىى .. لان عايلتنا كلهم يتيمعون في هاي العيد بس الأضحىى لا ..
خدوي: اي اي .. بس مو جنه مصخناها العيدين حلوين ..
ليال :برايج
خدوي:تصدقين زهقانة
ليال: ليش .. ؟
خدوي(بضيج):ضايق خلقي واحس اني بموت من كثر الملل ..
ليال(قلبها عورها على رفيجتها):افا خدوي ليش ..
خدوي(وصوتها باين عليه الحزن): احس اني وحيدة ..(خدوي اخر العنقود .. خواتها دايم في بيوتهم .. واخوانها دايم برع .. واهيا تكون بروحها ..)
ليال:يه .. وحيدة وانا معاج وهلج وين راحو
خدوي: انتي تدرين بحالي
ليال:اوه خدوي يلا عاد انا معاج يلا ضحكي
خدوي(من ورا خاطرها): هههه
ليال(تصرخ): خجوووووووج ..
خدوي(بخوووف):يمــــــــــه .. شصاير منو متى .. ؟ وين متى ؟
ليال(ماتت من الضحك):ههههههههههههههههه ..
خدوي: ليالوو يالدبة .. والله طيحتي لي قلبي قي بطني ..
ليال(ليلحين تضحك)
خدوي: انجعمي زيييييين ..
ليال:هههه والله كنتي تضحكين ..
خدوي:بايخة
ليال:هه انزين بقولج
خدوي(ليلحين معصبة على ليال):خير قولي
ليال:وين راح تروحين بالعيد
خدوي: الدانة
ليال: خلاص راح ايي معاج
خدوي(فرحت): صج والله
ليال: اييييي صج ..
((قعدو البنات يسولفون وبعد ساعة سكرو بس قبل مايسكرون اكدو انهم يطلعون مع بعض بعيد الأضحىى الي اهوا راح يكون بعد اسبوعين))
***
بعد ماسكرت خدوي كانت الساعه 6 ونص المغرب .. راحت تدرس .. اليوم الي بعده عليها امتحان english .. طبعا خدوي كانت من الأوائل في الـ english .. واهيا ماتدرسه لانه ايزي بس حبت تدرس لانها اخر سنه بالمتوسط

...
و ع الساعة ثمان كانت خدوي مخلصة .. اهيا مادرست بس ردت عليه شوي .. وبعد ربع ساعه دانه و جواهر وصلو
..
خدوي فرحت لانهم يو بيتهم .. وراحت تسلم عليهم
خدوي: يه يه يه يه هلا والله بجواهروه هلا والله بدانوه .. (خدوي كانت وايد فري مع خواتها جنهم من سنها واهما بعد يعاملونها جنها من سنهم) شفيكم ماتبانون ولا تيون
جواهر :بعد تعرفين اليهال
دانه:اي والله انه عندي وحده وجذي .. وتدرين بعد اني ادرس بالجماعه وماخذه كل وقتي (دانه اول ماتخرجت من المدرسه قدمت على الجامعه وانقبلت بس ما واصلت والحين حبت تكمل دراستها )
خدوي(تضحك): والله و عيزتو يا اخواتي العزيزاتـ ..
جواهر : لاتضحكين لاحقه على الهم
خدوي: فال الله ولا فاج ..
وقعدت خدوي تسولف مع خواتها لي الساعه 11 الا ربع وبعدين استاذنت عشان تروح تنام ..
جهزت كل اغراضها وبعدها راحت تنام .. واهيا علىى الفراش تذكرت المنتدى واعضاءه وتذكرت عبدالرحمن كان المشرف العام .. للمنتدىى .. صحيح ان مشاركاته قليله وتتعلق بإدارة المنتدىى فقط لكن تذكرت ليال لما يابت طاريه انه كان مع جريبها لما شافتهم بالسيف (وبعد تفكير طويل نامت)
*

((الصبح الساعة 6 الا ربع قعدت خدوي من النوم صلت وبعدها سبحت وجهزت نفسها للمدرسة بعدين راحت لأبوها عشان يوصلها و ع الساعة 7 الا عشر وصلت المدرسة))

وفي المدرسة
خدوي راحت لرفيجاتها

خدوي : هااااااااااااي قايز .. شلونكم ؟

((زهرة وزينب واماني وليلى وريم اهما ربع خدوي الي تمشي معاهم بالفسحة وقبل بدا الدوام واهما من نفس عايله خدوي بس زينب اصغر منهم بسنة وكل وحده احلى من الثانية))

الربع : هلا والله
زهرة : وينج تأخرتي
زينب(ماتركت فرصة لخدوي تتكلم طبعا هاي من طبايع زينب): انتي مو قلتي بتيين اول وحدة عشان حفر احرفنا
(البنات كانو متفقين انهم يحفرون احرفهم على صخرة بالمدرسة لانها اخر سنة لهم)
ريم:يلا خل نروح قبل الجرس لا يدق
البنات : اوكي يلا
-
بعدها راحو البنات ورا الإدارة عشان يحفرون على الصخر بس خدوي واماني وليلى انتبهو للمشرفة فخلو ريم وزينب وزهرة يتقدمون واهما مشو

