هجير الصمت

يا هجوس الفكر قولي وش مصير
من شرب ليله هواجيـس النهـار
مابقى فينـي مـن الفرحـة كثيـر
ومابقا مـن زود اتراحـي كثـار
وش يفيد النور في عين الضريـر
دام عينه في وسط صـدره منـار
وش يفيد الحلـم والواقـع مريـر
غير حسرات على شكـل انتظـار

هاجس الفرقى علـى بالـي نذيـر
يجلد احساسـي ويسقينـي مـرار
كم دمحت الذنب وأنسى في الأخير
انّك المخطي وأجي كلـي اعتـذار
وكم شربت الصمت في عز الهجير
من رحم هالصمت يولـد انفجـار
نزف جرحي في وسط قلبي خطير
ياجيوش الحزن شيلي هالحصـار
يهلـك الخفـاق حـزن ويستثيـر
نظرة الاشفاق في عيـن الصغـار
وش هلكني غير نظرة من صغيـر
يرأف بحالي وأنـا حالـي دمـار
قسوة الدمعه على الرمش الكسيـر
تشبـه لنظـره وراهـا انكـسـار
وبسمة الأحزان فـي فـم الفقيـر
بسمة (ن) تخفي وراهـا احتقـار
ولو تعثر خطوتي وشـو بيصيـر
دام كبواتـي تـوازي احتـضـار
كبريائـي مـا يأثـر بـه كبـيـر
ولا صغير القوم اثر في الحـرار
واللي يطعن في الظهر طبعه خطير
في دروب الـذل والأحقـاد سـار
ما على الغيمات من نبـح الحقيـر
دام همّالـه تسـكّـب بـازدهـار
في النهاية اسمع اسمع يـا غريـر
من عرفني حـط مليـون اعتبـار

رافعة راسي وفي الضيقة أصيـر
شامخة رغـم الأسـى والاندثـار

منقووووولhttp://www.khwater.com/vb/images/smilies/36_3_11[1].gif ~*¤ô§ô¤*~*¤ô§ô¤*~