يلوموني حبيبي فيك

السلام عليكم ورحمه الله

وشعلوكم؟؟وش أخباركم؟؟
إنشالله بخير

فيه شين بتجنبهن في الروايه

الأول
انا مارح اكتب الأبطال إلأي في القصه في البدايه كلهم لا يعني كل مادخلنا بيت كتبت سكان هالبيت
الثاني
حركات أني اقول لكم هذي وش لابسه ولاوش مسويه بشعرها ولاوشو ديكور بيتهم

الجزء الأول~ْْ~



في احد احياء الرياض بيت متواضع التصميم
بيت العم محمد بن عبدالله الــ.....
الساعه 10 الصبح
ام عبدالله جالسه في صالة البيت المتواضع ومعها ابوعبدالله وقدامهم القهوه والتمر<<عادة في كل شياب الخليج
ام عبدالله وللمره المليون تصرخ:شجـــــــــــــن شجـــــــــــــن وصمخ قومي قامت عليتس جدتتس بالعصا
ابوعبدالله:الله يهديتس انتي كلــ يوم على هالحاله خليها تقوم يوم بروحها
ام عبدالله:اي خليها انت بعد ماتذكر ذيك المره خليتها ولا اصبحت علينا الا يوم ظلمت الدنيا
ابوعبدالله:الله يهديها بســ لوتخلي هالسهر عنها؛وعبدالله وينه بعد
ام عبدالله : عبدالله في شقراء رايح امس<وتكمل صراخها< شجنووووووووه قومي لا ارقى عليتس بالمويه شجــــــــــن
شجن وهي تنزل من فوق :لاحول ولاقوه الا بالله لازم كل يوم على هالموال
<<شجن البنت الوحيده في العايله عمرها 18 سنه صف ثاني ثانوي ماتدري وين الشطاره رجه درجه اولى خويتها الروح بالورح بنت عمها ريف ؛ عندها اخو واحد بس اسمه عبدالله عمره 23 يشتغل في الاتصالات مع ولد عمه فارس وهو وفارس كأنهم تؤام دايم مع بعض>>
ام عبدالله:وياليتتس تتوبين وتعقلين انتي ماتتوبين بقره طول بعرض ولاتتعلمين بنات الناس يقومون ويساعدون اهلهم وانتي هذي حالتتس ماتتوبين
بشجن:يمه الله يعافيك خلاص لازم هالمحاضره كل يوم خلي اليوم راحه وبعدين إلي يشوفني قايمه اذان المغرب يمه توها الساعه 10 مايقوم هالوقت الا الدجاج
ام عبدالله وهي ترمي كرتون المناديل على شجن:اللحين انا وابوتس شياب ياللي ماتستحين على وجهتس
ابوعبدالله :يالله حسن الخاتمه انتي بينتس وبين القبر شعره وللحين تصغرين نفستس
ام عبدالله:انت مالك شغل فيني اذا ماتبيني اتركني ادور نصيبي
شجن:يمه الله يعافيك اي نصيب من يبيك
ابو عبدالله:صادقه والله يابنيتي
ام عبدالله:شف من تكلم لاتنسى نفسك متقدم لي اكثر من مره واناإلي رحمتك ووافقت في النهايه
ابوعبدالله:والله ماخطبتس الا عشانتس بنت خالتي وخايف تعنسين في البيت لان محدن يبيتس
ام عبدالله:لا والله لاتنسى صالح ولد جيرانا يوم خطبني واناوافقت بس انت جيت لابوي
<<وتقلد صوت ابوعبدالله:ياعمي اناابي بنتك وانا أولى فيها من الغريب
ابوعبدالله:اصلا انا ماجيت الا لأن امــ
وتقاطعهم شجن:يالله ياكريم يامعين يارحمن يارحيم اللحين مقوميني من النوم عشان تتهاوشون من يكره الثاني اكثر
ابوعبدالله وام عبدالله مع بعض:انطمي
شجن:ياربي انا وش سويت في عمري لا اسهر مثل الناس ولا انوم مثل الناس ولا اسافر وش اسوي ياربي
ام عبدالله:اللحين انتي مااشبعتي نوم يوم انتس تغاغين علينا
شجن:الله يهديك يمه وش تغاغين شايفتني بزر عندك وبعدين وين اشبع نوم معه وانا مانمت الا الفجر
ابوعبدالله:وانتي وش مسهرتس للفجر
شجن :يبه حراااااااااااااااام عليك هذي عطله خلوني اسهر مثل الناس اذا منتب موديني اسافر
ابوعبدالله:خلاص وش رايكم نروح لشقراء عند جدانتس
شجن:اللـــــــــــــــــــــــــــه ونااااااااااااااااااااسه صدق يبه بنروح
ابوعبدالله وهو يبتسم :انشالله
ام عبدالله:ومتى السيره انشالله
ابوعبدالله:بكرى العصر واخوي حمد واختي حصه بيروحون معنا
شجن وهي تصارخ:الله فلـــــــــه ريف بتروووووووووووووووح معناااااااااااااااا
ام عبدالله:قصري حستس يمال الوجع
شجن وهي تقوم:خليني مستانسه
ابو عبدالله:على وين
شجن:بكلم ريف بتفق معها على الاتسعدادات
ام عبدالله: احوووول والله لوكم رايحين للمريخ
شجن :يمه شقراء اغلا من المريخ <وتقعد مره ثانيه<يبه وش رايك نسكن هناك والله اوسع صدر
ابوعبدالله:اقول روحي كلمي ريف بس
شجن وهي تقوم:ياربي كله يحطموني كله يحطموني
ابوعبدالله:يالله اجل انا طالع توصين على شي
ام عبدالله:سلامتكـ
__________________________________________________ __________________________________
وفي نفس الحي بيت يبعد عن بيت العم محمد بخمسه إلى عشره بيوت <<على نفس صفه بيت العم محمد
يقع بيت العم حمد<<احلا يايقع
العائله مجتمعه في الصاله يفطرون
ام فراس:اجل بنجلس هناك شهر
ابو فراس:ايه انشالله
ريف:الله وناسه واخيرا بنفتك من الرياض
ريوف:ايه والله صادقه ياوخيتي
ابو فراس وهو يبتسم :من حضتس ياريف بتقعدين مع شجن شهر كامل
ريف:ايه والله ياأبيي والله لاطلع حرتي من الدراسه فيها
ريوف:الله يعينتس ياشجن
فارس:الا والله الله يعين اخيتي من هالمتوحشه
ابو فراس:ههههه الله يهديكم بســ ام فراس اتصلي على فراس قولي له كان وده يخاوينا هو ومرته وعياله
ام فراس:يكون خير
ترن ترن<<يرن التلفون هاللحظه
ريوف :ههههه جبنا سيرت القط جانا ينط
ابو فراس:ههههه مين القط
فارس:يبه هذي اكيد شجن
ريف:ابوكـ يالحسد سؤال ليه غايرين
ام فراس:ماغرنا ولا شي روحي ردي عليها لاتتنومين في المستشفى من طقها
وتقوم ريف للتلفون
<<ريف ثالث فرد في العايله عمرها 18 ثاني ثانوي مع شجن في المدرسه وتقريبا هي وشجن نفس الصفات ولالهن في الدراسه؛اكبر اخوانها فراس عمره 28متزوج بنت عمته اسمها إيلاف وعنده بنت ولد تؤام جود وجواد ؛وبعدين يجي اخوها فارس عمره23 انسان خبل درجه اولى كل حياته ضحك ولعب وهبال متخرج ويشتغل في الإتصالات مع ولد عمه وهو وبنت عمه شجن توم وجيري دايم هواش ؛وبعدين ريف ثم ريوف عمرها 15سنه ثالث متوسط بدافوره طول عمرها والكتاب في يدها وانسانه هاديه مره وهي وينت عمتها بسمه صديقات مره وبسمه مثلها دافوره ؛<<ريف وشجن يسمونهم تقيــه وكريمــه مصطفى كامل<<هههههه يعني من زود الشطاره مصاريه>>
ريف وهي ترد على التلفون:هلاااااااا وغلااااااا هلا بالطش والرش والبيض المفقش والبزر إلي طـــر...<<مشفر ماابي احوم تسبودكم
شجن :هلا والله فيكـ تو ماظلم وجهي يوم سمعت صوتتس وشعلومتس؟؟
ريف:بخير الحمدلله وانتي وش اخبارتس؟
شجن:الحمدلله ازقح وانطح وارفس
ريف :ايه الحمدلله إلا ماقلتي لي وش الأوضاع بكرى
شجن:انا في تمام الإستعداد فكرت بكل شي
ريف:وش بتسوين
شجن:بروح للبقاله إلي جمبنا وبشتري الحبشتكات<<يعني الحلويات
ريف:خلاص بســ ترى انا وياتس في سياره وحده
شجن:طبعا هذا شي اكيد انتي تعالي معنا في سياره ابوي
ريف:خلاص تمام
<<وقعدوا يسولفون ولو اكتب سواليفهم مت وحيت وهم ماخلصوا
__________________________________________________ __________________________________________________ __________________________________________________ ___
وايضا في نفس الحاره
يوجد بيت العمه حصه
وفي حوش البيت جالسه حصه وعيالها ورجلها
ام خالد:هاه ياابوخالد وشــ قلت
ابوخالد:خلاص دامكم مصملين موافق
شوق وخلود وساره :وأخيييييييييييييييييرا مابيغت
ابوخالد وهو يبتسم:بس ياام خالد بنروح يومين ونرجع
البنات بصراخ:لااااااااااااااااااااااااايباااااااااااااااا اااااااه
ابوخالد:ههههههههههه بسم الله علي مايصلح امزح ابد
البنات:هههههههه لابسـ تحمسنا
ابوخالد:اجل بكرى انشالله تصيرون جاهزين خلاص
البنات وام خالد:انشالله
ابوخالد :اجل وين خالد

