اش هالذبحة ياخوي***** اللي فاجعة كل البـلد
ماظل أبو ولا أخــو ***** وماظلت والدة ولاولد
الكل ينــوح ومفتجع ***** بها لمصاب وهالفقـد
تمنيته حلم مو حقيقـة ***** وطلعت نار ماتنخمد
والطعنة الي صابتـك ***** صابت قليبي ياخوي
شلون طحت بهالترب ***** وأنت مايمك أحــد
حسرتي بقليبي ياخوي ***** بموتك بليـا سنــد
ونتك ماحد سمعهــا ***** وفتت قلــب البلـد
شحال لوطالت الونّـة ***** وسمعت بيـها أحـد
كل قلب لـك تفّـطر ***** وذابت لأجلك كل كبد
صاحت عليك العذارى ***** كل طفل وأم الولـد
ماقدر اتصور هالفجيعة ***** اللي ذبلت فيها الورد
شلون اصبر من يصبرها ** روحي والأخُ مايعوضه أحد
تمنيت عرسك قبل اودعك ***** وتفرح ويانا البلــد
كنت اعد الوقت بدري ***** وردت أشوفك بالبشت
ردت أغسل بيدي رجلك ***** ليلة عرسك والسـعد
واحسب الوقت واتانـي ***** وافرح بشـوف الولد
ماحسبت ينقصف عمرك ***** قبل اشوف ذاك الولد
ثاري عذّرنـي الدّهــر ***** وقتل كل حـلم وسعد
بدّل آمــالي بفجايــع ***** وماعاد لي بعدك جلد
لو تشوف أمي ياوصفـي ***** ومصابها يفِّت الكـبد
فقدت أمي أغلى وصفـي***** اللـي ما يعادله أحد
وصبرت اعلى المصيبـة ***** وكـلها إصرار وجلد
وهذا أمك اللي تحبك***** تقول وصفي فالجنةخلد
منكسر ظهرها ياحبيبي***** وتقول ماهّمـني بعـد
همِّي بس ينعــم وليـدي ***** بجنَّة وحــور وسعد
وهي قلبها من الحزن ذايـب ** يفِّت الصخروينهارلأجله كل جلد
كل يوم تنوح هي وياطـيفك***** وتنعى الشَّباب الي انفقد
قلوبنا ياخوي تتــفطـر***** وتنحب فـراقك يابعـد
يابعـد كـــل الأحبــة ***** وأنت في ذاك البُعــد
والحين سلوتنا ياخوي ***** أنــك في جنَّات الخلد
مصابك ياخويــه ايذكرني ***** بمُصــاب ابن الحسن
الله يعظم أجــر رملــة ***** وشكثر قاست مــحن
ويجعلك ربِّـي ويالنَّــبي ***** ويالأئمة وأهل السُّنـن
وابعث سلامـــي إلـك ***** ياخوي في جنَّة عدن
من أختـك اللي تحــبك ***** وذايب قلبها امن الحزن
والف رحمة ونور تنـزل ***** على شبابك اللي انطعن
اهداء الى روح المرحووم الغالي ... الشاب جعفر سعود المتعب
