قلت وشفيك وشبلاك يابنيه ترجفين

هذه قصيده لشاعر غير معروف لدي وجدتها في احد المنتديات واعجبتني وانقلها لكم اتمنى ان تحوز على رضاكم ..





شفتها يا سعود صدفه بعد ما غابت سنين عند قسم المختبر وسط مشفـى الجامعـه

جيتها ثم قلت ممكن في سؤالي تسمحيـن ناظرت فيني بدهشه نظـره متواضعـه

قالت انته تحسبني من بنـات صايعيـن تحسبني في زماني عن طريقي ضايعـه

قلت انا ماراح اطـول كلبوهـا كلمتيـن وابعدت عني شويه ثـم جتنـي راجعـه

قالت اسال واضح انك من رجال طيبين بس هرجك يالسنافي كان وشهو دافعـه

قلت انا حبيت وحده يوم كنا صغيريـن ومن ثمان سنين راحت للمواصل قاطعه

عقبها ماذقـت نـوم يهتنيـه النايميـن ساهر في طول ليلي لين شمسي طالعـه

اذكر انه فيه حبه فوق ثغره مـن يميـن واذكر انه لاجرينا كـن شعـره تابعـه

واذكر انـه عاشـق الـورد والياسميـن وصار قلبي بالورود اللي عشقها زارعه

قاطعتني بقولها سبحـان رب العالميـن كررتها مـره .. ومرتيـن .. ورابعـه

قلت وشفيك وشبـلاك يابنيـه ترجفيـن ليش عينك يابنيه مـن كلامـي دامعـه

قالت الموقف وقلبي والمحبـه والحنيـن كيف اشوفك بعد ماكنـت عنـك قانعـه

قلت انا بسألك ان كانك انتـي تذكريـن عن مواثيق ثمنها مـن حياتـي دافعـه

قالت ظروف الزمان ماتطيع العاشقيـن بيعوني غصب حبك لو هو ماني بايعـه

انا في دنياي حالي كنها حـال السجيـن حتى لو فكوا سراحه فيه شـي ٍ مانعـه

زوجوني غصب واحد وحرموني حاجتين السعاده في زمانـي والحيـاه الرائعـه

والحين انـا ام لثلاثـه ريـم وياسميـن والولد اسمه على اسمك والمشاعر جايعه

مشكور اخ سعيد على الكلمات الرائعه

شكرا أخي الحبوب لمرورك وتواجدك

مشكور اخويي سعيد على الشعر الرائع
والضاهر انه لكاتب رائع مثلك

تحياتي
الميج

شكرا أخي الميج وهدا من لطفك

هـي قصيـدة حزينـه فعـلاً ولكنـه واقعنـا للأسـف ..
ابدعـت في الأختيار ..
الله يعطيك العافيه .. وسلمت انامل الشاعر .. وبوركت انامك ..
وبالتوفيق ..

مع خالص تحياتي .. أختك My tears ..

مشكور اخ سعيد على النقل الرائع

شكرا أختي منال الدلوعة لتواجدك

مشكور اخوي سعيد على الشعر الحلو
تحياتي

مشكووووووووووور اخ سعيد

شكرا أخي قطيفي لتواجدك

الله يعطيك العافيه وتسلم يدينك على النقل
وصح السان كاتبها وبصراحه رائعه

تسلم أخي المستجير على تواجدك