خالد وهو يدخل من باب البيت:سمعت سيرتي احد طراني
ابوخالد:هههههه من وين انت جاي
خالد:ابد بس رحت اسلم على الربع قبل الروحه
ابوخالد:اجل قم معي بنروح المزرعه نوصي المزارع عليها
خالد:انشالله يبه
<<ايلاف البنت الكبيره في العائله عمرها26 سنه متزوجه ولد عمها فراس؛وبعدها خلود عمرها 24 مخطوبه لولد عمها اسمه فيصل وعرسها بعد سنه تقريبا؛هيه اهبل وحده في البيت واذا اجتمعت هي وخالد تحول البيت لنكته ؛بعدين خالد عمره 20 مزوحي يحب بنت خاله ريوف بس مافيه احد يدري عنه إلى صدية الروح بالروح فواز لانه انسان كتوم مره؛ثمن تجي ساره عمرها 17 هاديه مره وهمها دراستها وبســـ تميل لولد خالها عبدالله في صف اولى ثانوي ؛بعدين شوق عمرها 15 كبر ريوف وصديقتها الروح بالروح دافوره وهاديه بسـ هي اجرء من ريوف>>
__________________________________________________ ___________________________________

أتمنى تكون أعجبتكم

وأبي أشوف ردود عشان أكمل

الجزء الثاني~ْْ~

في عصريه اليوم إلي بعدهـ
العائله إجتمعت في بيت الاخ الكبير محمد<ابوعبدالله
ابوعبدالله:لاحول ولاقوه الا بالله مارح نخلص اللحين
ابوخالد:اسمعوني يابنات انا بركب وإلي بيجي معي يجي خمس دقايق وماشي
-ركب ابو خالد في سيارته وركبوا معه زوجته وبناته خلود وساره والشغاله
-خالد ركب سيارته ومعه شوق وريوف
-فراس خذ حرمته وعياله وشغالتهم في سيارته
هذولي سبقوا الباقين لشقراء
والباقين جلسوا عشان العمتين شجن وريف توهم قايمين من النوم ولاجهزوا اغراضهم
ابوعبدالله وابوفراس وفارس جلسوا في الحوش يسولفون
ام عبدالله وام فراس يسولفون في الصاله
وريف وشجن عندهم يتغدون
وبعد ماخلصوا
ام عبدالله:شجن قولي لابوك يالله
شجن:تامرين امر
وتلبس عباتها وتطلع للحوش:يبه يبه يبه يبه يبه
ابوعبدالله:يانعم وشعندتس
شجن:تقول اميمتي وهي زوجتك الموقره يالله نمشي
فارس:ابوك يالمبزره
شجن بدون لاتناظره:احد كلمك ورزة الفيس من طباع التيس
فارس:انا تيس ياثوره
شحن:اوهوووو ياشينك ياأخي وش تبي اللحين
فارس:بسم الله علي اصير اخوك
ابوعبدالله:بدو توم وجيري بســـ ياعيال بســـ خلونا نمشي ونفتكــ شجن نادي الحريم يالله
شجن:تامر امر
وتروح تناقز تناديهم
ويطلعون كلهم برى ويجتمعون في الحوش
ابو فارس وهو يشغل سيارته ولاطاعت تشتغل:لاحول الله وش فيها ذي
ابوعبدالله:عسى ماشر ياأخوي
ابوفارس:الله ياخذها من سياره عيت تشتغل
ابوعبدالله:لا حووووووووول هذي وقتها اقول ياأخوي توزعوا على سيارتي وسياره فارس
ابو فراس :خلاص انا ومرتي وبنتي بنجي معك والخدمات الثلاث بنحطهم مع فارس
فارس:نعم نعم نعم اناااااا فارس بن حمد بنت عبدالله الــ...... أركب معي في السياره شغالات لا وألف لاء
ابو فارس:لاحول خلاص اجل انا وامك واختك معك
ريف:نعم نعم نعم لا لالالالالالالالا ولا تفكرون انا وشجن مع بعض يعني مع بعض
شجن:صادزه بنت خالتي مع بعض يعني مع بعض
ابو فراس:يالله خلاص اجل شجن وريف مع فارس
شجن:لاوععع انا اركب مع هذا
ابوعبدالله:اقول خلاص ياتركبون مع فارس يانفرقكم
ريف:شجن بس هالمره أركبي عشاني
شجن:اووووووووف والله ماودي اركب مع هالعله
فارس:العله وجهك ياثوره
ريف:شجوووووونه تفكيييييييييييييييييييين عشاني
شجن:خلاص والله بسـ عشانك

واتفقوا ابوفراس وابوعبدالله وام فراس وام عبدالله والخدمات في سياره ابوفراس
وفارس وشجن وريف في سيارة فارس
ومشوا لشقراء
__________________________________________________ _____
في سياره خالد
شوق جمب خالد وريوف بروحها ورى
شوق:ريوف ليش ساكته
ريوف: وش اقول سولفي انتي
شوق:ماعندي سوالف خالد شغل لنا شي
خالد:وش تبين اشغل
شوق:عندك شعر
خالد:ايه
شوق:حط لنا اي واحد على ذوقكك
خالد:انشالله
ويحط خالد قصيده للشاعر المبدع ""سعد علوش ""
اخذيني لاعجبتكـ بس ردّيني .. وان ماعجبتكـ .. خلاص اخذيني .. مابيني ..!
مادامني شفت فيكـ الطهر والعفّه .. بعيف نفسي لامنكـ كرهتيني ..
اخذيني لو اُعتبر من ضمن اشيائكـ وانا بحبكـ ولا لازم تحبيني ..!
لابي عـــلاقه ولابي نظره وبسمه .. احساسي اني بقربكـ بس يكفيني ..
لو اني انضفت لاشيائكـ غصب عنكـ .. طلي علي ياغناتي لاتخليني
تراني لاجا المصامد مانيب هيّن .. تقول كن العرب لعبة بيديني
شخصيتي من غرابتها وطيبتها .. كن الزمن في تحدي بينه وبيني
واخذيني اللي لامن طلب يُعطى ,, وتكفين لامن طلبتكـ لاترديني
تكفين ياغايتي يابهجة الدنيا .. ابحرق قلوب ناس ماتدانيني
اخذيني بكل شوق .. وقولي أحبه ! .. وان شككوا فيكـ ولا فيّ .. ضمّيني .!
قولي اني والله غالي جدّا .. وياجعل فدوه شبابي واخر سنيني..
وانا بصدق كلامكـ واعتنز بالله ,, وبقول للناس .. مايعنيكـ يعنيني ..
وانا علي نذر ما أرخص جيتكـ .. وانتي نذر على رقبتك انك ماتخلّيني .. !!
شوق:ياحبيله هالشاعر اموت فيه
ريوف:صادقه شعره مره حلو
خالد وهو يبتسم :اشوى انها اعجبتكم القصيده
__________________________________________________ __________________________________________________ ___
سياره فارس
الحرب العالميه الثالثه شابه هناك ~ْ ْ~

