اللابتوبات اللي فيها كاميرا//اعتذر منك أخي الكريم ...فالموضوع مكرر
نصيحة لكم من أعماق قلبي ..
تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل
كاميرتك عن طريق الرسالة الفورية <<< هذه ميزة بمسنجر بلس
واللي خلاني اكتب الموضوع هالسالفة :
يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟
وقالي سمعت عن البرنامج اللي يشغل كاميرا النت
قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<
يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو
خويي تحمس وجا يبي يطالع الا المسكين شاف نفسه وهو يبدل
يقول خويي الحمد لله ما اغمي علي ولما اخذ وعطىالولد
قاله اذا ما تبي المقطع ينتشر ادفع لي 1000 ريال شحن سوا ترسلها لي
طبعن خويي ما وافق لانه عارف ان الولد بيرجع له مرة وثنتين و3
الولد للاسف عمره 21 وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين
المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف
والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
او حطو عليها علك <<< الاخيرة فكرة هنود ما تلاحظون
حبيت أنبهكم وبس والباقي عليكم
الله يستر على خويي يارب
الله يعدم جهاز الولد راعي البرنامج
والله يهديه او ياخذ روحه ويفك الناس من شره
قولو امين.
انتهى.
للأمانة منقول
رد: اللابتوبات اللي فيها كاميرا
أخي الكريم...الحبيب 44
الموضوع قيّم جداً ومهم ويستحق الطرح..
ولكن ...اعتذر أن أقول أنه قد سبق طرحه..
بانتظار جديدك الموفق بإذن الله تعالى..
موفق لكل خير إن شاء الله تعالى..
..دمت بعين المولى الجليل..
