متى تقولي ياليتني ولد ؟؟؟

سلام

!يااليتني ووولد!


متى...؟


لما يكونو معزومين بعزيمة ...والكل مستعد وتجهز....ويطلعو برا وينادوا السواق
وأخيرايشوفو السواق مو موجود
وبعد جوله على جوالات الاخوان....
ويأس من شوفة السواق
وبعد جملة مافيه روحة ...
تلاقي صرخة تسبق هالجملة وتعبر عن الموقف بقوة
(يا ليتني ولد )






والا بجمعة عائليه ...وتخييم حلو بالربيع
العيال مجتمعين يلعبوا..
والباقين يلعبوا بلوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم كانت دورة بالجيب بين هالرمال
او
يسمعون شريط بسيارتهم بس ماأحد راضي يعطيها المفتاح
والنهاية
(يا ليتني ولد )








وأحيانا تعزم صديقاتها
وتقولهم بكل الفخر
العشا على ...لا ومن وين من............طلبيه عشان خاطر عيونكم
هم ماعندهم سواق
لأن الابو يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا بح بح بح
والاعذار تتسكت بوجبات( بتوصيل منزلي) من بيتزا هت
واول مايطلعون
تسمع صرخة بالحوش
(يا ليتني ولد )








كل شيء يهون بس اللي مايهون ايام الإجازات
قبل العطلة يمكن بشهر
البنات ..
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر هاالسنة
لا وانا ابوكم هاالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبغوه يشغلنا اذا سافرنا والا يضيع من بين ايدينا
تدروا
تبون سوريا ومصر ...يالله اختاروا ...
والا وش رايكم نروح عند اهلكم في الديره
بنفس هالوقت يدخل محمد <<إحم إحم
يبه عن إذنك ترا اليوم رحلتي مع علي وتركي وحسين ولد عمتي
بنروح على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخواتي ياحلوين تامرون على شيء قبل ماأروح
إيه
تفضلووو
تبون
ايش
(يا ليتني ولد )






ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ....حسن ....حبيب البيت ......وبرا البيت
قفلي النت
لويه؟؟؟؟؟
بس بكيفي ....وثاني مرة لعد تشبكيه فاهمة !!!!اوكيه
ولويه ماتبغاني أشبكه
اولا أصرف ....ثانيا بنت ....ثالثا وشو له تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ......
(يا ليتني ولد )







طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجوا يقارنوها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟


مثلا تلقون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....لويه؟؟؟؟؟؟؟بس مو لازم كل ذي الهذرة
من بتكلمي نرجس ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تليفون من أختك فاطمه من اللي شاغل التلفون ...والله اني قايلته شوفي نور ان رفعتيه ثاني مرة لا تلومين الا نفسك..

طيب مو لازم انترنت ولا تلفون لانه امر مفروغ منه ...
بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التلفزيون انقلب الى أداة لترويج المنكر ...كله استعراض للبنات ....
وهو خراب لعقولنا يالبنات
...............
وين أجل وين ؟؟؟ ؟؟
مافي قدامي غير غرفتي .....تدرون وش ابسوي فيها




(ااذاكر) !!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف
( يا ليتني ولد )






نصل هنا للهدف من الموضوع !!
عندما تقول البنت..

(يا ليتني ولد )
أول شيء اسويه اروح أخذ امي واخوتي وامشيهم بشوراع
ونروح نشرب لنا قهوة من توتي كافيه
ولا نمر على ملك المانجو وناخذ لنا كوكتيل
والا اعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم


تعبت

انشاء الله الفكره مو مكرره


بناااااات آبي كل وحده منكم تقول متى تمنت أنها تكون ولد؟؟؟

السلام عليكم

سيتم غلق الموضوع

لانه منقول وليس من صياغتك

نرجو اتحافنا بما يجود به عليك فكرك الفذ

فكلنا أمل ورجاء في عطائكم اللا محدود

تحياتي وشكري