البنات حصلو لهم زفة محترمة من المشرفة وخدوي واماني وليلى راحو قاعه الإمتحان قبل البنات عشان لا يجكونهم

*
بعد الإمتحان طلعو البنات وخدوي تقدمت مع ليلى عشان يطلعون من المدرسة قبل مايشوفون البنات . بس البنات كانو اذكىى ونتقمو البنات من خدوي وليلى واماني


وخلصـ الجزء ..

شرايكمـ بكلـ شخصية ..
وشنو توقاعتكمـ ..
وشنوو تتوقعون الإنتقام اليـ انتقموه البنات ؟؟
وشنو راح يكون دور عبدالرحمن ؟؟؟

وهذا لجزء الأول وغداً الجزء الثاني
إن شاء الله

تحياتي

اللهم صلى على محمد وال محمد


شوقتنا اخي لمعرفة الاحداث

ونحن بانتظاركم

ولكم جزيل الشكر

ونساااائلكم الدعااااااء

الصراحه انا ودي اتابع القصه شكلها حلوه مره بس مابقرأها الا اذا كملتها كلها لاني مااحب اقرأجزء جزء
اموت وانا انتظر بس للتطول بتنزيل الاجزاء
ومشكور اخ حسين

http://up4.w6w.net/upload/22-03-2006...140fd0233e.gif

الجـــــــزءالثاني

بعد الإمتحان طلعو البنات وخدوي تقدمت مع ليلى عشان يطلعون من المدرسة قبل مايشوفون البنات . بس البنات كانو اذكىى ونتقمو البنات من خدوي وليلى واماني

خدوي (صرخت):وي يمــــــــــــــــه .. الله يغربلـ بليسكم .. شسويتو خيستووونا ..
ليلى : ييا البايخين شسويتو ..
(البنات الموجودين بالمدرسة وربع خدوي كلهم يضحكون .. على خدوي وليلى واماني)
اماني: هين اوريكم انه .. خليتونا مطنزة جدام البنات ..
زهرة (تضحك):هههه والله انكم تضحكون ..
خدوي : اي اي ضحكي .. بالله الحين قولي لي شلون اطلع وانه شكلي جي ..
زينب:امشي جدام .. بعدين لفي يسار وطلعي من الباب ..
خدوي : يا كرهج .. سخيييييييفة .. والله قولو لي شلون اطلع وانه من فوقي لي تحتي ماي .. ?
(زهرة وزينب طيحو ماي على خدوي وليلى واماني على راسهم وصار شكلهم يضحك)
زهرة : عندي شيلة هاج
خدوي : عطيني اشوف .. بس شلون اطلع بالعباية جي .. واهيا كلها ماي .. ?
زينب : شيليها وفي الطلعة .. لبسيها
خدوي(تطالع زينب وزهرة بخبث): برايج
((خدوي والبنات كانو واقفين يم غرفة يبنونها بالمدرسة وكان في رمل على الأرض .. وفي هاي اللحظة دق الجرس))
خدوي دزت زهرة وزينب على الرمل .. وركضت الىى باب المدرسة ولحسن حظها اخوها فيصل كان ينطرها برع وبسرعة ركبت وفيصل حرك السيارة
*
وفي السيارة
فيصل (وهو يضحك علىى شكل خدوي): يه شفيج .. شله شكلج جذي
خدوي: بركات بنات العم زهروو و زينبوو ..
فيصل : ههه .. ليش شسوو لج ؟
(خدوي قالت السالفة كلها لفيصل)
فيصل: صج انكم يهال
خدوي:لا والله .. خليت الكبر لك يالعاجل
وظلو يتناجرون ليما وصلو البيت ..
((بعدها خدوي راحت على طول غرفتها .. وغيرت ملابسها وبعدها نامت))
*
الساعة 2 ونص الظهر

ام فيصل : خدوي . خدوي قعدي يا بنتي قعدي
خدوي(وهيا فاتحة عين وصاكة عين):ماما خليني انام ..
ام فيصل:صلي وتغدي ودرسي وبعدها نامي براحتج ..
خدوي:ان شاء الله يما ..
((خدوي صلت وراحت بعدها تتغدى مع اهلها وبعدهادرست ليوم السبت .. لان يوم الأربعاء اجازة عندها))
*
المغرب الساعة 7

