عريضة مطالبة باعطاء المراءة حق القيادة

http://www.kabar.ws/newsm/6353.jpg
الرياض – خبر- ناصر القحطاني

مجلس الشورى اعد دراسة والقرار فى مجلس الوزراء
من يعيد الحق المسلوب لنساء السعودية ؟؟

مررت دعوات وخطابات معلنة وسرية موجهة الى نساء ورجال تطالب بالانضمام بالتوقيع على عريضة ترفع الى خادم الحرمين الشريفين الملك عبدالله بن عبدالعزيز للمطالبة بإعطاء المرأة السعودية الحق في قيادة السيارة وعلى مدى الايام الماضية تم إرسال دعوات متلاحقة من قبل حملة المطالبة بالسماح للمرأة بذلك وجاء في الخطاب بمناسبة مرور عامين على تولي خادم الحرمين الشريفيين الملك عبد الله بن عبد العزيز آل سعود الحكم، وبمناسبة قرب حلول اليوم الوطني في يوم 23 سبتمبر، نعلن نحن لجنة المطالبات بإعطاء حق قيادة السيارة للمرأة في السعودية، بأننا سنقوم برفع خطاب نطالب فيه الملك عبد الله حفظه الله، بإرجاع حق الحركة المسلوب من المرأة بإستخدام السيارة وسيلة التنقل اليومي، ذلك الحق الذي كانت تمتع به امهاتنا وجداتنا بكل حرية من خلال الوسائل المتاحة في زمانهن .... الخ

وأوصى مجلس الشورى السعودى بتأسيس قسم مرور نسائي مختص يتلقى البلاغات، ورقم هاتف مجانى للاتصال به عند الطوارئ، ووضع مراكز داخل المدن للمرور النسائي باشراف جهات دينية.

وطالبت دراسة مجلس الشورى معاقبة من يتحدث إلى سائقة من سيارات أخرى أو من العابرين بالسجن لشهر واحد ودفع مبلغ مالى، ومعاقبة من يثبت تحرشه بها بالسجن 8 أشهر وغرامة مالية، وتعاقب سائقة السيارة المخالفة للأنظمة بسحب الرخصة فقط.

ومع تكرار المطالبات بتنفيذ القرار توقع خبراء ومتابعين للشأن السعودي ان يصدر قرار لاحق بشأن اقرار تلك الضوابط فيما نفت مصادر رسمية اى تفكير فى تنفيذ القرار حاليا مع رفض المجتمع لقيادة المرأة للسيارة وبالذات من قبل بعض المشايخ والعلماء

ان شاءالله مايجي هذا اليوم...

يعطونا الحق في القيادة
حتى لو ماسقنا يكون بكيفنا مو غصب عنا
ونريح الاخوان من المشاوير

متى متى يجي هاليوم
بيصير وناسه >> امزح
بالصراحه ان ساقوا البنات ياكثر الحوادث اللي بتصير حنا كدا ومو ملحقين اجل اذا ساقوا وش بيصير
ما اءيد هذه الفكرة
يعطيكم العافيه

ان شاء الله نسوق


لا فلان ودينا ولا علان جيبنا

تسلموااااااااا

طيب كل وحدة تبي تسوق اتخيلي وحدة تبي تروح مكان وما تدله وتبي تسأل عنه

ولا الصباح رايحة الدوام مع الزحام الصباحي هم يسبوا بالرجال والرجال يسبوا فيهم

ههههههههه مانا قادر أتخيل

وتعال للفتاة وهي رايحة تاخد ليها سيارة بتاخد برايها ولا بتاخد أحد من اهلها ليبدي برايه

وفي النهاية اذا أخدت ليها سيارة مش زي اللي عند صديقتها

وكله كوم ولما يجلسوا الفتياة مع بعض ويسولفوووووعن السيارات ومغامراتهم

الله يستر

تخلف السعودية موطبيعي
كل دول الخليج تمنح المراه سواقة السياره <<<<<<جت على السعوديه حوادث وكوارث وزحمه

