ما أحد له شغل .....أنا كبرت وصرت رجال

بسم الله الرحمن الرحيم

اللهم صل على محمد وآل محمد الطيبين الطاهرين
------------------
العبارة السابقة قد نسمعها كثيراً من المراهقين خصوصاً
سواء الولد أو البنت
....هو
..يجي بعد نص الليل ويدخل البيت ويشوف أمه أو أبوه جالسين يحارسوه
ويسألوه :- وين كنت ولاويش جوالك مطفى ؟؟
هو :- يعني من وين جاي قاعد ويا الشباب ، وثاني شي ما أحد عليه مني أنا كبرت وصرت رجال
وما نا جاهل تحارسوني

....وهي
....تأتي متأخرة من حفلة زواج ذهبت اليها حتى بدون أن يعلم أهلها -تقريباً - وتعود مثل ما يقولوا ...وش الصبح
ترى أمها تنتظرها وأبوها جالس على أعصابة
أمها وأبوها :- ويش فيش متأخرة لها الحزة ؟
هي :- ويش صاير يعني ، رحنا المعاريس وتعرفوا المعاريس وتأخيرهم ، وبعدين يعني أنا ماني صغيره حق تحارسوني .أني الحين مره وأعرف اللي يضرني وينفعني .

حقيقة نجدها من بعض المراهقين أو أكثرهم لابد أن تخرج منهم هذه الكلمة
لكن هل هؤلاء يعنون بالفعل بأنهم كبروا وليسوا صغار ؟؟
ولمناقشتهم وقد مر علي أنا شخصياً مع قريب لي هذا المنطق فقلت له :-صحيح أنت الحين كبير وصرت رجال وما شاء الله عليك تعرف مصلحتك
قال لي :- أيه هذا الكلام الصحيح
قلت له :-ما فيه مشكله بس دام انته صرت رجال فعليك مسئوليات مزبوط
هو :- كيف يعني
أنا :- إنت كبير وصرت رجال وتعرف
اللي ينفعك واللي يضرك
هو :- أكيد
أنا :- خلاص أجل ، يوم انت صرت رجال فعليك يا طويل العمر .....

- ما تاخذ مصروف من أبوك مثل الجهال
- تشوف لك سكن لحالك زي الرجال مو تسكن في بيت أبوك زي الجهال
- تغسل ثيابك بنفسك زي الرجال ولا توديهم المغسلة زي الرجال مو تخلي أمك تغسلهم زي الجهال
- تطبخ لنفسك أو تاكل من المطعم زي الرجال مو تخلي أمك تطبخ لك زي الجهال
- اذا صارت لك مشكله تتحمل نتائجها زي الرجال ، مو تتصل بأبوك وأمك زي الجهال

ما شفته الا واقف ويقول لي ....خلاص خلاص خلاص
أنا بعدني صغير ولا أعرف شي
وصلني العلم وأنا آسف والله
عرفت إن الانسان مهما كبر فهو صغير في عيون أمه وأبوه
فقلت له :- لا مو مثل اللي تتصوره بعد
قال :- كيف يعني
قلت له :- الإنسان مثل ما يريد إنه يستقل ، لابد له من تقديم الواجبات التي عليه لأهله
ويجب عليه مثل ما يريد يأخذ لابد له من العطاء لأهله ولو على سبيل الواجب لا الشكر لهما
فقال لي :- وصلني العلم

وأنتم أيها الإخوان كيف ستتصرفون اذا قال لكم أحد المراهقين والمراهقات بأنهم كبروا وصاروا

رجال ........أو نساء


فمان الله

[quote=واحد فاضي;675275]

