مساكم / صبحكم الله بالخير
طق طق طق
-من في الباب؟
-انا احمد ولد ام احمد جارتكم
-خير ولدي آمر
-امي تسلم عليكم وتقول لكم محتاجة راسين بصل عشان تكمل غداها
-اي من عيوني غناتي
ياخد احمد راسين البصل ويوديهم لامه وتطبخ الغدا وبعد ما تخلص الطبخ ترسلولدها احمدبصحن
من غداها لجارتها
عادات قديمة افتقدناها
كان الجار للجار اقرب من الاخ لاخوه
وما كنا نستحي نطلب المساعدة من جيرانا
اكثر حريم قبل ما يروحون يشترون شيء من البقالة الا لما يروحوا يسألوا جارتهم اذا كان عندها
والا لا
الحين وربي جيرانا الي ملاصقين بيتنا ما اعرف من عيال من ولا عمري دخلت بيتهم ولا دخلوا بيتنا
صار التواصل مع الجار شيء صعب وشبه مستحيل
صرنا كل عايش لحاله ويقول يالله نفسي
المسافات قريبة لكن القلوب بعيدة
اتمنى اشوف تعليقكم على الموضوع
وياترى تفتقدون التواصل مع الجيران والا عايشين مثل ماكان اهلنا زمان عايشين
تحياتي وتقديري لكم