وكل وحده وكيفها !!!!!!!!!!!ماهو إجباري
لكن أغلب النساء السعوديه <<<<<<<<خارج المملكة تسووووووووووووووق
والمشايخ والعلماء الله يجزاهم خير <<<<<يخلو نفسهم على جنب
كل وحده <<<<على حسب ولي أمــــــــــــــــــــــــــــــــــــــــــــــــ ـــــــــــــــــــــــــــــــــرها
:bigsmile::bigsmile::bigsmile::bigsmile::wink::win k::wink:
مجرد رأي

انا مع السماح 100%

ولاكن

اتحدى الجميع هذا الموضوع لم ولن يسمح به

الافكار الجاهلية ما زالت معشعشة في عقول من يقرر

ولا اريد ان ازيد على هذا الكلام

الدولة الوحيدة في العالم لا تسمح بالقيادة للأمرأة

كل العالم ((غلط )) والنظام السعودي على حق

فهموني

ابو طارق

الله لا يقولها المره تسوق بالسعوديه:huh:

مو ناقصين فجور:weird:
الاختلاف في الرآآي لا يفسد بالود قضيه :amuse:
تحياتي

عجيبه و الله سواقة المرأة للسياره فجور و ركوبها مع سائق اجنبي شي عادي
عش رجبا ترى عجبا

تسلموا على التنوير بالصفحة

في رايي اذا بيتطبق نظام ارامكوه كما هوا بالظهران هنا يكون النظام متكامل

وتكون البنت في أمن وأمان من الطريق وأهل الطريق وأصحاب الطريق

أما بالوضع الراهن فوالله الخوف عليهم من ما يسمى رجال الأمن

أكثر من الشباب الطائش بالشوارع

اذا الأبناء ما يسلموا منهم فكيف النساء

إن شآء الله يسمحوو لينآ
ونسووووق ،، ويش ورانا ^_^



يعطيك العافيه ابو عليان
دمت بخير

والله السواقه مثل كل شيء جديد يتغير على المجتمع


مثل المدارس اول مافتحت للبنات الكل معارض ... والحين البنات جامعيات و يدرسون بالخارج

بعد بدون محرم:bigsmile:

ومثل الجوال للبنات اتذكر بعض البنات انفسهم معترضين ... والحين صار ت حتى اللي في بطن

امها ماتطلع الا جوالها جاهز قبل ملابسها وسريرها <كف:wink:

اقتباس:

---

باشراف جهات دينية.

---

اقول يريحون اعمارهم بس :wacko:

مااحنا ناقصينهم :noworry:


واللي ماتبي تسوق لاتسوق لو سمحوا:evil: ..لو سمحوا :sad2:..لو سمحوا:wacko:


يعطيك العافيه :bigsmile:

والله اني هذا الشي اتمناه من زمان :sad2:

وخصوصاً لتوصيل الاولاد المدارس يما قسينا من صعاب :wacko:

وكنت اقول لو هم يوافقوا على هالقرار ويكون بشرط .....

انه المرأه ما تسوق قبل سن محدد ليها يعني ما يعطوها رخصه الا اذا صارت ام 25 سنه :wink:

لانه في هالسن بتكون واعيه وبتتصرف بحكمه :cool:

يعني السواقه ممنوعه الى المرهقات :wink:

ياليت هذا الشي يصير انكان تنحل معظم الازمات الى تواجه النساء في السعوديه:rolleyes:


...........................................

كلام في كلام

اني اصلاً مع وضد قيادة المرأه للسياره في السعوديه

لانهم مو شايفين خير كلا الطرفين

احنا كذه مو شايخين

شلون بعدين

طاخ طيخ

يسلموا والله يعطيك الف عافيه

ان شا الله تسوقون يعني اللي يبي يسوق يسوق الللي ما يبي باختياره راح يكون ..

في البحرين السن 18 تقدر تسوق ما بقى لي الا سنه تقريبا و اسوق ..

و اقدر ادرب قبل عيد ميلادي 18 و يوم 18 اسووق و نااسه صح ..

وما اشوف عدنا في البحرين حوادث واجد بالعكس عادي و اصلن ثلاثه ارباع اللي يسوقون عدنا من الجنسين ما يحبون يسوقون بس يسوقون عشان ما يطلبون من احد شي و موهم بالنسبه ليهم ..

تحياتي ..