شجن:اللحين ابي افهم انت وش دخلك فيني اغطي نقابي مااغطيه انا حررررررره
فارس:سيارتي وانا حر فيها فاهمه واذا منتب مغطيته انزلي
شجن:وقف اللحين يالله بنزل
ريف:شجن اتعوذي من ابليس
شجن:وشلون اتعوذ وهو جالس قدامي
فارس وهو معصب :اللحين انا إبليس يالجنيه
شجن:ماجني الا انت واشكالك
ريف:لاحول ولاقوه الابالله اللحين ابي افهم ليه تتهاوشون على شي مايستاهل وبعدين انا يافارس ماغطيت نقابي ولاقلت لي شي ليه تهاوش شجن
فارس بإرتباك:أ ..أ .....أصلا انا خايف على الناس اذا شافوا عيونها ينهبلون
شجن:اكيد بينهبلون من جمالي
فارس:اي جمال الله يهديك انتي وين والجمال وين
ريف وهي تصارخ:خلاااااااااااااااااااااااص ارحموني بســ ازعاج يكفي اعوذ بالله
فارس وهو يوقف السياره:لاموهي تقول بتزل يالله انزلي
شجن:انا تطردني من السياره
فارس:انتي إلي تبين تنزلين
شجن وهي تفتح الباب:هين والله لوريك يالخبل
فارس:انقلعي بسـ
ريف وهي منصدمه:فارس انت مهبول مخليها تنزل في شوارع الرياض
فارس:هي إلي تبي تنزل خل تورينا وش بتسوي
ريف وهي تشوف شجن تمشي بعيد عن السياره:فارس صدقني شجن راسها يابس والله لتسوي شي تندم عليه
فارس :ووش بتسوي يعني كلها ثواني وترجع للسياره لاتخافيني
ريف:اشهد انك انهبلت
وتفتح باب السياره بتنزل بسـ يمسكها فارس :على وين انتي بعد
ريف:اتركني بروح الحقها
فارس:اقولك انثبر بســ هي بترجع بروحها
ويدخلها للسياره ويقفل الأبواب
ويشوفون شجن توقف تاكسي
ريف:فارس ألحـــق وقفت تاكسي بتركب معه
فارس :لاتخافين شنطتها هنا مامعها فلوس
ريف:فارس شفها ركبت معه
فارس وهو بدى يرتبك:لا...مااتوقع تــ
ريف وهي تصارخ :وش تتوقع رح ألحق عليها
فارس وهو ينزل من السايره يلحق على التاكسي قبل لايمشي:وقف وقف
ويوقف راعي التاكسي ويفتح فارس الباب إلي ورى :هيه انتي بسرعه قدامي على السايره
شجن:وش تبي انت مارح انزل تلايطــ
فارس:اقول بتنزلين ولا وش لون
شجن :لا مو نازله وإلي عندك سوه
ويمسك فارس يد شجن ويجرها بقوه برى السياره
شجن:ااااااااااي يالحيوان اتركني
فارس:لما اقولك شي تسوينه فاهمه
شجن:اتركني يالثور اتركني يالمتخلف
فارس وهو يعديها كف طير وجهها:مامتخلف الا انتي واشكالك يالله قدامي على السياره
ويسحبها للسياره ويدخلها ويصكر الباب ويركب قدام ويمشي
ريف وهي منصدمه:فارس ....شجن..فارس ليه كذا ليه
فارس:اسكتي انتي بعد
ريف وهي تلف على شجن:شجن حياتي فيك شي
شجن ساكته بســ تصيح
فارس وهو يصارخ:ماابي اسمع ولاصوت فاهمين

عم الهدوء على السياره ماينسمع غير شهقات شجن

وبعد مضي نصف المشوار وقفوا عند محطه المقرن<محطه كبيره فيها مسجد وبقاله وألعاب وفيها حيوانات
فارس:انزلوا صلوا المغرب ربع ساعه وبحرك السياره لاتتأخرون فاهمين
البنات ساكتين
صرخ فارس:فاهمين
ريف:انشالله انشالله
وينزل فارس ويخلي السياره مفتوحه
ريف نزلت وركبت جمب شجن:شجن حبيبتي يالله عاد ماعليك منه
شجن تصيح
ريف :شجن خلاص والله اسفه
شجن:انتي ماسويتي شي انا شغلي عند الحيوان فارس والله لكرهه في عيشته امي إلي هي أمي ماعمرها طقتني يجي هالمتخلف ويطقني اوريه شغله والله لاكرهه في اليوم إلي ولدته فيه امه
ريف:شجن قولي لاإله الا الله
بشجن:لاإله الا الله
ريف:طيب يالله بسرعه خل نصلي قبل لايجي
شجن:يالله
ونزلوا يصلون وبعدين رجعوا وتلاقوا هم وفارس في الطريق بســ ولا واحد تكلم بكلمه لين ركبوا السياره
فارس:بنزل للبقاله تبون شي
ريف:اذا ماعليك كلافه جب لي بايسن وكتكات
فارس:انشالله هيه انتي تبين شي
شجن ساكته:.............
فارس:بالطقاق
وينزل فارس للبقاله ويرجع ومعه كيس فيها بايسن وكتكات وشاني وبكسوت ألبلا ويعطي الكيس لريف:خذي
ريف:كثر الله خيرك
وتاخذ اغراضها وتقول بإستغراب:هذولي لمين
فارس:زايدات تبينهن ولا عطيهن إلي ورى
شجن:إلي ورى لها اسم وبعدين ماابي شي منكـ
فارس:حلووو وفرتي علي
ويرجع السكوت مره ثانيه ماينسمع إلا صوت المسجل
منو كثري شكى همه وعانق حرقته وغمــــــــه
من جرب في قلبه يوم هموم الدنيا ملــــــــتمــه
اناإلي مكتوي بحشاي وانا إلي مضيعن بخـطاي
ألا ياهمي الباقي وتالي قصتكـ ويااااااااااااااااي
نخيتكـ يازمن هدي ويكفــــــــــي واقفن ضـدي
ياليتكـ مره لوتسمح تدفي لوعتــــــــــي وبردي
تعبت أمشي مع الدنيا وأعيش بصيغه الـــــــنيه
حسافه بالزمن هذا ولاحدن قد ذكر حيـــــــــــه
منو كثري شكى همه وعانق حرقته وغمــــــــه
من جرب في قلبه يوم هموم الدنيا ملــــــــتمــه
_____________________________________
<شقراء مدينه تقع في نجد تبعد عن الرياض200 كيلو تقريبا>
وصلت السيارات لبيت الجد عبدالله اومثل مايسمونه بابا عبدالله
ودخلوا الحريم للصاله والرجال لمجلس الرجال
الحريم:السلام عليكم
ام محمد<هيله>:وعليكم السلام هلا والله نورتوا شقراء بجيتكمـ
ام عبدالله:النورنورتس اميمتي
وسلموا البنات والحريم على ام محمد
ريف:ماما هيله وين بابا عبدالله
ريوف:ايه والله وينه من زمان عنه
ماما هيله:والله خبري فيه طالع مع عبدالله لحليوه<حليوه عبارهـ عن مجموعه من المحلات كلها تبيع خضره وفواكه
ساره:وشعنده هناك
ماماهيله:يشتري لنا شويه خضار وفواكه
ام فارس:الله يعافيه انشالله ...عمتي وشوله التكلفه ماله داعي
ماماهيله:اسكتي بســ
البنات :هههههههههههههههههه لقطي
ماما هيله:هو شجن وش فيتس ساكته غريبه موب من عادتس
شجن تبتسم:لامافيني شي بسـ راسي مصدع شوي
ايلاف :سلامتك قلبي تبين بندول
شجن:اذا معك مو قايله لا
إيلاف تعطي خلود الحبوب:عطيها شجن
خلود:لا والله مو فاضيه <وتعطيها ساره<:ساره عطيها شجن
ساره :احلفي بسـ<وتعطي الحبوب لريوف:عطيها العمه
ريوف:تخسى تصير عمتي مالي نفس اقوم<وتعطي الحبوب لبسمه :عطيها الثوره
شوق:مو فاضــــ
ريف تاخذ الحبوب منها وهي تقاطعهم :اعوذ بالله الله لايبلانا بناس عجازات مثلكم مدري على مين طالعين
الحريم:هههههههههههههههه الله يهديهم بسـ
وتعطي ريف الحبوب لشجن:سمي
شجن:تسلمين ريفوووو
ريف:الله يسلمك
ماماهيله:ياتترا ياتترا<<شغالت الجده اسمها جترا بسـ الله يهديها ماما هيله ماتعرف تنطقها زين
جترا :نأم ماماه
ماماهيله:جيبي الشاهي والخس والكراث والشابوره والفطاير والــبـ
شحن:حشا حشا كل ذا اختصري وقولي جيبي المطبخ
ماماهيله:يازينتس وانتي تعبانه
الكلـــ:هههههههههههههههه لقطي<هالكلمه في العايله لازمه
وتجيب الشغاله الشاهي ويسولفون ويتقهوون
وبعد ساعه يدخل الجد عبدالله
بابا عبدالله:يالله انك تحييهم
البنات :بابا عبدالـــــــــــــــــــله
ويقومون يناقزون له يسلمون عليه ويحبونه
بابا عبدالله:وشلونكم يابنات
البنات:الحمدلله ؛بخير ؛تمام؛ ازقح وانطح<ردود متفرقه
باباعبدالله:الحمدلله انشالله دايم هالحال
ام عبدالله:عمي وين عبدالله من زمان عنه
بابا عبدالله:هذاهو برى مع الخبل
شجن:كفوووووو والله تعجبني اذا قلت خبل
ريف:خخخخخ اوص لايسمعك فارس
شجن:لاتجيبين اسمه قدامي فاهمه
ريف:هههه طيب تامرين امر
وشوي وينطق الباب
عبدالله :ياولــــد
ام عبدالله:هلا والله بوليدي ادخل ماعندك احد ؛بنات تغطوا
وتغطوا البنات ودخل عبدالله ومعه خالد وفارس وفراس
وسلموا على جدتهم وجدهم وعلى الحريم وجلسوا معهم
عبدالله:اجل وين شجن منكم مشتاق لها اوخيتي
ويلتفت فارس في هاللحظه على الحريم
شجن :انا هنا خيووو والله مشتاقه لكـ اكثر
وتقوم تسلم عليه
عبدالله وهو يطقها:من زمان عنك يالخبله
شجن :ماعليك زود اخوي
عبدالله:هههههههه وش عندك اليوم هاديه مالك حس
شجن:لاابد بســ متقرفه من شي في بيت بابا عبدالله
عبدالله:وش هالشي إلي مغير نفسيتك
شجن:والله هالشي حرام انطق اسمه على لساني اخاف اتنجس
فارس:احترمي نفسك
شجن:وانت وش دخلكـ
فارس:تراي مو غبي تسبيني واسكت
شجن:عبادي انا قايله اني متقرفه من فارس
عبدالله:لا ابد
شجن:شفت انا بريئه ماقلت شي <وهي تضحكـ<يالله عبادي برقى فوق انا وريف ناخذ راحتنا لأن الجو هنا كتمه شوي
فارس :ترى عطيتكـ وجه
شجن وهي ترقى الدرج:يالله لكـ الحمد على نعمه العقل
فارس:شايفتني مهبول
شجن سفهته وكملت رقيتها:...............
عبدالله وخالد وفراس :ههههههههههههههه
فارس:فيه شي يضحكـ
خالد:اللحين انت ليه معصب
فارس:مالكـ شغل ماما هيله اناطالع تأمرين على شي
ماما هيله :سلامتكـ ياوليدي
فارس:الله يسلمكـ<وحب راسها وطلع ولحقوه عبدالله وخالد وفراس
_______________________________________





