بعد عشرة عمر تنزف جروحي والعيون دموع 0 بعد ماطاح بي صرح الغرام وبسمة افراحه
سبب غدرك نحل باقي شعوري والكلام يجوع 0 وارى حلمك المظلم وسير صافي جراحه
مادام الليل ماغطى ذنوبك وش تفيد شموع 0 عسى مركب سنين الجرح ماتجذبني اشباحه
لك الله هاك من نزف الحنايا والقصيد طبوع 0 ترى ما شدني غير الوداع وقلة الراحه
زمان الجرح يخبرني هلا با احساسه المسموع 0 لا اجل ارتاح من طعن الفراق وسطوة رماحه
فمان الجرح يا اللي خنتني وارحل بدون رجوع 0 ترى مات الغلا في داخلي واهداك مفتاحه
توكل لا يجي با اسم الرجاوي والحظوظ فروع 0 بعد ما اسمعك قولن يمر الهم برياحه
هداياك القديمه والرسايل بين نوع ونوع 0 بقت وانتابني طير الضياع وشفت ملواحه
با الملم مابقى منك وابا ارسل حبي المشروع 0 لمن يسوى كدر عمري وصار العمر مصباحه
هذاك اللي دفن غدرك وجاء با اسلوبه المطبوع=يصب الحب في جوف الحزين بروح فضاحه
لعله يقتل الذكرى بحبك يوم كنت تلوع 0 بساتين الخفوق اللي وهب لك كامل ارواحه
انا من باعني بشري بداله في غضون اسبوع 0 حبيبن لا حضر يكفي حضوره يوم مرواحه
اذا حبل الوفاء صار برجاوي صاحبي مقطوع 0 ترى مالي ياكود احصد بقايا الحب وارباحه
رغم غدرك ترى والله بخير ولو فراقك طوع 0 تنطحت الهوى لا اجل افتخر واسدد جراحه
:
:
للمبدع - بدر ال شافي !