-خدوي تطق باب غرفة فيصل-

فيصل : من ؟
خدوي:انه . الدلعـ والحلا كلهـ
فيصل : هه تفضلي يا الحلا
(فراس كان ورا خدوي ويقلد عليها : انه الدلع والحلا كله)
خدوي ماعطته ويه ودخلت غرفة فيصل
خدوي: هلوو
فيصل : هلوات ..
خدوي: شحالك ابوي ..
فيصل:بخير
خدوي: اقول فصوولي ..
فيصل:مكشوووفة .. قولي وين تبيني اوديج ..
خدوي: هههه تفهمها .. انه ابيك توديني البحرين بكرة بشتري لي ثياب العيد
فيصل : امممممم بكرة شنو
خدوي: الأربعاء بعد شنو
فيصل: اوكي صار
خدوي راحت باست اخوها وابتسمت له
فيصل: اي بس عشان اوديج ها
خدوي: لا والله
فيصل : منو بيي معاج ؟
خدوي:بقول حق جواهر
فيصل:عيل اوكي روحي اتصلي فيها وقلبي لي ويهج
خدوي:افا عليك
خدوي قبل ماتطلع فرت المخدة على ويه فيصل وشردت
وسمعته يقول: اوريج يا خدجوووووو
خدوي ضحكت
واهيا كانت نازله من على الدري شافت سارة نزلت بسرعة وراحت باست سارة
سارة : انتي هي يالله تباعدي عني
خدوي طقتها طقة خفيفة على جتفها : وانتي ماتيوزين .. لسانج هاي يبي له قص
سارة : ههههاي
خدوي:ويعيه .. وين امج ؟
سارة: بالسوووبر ماكرت
خدوي:بتيي
سارة:اكيد
خدوي راحت تتصل في جواهر وقالت لها عن البحرين بكرة وجواهر وافقت
((بعدها راحت خدوي ع النت ولقت ليال))
ليال:خدوي خل اسوي لج انفايت مع ماجد وعبدالرحمن
خدوي: اووكي
(ماتدري ليش استانست خدوي)
بالمحادثة الرباعية
لياال: هلا خجوج
ماجد:قووة خجووج
عبدالرحمن : هلا والله خجوج (اهما يسمونها خجوج لان ليال دايم تسميها بهاي الإسم -- ليال ماتكلم عبدالرحمن بس تكلم ماجد لانه جريبها وعبدالرحمن قلد عليهم لما قال خجوج)
خجوج : هلا فيكمـ .. هلا عبدالرحمن .. شلونك ؟
عبدالرحمن : تمام بخير .. وانتي شلونج ؟
خجوج: انه اوكي ماشي حالي
عبدالرحمن : خجوج جم عمرج ؟
خجوج : 15 ثالث متوسط وانت ؟
عبدالرحمن : انه 19 اول سنه جامعه
خجوج : العمر كله
(في هاي اللحظة جواهر طقت الباب علىى خدوج)
جواهر : خدوج تعالي نزلي تحت ملل
خدوج : انتي ييتيي اوكي الحين بيي
جواهر : انطرج
وردت خدوي للمحادثه
خدوي: اقول قايز برب (بس كانت برب بدون رده)
وعلى طول طلعت
*
ونزلت تحت لجواهر
خدوي:شفيج رايحة السوبر ماركت ويايبة سارة غريبة
جواهر:ومنو قالج اني رحت السوبر ماركت
خدوي: بنتج سارو
جواهر : اي انه قاصة عليها
خدوي: ليش وين كنتي رايحة
جواهر : المستشفى
خدوي(وقلبها طايح في بطنها):لييييييش ؟
جواهر : حاامل
خدوي(طايره من الفرحه): الااااااااااااااااي وايد يا جواهروو والله اني طايرة من الفرح
جواهر تضحك على خدوي
خدوي راحت تبوس في ختها وتصارخ وترقص
جواهر: يه ستخفيتي
خدوي: وووووووو يحق لي
جواهر: هه
وفي هذا الوقت في بيت ليال
ليال : مااااااااميـ
ام ليال: خير
ليال: عيدالأضحىى بطلع مع خدوي
ام ليال: مع منو بتروحون ؟
ليال : مع خواتها دانه وجواهر
ام ليال: وين عاد
ليال: الدانة
ام ليال : اوكي امي روحي بس كونو دايما معاهم
ليال واهيا تحضن امها : افا عليج ومشكوورة يا احلى ام بالدنيا كلها
(راحتـ ليال بعدها تتصل في خدوي وتبشرها)
_
جواهر: شعندها ليال
خدوي: كانت تقول لي ان امها وافقت انها اتيي وياي بالعيد
جواهر: اها
خدوي: اي صج بكره نطلع اي ساعه ؟
جواهر: بعد صلاة المغرب
خدوي: اووكي
جواهر : شنو ناوية تشترين لج
خدوي: ماكو
جواهر : امم
خدوي: بس مقررة بعد ماشتري لي الثياب نروح Life style اخذ لي شوية اشياء من هناك
جواهر : اي انه بعد ودي
اي اوكي

