بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
//صرخه الاهات \\
لي عزة(ن) كنها حوت بعض الاشجار
اموت واقف ما انحني للهواني
انا عريب الجد من نسل الاحرار
بين الجدي وسهيل هذا مكاني
//صرخه الاهات \\
ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني
//صرخه الاهات \\
وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور
//صرخه الاهات\\
والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مــد الايادي
//صرخه الاهات \\
لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت
//صرخه الاهات\\
شيلي من راسك حكايه ترجعي مابقالك في فؤادي متسع انت جرح كان في طرف اصبعي
وابصراحه ماأذكر في اي صبع
//صرخه الاهات \\
شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
ما جيت ابي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني
//صرخه الاهات \\
آه يلي في نهاية حبنا انتي اللي بديتي
آه يا صدمة وياغلطة حياتي
كنتي حلمي كنتي فرحي كنتي ناسي
كنتي بيتي كنتي انتي الروح واغلى من غلاتي
ياكثر ماعطيتك وانتي اكثر من خذيتي
كنت ساكت ما اتكلم واعبر عن سكاتي
والمصيبه كل ما قدمت لعيونك نسيتي
ودي اعرف بس شي واحد
ويــــــن راحت تضحياتي ؟؟
//صرخه الاهات \\
حالي بعدكم حال من يطرد الثار
لأخوه .. واللي قاتل أخوه عمه
ابوه قال النار ماتطفي النار
وامه تقول اخوك لا يضيع دمه
زود على همه من الوضع محتار
يتبع رضى ابوه والا رضى أمه !!
//صرخه الاهات \\
تجيني مشتاق واقول ما أبيك
وادفن بقلبي طاغي الشوق كله
وان جيتني ولهان و الله لخليك
وازرع بقلبك في عنا الحب عله
//صرخه الاهات \\
مالي مزاج ..
ارجع اقلب دفاتر ..
اوراقها تجريح ..
وسطورها عتاب ..
مالي مزاج ..
انظر لصوره قديمه
فيها الملامح تضحك ..
بوجه كذاب ..
//صرخه الاهات \\
تظن في غيابك أموت من القهر والشوق ؟
لك الله من تفارقنا أحاول اذكر أوصافك
//صرخه الاهات \\
لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك
//صرخه الاهات \\
تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبلعنها وبلعن كل شخص لي يطريها
//صرخه الاهات \\
وشهو يعني لو نقض عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده تهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان
//صرخه الاهات \\
من قال لك قلبي مع السيل ينقاد ؟
صحح مفاهيمك وصحصح معايا
يا صاح لي قلب عن الكيف نشاد
ما يمشي إلا إذا قلت: هذا هوايا
أنا معك قلبي شراويه العناد
لـكــن ليا حبك يسوي سوايا
//صرخه الاهات\\
علم غرورك عزتي مالها حد
ولي وجه غير الود مابي تشوفه !
ايام صدك عدها لاخر العد
ونشوف انا والا انت يلقى الحسوفة !
//صرخه الاهات \\
قلبي اللي افرحه فارق اهل
المصلحه ..
بس اللي يذبحه
مانفع طيبي بهم ..
//صرخه الاهات \\
جيتني من بعد ما مات الأمل
تنتظر مني بعد أعطف وألين
أبتعد ما عاد أقدر أحتمل
طعم ظلمك بي وأنا مخلص أمين
لا بقى رجوى ولا طالب وصل
اختلفت ولا بقى عندي حنين
ما أحبك ما أكرهك وإنت البطل
صرت قاتلني بسيفك مرتين
//صرخه الاهات \\
قصدك إني اتنازل لك وأجيك
وانحني من عقب ما قلت الوادع
مثل ما إنت ماتبيني ما أبيك
المحبة مابها غش وخداع
روح دور لك على غيري شريك
وارتحل بالهم في دنيا الضياع
//صرخه الاهات \\
تخيل حتى لوقلبي بديت أشعر بتقصيره
قسم لأدور لك بداله قلب يعطي والعمر فاني
ولو إنك تفهم إحساس الغلا وشلون تأثيره
فهمت شلون ماأشوفك وأجيب اسمك على لساني
//صرخه الاهات \\
ضحيت لعيونك
وما تطلبه جاك
ياما تحملت التعب
بس لجل رضاك
تخطي وأسامح
كل زلة خطاياك
هذا جزى قلب(ن)
جفى الناس وأهداك
نفسي عزيزة قبل
أصادف محيـاك
وإذا قلتلك بسناك
والله لنـساك
//صرخه الاهات\\
ابعد وانا ابعد عشرتك عذبتني
ما اريدك ابعد خاطري منك مكسور
وليه يوم ان الظروف أجبرتني
تركتني وأنا احتري منكم الشور
//صرخه الاهات \\
برحــل وابترك لك بقايا أمانيك
غدرك عذاب حـال دوني ودونك
وخل الرفيق اللي غـدربي يسليك
وأذكر ترى من خان لأجلك يخونك
//صرخه الاهات \\
كان الخطا في عالمك
شي عادي !!
