نكات بتجيب وجع الرُكب
وحده تقول لزوجها اضبح خروفين بمناسبة مرور 25 سنه على زواجنا ....راجلها قال:وطيب شنو ذنب الخرفان في غلطه أنا ارتكبتها من 25 سنه..
فى اثنين أغبياء بتجادلوا فى طياره الأول بقول إنها طياره السيد رئيس الجمهورية والتانى بقول لا..مش طيارته...المهم بعد فترة اتفقوا عشان يسالوا اى واحد ماشى...فلقوا واحد اغبى منهم وسالوه دى مش طيارة الرئيس؟؟ فقال ليهم يا اغبياء طياره الرئيس بيمشي وراها مواتر
مراة مسكت حرامى فى المطبخ ونادى ولدها الصغير عشان ينادى ابوه من القهوة...فالراجل جاء ودخل المطبخ ولقى الحرامى صغيرونى...وساله...انت اسمك منو يا شاطر ؟؟فقال ليهو عصام...فبدا يضربه لحد ما عجنه خالص
اليوم التانى برضو مشت المراة فى المطبخ ولقت حرامى برضو...ونفس الشى الولد جرى ونادى ابوه...المهم لمن دخل المطبخ لقى الحرامى ما شاء الله طول وعرض وعضلات
المهم عاين لمراته وقال ليها طيب وين عصام؟؟؟ ؟
عراقى بسال صاحبه عن حال ابوه ولمن تذكر قال ليهو...لسع فى نفس المقبرة والا شنو؟؟
تهانينا بالديمقراطية الامريكية والانتخابات الحرة النزيهة والدستور العظيم وسنته المرجعية الايرانية وتخلصنا من مليون عراقى زائد عن الحاجة ومغادرة 3 ملايين سائح لدول الجوار...واحد مسطول بهنئ
صور مراسل قناة عراقية 15 جثة فى الشارع وعلق على الصور فى الجريدة بعبارة...هذه اكبر دعاية للارهابيين فالدنيا بخير وامان والناس نايمين فى الشارع
جوال العراق تقول رسالته المسجلة بان الرقم المطلوب يكون مهاجرا او داخل نطاق المقبرة يرجى التاكد من الرقم وقراءة سورة الفاتحة
عراقى دفعه خوفه على فاتورة الكهرباء علق يافطة فى البيت تقول... لا تضربوا الجرس فانا افتح الباب كل 5 دقائق
شايقى عايز يكلم زوجة الجعلى بوفات زوجها بحادث عربية..فقال ليها راجلك خسر قروشه فى القمار...فردت ان شاء الله يخس عمره..وتانى قال ليها ..واضطر يبيع البيت...فردت الله يضيع حياته..وتانى قال واتزوج عليكى كمان .فصرخت يا ريت اشوفه ميت...فهتف الشايقى وقال يلا يا شباب دخلوا المرحوم
مغترب نزل البلد وفى جماعة عملو ليهو عملة بفكى ووقفوا ليهو رجولته...المهم وصوه عشان يمشى لفكى فى الحلة عشان يعمل ليهو اللازم...مشى صاحبنا وقابل الفكى الغرباوى..وقال ليهو ما فى مشكلة ان شاء الله بس تدفع لينا 500 الف عشان نفك ليك...المغترب استغرب وقال ليهو يا اخى 500 شنو ؟؟ واصلا انا جاى افك جربوكس بتاع سكس ويل؟؟
واحد حلفاوى صلى صلاة الصبح ركعة واحدة وفى جماعة شافوه وقال ليهو يا اخى انت صليت ركعة واحة...فرد عليهم وقال وانتم ما عارفين حاجة اصلا انا خاتى لى كربون تحت المصلاية
غبى ضاع حماره وهو بفتش لقى حمار وحش...فقال قديمه دى يا شاطر ...بتخطط نفسك عشان ما اعرفك؟؟
مريض غبى بياخد الدواء متاخر...قال عشان يخلى الجراثيم على اعصابهم
واحد ندل عينوه مدير للدفاع المدنى قام خت صفارة الانذار لهزاز
مسطول سال صاحبه...وين اتولدت؟؟فقال فى المستشفى..رد عليهوسلامتك كنت عيان والا شنو؟؟
واحد بتاع بوبار ومدعى رومانسية...سالته واحدة.. وين بتدرس؟؟فقال فى الهيلتون
صاحب محل تصليح الاطارات سال صاحب العربية:كيف انفجر الاطار؟؟
رد عليهو وقال دوست زجاجة...فرد صاحب المحل :وكيف ما شفتها؟؟قال واحد حمار كان داسيها فى جيبه
واحد غبى بيته ولع فيهو نار وجاء ناس الاطفاء..وقال ليهم على الحرام ما تطفوا الا تشربوا ليكم حاجة
وبعد ما مشوا بمسافة..اتصل فيهم وقال..والله وحشتونا يعنى لو ما فى حريق الواحد ما يشوفكم؟؟
غبى كان مسافر مع اصحابه وفى الطريق للمطار كان بكرر جملة...يا ريت لو جبت التلفزيون معايا...يا ريت لو جبته
وفى المطار سالوه ...شنو لو جبت التلفزيون معاك؟؟قال اصلا انا نسيت الجواز فوق التلفزيون
مراقب فى الامتحان لاحظ انو فى تلميذ بغش ومشى جنبه وقال ليهو بالراحة كدا ..من غشنا فليس منا!!!فرد التلميذ وقال :من راقب الناس مات هماً
واحد ندل جدا طلق مراته وعشان يوصلها لبيت ابوها قام شغل العداد
غبى كان بلعب بقنبلة...فالجماعة قالوا ليهو يا اخى انت بتفجرها كدا ..اقعد ساكت...فقال ليهم ما مشكلة عندى واحدة تانية
استاذ سال تلاميذه من اخوات ان...فى واحد قام وقال..ان وأن ولعل وليت وكميت!
الاستاذ استغرب وساله من وين جبت كميت دى؟؟
التلميذ رد وقال هى من اخوات ان ولكن من ام تانية
فى واحد ندل مشى لحرامى عشان يعلمه النشل وهو يعلمه الندالة
الحرامى مشى سرق ليهو محفظة راجل وجاء وقال ليهو اها يلا علمنى الندالة
الندل قام كورك بصوت عالى ..امسكو الحرامى
مسطول ضرب عمود براسه ونزل دم ...مشى الصيدلية واشترى ديتول وجا مسح العمود بالديتول