وقعدو يسولفون وخدوي بعدها قعدت ع النت طبعا على منتداها المفضل وبعدها راحت نامت
*
اليوم الثاني

خدوي جهزت ونزلت تحت قعدت مع امها تنطر جواهر ليما تيي
ام فيصل: وين بتروحون البحرين
خدوي: اي يمه
ام فيصل : جواهر راح تاخذ سلمان وسارة معاها ؟
خدوي: والله مادر عنها بس انه اقول لو تخليهم هني وايد احسن
ام فيصل: انه باخذ سارة وياي
خدوي: ليش يمه وين بتروحين
ام فيصل : بيت خالتج علياء (علياء رفيجة ام فيصل)
خدوي: اها اوكي يمه سلمي لي عليها وايد
ام فيصل: الله يسلمج
بعدها دخلت جواهر
خدوي(تصرخ ): يمه نسيت اقولج
ام فيصل: بسم الله الرحمن الرحيم شصاير شفيج
خدوي: يما
ام فيصل : خير
خدوي : يما
ام فيصل: اوه خدوي قولي عاد
خدوي: جواهرو بنتج حااااااامل
ام فيصل (والفرح باين عليها): صج والله .. الله يبشرج بالخير
خدوي: انزين جواهر امي بتاخذ سارة معاها
جواهر : اوكي ماعندي مانع
ام فيصل : يلا سرووي تعالي معاي فوق عشان نغير ونروح
سارة : اوكي ماما
وبعدها ام فيصل راحت مع بنت بنتها فوق
خدوي: الا وين السلم ماشوفه ؟
جواهر : مع ابوه
خدوي : اها يبيه اليوم ينام هني من زمان ماشفته
جواهر : اوكي ويلا روحي نادي فيصل ترانا تأخرنا
خدوي: اوكي
(بس قبل ماتروح نزل فيصل وراحو البحرين)

في البحرين
جواهر & خدووي لفو كل المحلات ولا اخذ شي
خدوي: اقولج بروح اشتري لي من برمود الثياب الي هناك وايد حلوين وبعدها بروح Ms
جواهر: انه بعد قلت جي
وبعد ماتشرو راحلو ستار بكس مع فيصل
وع الساعة 11 وصلو البيت
بس جواهر على طول راحت بيتها وخلت سارة مع سلمان ينامون مع خدوي
*
خدوي على طول راحت شبكت ع النت

فتحت المنتدى ولقت رسالة خاصة من "عبدالرحمن"
كانت الرسالة تتعلق بالمنتدى
ابتسمت كانت بترد ع الرسالة بس ماردت لانها مجرد اشياء عاديه عن المنتدى
قعدت تحوس في المنتدى وترد على المواضيع ليما حست بالتعب
شافت الساعة 1 ونص مانتبهت للوقت خير شر
نزلت لقت سلمان وسارة ييشوفون التلفزيون راحت معاهم كانو يشوفون توم & جيري في الفيديو
تذكرت لما كانت صغيرة بعمرهم وابتسمت
سلمان شافها واهيا تبتسم
سلمان : حلمانة ؟
خدوي ضحكت : شنو ؟
سلمان : عيل ليش تبتسمين
خدوي: هه صج غبي
واهيا قاعده معاههم
اتصلت في ليال وقعدت تسولف معاها وقعدو يخططون لطلعة الدانة
ليال: شوفي هالعيد خل نكشخ اوكي
خدوي: اي ادري اوكي
ليال : مو اوكي اكيد خب انتي مالج خلق عمرج
خدوي: لا والله شنو شايفتني
ليال : ولاشي
خدوي: قصدج كلشي
ليال: انتي تراج وايد مصدقة عمرج
خدوي: هه اي بس بيني وبينج .. الا بقول لج ..........
ليال سمعت صرخه ياية من عند خدوج وفجأة انقطع الخط

شنو تتوقعون بالجزء الياي
وشنو هاي الصرخه مقلب والله شي صاير يتعلق بحياة شخص ؟
وشنو تتوقعون الأحداث الي راح تصير بعيد الأضحىى؟
ومتى عبدالرحمن راح يبان بدوره الأساسي والأهم في القصة ؟

اتمنىى منكم الردود
وبااي

http://up4.w6w.net/upload/22-03-2006...140fd0233e.gif

الف شكر الشيخ حسين على النقل الرائع

والله يعطيك الف عافية


اختك ,,, نور علي

شكراً لكِ أختي نور علي

الجزء الثالث قريب ان شاء الله

بالتوفيق ,,

مــــــــوفــــــــــق ان شـــــــــــــــــاء الله

http://up4.w6w.net/upload/24-03-2006...33308794a9.gif

الجـــــــــــــــزء الثالث

اتصلت في ليال وقعدت تسولف معاها وقعدو يخططون لطلعة الدانة
ليال: شوفي هالعيد خل نكشخ اوكي
خدوي: اي ادري اوكي
ليال : مو اوكي اكيد خب انتي مالج خلق عمرج
خدوي: لا والله شنو شايفتني
ليال : ولاشي
خدوي: قصدج كلشي
ليال: انتي تراج وايد مصدقة عمرج
خدوي: هه اي بس بيني وبينج .. الا بقول لج ..........
ليال سمعت صرخه ياية من عند خدوج وفجأة انقطع الخط

