يبه شلونك

يبه شلونك ... ملل هالكون من دونك ... يبه شلونك ؟؟

وتمضي رحلة الدنيا.. بليا طلة عيونك..
يبه شلونك ؟؟

وشلون المرض وياك ؟؟ بعد ماهدك بدنياك..
عساها تغمض جفونك ؟؟

تبي تدري عن احبابك ؟؟ عن عيون تغنا بك
عن قلوب دفنها الشوق.. واذا جاها الغفا جابك

يبه امي تخيلك دوم.. تغني لك مع القمرا..

يبه حنا غدينا كبار.. توفقنا وتخرجنا.. يبه ماعاد فينا صغار..
يموج بهالزمن كل شي.. وحنا ماتموجنا..
على ذاك العهد نسري.. نبيع العمر والدنيا.. ولا تخلف بنا ظنونك
يبه شلونك ؟؟

تبي تدري عن اخباري ؟؟ عن افكاري وتذكاري ؟؟
اشيلك داخلي جمره .. وبعيون الحزن عبره.. تغرقني .. وتحرقني..
واحلم من معاني الحلم.. احسك مقبل بكرا.. وياليته يجي بكرا!! ..

يبه تذكر زمان مر ؟؟ هو احلى ما بهذا العمر ..
يبه تذكر مجالسنا ؟ مآتمنا ومسجدنا؟
يبه تذكر هدايا العيد ؟ صلاة العيد؟ ولبس العيد؟
يبه تذكر سوالفنا ؟

يبه اتذكر اللعبة..وليلة الجُمعة والجمعة

يبه تذكر وناستنا وبسمة وجهي والفرحة

يبه شلون انسى كل هذا وتجيني اللوعة والحسرة

لاجل هذا .. وكل هذا .. اقول اليوم يابابا ..
ملل هالكون من دونك

ويرد الاب في لحده قائلا :

يابنتي يابعد عمري .. انا ودعت فادعي لي ..
عمر خلّص وأنهيته .. بقى عمرك ياعبورة ..
يابنتي يكفي اللوعة .. يابنتي تكفي العبره ..
يابنتي هذي الدنيا .. عسى ربي يسامحها ..
خذتني فجأة عنك .. وصوتك صار يصحبني ..
احبك موت وانا بالموت .. احبك يابعد سلواي ..
كتمت الحب في دنياي .. ولا اخبرت ياعمري ..
ولكن بعد ماراحوا .. تذكرتك على بالي ..
بغيت اطلع واركض لك .. ولكن ماقدرت اطلع ..
لقيت اصخور قدامي .. ولكن انتي انفاسي .. بعد ماقطعت انفاسي ..
يابنتي لاتناسيني .. يابنتي لاتخليني ..
بدعواتك ودعواتك .. سلامي لك وكل البيت .. ترى والله احبه زود ..
نعم اذكر مجالسنا .. نعم اذكر سوالفنا ..
نعم اتذكر البسمات .. بعد اذكر تمازحنا ..
ذكرتي يوم تجيني البيت .. ومن الشباك اناديكي ..

وعند الباب احاكيك..واقولك من هو الطارق
ذكرتي ياامل دنياي ..
ضحكت وكنت مستانس .. لعبت وكنت سلواكم ..
وماظنيت في لحظه .. افارق وابتعد عنكم ..
نصيحة اسعدي عمرك .. ولا تبكين ارجوكي ..
وشوفي كل هالدنيا .. تراها ماتساوي شي ..
ألا ياليت ارجعها .. ولو ساعة واقول الله ..
واسبح واذكر الخالق .. واصلي عالنبي وآله ..
وابوسك بوسة موادع .. واطبعها بعالي الراس ..
سلم راسك وانفاسك ..
سلامي يابعد عمري ..
ولاتنسيني بالدعوة
اثرت بي كلماتها ونقلتها لكم للشاعره نهر العطاء

