يوم أســـــود في حياتي ..

بسم الله الرحمن الرحيم
السلام عليكم ورحمة الله وبركاته ..
بقول الكم سالفة حصلت لي من كم يوم وعفست حياتي فوق تحت
بس أتمنى تكملوا القراءة للنهاية لان جد السالفه مهمة
وأبي الكل ينتبه الى نقطة فيها منشان مايوقع فيها ..
راح أقول الكم سالفتي بالعامية عشن أقدر أوصف الكم كل إلي صار ..
في يوم الاثنين الماضي تاريخ 12/11/ 1429ه
وكعادتي بعد منتصف الليل دخلت على المسن وسلمت على كل الموجودات في قائمة الاصدقاء عندي ..
ومن ضمنهم وحده من صديقاتي ما اسولف وياها الانادراً
وهذاك اليوم شفتها وسلمت عليها وماسولفت أي شي غير لاني كنت مشغولة
أبغى انزل موضوع التصويت للمسابقة وظليت ساكته عنها وكملت شغلي
وحملت الصور وابتديت أكتب في الموضوع
الا هي تسألني (على أساس إنها صديقتي) مشغولة
فقلت الها عادي اذا تبين شي عادي مو مشكلة
الا هي تسألني
مشتركة في موقع الترجمة للميكروسوفت
فقلت الها لا
الاهي تقول لي انها تبغى تشترك في الموقع بس طالبين ايميل صديق عادي احط أيميلش فقلت الها عادي حطية ..
الا هي تقول لي راح يرسلون لك رسالة وأبيك تردين ترسلينها لي عشان تتفعل العضوية
فقلت عادي مو مشكلة
وصلت الرساله فتحتها وابد ماجى على بالي أقرأ المحتويات
لاني شفتها كلها إنجليزي وعلى الرغم من إن عندي إلمام باللغة الانجليزيه لكني طنشت لاني مشغولة أبي اخلص إلي بيدي
المهم اني رسلت الرساله وانتهيت
وظليت جالسه على موضوعي
ودارت بيني وبينه سالفة طويلة عريضة مو بصدد ذكرها الحين
بس المهم إني كنت مرة مستغربه من الكلام الي ينقال وكان شوق المحبة معي على المسن
فكنت اوصل الها الكلام بحدافيرة فقامت تقول لي ان ماحسها طبيعيه
وصرنا نتكلم عن اختراق الايميلات والهكر ومن هذي السوالف
الاتدخل بنت عمة البنت الا هي تقول لي احذفي ايميل بنت خالي لان أخترقوه ...
المهم أنا ماعرفت ويش أسوي خلاص دارت الدنيا فيني
وعلى طول قلت الى شواقه مو عارفة ويش اسوي فقالت لي احذفي الايميل على طول
وفعلا حذفت الايميل
وكلها دقايق الا ايميلي تقفل عندي وشبك عنده
المهم صارت سالفه طويلة عريضه
فكلمت صديقتي ابغاها تحدف ايميلي من عندها وتعطي الكل خبر لان يمكن يسوي وياهم نفس الي سواه معاي
فقالت لي اذا عندك إيميل ماتستخدميه اشبكي منه وكلميه وحاولي تتفاهمي وياه
وفعلاً شبكت من الايميل الثاني حقي وكلمته وحاولت اتفاهم معاه
وكان يطلع الاخ سني وحاقد على الشيعة
فقام يسبني ويقول لي روحي خلي الخميني ينفعك انتي والخمة الي معك
وبوريك شغلك وراح تشوفين ..
المهم أنا ماسكت خبرت الاهل منشان اخلي مسؤليتي
ورسلت الى كل الي مضافين عندي رسايل على جوالتهم بحدف ايميلي
فدقت علي بنت اخوي وخبرتها بالسالفه
فقالت لي انها بتدخل على اساس انها ماتدري شي عن السالفه
وقام سوى الها نفس السالفة وهي ارسال الرساله
بس هي ماقامت رجعت ارسلتها اليه
قامت تقرأ الرسالة وطلع مفادها بعد الترجمة إني موافقة إني أرسل إليه الباسوورد حقي ....
والمهم إن وحده نسيتها وماجات على بالي
و البنت دخلت على الساعه خمس وشافت الايميل حقي شابك
وأفتكرت إنها اني وتعالي ياسوالف
كان يقوم الاخ يسوي الها نفس الحركة الي سواها لي
الي وهي سالفة الرساله
وهي قامت ورسلت الرساله و أخترق الايميل حقها
ومامداها تخبر أحد الاهو عمل نفس السالفه مع وحده من المضافين عندها في الايميل وأخترق الايميل حقها