-

ليال: وي يمه شصاير
(ردت اتصلت في خدوي)
ليال تقول في نفسها : يلا يا خدوي ردي وبعدها على طول خدوي ردت
خدوي (بخوف): الو
ليال: شصاير .. شهالصراخ الي سمعته .. ؟
خدوي(والخوف باين عليها):مادري انه ييت مع عيال اختي فوق الحين بغرفتي وسكرت الباب
ليال: وي , انزين هاي الصوت من بيتكم والله من برع
خدوي: برع
ليال : امممم اوكي عيل ماعليج
خدوي: اي ادري
(بعدها قعدو يسولفون ويخططون للدانة ولما سكرت اخذت عيال اختها .. وخلتهم ينامون بحضنها من كثر خوفها)
*****
يــــــــــوم السبت (اخر امتحان)
((اول ماقعدت من النوم كانت فرش حدها لان اخر امتحان عندها ولانها راح تطلع مع بنات عمها وخالها بعد الامتحان))
اول ماوصلت المدرسة على طول راحت لكل ربعها الي تعرفهم عشان تسلم عليهم وبعدها راحت قاعة الإمتحان ولما قدمته حست براحة لانها حست انها حلت كل شي اوكي ولما خلص الوق المحدد للأمتحان سلمت ورقتها وطلعت من قاعة امتحانها وكانت معاها زهرة راحو يمرون على زينب لان بقاة الإمتحان تبعها عشان يروحون لرفيجتهم شيماء الي كانت عازمتهم ع الغدى
خدوي: هلا والله شلونج شيماء
شيماء:تمام ماشي حالي
خدوي: عساه دوم
شيماء : بقول لكم ترى امي تنطرنا برع انه من شوي اتصلت لها من عند مشرفة قسنا وقالت انها برع
زينب: اها اوكي عيل خل نمشي
زهرة : نطرو دقيقة خل اعدل شيلتي
خدوي: وانه بعد
(طلعو البنات مع شيماء وركبو سيارة امها)
في السيارة
زينب: شلونج خالتي
ام شيماء : تمام حبيبتي وانتو شلونكم
البنات : تمام اوكي
=
بعد ما طلعو البنات من بيت شيماء راحو مع خدوي بيتها
في غرفة خدوي
خدوي: اقول لكم يوم الأربعاء الساعة 2 تقريبا بالليل سمعت صرخة ياية من برع وانه كنت اكلم ليالي ع الفون تخرعت
زينب: يمكن مقلب منها
خدوي: ويهج الصوت كان ياي من برع
زهرة : يا حظي الشارع الي قبل هاي الشارع الي فيه بيوت يدد يبنونها عرفتو اي شارع اقصد
زينب & خدوي : اي
زهرة : هاي بيت يم هذيلا البيوت كانو اثنين حرامية عاد اهر هاي البيت مادرو الا لما سمعو صرخه بنتهم الي عمرها 10 سنين
خدوي : يمه
زينب : وي وي الله يكافينا شرهم
خدوي: والله خرعتني . واهيا بالشارع الثاني وصوتها ينسمع جي . لا ماصدق
زهرة : بكيفج
(الساعة 9 ونص طلعو البنات من بيت خدوي واهيا طبعا على طول شبكت ع النت .. )
طول ايام الإسبوع الأول من العطلة كانت حياة خدوي سهر نوم نت وبس الي اليوم الي فيه تغيرت فيه حياتها
عيــــد الأضحى ..(يوم الجمعة)
*لبست وتعطرت وبعدها نزلت تحتلقت امها قاعدة بالصالة راحت على طول باست امها*
خدوي: عيدج مبارك يمــه
ام فيصل: الله يبارك فيج وعساج من العايدين السعيدين
(في هاي الوقت ابو فيصل وفيصل وفراس وصلو )
خدوي ركضت تسلم على ابوها
خدوي: عيدك مبارك يبا
ابو فيصل : عساج من العايدين السعيدين ياالدلوعة
خدوي : احم احم دلوعة
ابو فيصل : هه ماقلتي لي شلونج
خدوي:احد يشوف هالويه ويكون مو اوكي طبعا انه تمام لا وفوق النخل بعد
فراس: عدال لاينط لج عرج الحين
خجوج:انت جب . انه ادري فيك غيران جايفني اوكي مع ابوي
فراس: لا والله عدلي كلامج احسن لج
خجوج: يمه خفت
فيصل: اوووووووووه سكتوو عاد هذا واحنا بأول يوم من عيدالأضحى وجذي
مجلس الحريم كان مفتوح ومجلس الريايل بعد وتعرفون ان الأهل بعيد الأضحىى دايما يزورون بعد وخدوي كانت بميلس الحريم كانت تساعد امها ولما يات جواهر ودانه طلعت فوق لانها حست بالتعب
وبعد 10 دقايق اتصلت في ليال
ليال: هاي خجووج عيدج مبارك عمري
خدوي: عساج من العايدين السعيدين
ليال:اليوم كوول هاي بنطلع مع بعض
خدوي: أي والله كووولين بعد
ليال: الحين الساعة وحده متى راح تمريني
خدوي: بعد شوي راح امرج جواهر بتييبني
ليال: الا ماقلت لج
خدوي: لا شنو؟
ليال: ماجد وعبدالرحمن راح ايون بعد شوي
خدوي: صج والله
ليال: أي
خدوي: ليال انتي لاتتغدين ترا انه حاسبة حسابج ع الغدى وياي
ليال: لا عاد ..
خدوي(قاطعتها): لا عاد ولا ثمود تتغدين وياي يعني تتغدين وياي
ليال: اوكي امري لله
(خدوي سمعت دانة تناديها عشان تنزل تحت)
خدوي: ليال عيوني انه الحين بروح ناس من هلي يايين
ليال: اوكي
خدوي: باي
ليال: باي
(سكرت من عند ليال وبعدها راحت تحت)
*وبعد ساعة تقريبا*
جواهر:يلا خدوي قومي عشان نمر على ليال
ام فيصل: يلا لا تتأخرون على البنت
خدوي: اوكي انه طالعة البس عبايتي وشيلتي يمة قولي لهم يجهزون الغدى فوق بغرفتي اوكي
ام فيصل: اوكي بس انتي ماعليج روحي جهزي الحين
" خدوي راحت تلبس بسرعة عشان تشوف رفيجتها ليال
في السيارة
جواهر: خدوي حطي شريط عبدالمجيد
خدوي: اوكي
(وبعد خمس دقايق وصلو بيت ليال لان ما كان بعيد وجواهر كانت تسرع شوي لانه عارفة خدوي اذا راحت داخل راح تمهل واهيا ماتبي تتأخر وايد كوز عندها اشياء تسويها قبل روحتها الدانة)
وفي بيت ليال