إنشالله أعجبكم البارت هذا

الجزء الثالث
عند البنات~؛~
شجن: هههههههه وش رايكـ فيني
ريف:هههههه الله يرجكـ والله انا أخاف منه اذا عصب
شجن:هع هع مابقى إلا هو يخوفني
ريف:فكينا منه وش الأوضاع اليوم
شجن:اول شي دقي على طيبه<طيبه اسم بقاله في شقراء<وأطلبي لنا حبشتكات<سبق التعريف بهاريف:طيب عطيني جوالكـ جوالي مافيه رصيد
شجن:الله يخليني لكـ يارب خذي
ريف:أميــــــــــــن
وتكلم ريف على طيبه ويرد عليها الباكستاني إلي يشتغل فيها
ريف:الوووو السلام عليكم
الهندي:وأليكمـ السلام
ريف:وععععع شجن خذي كلمي ذا الباكستاني ماأحبه
شجن:ههههه ياحبيله عطيني إياه
ريف:دوتس
شجن:الوو السلام عليكمـ زاهر<مطيحه الميانه معه
زاهر:الو وأليكم السلام
شجن:كيف انت زاهر
زاهر:كويس ماماه سجن<حافظ صوتها ماشالله عليه بسـ الأسم للحين ماعرف يتطقه زي الناس
شجن:خخخخخخخخ للحين انت على سجن اقول اسمع بسـ زاهر انا بعطيكـ طلبات كل يوم في هالوقت جبها لبيت باباعبدالله لحد مااقول لكـ خلاص لاتجيبها اوكيه
زاهر:مثل كل مره ماماه اوكي
شجن:ياابو اروى انا اصغر منكـ وين اصير امكـ معه الله يهديكـ بس<يقالي مؤدبه.. تراها تعرف اسم بنته لانه هو قاله ابي اسمي بنتي اسم عربي قالت سمها اروى وسماها اروى
ابوأروى<زاهر>:مفهوم سجن
سجن<هع اقصد شجن:اقول بسـ سجل عندكـ
زاهر:ايس يبغا
شجن:2 ليز حار كبير؛واحد شاني؛واحد بايسن؛علبه مايونيز؛زبادي اثنين؛ وبسرعه جبهن خلاص
زاهر:اوكي سجن مافيه يبغى جريده رياضه
شجن:إلا ذكرتني الله يذكركـ الشهاده جبها يقولون فيه لقاء مع سعد الحارثي
زاهر:انسالله مأ سلامه انا فيه واجد زهمه
شجن:تقلـــــــع<وتسكر السماعه في وجهه
ريف:ههههههههههههه الله يرجكـ بسـ
شجن:امين وياكـ يارب
__________________________________________________ __________________________________________________ _____________________________
في الصاله وتحديدا عند البنات
خلود:يوووووه ياإيلاف وش فيهم عيالتس كذا هاديين
ساره :طالعين على خالتهم فديتهم
شوق:احم احم شكرا تقصديني
ساره:احد كلمكـ
ريوف:هههههههه لقطي
البنات:ههههههههههه
ساره وهي تطلع حلاو من شنطتها إلي مليانه حلاو:جود جواد مين يبي حلاوه
جود وجواد<ثلاث سنين>يقومون من عند امهم ويركضون لخالتهم يبون الحلاو بسـ فجأه غيروا رايهم وراحوا لخلود ويوم وصلوها راحوا لشوق ثم لريوف <كل وحدها معها حلاو ويهبلون بالعيال
إيلاف وهي تاخذ شنطه ساره:حسبي الله عليكم هبلتوا بعيالي تعالوا فديتكمـ خذوا الشنطه وإلي فيها
جود :واوه واوه ماما
جواد وهو يدف جود عشان يوصل قبلها وتطيح جود على الأرض تصيح:اهي اهي اهي
جواد يروح ياخذ الشنطه من امه ويجلس جمب جود على الأرض:دود لاسيحين أبين واوه<جود لاتصيحين تبين حلاوه
جود وهي تسكت:دواد ليه دقيني<جواد ليه تطقني
جواد:بوبه والله أظيم<توبه والله العظيم
جود:حلاس ماأسيح ابي واوه<خلا مو صايحه ابي حلاوه
ويجلسـ جواد جمب اخته ويتقاسم هو وإياها الحلا
خلود:ياحبيلهم يهبلون
ساره وشوق :ايه والله
ريوف:ماشالله مافيه غيره بينهم
إيلاف:قولوا ماشالله لايجيهم شي عيالي
البنات :ماشالله مشالله

ماماهيله:يابنات نادوا السحارات يتعشن <السحارات هم ريف وشجن يسمونهم كذا لأنهم دايم مع بعض وفوق ماينزلون معهم تحت كثير
خلود:انشالله ماما هيله؛ساره قومي ناديهم
إيلاف:لاساره بقوم انا برقى اغير ملابس العيال وبناديهم
ساره:وفرتي علي قلبووو
إيلاف:ولو ماسويت شي
ريوف:بدوا
شوق:هههه لايسمعونكـ
ورقت إيلاف لغرفة البنات<شجن وريف وشوق وريوف في غرفه بروحهم وخلود وساره مع امهم وام فارس وام عبدالله
إيلاف وهي تصق الباب:ادخل بنات
شجن:اقلطي حياتس
إيلاف وهي تبتسم:يالله بنات جى العشاء
البنات:انشالله
وتطلع وتصكـ الباب
شجن:يالله ريف
ريف:يالله
وينزلون تحت
ماماهيله:نزلوا السحارات
شجن:وانتي للحين مانسيتي هالكلمه
ماماهيله:اها بسـ تعالوا تعشوا
شجن:انشالله
ويجلسون على السماط<ماما هيله ماتعترف بشي اسمه طاوله طعام وشجن مؤيدتها الفكره تقول لاتحطين طاوله ولاهم يخزنون ماضر إلي قبلنا ياكلون على حصى
شجن وهي متربعه وتأكل بيدها الرز:بسم الله
ريف:ههههه شجن وشلون تاكلين بيدكـ
شجن وهي تطبق لريف:شوفي تمسكين الرز كذا يمين يسار وثم تجمعينه في يدكـ وبالخمس تدخلينه في فمكـ وبسـ
ريف:وعععع حومتي كبدي الله ياخذكـ
شجن: وياكـ يارب <وهي تلتفت على ماما هيله<ماما هيله شوفي ريف تقول وعععع وشلون تاكلين بيدكـ
ماماهيله:وشهو افا ياذا العلم هذا وانا اقول ريف اعقل من هالخبله
ريف:هههههههههه الخبله الخبله
شجن:احم احم احس ان فيه احد يسبني
البنات:هههههههههههههه
ماماهيله:انطموا وكلوا وانتم ساكيتين<هذي عادتها ماتحب احد يتكلم وقت الأكل
__________________________________________________ __________________________________________________ ___________
وعند الرجال~؛~
فارس:عبدالله خالد فراس تجون معي نتمشى
عبدالله:ماعندي مانع
خالد:انا والله كان ودي بسـ مواعد الربع نطلع للنفود
فارس:على راحتكـ ؛ وانت فراس
فراس:لاانا مواعد ام العيال امشيها
فارس:اذا كذا مانقدرنقول شي
فراس:هههه غصبن عليكـ
فارس:اجل عبدالله بسرعه لانتأخر على الربع<فارس وعبدالله عندهم اخوياء في شقراء ودايم يتواعدون معهم اذا جو لشقراء
عبدالله:توكلنا على الله ؛فمان الله ياجماعه
الكلـ:فمان الكريم
فارس:توصون على شي وانا راجع
ابو خالد:سلامتكـ ياوليدي
فارس:يالله اجل مع السلامه
الكلـ: مع السلامه
ويطلعون الشباب
فراس: وانا بعد أستأذن بروح اتمشى مع مرتي
ابوفراس:الله يحفظكم لبعض خذ راحتكـ ولدي
فراس:مع السلامه
الكلـ:مع السلامه
ابو خالد:اجل بتصل على ام خالد تجهز الفرش عشان ننام
ابو عبدالله:تسوي فينا خير ماعاد اشوف الطريق
ابوفراس:ههههههههه ايه والله النوم مغطي علينا
ابوخالد وهو يتصل على ام خالد:السلام عليكم
ام خالد:هلا والله وعليكم السلام
ابوخالد:كيف الحال انشالله مرتاحين
ام خالد:الحمدلله بصحه وسلامه
ابوخالد:حصه الله يعافيكـ جهزوا لنا الفرش بنوم مسكرين على الأخر
ام خالد:انشالله ياأبوخالد اللحين بجيبه
ابوخالد:السلام عليكم
ام خالد:وعليكم السلام
ويسكر منها وشوي إلا الشغاله جايبه الفرش وفرشته لهم وسكروا اللمبات وناموا
______________________________________________
في سياره فراس
فراس:إيلاف
إيلاف:ياعيونه
فراس:تسلم لي عيونكـ ؛ قلبي من زمان ماطلعنا مع بعض بلحالنا
إيلاف:الشكوآ لله من جو هالمفاعيص وحنا ماطلعنا مع بعض بروحنا ابد
فراس:الله يهديهم بسـ مايفهمون من نفسهم ويخلونا على راحتنا
إيلاف:هههههههههههه هذا انت على راحتكـ وش تبي تقول
فارس وهو يتنهد: قولي وش ماأبي اقول
إيلاف:هههههههههه وش عندكـ
فارس وهو يوقف السياره:مشتاق لكـ موووووووت
إيلاف:هههههههههه كل يوم مقابلتكـ امداكـ تشتاق لي
فارس:اصلا انا أشتاق لكـ لوأنتي جمبي
إيلاق:وانا اكثر ياعيوني
فارس:ااااااه ألحقوا علي ترى بنهبل
إيلاف:ههههههه فارس الله يهديكـ إلي يشوفكـ اول مره اقولها
فارس بخبث:مواول مره تقولينها بسـ هالمرهـ غير
إيلاف:ههه فارس اعقل
فارس:ومن وين لي العقل وانتي قدامي