يعني الحين صرنا أربع ضحايا
في يوم واحد ..
المهم إن بعد يوم من السالفة كلمتني البنت الي أخترقوا أيميلي من أيميلها
وقالت لي إنه أخترق الجهاز حقها وزرع الها ملفين تجسس
واحد قدر أخوها يحذفه بس الثاني قالوا لازم يتفرمت الجهاز
وقالت لي لازم افرمت الجهاز حقي
وفعلا خليت زوج أختي يفرمت الجهاز حقي والحمدلله رجع لي جهازي اليوم سالم غانم ..

بس أتمنى أن الكل ينتبه قبل يرسل أي رساله إلى أي أحد
وبالذات إذا كانت الرساله بالانجليزي
أن يشوف محتواها منشان مايصير فيه مثل إلي صار لي ..

وقبل هذا كله إنه ينتبه الى الي قاعد يكلمه فلو حس إن الشخص
صاير غريب أو تصرفاته غريبه
ينتبه قبل يتكلم أو يسوي أي شي معاه ...
والاهم من هذا كله إنه مايقبل أيميلات غريبه
لان صديقتي جاتها الاضافه وهي قبلت وصار الي صار ..

والحين الموضوع الي صار خلاني أخذ عبرة و أفكر مليون مرة قبل أسوي
أو أسولف أي شي مع أي أحد ..

وطبعا الموضوع وصل الى سلطات عليا وأكتشفوا إن هذي عصابة
يبون يوقعون أكبر عدد من البنات
والظاهر إن المستهدفين هم بنات الشيعة
حسب مافهمت من الاخ إلي أخترق أيميلي
لانه مرة كان الحقد مبين في كلامة ..
بس إن شاءالله راح يقدرون يوصلون الهم ويورونهم شغلهم ,,
وإذا حصل أي تطورات في الموضوع راح أخبركم ...
دعواتكم بتسهيل الامور ..
يعطيكم العافية
دمتم موفقين لكل خير ..

همــــــــ الصمت ــــــــــــس ..

السلام عليكم ورحمة الله وبركاته ..

الله يكون في عونك يارب ..

وربي ينتقم منهم ..

واهم شي الجميع ينتبه ..

الى هالسالفة ..

وينتبه ان لا يقبل اضافة اي شخص مايعرفه ..

وهذا افضل شي .. للحفاظ على الايميل ..

الله يجعل ايامك كلها سرور وسعادة ..

دمتي بخير يارب ..

وعلى نبينا وآله وعليكم السلام ورحمة الله وبركاته..

اللهم صلي وسلم على محمد وآل محمد
وعجل فرجهم وفرجنا بهم ياكريم..

قلوبٌ تغذت من الحقد...
فأخذت تبثه هنا وهناك....

كحيةٍ تنشر سمومها على بني البشر....

وتتلذذ بإيذاءهم ...

أين ذهبت الضمائر؟؟؟

إن قالوا ضمائرنا في سُبات....

فمتى ينتهي سُباتهم؟؟؟

وإلى اي مدى .. سينتشر غيظهم وحقدهم الدفين ...

وهل يقبل أحدهم ..بأن يحدث مثل ذلك..لكريمة له ؟؟؟

كل كلماتي لن تفيدهم..لأن الباري عماهم وأصمهم...
ولم يشأ هداهم....

فلتكن ياربي منتقماً من كل من تجرد منه الضمير...

واعتقد أن أبناء البشر..
لعبة يتقاذفها بأنامله البشعة...

وقلبه القذر...

حبيبة القلب ..همس ...

ابعد الله عنكِ كل سوء...
وحماكِ من شرار خلقه...

وحفظكِ من بين يديكِ ومن خلفك...
وعن يمينك وعن شمالك
ومن فوقك ومن تحتك..
فهو نعم المولى ونعم النصير...

بحق محمد وآله الطاهرين...

موفقة لكل خير إن شاء الله تعالى..
دمتي بعين المولى الجليل..