*خدوي طقت الجرس وعلى طول دخلت .. اول مادخلت شافت واحد قبالها كانت شاكة في هويته بس قلبها كان يقول لها انه اهوا اهيا قعدت تطالع فيه واهوا بعد بس بعد شوي اهيا على طول دخلت .. طقت الباب الثاني والي طلعت لها ليال*
خدوي: هلا والله بليالي ..
ليال: هلا فيج حبيبتي
خدوي: عيدج مبارك(قالتها واهيا تبوس رفيجتها)
ليال: الله يبارك فيج عيوني
خدوي: شنو جاهزة
ليال:أي بس خل اييب العدو (عدة الميك اب)
خدوي: هه اوكي انه بسلم على امج وانتي روحي
ليال: اوكي وانه الحين بروح اييبهم
ليال راحت غرفتها وخدوي راحت تسلم على ام ليال
خدوي واهيا تسلم على ام ليال: هلا خالتي عيدج مبارك
ام ليال: هلا فيج .. عساج من العايدين السعيدين
خدوي: شلونج مروم
مريم (اخت ليال): تمام انتي شلونج
خدوي: تمام
وفي هاي اللحظة ليال وصلت
ليال: يلا خجوج
خجوج: يلا
(طلعو البنات من الباب الي يطل على الصالة وشافو ماجد والشخص الي شافته خدوي)
خدوي: ليال هاي عبدالرحمن ؟
ليال: أي تعالي نسلم عليهم
خدوي: اوكي
(خدوي كان قلبها يدق بسرعة مو من عوايدها انها تكلم بوويز ماتعرفهم)
ليال: هلا ماجد شلونك
ليال: تمام .. وكملت كلامها : هذي خدوي
ماجد : شلونج خدوي
خجوج: تمام
(خدوي بعدها لاشعوريا طالعت عبدالرحمن)
عبدالرحمن: شلونج خديجة
خدوي: تمام وانت شلونك
عبدالرحمن:الحمدلله تمام
ليال: يلا خدوي تأخرنا على جواهر
خدوي: يلا
(طلعت خدوي مع ليال من بيتها وراحو بيت خدوي)
في غرفة خدوي
البنات عافسين روحهم والغرفة صارت كلها عفسة على طولها اكسسوارات والميك اب وووووو .. (الشغلات الي يحبونها البنات هاليومين)
خدوي: انتي هي يلا خل نتغدى بعدين يصير خير
ليال: اوكي
واهما يا كلون العصير طاح على تنورة خدوي
ليال: هههههه
خدوي: ويييي طاعي شصار اففففففففف ياربي شسوي الحين واليوم عيد بعد لا وتنورتي بيظة
ليال: روحي شيليها من عليج وغسلي مكان الي طاح عليه وقبل مانطلع لبسيها
خدوي: تعالي معاي انه ماعرف
ليال: اوكي روحي شيليها وتعالي
خدوي: اوكي
(بعد ماخلصت يات لليال)
خدوي: يلا ليال تعالي
ليال: اوكي
وراحو يغسلون المكان الي طاح عليه العصير
واهما يغسلون
خدوي: افففففففففف والله خايفة مايروح انتي تدرين انه لازم افتح عبايتي والتنورة بيظة ياربي(بدلة خدوي كانت تنورة طويله وقميص اثنينهم بيظان وتحت القميص بدي وردي على شكل مثلث بالوسط وعلى اطرافه فصوص بيظ)
ليال: لا ان شاء الله بيصير اوكي .. وتكمل كلامها : خليها الحين هني وبعدها بنيي
خدوي: اوكي
(واهما يطلعون من الممر الي يطل على الحمام واهما رايحين القسم الثاني الي عافسينه بأغراضهم)
خدوي: يييه ليش لابسة عباتج شيليها
ليال: برايج .. الحين بشيلها
*ولما ليال شالت عبايتها من عليها*
خدوي صرخت
ليال: بسم الله الرحمن الرحيم . شفيج
خدوي: اتصدقين كنت راح اخذ مثل بدلتج