بسم الله الرحمن الرحيم

اللهم صل على محمد وآل محمد الطيبين الطاهرين
------------------
العبارة السابقة قد نسمعها كثيراً من المراهقين خصوصاً
سواء الولد أو البنت
....هو
..يجي بعد نص الليل ويدخل البيت ويشوف أمه أو أبوه جالسين يحارسوه
ويسألوه :- وين كنت ولاويش جوالك مطفى ؟؟
هو :- يعني من وين جاي قاعد ويا الشباب ، وثاني شي ما أحد عليه مني أنا كبرت وصرت رجال
وما نا جاهل تحارسوني
اعتقد إن هذا يحصل من طريقة تربية الإبن ، ومن طريقة تعامل الوالدين معه وتعاملهما معه ،
يعني بعض الأبناء لما يكبر شوي .. يشيل الميانة اللي بينه وبين والدينه ، ويتعامل معهما كأنه يتعامل مع واحد من أخوته أو أحد من ربعه ،
يعني قد يسمح للأبن بالخروج مع ربعه وأصدقائه، بشرط أن لا يبقى لوقت متأخر خارج البيت ، ويجب عليه أن يعلم أبويه عن مكان تواجده والأصدقاء الذين سيرافقهم ويماشيهم ، ضروري جدا معرفة نوع أصدقاء وربع الابن ، فصديق السوء له تأثير كبير على سلوك الابن وانحرافه ، وإذا لم يتم مراقبته من قبل الأهل ، ستكون عواقب الابن وخيمة

....وهي
....تأتي متأخرة من حفلة زواج ذهبت اليها حتى بدون أن يعلم أهلها -تقريباً - وتعود مثل ما يقولوا ...وش الصبح
ترى أمها تنتظرها وأبوها جالس على أعصابة
أمها وأبوها :- ويش فيش متأخرة لها الحزة ؟
هي :- ويش صاير يعني ، رحنا المعاريس وتعرفوا المعاريس وتأخيرهم ، وبعدين يعني أنا ماني صغيره حق تحارسوني .أني الحين مره وأعرف اللي يضرني وينفعني .
عاد هذي صعبة شوي أن تحصل ... وإذا حصلت يكون الأهل هم منشأها ، فكيف يسمحون لبنت في سن المراهقة أو حتى التي تعدت سن المراهقة بالذهاب لحفلة الزواج لوحدها ، أو في حالة الذهاب لوحدها .. ألا يجدر أن يكون الأهل (الوالدان ، الأخوة) هم من يوصلونها لحفلة الزواج ، وهم أيضا اللي يرجعونها من هناك ؟؟؟
لأنه شيء مو معقول أن ترجع بنت لوحدها بنصاف الليالي أو قريب الفجر ، وهذا هو اللي يخلي البنت تتجرأ وتطول لسانها على أبويها ، ولا تحترمهما ولا تعمل لهما أي حساب في اعتبارها ،، ولين وقعت في المحظور ، بعدها ما ينفع لوم ولا يفيد اطلاق الصوت
(لين فات الفوت ما ينفع الصوت)

هذا مالدي قوله الآن بالنسبة للموضوع المطروح
مع تقديم الشكر الجزيل للمشرف القدير الأخ واحد فاضي
على طرحه هذه المواضيع التي تعالج قضايانا الاجتماعية
يعطيك العافية
ودمت بخير

مع تحياتي

هالعادة عند المراهقين زايدة
الي يجيك ماباقي الاالضرب ويضرب امه ابوه بسبب انهم سألوه ليش ؟؟؟
هذي العادة الحين عادية عند معظم المراهقين

البنت الي تتأخر برى البيتهذي تحدث قليل وهذا بسبب :
الاب مايدري عنها
الام تدري وساكته
السواق الي يوديها ويجيبها من دون ميعلم اهلها وين تروح وين تجي


تحياتي
مرتضى محمد

يمكن الشباب يقولون اكثر هالجمله .. لانهم يبون يحسون انهم كبروا .. لكن البنات ما راح يتاخرون لان المفروض البنت ما تطلع من دون شخص كبير .. فما راح تقول هالجمله عن الطلع .. لا بتقولها مثلا عن المكياج اللي تحطه بكثره او ذا ما كانت لابسه شيله عدله .. ما يدروون ان الكبار يبون يصيرون صغااار .. عشان ما يتحملون شي .. لكن شتقول .. الدنيا مقلووبه ..



ويسلموو اخوي ع الموضوع الحلوو .. والله لا يحرمنا منك ياا رب ..



تحياتي

في هذا الجيل صعب نتفاهم مع الجيل الصااااعد

الله يهديهم جميع إن شاء الله

مشكور على الموضوع