أنا اخترقوا ايميلي كثير

وصار ايميلي يرسل فايروسات الى المضافين عندي

وصار بعد في جهازي فايروسات من شتى الأنواع

أول شيء من ايميل مرة أخوي ومرة ثانية من ايميل أخوي

لأنهم اخترقوهم لكني أريح نفسي وأفرمت الجهاز

وايميلي يرجع مثل قبل و صرت ما أدخل ايميلي بعدين في أي موقع

تسلمي خيه على التحذير والله يكفينا ويكفيكم شر الناس الحقودين

السلام عليكم


هموسه

الحمد لله انتهت السالفة على خير

موفقة غاليتي

انشاء الله يكون تنبية الى الجميع حتى لا يقع في نفس المشكله

دمتي بود

السلام عليكم ورحمة الله وبر كاته

الكريمة همس الصمت

الحمد لله على العا فيه

طريقنا كله عثر ات ومها وي ولا ننا مستهدفين

من اعداء اهل البيت ونحن شيعتهم فهم تكفلوا

بر عا يتنا ولاكن علينا ان نستعد لكل شيء

الحمد لله على السلامه وفقكي الله ورعاك


خا دمكم الاقل حظا
بو كوثر

هموس الله يعينش على الي صار
والله لا يوقع لاصاحب ولا حبيب في الي صار لش يارب
ربي يحميش من كل شر يارب
ويتقم من الي يسوي كذا في خلق الله
الله على الظالم
الى ظالمين اهل بيت محمد وعترتهم
ربي لا يوفقهم انشالله
امين رب العالمين
تقبلي خيتي مروري
دمتي بخير

بسم الله الرحمن الرحيم
اللهم صلى على محمد وآل محمد

الله يكون ابعونك اختي

اتمنى انك تبلغين صديقاتك عن الي صار لك وقولي لهم اي شي يجي مني لاحد يفتحه او يستقبل من شي لان إميلي مسروق

الله يكون ابعونك
حسبي الله ونعم الوكيل فيهم الله ينتقم منهم

آآآه والله ذكرتيني بمصيبة صارت لي من قرابة السنة
واحد سرق أيميلي وقام يهددني المصيبة عرف اسمي وأسم زوجي وعرف وين يشتغل زوجي وانا بنت منو
وبتدأ الأبتزاز قال أنه عنده صور لي في زواج أحد من أقاربي ووصف لون وشكل الفستان وشكل جسمي و..و..و وخيرآ بأني أما أكلمه لمدة شهر ويمزق الصور ولا أطلع معاه طلعه وحدة ويعطيني الصور ولا ينشر الصور في النت وفي الشارع وكم من الرسايل التهديديه والكلام الغزل المهم أول ماسويته علمت زوجي عن السالفة وأهلي وسلمت الأمر لزوجي كلمه مرة أخوي وحاول يأخذ منه حق ولا باطل بس ماقدر المهم السالفه طووووووووووووويله ويصعب شرحها بس الصراحة عشت أيام صعبة خصوصآ ان هالحيوان يتكلم عن صور يعني عن شرف المهم عدة هذة الأيام بخير والحمدللة
فأتمنى أنكم تنتبهون ياخواتي من هالشكل ولا تصدقونهم مهما قالوا
أسألوا مجربه

هموس الغاليه ..

الحمد لله غناتي المهم إن السالفه انتهت على خير ..

وتسلمي على النصيحه وإن شاء الله إن ننتبه لكل شي ونفكر فيه 100 مرة قبل لانسويه ..

وإن شاء الله آخر السوء يارب ..

بس لازم في انتقام من رب العالمين الله بينتقم لينا وليكم منهم ..

الله لايوفقهم إن شاء الله ..

يعطيش العافيه غناتي ..

تحياتي
نبوضه

هــــــــموووستنا الغاااليه
الف الحمدلله ع السلامه يالغلا
وبجد اعدااااء شيعة امير المؤمنين عليه السلام
يتمنووون القضاء والفتن بنا باي طريقه كانت ..
قلووووب مليئه بالفسااد والحقد
ربي يعدهم عن طريق شيعة علي عليه السلام
ويرد كيدهم في نحورهم ..
حبيبتي ابعد الله عنك كل سوء ومكروه بحق
الصلاة على محمد وآله الطاهرين
وربي ينتقم منهم فهو المولى ونعم النصير
ومشكووووره يالغلا ع النصيحه
دمتِ بحفظ لله ورعايته

اقتباس:

---

المشاركة الأصلية كتبت بواسطة شبكة الناصرة

السلام عليكم ورحمة الله وبركاته ..