فعلا كلمات مؤثرة في الصميم وتعبير أكثر من رائع للشاعرة المبدعة نهر العطاء وتسلمي أخي ملكة سبأ على الإختيار المميز

أخي سعيد فعلاً الكلمات رائعه أقرأها وأعود فأقرأها لإبداع الشاعره في الوصف.
شكراً لك أخي سعيد درويش أسعدني مرورك الكريم تحياتي

يسلمووو حبيبتي ملكه
فعلاً كلمات مؤثره جداً
وليس غريب تذوقك للشعر
فأنا اعرف انكٍ تكتبيه
ننتظر مشاركاتك القادمه
تحياتي .. شمعه

الابن يحكي لاباه هذه الكلمات

يبه يبه ... يبه صدك تسمعني

يا يبه سؤال ليش تتركني ؟

يايبه ليش تبتعد عني ؟

كنت الوحيد يايبه عندي

والحين بقيت اليوم وحدي

يبه كيف القي من يحميني

والمنام يايبه من يغطيني

وبوسة الصبح يابوي تكفيني

ومن لوعة الفرقه يابوي تواسيني

يبه شلون شوف عيني كيف صارت ياكحل عيوني

شوف قلبي ذاب من الحزن يانظر عيوني

كنت من الحب يابوي تحميني

والحين يايبه تخليني

طيب يايبه ليش ليش تخليني

-------------------

وفي هذه الاثنا يرد الاب على ابنه

يابني ياجاسم ياضياء ونور عيني

الموت حكمة ياحبيبي وكل مافيني

انا ماتركت عندك الرب حاميك وحاميني

والله يشهد اني بالقبر وانتون ماخديني

بكرى تتزوج وتشوف ويش يعني الابن ياوليدي

وتشوف لوعة الفرقه شلون تذبح ياغناتي وكل مافيني

ادعي الباري يوفقك ولاتنساني

تراني بالقبر اطلب رحمة رب العالميني

هذا اعمالي طول عمري وسنيني

وانشالله الخير القه والشر مبعد عني وعن ديني

--------------

يايبه امرك فوق راسي وعيني

وطلبك عندي تاج ياعيني

انتا تامر لو تبي الروح قول بس ابيها تجيني

ولو تبي القلب يجيك ويفداك يا كل مافيني

الله يرحمك ويرحم كل الصالحيني

وبجنة الفردوس يسكنك ويسكني

وانشالله من نهرها العذب تسقيني

بقلم أمير العاشقين

ساكب الدمع الحزين

أخيتي ملكة سبأ

بصراحة احترت ماذا ارد في هذا الموضوع

فلقد ابكتني تلك الكلمات

يالا جمال روعتها

اشكركي اخيه على هذه النقله الرائعه

وعقبال ما نرى كتاباتك انشالله

بنتظار نزف قلمكي وذوق كلماتكي الجميله

عساكي على القوة يارب

أخــــاكي في الله
أمير العاشقين
ساكب الدمع الحزين

أختي الحبيبه شمعه اسعدني ردكِ وبث في السعاده
لكِ كل الحب تحياتيhttp://www.princehisham.com/up/uploads/0f35b8151b.gif

أخي أمير العاشقين انت أمير فعلا ً في مشاعرك وإبداعاتك لك مني كل الشكر
ولك التحايا الصادقه

نقـل رائـع .. وهذا بالفعـل دليل على تذوقك الأدبي الرائـع ..
وفقتي اُخيتيملكة سبأ ..
والله يعطيك الصحه والعافية ..
وننحن بنتظـار جديدك :amuse: ..

مع خالص تحياتي .. أختك My tears ..

كلمات بصراحه جدا رائعه
ونقلك اروع اخيتي لتسعدينا بقراءة مانقلتيه
يعطيك الله العافيه
ونحن دائما بانتظار كل جديد منك
تحياتي ..

الاخوات My tears -القلب المرح
لكم كل الشكر كلماتكم مشجعه وحلوه كـاحلاوت مشاعركم الطيبه
اشكركم من كل قلبي والمعذره لتأخري في الرد