<نتركـ الزوجين يأخذون راحتهم ونروح لعبدالله وفارس
عبدالله:وين الشباب مجتمعين فيه
فارس:يعني وين اكيد في المثلث<المثلث هذا يجي في مدخل شقراء هو ثيل مزروع على شكل مثلث كبير فيه جلسات شبابيه<ممنوع العوائل
عبدالله:اها والله من زمان عنهم
فارس:ايه والله صادق
ووصلوا للشباب ونزلوا
فارس:السلام عليكم شباب
الشباب :هلا والله ؛وعليكم السلام ؛نورت شقراء بجيتكم؛اهلين<ردود متفرقه
ويسلمون عبدالله وفارس عليهم
ويجلسون يسولوفن سوالف شباب ولعب ووو...ألخ
__________________________________________________ __________________________________
عند خالد
وهو وصديقه الروح بالروح فواز جالسين وشابين نار وحاطين بريق الشاهي عليه ويسولفون
فواز:احلاااااا ياحركات وجالس معها في السياره ساعه ونص عسى بسـ ماتهورت وقلت شي
خالد بإبتسامه:ههه لاماقلت شي ابد بسـ اهديتها قصيدهـ
فواز وهو مفتح عيونه على اكبر شي:اوووووووووووف عادي عندكـ ؛طيب هي وش قالت
خالد:هههه لايروح فكركـ لبعيد هم قالوا لي شغل قصايد وشغلت لهم سعد علوش "أخذيني"
فواز:لا والله بسـ اشوى بعد ماقلت لها هذي اهداء لكـ وانا احبكـ
خالد:ههه لاعاد مو خبل لها الدرجه
فواز:صراحه انا ماأستغرب منكـ شي اذا بدايتها قصيده الله يعلم وش نهايتها
خالد:هههههههههههههههههههههههه اسكت تكفى والله مااقدر اتخيل نفسي اروح اقول لها احبكـ
فواز:هو مازينكـ إلا حياكـ ولا كان عادي سويتها
خالد:احم احم يازيني انا وحياي
<فواز صديق خالد الروح بالروح عمره20 ؛خفيف دم وحبوب وهو صندوق أسرار خالد>
__________________________________________________ __________________________________________________ _______
ونرجع لبيت الجده الحريم الكبار راحوا ينومون وخلود وساره وبسمه وريوف بعد ناموا ؛مابقى إلا شجن وريف وإيلاف إلي للحين مارجعت
شجن:ياحظها إيلاف راحت توسع صدرها مو حنا منطقين هنا
ريف:هههه تزوجي ويمشيكـ رجلكـ
شجن:ومن بياخذني ياحسره
ريف بخبث:تبين اخطب لكـ
شجن:خذي راحتكـ
ريف:خلاص العريس موجود
شجن بإستغراب:ميـــــــــــــــــــن
ريف وهي مستعده تنحاش:فااااااااااااااااارس
شجن وباأعلا صوتها:وعععععععععععععععععععععع ياقرف ياثوره تعالي وين بتروحين مني <وتلحقها وتطلع ريف للحوش ؛طبعا هم طلعوا بدون عباياتهم لأنهم متعودين ان الشباب مايرجعون إلا بعد الفجر
ريف تلهث:اه اه اه خلاص شجن تكفين توبه
شجن:ولاتفكرين اترككـ عشان مره ثاني مايمر على بالكـ مجرد طيف اني اخذه فاهمه
ريف وهي تركض بأقوى ماعندها بس مافيه امل شجن اسرع منها:يااااااااااااااربي قلت اسفه خلاص

__________________________________________________ __________
وعند باب البيت
فارس:يالله عبدالله انزل
عبدالله:دقيقه ولاحقكـ بدور شريحتي القديمه في الدرج
فارس:طيب لاتنسى تسكر الباب
عبدالله:اوكي

ويدخل فارس البيت ويسمع اصوات ورى البيت ويمشي يشوف وش فيه
___________________________________________
شجن وهي ماسكه ريف وتطق فيها وتدغدغها
ريف:شجن هههههههههه خلااااا هههههههه خلاص هههه والله ههههه توبه ههه توبه
شجن:اقول انطمي اجل انا شجن بنت محمد بنت عبدالله الـ...... أخذ واحد مثل اخوكـ الخبل اوريكـ يالثوره
:ماخبل إلا انتي وأشكالكـ وبعدين مين قال اني افكر اخذكـ
شجن وهي تتغطى بالطرحه إلي معها ؛فارس ماشافها لأن الحوش ظلام مايبين شي بسـ عرفهم من أصواتهم
ريف بصوت واطي بسـ سمعها فارس:شجن تكفين بعدين تهاوشي مو اللحين
فارس:لا ليه ماتتهاوش اللحين ماعندي شي
شجن سافههـ ابو أمن جابته وتكمل طق في ريف:ريفوووووه قولي اسف
ريف وهي مستغربه إن شجن ماتهاوشت مع فارس ولاردت عليه لأنها بالعاده ترد عليه الكلمه بعشر
ريف:اسفه والله اسفه
شجن وهي تسوي نفسها تنضف يدينها من الغبار:الحمدلله خلصت مهمتي
فارس يتطنز عليها :الحمدلله خلصت مهمتي ؛الله من زين هالمهمه
شجن وهي تكلم ريف وسافههـ فارس:شوفي عبادي جاء ابروح اسلم عليه
فارس يقلدها :عبادي ..عبادي ..كبرتي وانتي للحين عبادي
شجن وهس تروح جهة عبدالله:هلا والله بأحلا شاب في الكون هلا والله بشيخ الرجاجيل
عبدالله يبتسم:كل هذا لي
شجن:اكيد فيه رجال هنا غيركـ
فارس:وانا ولا مامليت عينكـ
عبدالله:ههههههههه وفارس
شجن بغباء:فارس مين فارس
عبدالله:ههههههههههه ولد عمك
شجن تسوي نفسها تتذكر:امممم فارس .. فارس ماأعرفه لاتقول ذاكـ الخبل
عبدالله وريف:ههههههههه
فارس:ماخبل الا انتي واشكالك
شجن واكبر طاف لفارس:عبدالله تجي معنا جايبين حبشتكات من طيبه
فارس منقهر انها سافهته:ايه انتي انا اكلمكـ
شجن ولا كأن أحد يكلمها:هاه عبدالله وشــ رايكـ
عبدالله ماقدر يمسكت نفسه:هههههههههههههههههههههههههههههههههه
ريف تضحكـ معه:هههههههههههههههههههههههههههههههه
شجن يقالي مستغربه: وش فيكمـ
ريف:شجن وربي ماأقدر امسكـ نفسي خلاص
عبدالله:شجن هههههههههههههههه وش فيكـ على الرجال
شجن:وشفيكم انتم؛وبعدين اي رجال تتكلمون عنها
عبدالله وهو يأشر على فارس:ههههههه هذا طول بعرض ماتشوفينه
شجن وهي تلتفت وتسوي نفسها تدورعلى احد:عبادي الله يهديكـ مافيه رجال هنا
فارس:لا انتي تعديتي حدودكـ
شجن:ريف امشي ندخل شكل عبادي مايبي يجي معنا
عبدالله وللحي ماوقف ضحك:هههههههههههه لا شكرا شبعان توي متقهوي مع الشباب
شجن:خلاص براحتكـ
وتكلم ريف:يالله ريف
ريف:ههههههههه يالله