ليال: صج اشوه انج ماخذيتي
خدوي: أي والله
ليال: واهيا تفتح علبة الشدو : بتحطين لج شدو وردي
خدوي : شنو ؟؟ لا والله لا شدو ولابطيخ
ليال: أي انه بعد .. بس انه بحط لي مثل جفن عيني عشان مايبان
خجوج: كيفج
وقعدو يسولفون ويحوسون بالميك اب
خجوج: انه بحط لي كحل .. ترى انه اول مره احط لي كحل اذا ماتدرين
ليال: أي ادري .. حطي لج خل اشوف
خدوي (لما خلصت): شوفي
ليال:ووو حلو على عينج
خدوي: بعد
*
بعد ماخلصو خدوي لبست تنورتها واهيا كانت حاطه لها كحل خفيف وبودر بس بعد خفيف الشي الوحيد الي يبان فيها القلوز الوردي الي حاطته وطبعا اهيا كانت لابسه تنورة طويله وقميص اثنينهم بيظان وتحت القميص بدي وردي على شكل مثلث بالوسط وعلى اطرافه فصوص بيظ .. اما ليال كانت لابسة فانيلة سودة عليها بدي بنفسجي وفيه فصوص بيض وسود ولابسه بنطلون اسود وحزام بنفسجي على شكل مربعات ولونه مثل لون البدي الي كانت لابسته =وكانت حاطه لها شدو بلون جفن عينها بني فاتح وبودر وروج بني فيه لمعه شوي والميك اب كان خفيف وحلوو وماكان يبان=
جواهر واهيا تطق باب الغرفة: خدوي
خدوي: جواهر دخلي
جواهر : يه يه ليلحين مابرزتو
ليال: بلا بس نلبس ونخلص
جواهر: اوكي عيل ننطركم تحت
ليال وخدوي : اوكي
(بعد ماخلصو نزلو تحت)
دانة : يلا ننطركم بالسيارة
خدوي: وووووووو هيا للدانة
جواهر: يلا يلا
حركت دانة للدانة (حلوة دانة للدانة)
ولما وصلو على طول راحو يم المطاعم
جواهر : انه بخلي عيالي بشكوزولو وبيي
خدوي: اوكي واحنا بنروح السينما
دانة : اوكي بس ديرو بالكم
ليال: اوكي لاتحاتين
واهما بطريقهم : للسينما
خدوي: ليال
ليال: نعم
خدوي: تعالي نروح المخازن الكبرى بعدين نروح السينما
ليال: يلا
ولما قربو من المخازن
خدوي: ليالي
ليال: هلا
خدوي: شوفي منو هناك
ليال: من
خدوي كانت تطالع عبدالرحمن:عبدالرحمن وماجد
ليال: صج والله
خدوي: أي اكا اهما يايين يمنا
ليال: أي والله
ولما وصلو يمهم
ماجد: اوو شعندكم هني
ليال: يايين مع خوات خجوج
ماجد: ووين بتروحون
ليال: السينما
ماجد:بنيي معاكم مايصير تروحون بروحكم
(خدوي استانست لان عبدالرحمن معاهم)
ليال: اوكي
ماجد يكلم عبدالرحمن : شرايك عبدالرحمن
عبدالرحمن:ماعندي مانع
ليال تكلم خدوي: شرايج
خدوي: انه بعد ماعندي مانع
راحو شرو التذاكر بس اهما كانو موجودين قبل عرض الفلم
الشباب كانو واقفين بعيد عن البنات طبعا والبنات معطينهم ظهورهم
خدوي لفت ورا شافت عبدالرحمن واقف بروحه كان يطالع فيهم ابتسمت ابتسامة خفيفة عشان محد يشوفها وردت تشوف ليال وبهاي اللحظة ماجد طق رنة على تلفون ليال عشان يدخلو القاعة كانت القاعة الي بينعرض فيها الفلم قاعة (5)
*
لما دخلو محد فيهم كان مندمج مع الفلم كل شوي يكلمون بعض و خدوي كانت اكثر وحدة فيهم حاطة عيونها بالشاشة صحيح ان عيونها بالشاشة بس نظرها كله على يسارها كانت ترقب شصير بس محد يشوفها
