،،,,،، حــوار بـيــن شـاب فـرنـسـي وفـتـاة سـعـوديـة ،،,,،،

[align=center] ؛¤ّ,¸¸,ّ¤؛°`°؛¤ بسم الله الرحمن الرحيم ¤؛°`°؛¤ّ,¸¸,ّ¤؛

قرر الأب اذا نجح جميع ابنائه يأخذهم في عطلة الصيف لفرنسا ... ففرحت ابنته منيرة عندما سمعت هذا الخبر فقد مضت مدة طويلة لم يسافروا فيها تقريباً من أربع أو خمس سنين ... المهم اجهدت منيرة نفسها في المذاكرة واخوانها أيضاً وجاءت نهاية السنة واثمر جهدهم بالنجاح وسافر بهم الاب الى فرنسا كما وعدهم ... كانت منيرة فرحة ولكن هناك شي احزنها وعكر عليها هذا الفرح كله واخلاقها كانت هي والارض واحد والسبب هو ان اباها شرط عليها ان تلتزم بلبس العباءة وعدم خلعها ... ( يا عباية يا مافي سفر )...

رضخت منيرة لشرط اباها وذهبت بالعباءة والحجاب فقط اما غطاء الوجه فقد تخلت عنه ( يحمد ربه بعد ) ..منيرة اول مرة تسافر من بعدما كبرت ففي السابق وعندما كانت صغيرة كانت تسرح وتمرح كما تشاء لصغر سنها ولكن الآن كبرت الفتاة واصبحت شابة ( ضبعة ) ... المهم تمشى الابناء في انحاء باريس وزاروا ضواحيها ومدنها والاماكن السياحية والترفيهية (ما خلوا قرنة في باريس ما اندعسوا فيها ) ...

المهم الابناء استشاطوا على اباهم غضباً والسبب في ذلك هو طلبهم للهذهاب الى البحر لكي يسبحوا ( مفكرين روحهم في ديرتهم ) ... وحلت الطامة الكبرى على منيرة!!!... كيف تذهب للشاطئ بالعباءة ا؟!... كيف ترى اخوتها يسبحون بفرح وهي لا ؟!!... طبعا ما بيدها حيلة غير الاستسلام للأمر الواقع والذهاب معهم ... ( الزبدة ) ذهبت اختنا وهي في قمة العصبية والقهر ( مطنقرة ) ... وبينما اخوتها يسبحون ويمرحون ( الله يبعدهم من شر عينها ) ذهبت هي على جنب وجلست لحالها ( من زين الأخلاق )... واخذت تتمنظر بالآتي والذاهب ( تمقل بخلق الله )...

وبينما هي كذلك لمحت ذاك الشاب الفرنسي ( الي موووت يجنن ) طويل...ووسيم... وجسمه مفتول العضلات ولونه برونز (لابس مايوه وشعره متروس جل خخخخ ) ... ونظارة أحدث موضة وارقى الماركات... نظر لها هو وابتسم ... لمحته وابتسمت هي الاخرى ( بغى يغمى عليها يوم شافت صفت اسنانه ) ... قام ومن باب الميانة مقترباً الى ان وصل بجانبها ( ارتز يمها ورز فيسه )... لو ترون حالها تتساقطون على الارض ضاحكين ( صايرة مسبهة ومفهية وهبلة وخبلة ومو عارفة ارضها من سماها ) ... ابتسمت وهي خجلة وأيضاً خائفة من ان يراها والدها وهي تحادث هذا الشاب الضخم ( خايفة يشوفها ابوها ويرجعها ديرتها خخخخخخ مو كافي حكرها بالعباءة يقوم يتفلسف )...

التفت لها الشاب واندفع بالحديث ( قام يرطن ابو الشباب ما صدق على الله وحدة تعطيه ويه ) ... طبعا هي لا تعلم ما يقوله هذا الشاب وكأني بها ثور الله في برسيمه لا تعلم ما يقوله هذا الشاب ولا تعرف ما العمل ( الاخت ضايعة في الطوشة ) ... هو رأها توزع له ابتسامات عرف انها لم تفهم عليه فابتسم سائلاً :

do you speak English?

...هو سأل ولا ما سأل بغت تحب راسه البنية ... على طول يييييس ...

ودار بينهما الحوار التالي:

- أبو الشباب: أنتي من وين شكلك مو فرنسية (أنواع المجاملة عيل هذا شكل فرنسية تتشمس بعبايتها؟!)

- منيرة: أنا من المملكة العربية السعودية ... ( وهي مغترة ورافعة خشمها عشان تبين له قيمتها ) ...طبعا لا تنسون إن كل هالبربرة بالانجلينزي.

- أبو الشباب: (وهو متحمس) كيف وصلتوا هنا؟

- منيرة: وصلنا من كم يوم عادي.!

- أبو الشباب: بس كيف عبرتوا البحر؟

- منيرة: أي بحر ما مرينا على أي بحر رحلتنا كانت دايركت الرياض باريس.

- أبو الشباب: (مستغرب) يعني ما جيتوا على بعارين؟؟!!

