استفسار رحم الله والديكم

بسم الله الرحمن الرحيم


والصلاة والسلام على اشرف الخلق محمد وعلى ال بيته الطيبين الطاهرين



السالفه ان البيت بيروحون المدينة زيارة للنبي في اجازة عيد العمال الا هو بتكون يوم الاربعاء هالاسبوع ,

بس في خبر وما ادري اذا كانت اشاعه او صحيحة ان العملة السعودية القديمة راح يتكنسل تداولها من بداية شهر خمسة الجاي يعني بعد يومين

والعمله القديمة راح يخسرها كل واحد ما بدلها بالجديدة


هل هذا صحيح لو اشاعه ؟؟؟


لانهم تعبو يبون العمله الجديدة مو محصلين المبلغ الكافي للزيارة

وما في الا العملة القديمة



فعند جهينة الخبر اليقين

فقلت اسئلكم

ولكم رحمة والدين بتوضيح الامر لنا


لان حتى في المحلات عندنا مو راضين يتعاملون بالعملة القديمة

والله يرزقنا واياكم زيارة النبي يا رب

صررررراحه هذا الخبر اول مره اسمعه

و اتوقع انه يكون اشاعه

و الله اعلم

يعني حتى في الجرايد ما شفته مكتوب

تحياتي

والله ماادري خيوو
يمكن اشاعه
تسلمين حببتي
صوت الاكرف

مشكور خيو

وصراحه بعد مو داخل في مخي هالسالفه شلون يكنسلون العمله القديمة وهي لسه في السوق وسحبها من السوق مو بشي الهين والسهل

وما صار لها على حسب علمي العملة الجديدة الا وقت بسيط من اصدارها

وبعدين سئلنا الصراف يقول نفس كلامك انها مجرد اشاعه

نطلع من عنده نروح محل في السوق ومحل كبير ومعروف بعد ندفع لهم بعمله سعودية يرفض انه ياخذها بحجة ان راح تتكنسل

وطبعا ما يبي لها شي النسوان يسوون من السالفه قضية

ومو راضين يقتنعون انها مجرد اشاعه

, واكيد دام انه ما سمعت بهالخبر

الخبر كاذب اكيد

السلام عليكم ورحمة الله وبركاته ..

لأ خيتو الا سمعته ان بيبدوا يسحبوا العملة القديمة ..

من شهر 6 يعني مؤسسة النقد تسحب العمله القديمة ..

حق تشع الطبعه الجديدة .. وتصير اكثر ..

بس تداولها .. عادي تداول ابها مافيه اي اشكال ..

بمعنى انهم راح يأخدوا العمله القديمة لتتسع العملة الجديدة ..

وتداوله عادي .. هذا انا انروح الصرافات يطلعوا لينا القدم مو الجدد ..

فـ الوضع عادي ولا يحتاج ادورا الجدد مافيه مشكلة عندكم حتى لو بالقدم ..

دمتي بود

صوت الاكرف يسلمو خيه على الحضور


خيو شبكة كل الشكر لك على توضيحك

وخلاص تطمنوا الحين لما شافو ردودكم بعيونهم



يسلمو على سرعة الاستجابه

الله يخليكم ويوفقكم جميعا

بسم الله الرحمن الرحيم

ابنتي العزيزة

((نور الهدى ))

ان سحب العملة من التداول يحتاج الى وقت طويل

والدولة عندما تطبع عملة جديدة لا تستبدلها بالقديم

بل تسحبها شوي شوي وبدون ان يشعر المواطن

وتستبدلها وكل ريال يدخل الى مؤسسة النقد يستبدل

ويوضع مكانه من العملة الجديدة

وانتي الان تتعاملي مع دولة والدولة حريصة على ان لا تعم الفوضى

في المجتمع

ايضا لو ان هناك مهلة محددة لتبديل العملة لكانت الدولة قد عممت

الخبر على وسائل الاعلام وانتشر الخبر

لست اعتقد بل اجزم بانها اشاعة يتداولها الناس بدون معرفة

تحياتي لكي سيدتي

ابو طارق

اتوقع انه الخبر مجرد اشاعه مو اكثر

والدي العزيز ابو طارق


كل الشكر لتواجدك


وكلامك صح ومنطقي واي عاقل راح يكون تفكيره بمثل ما تفضلت

هذا ليس بشي السهل استبدال العملة


ولكن الناس الله يهديهم ما يقتنعو الا بطلعة الروح

يطلعون الاشاعه ويصدقونها ويعيشونها بعد



فلُور الواقع انه اشاعه ما في شك


ولو ما كتبت لكم وشافو رودود الاخوان بعيونهم ما كان صدقو بعد



كل الشكر لكم