خدوي: ليال فيني رقاد مواصلة من امس
ليال:جان زين عبدالرحمن هني جان خليتج تحطين راسج على جتفه وتنامين
خدوي(استانست بس مابينت هالشي ): يالدبة شنو هالكلام عيب عاد استحي على ويهج
ليال: ههههه
ماجد نادى ليال: ليال قولي لخدوي تيي عبدالرحمن يبيها بموضوع
*خجوج طبعا ماكنت تسمع كلامهم صحيح انها كانت يمهم بس ما كانت تسمع *
ليال يم خدوي وخدوي كانت اخر كرسي بالصف الي اهما فيه وبعد ليال كرسي فاضي وبعدين ماجد وبعده عبدالرحمن
ليال تكلم خدوي :خدوي عبدالرحمن يبيج بسالفة روحي قعدي بالكرسي الي يمه
خدوي واهيا تقول في قلبها (أي أي أي اوكي):قولي له جب جب جب
ليال تقول لعبدالرحمن: عبدالرحمن تقول لك خدوي جب جب جب
عبدالرحمن: اوكي خلاص براحتها
(خدوي تقول في نفسها اوووووووووف انه شله قلت له جي ليش قلت لا اصلا )
قعدت طول الوقت واهيا تتمنى عبدالرحمن يناديها مره ثانية
لما خلص الفلم الربع كانو الوحيدين الي بالقاعة
عبدالرحمن يا يم ليال وخدوي اهما كانو ثنتينهم منزلين روسهم كانو يشيلون شنطاتهم وتلفوناتهم واهما قاعدين عبدالرحمن مرر كف يده تحت روسهم بس طبعا بدون مايلمس وحده منهم .. خدوي كان ودها ترفع راسها بس عشان تشوفه بس ماتدري لما ترفع راسها شتقول
رفعت راسها وكانو مقابلين بعض ..
خدوي تقول لـعبدالرحمن ةاهيا مو دارية بعمرها ولا شنو تقول : الينون فنون وقله العقل مصيبة
عبدالرحمن: هه (ولف راسه الجهة الثانية)
خجوج تقول في نفسها : اووووووووف انه شقلت له شخربطت صج انه بقرة الحين وين االينون ووين قلة العقل أي ياربي فشلة شقاعدة اخربط اليوم انه
-
بعد ماطلعو وقفو يم القاعة
عبدالرحمن : ليش مارضيتي تكلميني
خدوي: بس مابي (ولفت راسها الجهه الثانية واهيا تقول في بالها ياربي شخربط انه)
جواهر اتصلت على تلفون خدوي وقالت لها تنطرها تحت (الفلم كان وايد طويل 4 ساعات او 3 تقريبا)
عبدالرحمن وماجد نزلو ورا خدوي وليال وكانو تحت جواهر ودانة وعلى طول طلعو من المجمع
في السيارة
خدوي تكلم ليال بصوت منخفض: تراه حلوووو
ليال تبتسم: من ماجد(الأخت وايد مصدقة عمرها على جريبها )
خدوي: ويهج ويهج شنو ماجد .. نزلت راسها وقالت : لا عبدالرحمن
ليال: ههه .. شرايج اقول لماجد يسوي لنا انفايت احنا الأربعة
خدوي: اووكي
كانت تنطر انها تشبك ع النت عشان تكلمهم
بس لما دانة وصلتهم البيت على طول راحت غرفتها وفتحت التلفزيون وبدون ماتحس نامت من التعب

وخلص الجزء
شنوو تتتوقعون بالجزء اليديد ؟؟
وشنو تتوقعون بعد الي يصير بي خدوي وعبدالرحمن؟؟
حب ؟
واذا كان حب من طرف واحد والله لا ؟
ياريت انكم تردون علي وما تفشلوني مثل كل مره
ويلا باي
انتطر ردودكم

http://up4.w6w.net/upload/24-03-2006...33308794a9.gif

تحياتي لكم ..

وأرجو تثبيت القصة