وتمشي شجن بدون ماتلتفت لفارس ولا كأنه موجود ووراها ريف تضحكـ
وعبدالله بعد فاطسـ ضحكـ
فارس وهو منقهر:لا والله عاجبكـ الوضع
عبدالله:ههههههههههه والله انكم نكته
فارس وهو يمشي لجوى:النكته انت وأشكلكـ انا رايح انوم سلام
عبدالله وهو يلحق فارس:ههههههه فارس لاتزعل بسـ والله ماأقدر امسكـ نفسي ههههههههههه
فارس سفهه وأنسدح على مرقده ولف وجهه عنه وتغطى :............
وعبدالله أنسدح ونام هوالثاني:...........
_________________________________
ريف وشجن كملوا سهرهم يشوفون فلم ""lost"" عل ام بي سي أكشن؛وشجن محذرهـ ريف ماتكلمها عن إلي صار ولا بيجيها طراق مثل إلي قبل وريف انطمت خايفهـ من شجن؛ويوم جت فتره الإعلانات
شجن:ريف جيبي الحبشتكات
ريف:بسـ انتي بتزينين خلطه الشبس
شجن:اوكي مافيه مشكله انتي تامرن امر<وتقوم للمطبخ وتزين الخلطه
ورجعوا جلسوا يكملون الفلم وهم ياكلون ليز مع الخلطه وكل وحده معها مشروبها شجن شاني وريف بايسن
ويوم اذن الفجر قاموا وقوموا اهلهم وصلوا وانسدحوا على مفارشهم بينامون
الكلـ غفت عينه في هالبيت إلا أثنين<توم أند جيري ___شجن و فارس>
شجن تفكر كيف تنتقم منه على الكف إلي جاها
وفارس يفكر كيف يرد لها حركه اليوم
ولاناموا إلا متأخرين
~~~

_________________


إنشالله أعجبكم البارت

وهذا البارت الرابع

قرائهـ ممتعهـ



الساعه 11 الصبح <في الصاله>
ماما هيله -ام عبدالله- ام فراس-ام خالد-إيلاف-شوق -ساره -خلود -ريوف -ريف<ابوكـ يالمشوره قولي كلهم إلاشجن
ماماهيله:وين السحاره خويتتس
ريف:هههه نايمه مابعد قامت
ماماهيله:هو هو هو وشـ منومها للحين
ريف:تقول راسها يعورها
ماماهيله:هذا انتم يابنات هالزمن ماغير تتدلعون علينا راسي يعوني عندي دساع
خلود بإستغراب:وشو دساع
إيلاف:خخخخخخخخخ تقصد الصداع
شوق وريوف:هههههههههههههههه
ريف :اللحين دساع يعني صداع سبحان الله الخالق البارئ
ماماهيله:اها بسـ قومي نادي خويتس بسرعه
ريف:انشالله ماما هيــــلـــه

وتقوم ترقى فوق تقوم شجن
ريف:شجن يالله قومي ماما هيله معصبه عليكـ
شجن:اووووووووووف حتى هينا ماأتهنا بنومي حرام عليكم مانمت إلا سبع
ريف بإندهاش:اووووووووف سبع وش مجلسكـ خابرتني انا وياكـ داخلين 3:30 ننوم
شجن:ماطاع يجيني النوم وش اسوي
ريف تغمز لشجن:إلي شاغل بالكـ
شجن:نعم ماأسمع خالتي
ريف بخوف:اقول ماما هيله تبيكـ انزلي بسرعه باي
<وتطلع خايفه تسوي فيها سوات أمس
<قامت شجن وغسلت ونزلت تحت
ماماهيله:هو هو هو كلـ ذا نوم اعوذ بالله
شجن تبتسم:ميو ميو ميو والله للحين ماشبعت ياأميمتي
البنات والحريم:هههههههههههههههههههههه
ام عبدالله:ماشالله اشوف المزاج عال العال اليوم
شجن:هههههههه مدري ليه مستانسه
ام فارس:دوم انشالله
شجن:تدوم أيامي انشالله
البنات :هههههههههههههههههههه
وتجلس شجن وتصوت لتترا على قوله ماما هيله
شحن:ياتترا ياتترا
جترا:نأم أمتي سجن<شجن قايله لها تقول عمتي
شجن:سجن تنطلين فيه انشالله ؛جيبي لي فطور بسرعه
جترا :انسالله
ام عبدالله:فطور هالحزه
شجن:اي حزه تونا بدري الساعه 11:30
ماماهيله:ولو ذا موب وقت فطور
شجن:خلاص اعتبروه بين الوجبات
البنات:هههههههههههههههههههه
خلود:ماشالله ياشجن اول مره اشوف وحده توها قايمه وتنكت
ريف:هههه هذي توقعوا منها إي شي
أم خالد:ألا صح امس أسمع صراخ وش السالفه
شجن وريف يناظرون في بعض:هههههههههههههههههه
ام خالد:قلت شي يضحكــ
شجن بخبث:لا بسـ امس كنا طالعين للحوش ويجي فارس يهاوشنا ليه نطلع
ماما هيله:افا ياذا العلم وينه مسود الوجه اوريه شغله نادوه لي مابقى إلا هي يهوش عليكم
شجن:إيه والله ونقول له ماما هيله تقول عادي اطلعوا يقول لنا انا قلت لا يعني لا فاهمين ..مالي شغل في أمكم هيلهـ.. تخيلي هزئنا وسبكـ بعد
ريف وهي تطق شجن بشويش:ياويلكـ منه ياشجن
شجن:ههههه خوفتيني يووووومه ابي امي ابي ابوي
ريف:هههه انا حذرتكـ
<وتروح ماما هيله لجهةالرجال
وتجي جترا معها فطور شجن وتاخذه منها شجن وتجلس تاكل ولا كأنها سوت شي
وشوي إلا يسمعون صراخ ماما هيله على فارس
ماما هيله:وانت للحين نايم إيه بعذركـ نايم مستانس وبنياتي هناكـ زعلانين
فارس وهو يتمغط:ااااااااااااوهـ نعم ماما هيله وش تبين
ماما هيله:أيا قليل الأدب وش فيكـ على بنياتي ليه تهاوشهم..وتسبني قدامهم بعد
فارس:وش بنياتكـ والله ما هاوشت احد
ماما هيله:لا وتسذب بعد< تكذب بعد
فارس : وش صاير طيب فهميني السالفه
ماماهيله:ليه مهاوش شجن وريف..وتقول لهم مالي شغل في أمكم هاهـ
فارس بإستغراب:متــــــــــــــى
ماما هيله :امس الليل ؛يعني وش فيها لو تمشوا في الحوش..بيتي ولابيتكـ
فارس عرف انه مقلب من شجن فقال بخبث:يمه تدرين ليه هشت عليهم
ماما هيله:ليه
فارس:لانهم كانوا فاتحين باب الشارع يشوفون الجاي والرايح..لا وبدون عباياتهم بعد
ماما هيله:أيا إلي مايستحون على وجيهم
<وتروح لهم في الصاله
ويقوم فارس ويغسل ويجلس مع اهله

<<في الصاله
شجن:يووووه والله يكذب صدقيني
ماما هيله :وليه يكذب انشالله
شجن:عشانه خاف تسوين فيه شي كذب
ماماهيله:اوووووووووووهوووو مليت منكمـ تفاهموا بروحكمـ مالي شغل فيكمـ...تذابحوا انشالله
ريف بصوت منخفض:ههههههه وقعتي في شر اعمالكـ
شجن تقلدها:وقعتي في شر اعمالكـ اقول الخلاااا بســ
ريف:ههههههههههههه
وجاء وقت الغداء وتغدوا ثم الشياب راحوا ينامون والبنات في الصاله يسولفون والشباب في الحوش يلعبون كوره
شجن بحماس:بناااااااااااااات قوموا بسررررررررررعه
ساره:لوين
شجن:بنروح نشجع العيال
البنات تحمسوا:يالله
<ويقومون يلبسون عباياتهم ويطلعون للحوش ويجلسون بعيد يشجعون
عبدالله&فارس <فريق>فراس&خالد
شجن تشجع فريق عبدالله هي وريف وساره
وإيلاف وخلود وريوف وشوق فريق فراس
شجن بحماس:إيه يالله اخوي كفوا والله يالله يالله قوووووووووووووووول هدااااااااااااااااااف وتمد يدها لريف يقالي كفكـ
وشوي إلا إيلاف:قووووووووووووووول قووووووووووووول فراس سجل هدف وناااااااااسه
شجن تتطنزعليها:قووووووووووووووول قووووووووووووول فراس سجل هدف وناااااااااسه اول مره تشوف رجلها يعلب كر كر كر<<تضحكـ
وانتهت المبارت والنتيجه 6-2 لفريق عبدالله
<ويروحون البنات جهةالشباب
شجن:كفو والله اخوي سجل 6 اهداف وهو يلعب بروحه
فراس:اي بروحه معه فارس
عبدالله:هههههههههه للحين ماعقلتي
شجن:فراس مرتكـ فرحانه بالهدف إلي سجلته ألحق عليها لاتطير علينا
فراس:هههههههه وينها فديتها
شجن:احم احم ترى كلنا عزابيها عيب عيب منقوووووووووووود
فراس:هههههههههه مالكـ شغل زوجتي وانا حر فيها
شجن تقلد صوته:زوجتي وانا حر فيها يقالي محد تزوج غيركـ اذلف لها ياقيس
فراس:يخسى قيس عندي
شجن:ايه صح اقول تلايطــ
