هذه شروط واحد عصبي سوى له منتدىما اطول عليكم
اتركم مع الشروط
**********************
لقد تغيرت شروط التسجيل في المنتدى ....وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين....وافهموها....واللي ما يبي هالشروط جعل اصابعه اللي طقت على الكيبورد الكسر...والي ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.
بما ان هذا الموقع مالي وحدي..لابارك الله فيكم وفي الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....والشروط هي...
1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس... قايلكم حنا ما نلعب
2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وراح اصعد فيه
على ارتفاع 50000 الف قدم وبرضخ به على سـعف نخله...علشان ما يعود لها. قايلكم حنا ما نلعب
3- انتم اعضاء لكم تكتبون بس....ولااحد فيكم يسوي لي فيها مراقب مانبي مراقبين.....فهمتوا ولا افهمكم...
4- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه الي
جمعت بيــن هالمصبنه.
اللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحنا حرين فيها
5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه من ركبته
بعدين بناخذه لأقرب مسبح
وبنغطسه وبنطلعه...ونغطسه ونطلعه الين مايقول....اشهد ان الددسن سياره... قايلكم ما نلعب...
6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يبي....
ملاحظه......
اللي بنكتشف انه رجال(شنب) ويكتب باسماء بنات...ولا بنات تكتب باسماء رجال هذولي بنخلي أساميهم كلمات متقاطعه يصعب حلها.....والله ما يضرب بعصا يا سرع طيحتهم
موافق.................
غير موافق...............
واللي فيه خير يكتب غير موافق.......
