((الابوذية)) من الشعر العراقي الرائع ((شرح))

السلام عليكم ورحمة الله وبركاتة

اعزائي احب ان اوصل لكم نوع من انواع الشعر الشعبي العراقي

((((((الابوذية)))))))

1:تسميتها

جاء في سبب تسميت هذة النوع باسم الابوذية روايتين

الاولى

حيث قيل عن ها النوع انة ذا هم وقهر وابو اذية

والرواية الثانية وهي الاقل صحة من الاولى

ان اول من نظمها هو شاعر من بني عبود في العراق

لذلك سميت بالعبودية وبالاستمرارية اصبحت ابوذية

2: طريقة نظمها

هي مكونة من اربعة ابيات
اول ثلاث ابيات تنتهي بنفس الكلمة

((نفس الكلمة من ناحية اللفظ لكن بمعنى مختلف في كل بيت))

اما البيت الرابع فينتهي بالحرف الالف او اهمزة او التاء المربوطة

مثال

علي هوة الولاية ومنبع الها (((اي ان الامام علي منبع للولاية))

علي ما شرة الدنيا وما انباع الها (((اي ان الامير لم يشتري الدنيا ولم ينباع لها))

الزهرة من حماها ومن بعلها (( بعلها اي زوجها)))

غير ابو الحسنين حامي الحمية


مثال اخر

حلاوة وطيب للياكل من تمرنا ((( اي التمر العراقي))

نحب نسمع كلامك انت تأمرنا (( انت تأمرنا واضحة))

تميل البصرة كلها من تمرنا (( اي من تمر علينا ))

وألك شط العرب ياخذ تحية



مثال ثالث

وحق العين ثم اللام والياي ((اي وحق علي(ع) ))

عليك اسأل من الي راح والياي ((اي الجاي او القادم))

ولاني زماني شلون ولية ((الولية كلمة عراقية بمعنى هجم بلوة او بلية او ابتلاء))

اخذ مني حبيبي وخان بية



اتمنى ان تكونوا فهمتوها واستوعبتوا فكرتها

وهذي مجموعة ابو ذياتجميلة بحق امير المؤمنين علي بن ابي طالب علية السلام



وحك الطبرته وحــــده ولا ثــــــان
لا أول ولا ثالــــــــــث ولا ثـــــــان
علي الأصنام هدمهـه ولا ثـــــــان (( الاوثان))
أذاً هوَ الولي حامي الحميـــــــــه

.................................................. ..
علي يا ذهــب المصفــه وَيــــا در
علي منبع علم ربـــــــه ويــــا در
علي ويَ العلم يفتــــــر ويــــا در
مثل قطب الرحى الفره ســـويـــه
.................................................. .


وهذي ابوذيات متنوعة

يمتى من الحزن نفرغ ونخلة ((اي من الخلو او الخلاص من الحزن))

ينخلني الزمن بيدة ونخلة ((اي انخلة جاية من المنخل ))

خط انة وفسفورة ونخلة (( النخلة هنا يعني شجرة النخيل))

عراقي وما مزور بالهوية
.................................................. ................ز

سكاني الدهر من فركاك بس مر (( اي فقط المر))

واشهد ما شفت بدنياي بس مر (( اي شفت المرارة بحياتي))

رمش عيني افرشة بساط بس مر (( اي بس تعال النة او مر علينة))

لان شوفتك ترد الروح بية

.................................................. ..............

وانتظروا المزيد من انواع الشعر العراقي الجميل

قبلاتي

قيس الغزالي


تقبلوا مني ارق التحايا

وصلتني هذي الابوذية بالموبايل قبل ثواني

صطفاكم من خبث ربنة وسلم

أريد امسك حبل ودكم وسلم

لأن رب العرش صلى وسلم

عليكم كل صباح وكل مسيه

ننتظر المزيد ...
شكرا لمشاركتك ..

مشكور عزيزي على المرور اتمنى تكون عجبتك