- منيرة: ( كأن احد مدغدغها ) أي بعارين انت تمزح جايين بطيارة و لا بالجديدة بعد أم شاشات (يا شين السرج على البقر) ... قصدها درايش خخخخخ

- أبو الشباب: عندكم طيارات؟؟

- منيرة: إيه عندنا ليه وش فاكرنا؟؟

- ابوالشباب: أنا اللي اعرف عن السعودية إنها صحراء قاحلة والناس يتنقلون فيها بجمال والحريم يركبون وهو متغطين على الجمال والرجال وراهم شايلين براميل البترول...!!! الخ

- منيرة: وين يا عمي وش ذا إحنا عندنا كل وسائل التكنولوجيا في ديرتنا... سيارات وطيارات وكمبيوترات وموبايلات(عاد أهم شي) وانترنت والشوارع متطورة وترى عندنا فيصلية ومملكة (هذي مب احسن تنطق تقابل فيصليتها ولا تفشلنا برى؟!)

- أبو الشباب: اجل آسف أنا فاهم شي و الواقع طلع شي آخر، بس أنتي ليه ما تسبحين؟

- منيرة: مقدر اسبح لأني محجبة ...

- ابو الشباب: اشوا انتي مو منهم؟

- منيرة: من مين؟؟

- أبو الشباب: اللي متشوهين ...

- منيرة: أي متشوهين؟؟؟؟!!!!

- أبو الشباب: الحريم اللي يغطون وجيههم عندكم متشوهين صح؟

- منيرة: لا طبعا أي متشوهين الموضوع مو تغطية بس ديننا هو اللي فرض علينا كذا درءاً للفتن ( يا عيني على الفلسفة وهي ما قبلت تروح وياهم فرنسا الا بعد ما فصخت البرقع ) أنا هناك أغطي وجهي مثلا أنت شايفني مشوهة؟

- ابوالشباب: لا أبداً أنتي جميلة ولونك حلو ، بس مو حرام جميلات زيكم يضطهدون؟

- منيرة: ليه يطصدو... يظهدون... يظطهون...المهم اللي هي من قال إن إحنا كذا؟؟؟

- أبو الشباب: مثلا ممنوعين من السواقة ...

- منيرة : مين قال لك إن إحنا أصلاً نبي نسوق كل حرمة وبنت لها سواقها الخاص نسوق ليه ( اغترت وتكبرت)

- أبو الشباب: طيب ما يقبلونكم بأي وظيفة بس مدرسة صح؟

- منيرة: الدولة الله يعزها ما توظف بناتها إلا في وظايف تناسب قدراتها مو بس تدريس .. البنت السعودية طبيبة وصيدلانية وسيدة أعمال وموظفة حكومية بس الأغلب في قطاع التربية لأنه هو الأقرب لطبيعتنا البنات.

- ابوالشباب: بس مانعينكم عن المناصب الكبيرة مخلينها للرجاجيل بس هذا لا تقولين لا ...

- منيرة: ( أخذتها العزة بالإثم وقامت تألف) من قال كذا أصلاً أنت ماخذ فكرة مرة سيئة عنا المرأة تتقلد مناصب كبيرة حتى أنا بالامارة خالتي وزيرة.

- أبو الشباب: متأكدة ؟ أنا اعرف إن السعودية ما فيها حريم في حكومتها ...

- منيرة: كل معلوماتك غلط قلت لك خالتي وزيرة ...

- أبو الشباب: شكرا على تصحيحك لمعلوماتي وبهالمناسبة أنا عازمك الليلة على خروجة ( يتصيد أبو الشباب)

- منيرة: وين عازمني؟ ( متشققة )

- أبو الشباب: فيه بار جنب بيتنا أمرك ونروح له ...

- منيرة: ويييييين إحنا ما عندنا هالشغلات إحنا مب حقين بارات ... ديننا محرم علينا الشرب والرقص والاختلاط والتبرج أولًا وبعدين حرام اطلع أنا وانت لوحدنا هذي تسمى خلوة ...

- أبو الشباب: يعني ايش خلوة ؟؟

- منيرة: يعني بنت وولد ما يعرفون بعض ولا محرم لها يجلسون في مكان لوحدهم ...

- ابوالشباب: طيب وأنتي الحين قاعدة معي هذي مهي خلوة ؟

- منيرة: لا هذا مكان عام ما فيه حواجز ومليان ناس ...

- ابوالشباب: عالعموم أنا اكرر عزيمتي ...

- منيرة: وأنا اكرر رفضي ...

- أبو الشباب: ترى إذا قمت ما فيه تغيرين رأيك ...

- منيرة: لا ابداً ...

قام أبو الشباب ومشى خطوتين وبعدين رجع لمنيرة وهي على جلستها وانحنى عليها ونزل نظارته على طرف خشمه وطالعها بعيونه وقالها بالسعودي:

-اجل خالتك وزيرة هاااه؟؟؟!!!

- لكل بنت سواق وعديتها لك بمزاجي لكن هذي قوية ...

طلع الشاب سعودي وفشلت البنت ههههههههاااااي

http://www.rmooosh.net/up-pic/uploads/05101083d2.gif

تحياتي [/align]