ماني من لو
لاجرحته ضحك لك ..!
//صرخه الاهات \\
يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني
//صرخه الاهات\\
لاتتأسف .. مــا أبي منك اعتذار
أبيك ترد أيام عمري مثل ماضيعتها
أبي أرجع مثل ماكنت(فلانه) شمعة الدار
اللي من عرفتك ( إنت ) انطفى نورها
وأبيك تسدد ديون(ن) غدت فرقبتك كثار
وماظنك لوقضيت العمر كله تحت رجلي بتسدها
//صرخه الاهات \\
مسموح ابعد عن هواي
مقدر اجامل واخدعك
أسمحلي لو تلقى سواي
غيري ترى ماينفعك
ظنيت بك شوقي ورجاي
والعمر اقضي به معك
والغالي ارخصته معاي
حسبي على من دلعك
//صرخه الاهات \\
منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي
طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي
شي مؤسف لو تخلا الخل عن خله وباعه
وانكر العشره وخان الود ذي له كان راعي
قمة المأساه لو صار الوفا مثل البضاعه
بالرخص ينباع ياسوء السلوك الاجتماعي
//صرخه الاهات \\
انتهت مأساة عمري في هواك
ما اصدق كيف ع الفرقى قويت
التسامح فات لاتنظر وراك
لاتخط بحسرتك الفين بيت
في الهوى الله يحسن لك عزاك
انعني واقبل تعازي من هويت
اعتذر ماعاد بي وقت معاك
انتهى حبك .. مع الحب انتهيت
//صرخه الاهات \\
شفت المقفي
وربي ما أتبعه لو خطوتين ..
واصبعي ..
هو اصبعي ..
لامن غدرني أقطعه ..
بسألك سؤال واحد ..
والجواب بكلمتين !!
لا صار قدرك والهوى خصمين
من تاقف معه ؟؟
يا أخي العزه كرامه
وأنت دايم مستهين
يا أخي ضرسك لو عورك
بذمتك ..
ماتقلعه
//صرخه الاهات \\
غرك زمانك والدلع والمياعه
ماعلموك اني على الضيم رجال
عيبي قنوع وميزتي بالقناعه
والجرح يلقاله مع الوقت شيال
//صرخه الاهات \\
حاولت في قلبي يردك وعيا
((عــــــــــافك))
ولا لي حلية(ن) فيه لا عاف
//صرخه الاهات \\
أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!
//صرخه الاهات \\
لو تبي تزعل وأنا ما أخطيت
ازعل وابتعد ما دامت الدنيا كبيره
//صرخه الاهات \\
يـا نجــم يالـلي تقول الناس من حدري
يـا صفقة الطيب .. عند البايع الشاري
يـا مـبدع بـطـعـنـتي .. يا ذوق في غدري
لله درّي .. و درّ الـصـدق بــأشـــعـــاري
عــرفــت قـدرك .. و لانـي جــاهــل بــقـــدري
مـشـكــور جــداً .. عـلــى تـقـصـيــر مــشــواري
//صرخه الاهات \\
مخلوق من طين
يرا الناس من طين
من قال
ياهذا !!
اناديه
ياهيـه
//صرخه الاهات \\
ماعاد لي قلب
يهمه حضورك
ولاعاد لي نفس
تحبك وتغليك
يعني كذا مليت
ظلمك وجورك
أنا لي الله وأنت
لك من يصافيك
//صرخه الاهات \\
نفسي عزيزه وافهم العلم لاهنـت
الـذل مايـومٍ بعمـري تبعـتـه
رفضت غيرك وانت بالحب مالنت
ياقرد حظي يوم غيرك رفضتـه
واذا الغلا يرجع على معرفة نت
انسى الذي بينـي وبينـك كتبتـه
// صرخه الاهات \\
لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت
لا مـت مـن صـدك ولا فــار دمــي
لأن الحكــايـة كلــهـا مضـيــعة وقــت
// صرخه الاهات \\
رفجه لاتطري الغرام انت في
عمري محطه مثل اوراق الخريف
هو صحيح كنت خلي كنت لي
اقرب وليف بس بروازك
تكسر واصبح بقلبي حطام
