السلام عليكم
أرسل لي صديق هذا الشعر في بريدي و كأنه يذكرني فيه بأني شيبت، و نسي بأن محتويات شعره هذا قد مرت علي من زمن بعيد و نسيتها، و إني دخلت في ما بعدها كثيرا، و في الغويص
فرحم الله أيام الصبا و ما بعد الصبا و ما يسمى بالكهولة و مبتدى المشيب
فالشيب عدو ظالم لا يرحم
لكن أقول: الحمد لله على كل حال
و وضعته هنا إليكم لمشاركتي بأتراحي من ضيم الزمن و ما يفعله المشيب فيني كإنسان، فيقول صاحبنا:
الشيب شفته في المرايه وصــديت
ماكنت أصدق إن ذا الشيب فيه
أثر الزمان يطوي رحاله ووليـــت
وراحت سنين العمر وش هي البقيّة
من بعد شفت الشيب في الرأس حنيت
حنيت لسنين(ن) توالــــــت عليه
سنين ذقنا المــــر فيها تجنيت
ويااا كم تكبــــدنا صنوف البليّه
ذقت الحلا في بعض منها وتهنيــت
مرت عليّ مر الصبح والعشيــَه
وسنين يا كم تهت فيها وتماديت
ما بيــن سب وظلم ولا قفيّه
ويا كم تحملت المعاصي وجـــريّت
جريتها ومثيل جر المطيـــــّه
وسعيت في الدنيا وكم صبت واخطيت
واللي مضى ع النــاس يمضي عليه
ودارت بــــي الدنيا ولا يوم ونيت
وقضيّتهـــا مابين شمسٍ وفيّه
يــا مرحبا بالشيب من يوم حليّت
تظـهر على نفسي أمور غبيّه
يالشيب ما خوفت قلبي ولا أحديت
إلا مواريــــــــــد(ن) بتقبل جليّه
إنــــــت النذير إلي على الباب طليت
ووصلـــــــت حد الباب وش عاد ليّه
ما عاد لي إلا التوبة إن كاني أزكيت
وسألـــــت أنا المولى ورب البريّه
وقلت توبــــي يا نفس قبل ياليت
ماعـــــاد ينفع ياليت وقت المنيّه
صـومي وصلي ثم حجي إلى البيت
وروحي إلــى طيبه ومسجد نبيّه
وتزودي بالخير من بعد ما أشقيت
نفس(ن) تعاندني ونفــسٍ عطيّه
وإن عشت يا نفسي من الخير جنيت
جنيت لي مجنـــــى الثمار الهنيّه
يــــــارب تغفر زلتي يوم زليت
و إنــــــــــك تجنبني الزلل والخطيه
وعلـــى الرسول وآله ازكى سلام وصليت
اعداد مـــــــا هلت نزول النجيـــــــه
و شكرا