الله يكون في عونك يارب ..

وربي ينتقم منهم ..

واهم شي الجميع ينتبه ..

الى هالسالفة ..

وينتبه ان لا يقبل اضافة اي شخص مايعرفه ..

وهذا افضل شي .. للحفاظ على الايميل ..

الله يجعل ايامك كلها سرور وسعادة ..

دمتي بخير يارب ..

---

وعليكم السلام والرحمة والاكرام ..
شكراً لك أخي على هذه الكلمات
وكما ذكرت أتمنى الكل ينتبه قبل يقبل أي شخص
وينتبه من كلام الشخص الي يكلمة ..
الله يعطيك العافية يارب ...
دمت موفق لكل خير يارب ..

اقتباس:

---

المشاركة الأصلية كتبت بواسطة دمعة على السطور

وعلى نبينا وآله وعليكم السلام ورحمة الله وبركاته..

اللهم صلي وسلم على محمد وآل محمد
وعجل فرجهم وفرجنا بهم ياكريم..

قلوبٌ تغذت من الحقد...
فأخذت تبثه هنا وهناك....

كحيةٍ تنشر سمومها على بني البشر....

وتتلذذ بإيذاءهم ...

أين ذهبت الضمائر؟؟؟

إن قالوا ضمائرنا في سُبات....

فمتى ينتهي سُباتهم؟؟؟

وإلى اي مدى .. سينتشر غيظهم وحقدهم الدفين ...

وهل يقبل أحدهم ..بأن يحدث مثل ذلك..لكريمة له ؟؟؟

كل كلماتي لن تفيدهم..لأن الباري عماهم وأصمهم...
ولم يشأ هداهم....

فلتكن ياربي منتقماً من كل من تجرد منه الضمير...

واعتقد أن أبناء البشر..
لعبة يتقاذفها بأنامله البشعة...

وقلبه القذر...

حبيبة القلب ..همس ...

ابعد الله عنكِ كل سوء...
وحماكِ من شرار خلقه...

وحفظكِ من بين يديكِ ومن خلفك...
وعن يمينك وعن شمالك
ومن فوقك ومن تحتك..
فهو نعم المولى ونعم النصير...

بحق محمد وآله الطاهرين...

موفقة لكل خير إن شاء الله تعالى..

دمتي بعين المولى الجليل..

---

شكراً من القلب لمواساتك القلبية معي دموع
والله ينتقم منهم إن شاء الله يارب
وإن شاء الله يقدرون يوصلون الهم
ويورونهم شغلهم ..
دعواتم الغالية ..
الله يعطيك العافية يارب ..
دمتِ موفقة لكل خير يارب ..

اقتباس:

---

المشاركة الأصلية كتبت بواسطة بنـت الجود

أنا اخترقوا ايميلي كثير

وصار ايميلي يرسل فايروسات الى المضافين عندي

وصار بعد في جهازي فايروسات من شتى الأنواع

أول شيء من ايميل مرة أخوي ومرة ثانية من ايميل أخوي

لأنهم اخترقوهم لكني أريح نفسي وأفرمت الجهاز

وايميلي يرجع مثل قبل و صرت ما أدخل ايميلي بعدين في أي موقع

تسلمي خيه على التحذير والله يكفينا ويكفيكم شر الناس الحقودين

---

زين تسوين لما تفرمتي الجهاز لان أحسن حل هو إن الواحد يفرمت الجهاز
عشان يضمن إن مايصير في الجهاز أي شي ..
تشرفت بهذا التواجد الجميل ..
الله يعطيك العافية يارب ..
دمتِ بخير ..

اقتباس:

---

المشاركة الأصلية كتبت بواسطة sweet magic

السلام عليكم


هموسه

الحمد لله انتهت السالفة على خير

موفقة غاليتي

انشاء الله يكون تنبية الى الجميع حتى لا يقع في نفس المشكله

دمتي بود

---

وعليكم السلام ورحمة الله وبركاته
الحمدلله عدت السالفه على خير
بس وين بيروح إن شاء الله راح يصيدونه
ويحصلون عليه ويلاقي عقابه ..
الف شكر لك حبيبتي سويت على التواجد الجميل في هذا المتصفح ..
الله يعطيك العافية يارب ..
دمتِ بخير ..