عهـدي بهـا قبـل تلبـس عبايـة

عهـدي بهـا قبـل تلبـس عبايـة
وأنا بعد قبل لا ألبس شماغ وعقـال

طفلين نتهجـى حـروف الهجايـة
الله ياماأجمـل سواليـف الأطفـال

كانت لنا في كـل شـارع حكايـة
وكنا نقـول علـوم ماهيـب تنقـال

وكنت أتقاسـم معاهـا مـا معايـة
من(عسكريم)التوت للعلك ابو ريال

وكانت بعكسـي شاطـرة بالقرايـة
تقراء جـزء عـم وطـه والأنفـال

وأنا لكـ الله مـن مـواري غبايـة
مدري أبو نقطه هو الذال أو الـدال

وكانت لأبوية تشتكي مـن شقايـة
وتعلمة كيف أربـط البـاب بحبـال

ياما على ظهري كسر من عصايـة
يقولي : خلك وأنـا أبـوك رجـال

وأمي تقول :أدع لولـدك بالهدايـة
خوفي تصيبة من كثر الضرب بهبال

وأنا لا شفتها من أول الدرب جايـة
مدري انا الي ملت او الدرب مال؟

أحس قلبي يرتجـف فـي حشايـة
ماكنة إلا ضيـف لا هـز فنجـال

ياما من ( السعلو )تخبـت ورايـة
لا خوفوها فية ثم شافـت ضـلال

تقـول: خلـك حبيـبـي معـايـة
وأستانس ألعب عندها دور الأبطـال

وأغار حتى مـن عيـون أصدقايـة
لا طالعوها قلت :تكفوووون ياعيـال

الله الله ..
عجبتني هالقصيدة ~
لأن أحسها بسيطة مافيها تكلف وترجعنا للزمن الماضي ~

الله ..الله
بجد اسلوووب وكلمااات في منتهى الروووعه
تسلميييييييين حبيبتي اسرار
ع النقل والذوووق الرفيع ياااقلبي
قريتها من قبل في منتدى ثااني وعجبتني كتييييير
يعطيك العاافيه يالغلا
ننتظر الجديد لك
موفقه

يعطيك ألف عآفيـــــــــه ع الطرح الروعهـ ،،،

لاعدم ،،،

عجبتني ^_^

لاعدم

تحيآتووو

من جد قصيدة جا جميلة يسلموا على النقل الموفق ولاعدمناك