عــــــــلاقـــــــــــاتــــــــــــي

طبعا القصيده هذي جديده ولم يسبق لها النشر

كثير اللي يرمون البهتان على الناس ويتهمونهم بااشياء ليست فيهم ودئما الانسان اذا كان في حاله يحتار فيه الناس هذا مااردة توصيله في هذه القصيده

تتهمني في علاقتي وانا اللي معك وافي
وانت تدري ان نسيانك مهو بذيك السهوله

آآه لو فكرت في دمع نزل على الخد رافي
كان ماطاوعك سوء الظن في شي تقوله

بس قلبك كان صحراء مجدبه جاها جفافي
ماارتوى من نبع حبي يوم فاضت لك سيوله

من كثر مااغليك كان الحكي يطلع باارتجافي
من كبر قدرك احس الحكي مايقدر يطوله

ايه احبك وان حصل مهما حصل ماني بنافي
ان حبك كان غايه والشرف لي في وصوله

وماينزل من مقامي صدق قولي واعترافي
لو طموحي ماوصل غايته واعلن عن افوله

وكان قصدك بتهاماتك دلايل باانحرافي
وتعتبر طعنك بظهري كنك محقق بطوله

دامني مااخطيت في حقك مايلحقني خلافي
وكلمة البهتان اصلا ماسلم منها رسوله

وان رجعنا للحقيقه معدني في الاصل صافي
ومن وهب للحب عمره صعب يسعى في نزوله

عاد انا بعلمك لاصرت بايعني وعزمت التجافي
اشكرك من كل قلبي وقول عني ماتقوله

صدق انا الخسرا ن لكن ماحصلي منك كافي
العزا في اللي سكن قلبك واعيونك بكوا له

اما انا عندي العزا لاقلت بك شعري وقافي
لاكتبت الشعر والجمهور حولي صفقوا له

عقرب

يسلمووو خوي عقرب
تحياااتي
صوت الاكرف

وأنا أصفق لكـ لإعجابي بما قرأت
وكل الكلمات حارت بين قوافيك
أخي العقرب
أهنئك على صياغتكـ الجوهرية
وكلماتك الرنانة،،،،
في إنتظار كل ماهو جديد لديكـ
إلى ذلك الحين
تقبل تحيتي ومروري

نســــ الذكريات ــــيم

يسلمو على الكلمات الرائعه يعطيك العافيه