في حق الزهراء عليها السلام -- من عندچ ضلع مكسور لو ضلعين --

بسمه تعالى

--------

صدگ يم الحسن هليتي دمع العين

من عندچ ضلع مكسور لو ضلعين

--------

صدگ تبچين ونتي المابچت عينچ

ومن كثر الحزن الله الذي ايعينچ

گالوا ينسمع يافاطمه اونينچ

وليل انهار من كثر الهظم تبچين

------------

لاتبچين دمعچ غالي لتهليه

وگلبچ بالالم يالزهره لتسليه

مو لجلچ سمائه الخالق امعليه

وباري الكون يغضب لمن اتغضبين

------------

اشلون اتجاسرت چف القدر عالباب

ومن صدرچ ضلع يم الحسن ينصاب

هوه لو جرح يافاطمه چاطاب

اجروح اهواي منهن ياجرح تشكين

-------------------
تشكين المصايب عگب سيد الكون

يالزهره ومندري يامصيبه اتهون

فگد المصطفى والحگچ ايغصبون

لو محد فزعلچ لمن اتنادين

-------------

ناديتي علي عنچ علي وينه

وشچان العذر مابينچ وبينه

مو ضلع المهشم شافته عينه

ويسمع چان من آلامچ اتونين

------------

ونيتي وگبل ماتغمض اعيونچ

ابظلمة ليل وصيتي يدفنونچ

گبل الموت انتي منخطف لونچ

المن زينب اتعيفيها والحسنين

-----------------

الشاعر الحسيني

سيد عدنان الحمامي