<ويروح فارس لمرته
خالد وهو يلتفت على شوق إلي جمبها ريوف :هاه وش رايكم في لعبي
شجن:بسم الله عليكـ يهبل لعبكـ صح ريوف
ريوف ببراءه:صح
خالد وهو طاير من الوناسه ريوف مدحته:هههههه مشكورين كثير
<الله اكبر..الله اكبر...ألخ
عبدالله:يالله شباب خل نغير ملابسنا ونتوضا ونروح المسجد
الشباب :يالله
ويوم مر فارس جمب شجن قال بصوت واصي بدون محد ينتبه غير شجن:صدقيني مارح امشي هالحركات على خير
شجن بصوت عالي:الحمدلله والشكر على نعمه العقل
ريف بإستغراب :وش فيكـ
شجن: حرام الواحد يشكر ربه
ريف :لاخذي راحتكـ
<ودخلوا جوا وصلوا ثم سوالف وخل اليوم ولاحصل شي مهم ينذكر غير أن زاهر<ابو اروى>نسى يجيب الأغراض ودقت عليها شجن وهزئته لين قالت بسـ
__________________________________________________ _____________________________________________
مر أسبوع على جلستهم في شقراء بدون أي أحداث ومن بعد ذاكـ اليوم ماألتقول فارس وشجن أبد؛وفي هاليوم حدث شي غريب عجيب<<ماوراتس شي انثبري بس
شجن قايمه من الساعه8 قبل الكل ؛وكل من قام استغرب وسألها وترد عليهم
شجن:يالله ماعرفنا لكمـ اذا قمنا بدري قالوا ليه واذا قمنا متأخر قالوا ليه ماتقولون لي وش اسوي بعمري
المهم بعد الغدى لبست شجن عباتها وراحت لمجلس الرجال
وسلمت على جدها وعمها وابوها
ثم جلست جمب أبوها
وقالت:سلام عليكم شباب
الشباب:وعليكم السلام
شجن:يبه ممكن طلب
ابوعبدالله:أمري
شجن :يبه من جينا ماطلعنا ولا سوينا شي وش رايكـ نطلع بكرى للحماده<اسم بر
ابوعبدالله وهو يفكر:خلاص بشوف وارد لكمـ
شجن:يبه تكفى لاتردني والله ملينا من جلسه البيت
بابا عبدالله:خلاص يابنيتي انشالله بنطلعكمـ
شجن وهي تحب راس جدها:مشكووووووووووووور ياأحلا جد
<وتطلع من المجلس وهي مستانسه وتعلم الحريم بالقرار
ام عبدالله:وانا اقول ليه قايمه بدري اثره مو لله قايمه لمصلحه
شجن:ايه اكيد اجل اقوم من ثمان عشان اقابل خششكمـ
البنات:ههههههههههه
ام عبدالله:الله يهديتس بسـ
شجن:اميييييييييين
______________
ويخلص اليوم وأتفقوا يطلعون من الساعه 8 الصبح للبر ويرجعون بعد العشا وبعد ماجهزوا اغراض الطلعه راحوا ينومون عشان يقومون بدري
________________
الساعه 7:30 الصباح
باباعبدالله:ياللــــــــــه ولا ترى بنمشي ونخليكم فيذا بروحكمـ حشى كلن ركب إلا انتن دايم قاطعات
شجن:يوووووووووه بابا عبدالله شوي بســ بجيب شنطتي
باباعبدالله:اقول تراي طلعت وانتن انطقن فيذا
<ويطلع ويخليهن ويركب مع ولده محمد ويمشون كلهم إلا سياره عبدالله
فارس:يووووه ذولي دايم كذا يبي من يعلمهم السنع
عبدالله:ههههههه وش فيكـ معصب
فارس:هاهاها الضحكـ بدون سبب قله ادب
عبدالله:روق ياولد روق
فارس:عبيد ترى مالي نفسكـ تقلع عن خشتي مو كافي اني بقابلكـ طول الطريق
عبدالله:ههههههههه والله محد قالكـ عط سيارتكـ خويكـ
فارس:انقلع بسـ <ويركب السياره ويعلق على البوري
ريف:يالله شجن بسرعه شكلهم معصبين
شجن تنزل من الدرج:جيــــــــــــــــت جيـــــــــــــــــت
ويطلعون للحوش
شجن:الله ونااااااااااسه بنروح مع عبدالله
ريف:هههه وين وناسه وفارس معه
شجن :هههه انا أوريكـ فيه
<وتروح لم عبدالله وتسلم عليه:هلااااااا والله بشيخ الرجاجيل هلااااا والله بالرجال هلا والله بأحلا اخووو
عبدالله:هلاااااا والله فيكــ زود؛يالله بسرعه أركبوا ترانا متأخرين حيل
شجن وريف:يالله <وركبوا
شجن:عبدالله شغل لنا نوال<تدري ان فارس مايطيق نوال ابدا
عبدالله:طيب
فارس :لااااااااااا وعععععععععععع ماأبيها
شجن:يالله عبدالله
عبدالله:فارس عشاني بسـ هالمره لاتتهاوشون
فارس ساكت:.................
شجن:يالله عبادي
عبدالله شغل المسجل اغنية نوال(تبغى الصدق)

تبغى الصدق اكذب عليك..اكذب عليك
هاذا عذر عشان اجيك..عشان اجيك
كل الحكاية اشتقت لك..كل الحكاية اشتقت لك
امر ولا يامر عليك انا وقلبي ياحبيبي..يا حبيبي
لنل وقلبي بين يديك..بين يديك تبغى الصدق
انا خلاص خلاص منك عسى مالي خلاص
تبغى الصدق انا خلاص خلاص منك عسى مالي خلاص
سلمت لك كلي وشلي معك قلي..سلمت لك كلي
وشلي معك قلي..افراح ووصال وهنا ولا شقا خلي
تبغى الصدق اكذب عليك..اكذب عليك
هذا عذر عشان اجيك..عشان اجيك
كل الحكاية اشتقت لك.كل الحكاية اشتقت لك
امر ولا يامر عليك انا وقلبي ياحبيبي..ياحبيبي
انا وقلبي بين يديك..
مابي اكون الا معاك في هامشك او في سماك
مابي اكون الا معاك في هامشك او في سماك
ماعــــــــــــاد يعنيني الشـــــــــــوق مغليني
ماعــــــــــــاد يعنيني الشـــــــــــوق مغليني
الحق على قلبي دخيل الله حس فيني
تبغى الصدق اكذب عليك..اكذب عليك
هاذا عذر عشان اجيك..عشان اجيك
كل الحكاية اشتقت لك..كل الحكاية اشتقت لك
امر ولا يامر عليك انا وقلبي ياحبيبي..ياحبيبي
انا وقلبي بين يديك..تبغى الصدق
<<فارس طول ماالأغنيهـ شغالهـ يناظرها بنظرات أربكتها
شجن تخفي إرتباكها:وااااااااااو روعه الأغنيه<وأصلا هي ماتطيق نوال ولاأغانيها
فارس:ماعنكـ ذوق صراحه
شجن:ريف تعرفين اخرألبوم نزلته
ريف:أيه البـــ
شجن تقاطعها:ايه هوحلومره صح<<هع ماتدري وش اسمه ولا وش فيه
ريف بخبث يوم فهمت على شجن:أيه يهبل مررررررررررررررررره
شجن:بســ مو أحلا من الوسمي فديت قلبه
ريف:هههه مافيه احلا من رشودي
فارس:هيه انتي وياها عيب عليكمـ تتفدون الرجاجيل
شجن ساحبه على امن جابته:لا وعععععع راشد ..عبودي الوسمي احلا
فارس:اكلمكـ انا هيــــــــــه
شجن:عبادي انت وش رايكـ مين احلاااااا
عبدالله كاتم ضحكته:ما ا ااأدري
شجن:لاعاد عبادي انت الرجال الوحيد في السياره لازم تعطينا رايكـ
عبدالله هينا ماقدر يمسكـ نفسه وضحكـ وضحكت معه ريف:هههههههههههههههههههههههههههه
فارس:أشوفني مامليت عينكـ انسه شجن رجالن عصب عن إلي جابوكـ
شجن:عبدالله ريف ليه تضحكون قلت شي غلط
ريف:هههههه هههههههه لا سلامتكــ
عبدالله:ههههههه والله انكـ مهويه
شجن:حبتين صرنا نعرف مهوية بعد
عبدالله:ههههههههههه الله يعقلكـ
شجن:والله انا عاقله بسـ فيه ناس يبي من يوديهم شهار
فارس:وش قصدكـ
شجن:كلن عقله براسه ويعرف خلاصه
فارس:هيـــــــــــــه ترى ماأسمحلكـ
شجن:ومن انت عشان تسمح لي او ماتسمح
فارس:عمكـ وتاج راسكـ
شجن:تخسى يا يا <وبإستهزاء<رجـــــــــال
فارس:هين ياشجن والله لوريكـ شغلكـ
عبدالله:أستهدوا بالله ياجماعه ماصار إلى الخير تعوذوا من ابليس
فارس وشجن:اعوذ بالله منه
<ورجع الهدوء للسياره فارس يفكر كيف ينتقم منها وشجن مثله تماما
.
.
..
.
؟
وصلوا للبر~؛~
شجن وهي تفتح الباب:الله ريحه ترااااااااااااااب
فارس:الحمدلله والشكر
شجن مطنشته:ريف تعالي نتسلق الجبل
ريف بحماس:يالله
