السلام عليكم ورحمة الله وبركاته
http://www.mrb3.com/original/o8_%D8%...2%D8%B9728.gif
مافي بيت بدون تلفزيون ومافي أحد مايشاهد سواء كان كبير أو صغير
كل فئات المجتمع تتابع وفي بعضهم عنده أدمان متابعه لكن مو هذا موضوعي
ابي اعرض عليكم حقائق واسئله أبي رايكم فيها تتعلق بالمتابع العربي
للمشاهد اللي تنعرض كل يوم وتنعاد باليوم ألف مره ..
ببدأ بالأعلانات التجاريه بناقشها من كل النواحي اللي انا اشوفها بعرض عدة نقاط
أساسيه للطرح وبعدها بناقش كل نقطه ..؟؟
ببدأ بالفكره , المنتج , طريقة العرض , المتلقي
أول شي الفكره
مافي أي تجدد في الأفكار أغلبها تحمل بين طياتها أثاره
مافي فكره هادفه أو حتى تبين المنتج نفسه أغلب العروض مكرره..
المنتج..
بعض المنتجات مايحتاج لها تسويق أصلا زي المشروبات الغازيه
الكل يعرفها والكل يعرف وين يلقاها هي مشهورة ومعروفه ..؟؟
صحيح ان كل منتج يحتاج له ترويج لكن المفروض يكون فيه ضوابط وشروط
ماتتعدى الحدود اللي يرفضها مجتمعنا المحافظ ..
طريقة العرض ..
بنات x بنات سواء المنتج له علاقه او لا بس حتى يلفت الأنتباه
لازم يكون في جنس ناعم بالصورة مدري هو استغلال للمرآه
أنها تكون عامل جذب للمتلقي أو مجرد عرض للمنتج ..؟؟
المتلقي..
للأسف الشديد المتابع العربي يتصف بقلة الوعي او انه يتابع وهو مغمض
في نوعين من المتابعين متلقي يرفض مبدأ أن تكون الأثاره جذب للمنتج
ومتلقي يطلب هذا العامل للفت الأنتباه ..
ببتعد شوي عن المنتجات التقليديه نجي للأغاني او المسلسلات هي بعد تعتبر منتج
نشوف طريقة العرض لها وشلون ببدأ بالأغاني ان لم تستحي فافعل ماتشاء
مافي عرض هادف للكلمه او الأحساس من بداية الأغنيه للنهايه رقص في رقص
وياليت الرقص عادي الا مايكون فيه شي مغري ...!!
المسلسلات حدث ولا حرج مدري هو عرض مسلسل او فساتين ومكياج
المسلسلات الخليجيه كل يوم عن يوم تهبط اكثر والسبب الأبتعاد عن الفكر الراقي
والبعيد كل البعد عن عوامل الأغراء والشكل والمظهر اغلب المسلسلات الأفكار فيها بعيده عن قضايا المجتمع او مايكون فيها عرض واقعي وملموس لواقعنا المر
انا ماأطلب ان مايكون دور للمرآه في الشاشه اطلب يكون في احترام شوي للمرآه
كل اللي ينعرض منافي لدينا الحنيف ويدس افكار هدامه للفئه المراهقه او الفئه
اللي تعاني من احباط ونقص في الذات وتحاول تغطي الشي هذا بغلط كبير بدون مايحس
في النهايه كل هذا يؤدي للأنحراف بداية الأنحطاط فكره وأحساس عابر والأعلان ممكن يحمل
هذا الأحساس والفكره في النهايه ابي رايكم بعدة اسئله بطرحها ..
* الأعلانات التجاريه عرض أم أثاره ام تسويق للمنتج..؟؟
* برأيك تعتبر الموضوع هذا مشكله او لا ..؟؟
* اذا كنت تعتبرها مشكله ماهي الحلول المناسبه لوقفها ..؟؟
ممكن تقولون اني ابالغ بس ذي وجهة نظري ممكن تكون صح وممكن تكون غلط
الأختلاف في الرأي لايفسد للود قضيه ..
أعتذر على فلسفتي الزايده بس حاولت اتكلم بأختصار شديد لأن الموضوع اكبرمن مجرد
حروف انثرها بكل بساطه ..
..من خربشات قلمي..
"لكم مني أرق تحيه"
