يابايع الأحساس والحب مشكـــــــور
ويافاتح بجوف الصدر جـرح ثانــــي
أقفيت عني بلا عذر بس معـــــــذور
واللي تبي تقوله في هاليوم جانـــي
وأنا حقيقة واقعـي قلب مفطـــــــور
سهم البعد من جوف قلبك رمانـــي
برافو لعبت الدور أيام وشهــــــــــور
وأنا مصدق مادريتك أنانــــــــــــــي
كل شئ بيّن مابقى شئ مستــــور
معــــذور لو قلبك تخلى ونسانـــــي
وأنا بعد مثلك لي أحساس وشعـور
مابعت أبد منهو تعّنى وشرانـــــــي
ومن باعني والله على البيع مجبور
ياكيف أضم اللي بوعده عصــانـــي
وخلى الفؤاد بداخلي شبه مكســور
وهم الزمن حسرات كفه سقانــــي
روح أبتعد دامك مع البعد مســــرور
وأنا بعد ببعد كفايـــه أعانــــــــــــي
لأن الهوى وياك ميت ومقبـــــــــور
مدري وش اللي بالهوى لك خذانـي
25-1-09