<ويرقون الجبل ويلعبون كنهم بزران أعمارهم10 سنوات مو حريم أمهات 18
جت الساعه10 وقت الفطور ؛البنات والحريم الكبار يشتغلون ويجهزون الفطور لهم وللرجال
أم فارس:ريوف تعالي خذي ذا عطيه اخوكـ عندالباب
شجن ابتسمت :خالتي عطينياه اشيله ثقيل على ريوف
ام فارس تبتسم:الله يحفظكـ يابنيتي خذي عطيه فارس
شجن وهي تتغطى :من عيوني
<وتروح للباب
شجن وهي تعلي صوتها:خالتي مافيه احد
ام فارس:إلا توني شايفته
شجن تسوي نفسها تدور :ياربي وين راح ذا
فارس وهو أصلا واقف قدامها:بلا ثقاله دم عطيني
شجن وتسوي نفسها مستغربه:يووووه فارس انت هينا ماشفتكـ مره صغير
فارس وهو يتوعد لها في نفسه:شاطره طيب عطيني
شجن بخبث:طيب تقدر تشيله شكله ثقيل عليكـ
فارس "هين ياشجن اوريكـ":ايه اقدر عطيني
شجن وهي مستغربه انه ماتهاوش معها :خذ
<وتعطيه الصحن وتدخل جوى عند الحريم؛وبعد الفطور ناموا الشواب ؛والبنات طلعوا يتمشون والشباب يلعبون اونو
__________________________________________________ __________________________________________________ ___________________________________________

عند الشباب~ْْْ~
فراس:غشااااااااااااشين عبدالله فارس اعقلوا ولا بطلت
خالد:والله غش من بدينا اللعب وانتم تفوزون
عبدالله :لاياعيوني ماغشينا انتم إلي ماتعرفون تلعبون
فارس:ايه والله اذا خسروا قالوا انا غاشين
فراس وهو يرمي اوراقه:انا لو اقوم اتمشى مع مرتي ازين من مقابل وجيهكمـ
فارس:انت اللحين لكـ خمس سنين متزوج مامليت منها
فراس:ابوالغيره إلي كذا ؛لامامليت ولارح امل
خالد:الله يهنيكم انشالله
عبدالله:ويرزقني بالي تحبني مثل مرت فراس
فراس:هههههه تحلم مافيه مثل إيلاف في الكون مرتين
فارس:اقول انقلع لمرتكـ بسـ
فراس:ههههههههههه سلام شباب
الشباب:وعليكم السلام
فارس:فراااااااااااااس لاتتهور مره فاهم..ترانا في البر..اذا رجعت للبيت سو إلي تبي
فارس بحرج:ههههههه انطم بسـ
<ويروح فراس لجهة البنات
__________________________________________________ _______________
البنات~ْ ْ~
شجن:ليلى.. قيس جاء روحي له
إيلاف:ههههههه طيب بليـــــــز شجن خلي العيال عندكـ
شجن:أسفه ماأقدر خليهم يراقبونكمـ لاتسوون شي غلط
إيلاف:كلي تبن وش غلطه عادي رجلي
شجن تتطنز:عادي رجلي اقول روحي بســـ لاتموتين علينا وعيالكـ انشالله انهم بيعيشون لين ترجعين
إيلاف تلتفت على بسمه وريوف:بنات تكفون خلوا عيونكمـ عليهم ماأأتمن بناتي عند شجن
شجن وهي تكب عليها تراب:انقلعي ياثوره
البنات:هههههههههههههههههههههه
<وتروح إيلاف لرجلها
فراس:هلا والله بالزين كله
إيلاف بخجل:هلا فيكـ
فراس :اشتقت لكـ
إيلاف:وانا أكثر
فراس يمسكـ يدها :يالله خل نروح من ذيكـ الجهه
<نخلي الزوجين ونرجع للبنات
شجن:يالله بنات بنتسابق إلي يوصل للخيمه اول
البنات وهوم يقومون ويستعدون للسباق:يالله
شجن :واحد...أثنين...ثالثه
<ويكضون البنات ووراهم جود وجواد يضحكون عليهم
شجن:وه وه وه الأولــــــــــــــــــــــــــى
ريف:وااااااااااو الثااااااااااانيه
خلود:اووووووووووووف تعب الثالثه
ساره:الرابعه
شوق:هههههه قبل الأخيره
شجن:وين ريوف
<ويلتفتون ويلقونها قاعده تنضف ثيابها من التراب
شجن:ابوووووووكـ يالنعومه
البنات:ههههههههههه
__________________________________________________ __________________________________________
أذن الظهر~ْْ ْ ْ~
الحريم صلوا ثم قاموا يزنون الغداء والبنات يساعدونهم
والشباب صلوا ثم جلسوا يتقهوون ويسولفون
_خلص الغداء وقلطوه وتغدوا وثم شاهي وسواليف لين العصر
بعد صلاة العصر~ْ ْ~
شجن:ماااااااااااااااالي شغل الفكره دخلت مزجي
ريف:ايه والله خل نستانس
خلود:صادقه والله نبي نفلها
شجن:خلاص انا بكلمـ عبدالله
ريف:خلاص يالله بسرعه
<وتكلم شجن عبدالله
شجن:عباااااااادي يالله عاد ترى ذليت نفسي بما فيه الكفايه
عبدالله:مو خطر عليكمـ
شجن :اي خطر وأي دواس مهنا إلا العافيه
عبدالله:خلاص اطلعوا
شجن:مشكوووووووووووور ياأحلا اخ في الدنيا
عبدالله:يالمصلحجيه
شجن:يالله تقلع هذانا طالعين لكمـ
عبدالله:ههه يالله
<وتسكر شجن من عبدالله
شجن :يالله بنات مين بيجي
ريوف:يوووووووووه ماتخافون تتكسرون
شجن:انتي يالنعومه انطقي فيذا لاتجين
ريوف بنعومه:عااااااارفه مابعد مليت من عمري وشوقه حبيبتي بتجلس معي
شوق:هههههه اكيد
ريف:وانتي ساره
ساره:لاماأبي مالي نفس
شجن:بكيفكـ ؛وانتي خلود
خلود:اكيييييييد معكمـ
شجن :كفو والله بنت عمتي
إيلاف وهي تسكر جوالها:اهي اهي بنااااااات ابي اجي معكمـ
شجن:تعالي احد ماسككـ
إيلاف:ايه فراس يقول لا اخاف عليكـ
شجن:اجل انثبري خخخخخخخخخ
إيلاف:هههههههههه حرام عليكـ
شجن:والله اذا قيس رفض انا مالي كلمه من بعده
البنات :هههههههههههه
<ويطلعون خلود وشجن وريف للشباب ؛الفكره إلي اقترحتها اختنا المصون شجن انهم يربطون في السياره من ورى فرشه ويجلسون عليها والسياره تمشي<<هالفكره قد جربتها انا وبنات خالاتي
عبدالله:سنه عشان تجون
شجن:هههههه هذانا جينا
عبدالله:وين الباقين
شجن بطنزه:ريوف وبسمه يخافون على بشرتهم
ريف بطنزه:وليلى قيس مانعها تجي معنا
خلود:وساره مالها خلق انا ابي اعرف هالبنت متى يجي لها خلق مدري
عبدالله:ههههههههه الله يرجكمـ اركبوا بسـ
<ويركبون البنات ويمشي بهم عبدالله وهبال وصراخ لمده ساعه وبعدين رجعوا للخيمه وتقهووا واذن المغرب
بعد الصلاة~ْْ ْ~

ابوعبدالله:كنه الجو برد
ابوخالد:ايه والله خل ندخل
ابوفراس:فراس قل للحريم يجهزون اغراضهم
فراس :انشالله <ويكلم فراس على إيلاف ويقولها ثم يرجع للرجال
فراس:يبه يقولون الحريم خلها بعد العشا مابعد شبعوا
ابوفراس:خلا اجل بعد العشا
_________________________
عند البنات~ْ ْ~
شجن:يالله ريف
ريف:يالله
<ويرقون فوق الجبل ويروحون بعيد عن مخيمهم
ريف يرن جوالها:يوووه امي داقه عسى مو بيروحون
شجن:لا بنروح بعد العشاء
ريف وهي ترد على جوالها وتكلم امها:طيب ...خلاص.... انشالله....اللحين جايه....يالله سلام
ريف تكلم شجن:شجن امي تبيني شوي تجين معي
شجن:لا روحي انتي وانا بجلس هنا بسـ لاتتأخرين
ريق:اوكي <وترجع للخيمه
شجن وهي تفصخ عباتها لانها واثقه ان محد بيجي هالمكان وتروح بعيد شوي عنها وتنسدح وتغمض عيونها
بعد خمس دقايق~ْ ْ~
شجن وتحس ان فيه احد يتحركـ حولها:هاه ريف رجعتي.. وشتبي امكـ
... : ............
شجن:وجع اكلمكـ ردي
:بســ اما موب ريف


_______________________

مين تتوقعون يكون صاحب الصوت؟؟

وهل راح يجد جديد بين توم وجيري؟؟


إنتظروني بكرا في البارت الخامس

يسلمووووووووووووووووووووووووووو ع القصة الحلوة
يلا ننتظر الجزء الجديد

يسلموووووووووووو

يسلموووووووووو احرار
بس وين التكملة؟؟؟؟