ما تقبلت الفراق وما ليدي فيه حيله0000
ما تقبلت الفراق وما ليدي فيه حيله
آه لو إن الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها
ما هقيت الليله إلي جابت الفرقه طويله
لين صارت ليله أمس بعيني أطول من شهرها
والعذاب إللي يذوب بعين من يفقد خليله
عندي أكبر من عذاب العين لو تفقد نظرها
والحبيب إللي صدوده مثل مداته جزيله
صد عني وأعرفه لا صد عن حاجه هجرها
كن روحي يوم حست في جفاه وصعب نيله
بشرتني بالضياع وشدت العزم لسفرها
ما رحمها من هلاك وما تقبلها دخيله
تحتضر قدام عينه لين ماتت من قهرها
عاد ليت إللي ذبحها وأرهب الموت بوسيله
ما دفن وجه الضحيه والسكاكين بنحرها
ليت قلبه يوم طاوع فعلته كمل جميله
لو غسلها من عروقه وبكفن صدره قبرها
من حفر بضلوع قلبه حفره تكفي قتيله
ليه ما يدفن قتيله بالضلوع إللي حفرها
إشتكيته للرفوف وللبراويز الهزيله
وإنذعرت من النياح إللي سمعته في صورها
رحت أسولف للجبال الصم عن قصه رحيله
ما تركت متونها إلا ينحت الدمع بصخرها
واحد حقق جماله كذب أساطير ألف ليله
يسكن السبع البحور ويحبس الحور بدُرُرَها
الدروب بكبرياها ترتجف تحته ذليله
والورود إللي تقبل خطوته تنبت بثرها
والغصون إليا بغاها تنثنيله تنثنيله
والفياض إن حب ينثر عطرها يلمس زهرها
لو يصوت للغدير المنجرف جفف سبيله
وإن تبسم للجبال الصامته نطق حجرها
كل حاجه ليا بغاها تستويله تستويله
بالنظر وإستغفر الله لو بقول إنه سحرها
ذاك لو بس يتمنى فاكهه شجره ظليله
بس يفتح راحه إيده ويتساقطله ثمرها
كن ربي سخرلها المعجزات المستحيله
وأصبح اسطوره وكل الألسنه تنقل خبرها
هان مجحر دمع عيني لين جفف سلسبيله
وإلتقت لأخير دمعه قبلت يد ونثرها
دمعه كن بشكاها يوم طاحت في شليله
جادل جات بدوي تطلب الستر وسترها
لي علي إليا من طاح من عيني تشيله
لي عليه إنه يرجع لإبتساماتي ثغرها
لو طعوني بالسكاكين بإيده تشفي غليله
لشتريها من عذابي وأدفع بدمي مهرها
وأطلبه ينهال فيني طعن لين يطيح هيله
بس لا يترك عيوني تنحرم نعمه بصرها
له بعيني مثل ما للطهر في النفس الأصيله
تقطع إيدين الردى لو مس شعره من شعرها
ما بغيته غير درب وشتت أقدام الدليله
مزنه ما بللتني وأستحيت أطلب مطرها
والعطايا من إيد الخلق للطالب قليله
والوهايب من إيد الله أجل وأرها
وإن نسيت إني زرعت العشق وحظوظي بخيله
ما نسيت إن العطايا تستحق إلي شكرها
صعب تلقى وافي يجزي الطيب بمثيله
والعرب جد قالوا إن الناس ما خلت قشرها
شعر :حامد زيد
http://www.alhsa.com/forum/imgcache/308359.imgcache
رد: ما تقبلت الفراق وما ليدي فيه حيله0000
جميله جداً
تسلم يمناك
ماننحرم جديدك
موفقين لكل خير
دمتوو بود
رد: ما تقبلت الفراق وما ليدي فيه حيله0000
رد: ما تقبلت الفراق وما ليدي فيه حيله0000
رررررووووعــــــــــــــــــه
أموت في اشعااااااار حــــــــــــــــامــــــــــــــد
يسلمووااااا وسلمت يمنااااااااك
رد: ما تقبلت الفراق وما ليدي فيه حيله0000
رد: ما تقبلت الفراق وما ليدي فيه حيله0000
رد: ما تقبلت الفراق وما ليدي فيه حيله0000
رد: ما تقبلت الفراق وما ليدي فيه حيله0000
احب هالشعر دايم اسمعه في جوالي
رد: ما تقبلت الفراق وما ليدي فيه حيله0000
رد: ما تقبلت الفراق وما ليدي فيه حيله0000
يسلموووووووووووووووووووووووووووووووووووووووووووووو ووو
رد: ما تقبلت الفراق وما ليدي فيه حيله0000
رد: ما تقبلت الفراق وما ليدي فيه حيله0000
ياحلو اشعار الشاعر حامد زيد
تسلمين ع طرحك ِ
تح ـيآتي
رد: ما تقبلت الفراق وما ليدي فيه حيله0000
