رسالة للوالد القائد لا أحد يتدخل بيني وبينه !!

أوجه رسالة للوالد القائد خادم الحرمين الشريفين حفظة الله وأطال في عمره
من واجبات الأبووووه أن الأب يستمع لصرخات أبنه وضمه على صدره وإذابة كل آلامه
والملك زي ابوي،، لأحد يتدخل بين أب وطفله

خلوني أتكلم وافضفص
@ @ @
@ @ @
ابشرك يا خادم الحرمين الأسعار مضبوطة والمواد الغذائية متوفرةما نقصنا بس إلا الخبز يرفعون سعرهوخذ عندك بعض الأسعارقشطة المراعي صارت 4 ريالحبة المظبي 22 ريالالكفرات ارتفعت 30 بالميهالأدوية 25 بالمية
تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلةيقدرون الكرافت السايل مع الصامولي الببسي صار 20.5والأيجارات أرتفعت وقسايم المرور زادت الحمدلله على النعمه أمن وآمانالله لا يغير عليناحتى رز ابو كاس ارتفع
لا وازيدك من الشعر بيت رزمة الكراث والبصل صارت بريالين شفت شلون حنا بنعمه

@ @ @ بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه ونعطي لبنان مليار ونص دولارونرسل لمصر المعونه السنويه
تعرف ماشاء الله حنا.. من كثر الفلل التمليك.. الناس صارو يأجرون ببلاش ممكن طلب طال عمرك.. ابي سلف 12000 ريال عندي دين اسدد فيه لي سنه ولا خلص.. كل شهر 500 ريالالله يرحم حالنا والله..

@ @ @
ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولارورصيدي أيضا حطم الرقم القياسي في نفس اليوم وصار فيه 17 ريال ا لحمد لله شفت كيف أنا بخير

@ @ @
أحب اطمنك صرنا نسوي رجيم غصب عناتعرف اللحم ما عاد نعرفه حتى الدجاج ما عاد نأكله صرنا رشيقين تسمع بالكرش ما عاد نشوفهاتسمع بالبطن اللي لاصق في الظهريوووووه في كل مكان نشوفهنم قرير العين الشعب بخيرلاتتعب نفسيا ودور في النت توأم تفصلهم توائمنا ليش ينفصلوووصلة الرحم زينه خلهم يتشابكون طول العمريمكن لو فصلناهم يتهاوشون ويفترقونخلهم متشابكين في جسد واحدالله لا يغير علينا

@ @ @
ابشرك طال عمرك شعبك تطوراستبدل البكاء بطعم الملح ببكاء بطعم الدمآآآآآآآآآآآآآآه يا حلو مذاقهودك تجربه؟؟انا أقولك وشلوننظف منزلك من حليب الأطفال نظف جيبك من الفلوس نم ومخباك فاض يخل زوجتك تصح يك من النوم قبل الفجروتقولك أن طفلك ما عنده حليب دق الشماغ ولف على جيرانكدور سلف.. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستلعن اليوم اللي انولدت فيه عندها ستلعن اليوم اللي انولد طفلك وصرت مسؤول عنه عندها ستضمه وستبكي من القهرستنزل دموعك وتحس بطعم الدم في حلقك
@ @ @
تذكر طال عمرك يوم حنا صغار وش كانو يقولون لناكانو يقولون الرجال ما يبكي عيب تطلع دموعه صرنا نصيح عاديالبكاء صار ملازم لناوالسبب كومة لحم (أطفال ونساء) في رقبة الواحديبكي لأنه عاجز عن توفير الحياة الكريمة لهم
@ @ @
بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنامعناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيهامعناها أمور كثيرة والله الساتر

ايه والله اخوي ماقلت الا الصحيح



السعوديه تتصدق على المجاعات والفقراء في الدول الاخرى وناسيه شعبها الفقير الجائع



تساعد الدول بالملايين و عدها آلف الملايين من الشباب بدون وظيفه



وغير هالمسخره يرفعو رواتب موظفين الحكومه كم ريال ويزداد غلاء المعيشه ضعف الاضعاف وغيرها ... وغيرها ...




رسالتك في محلها لكن تقول لمن ؟ وتتكلم مع من ؟ لاحياة لمن تنادي .. مانقول غير الله المستعان

لا حول ولا قوة الا بالله العلي العظيم


حسبي الله ونعم الوكيل

يا مهدي ادركنا

اشكر مروركم الجميل
وما نقول الا الله يعين

من كلامك يااخوي موقاادره اعبر عن شي بس كلمه وحده الله بيسمعها قبل المرسول اليه..
حسبي الله ونعم الوكيل على كل ظالم اول ماظالم اهل بيت محمد عليهم السلام..
الله يعينك ويعين الجميع..
لاعدمنا جديدك..
تحيااتي..

بالله المستعان على كل حال

يسلموا فضول على الطرح الموفق

تحياتي

اقتباس:

---

المشاركة الأصلية كتبت بواسطة شذى الزهراء

من كلامك يااخوي موقاادره اعبر عن شي بس كلمه وحده الله بيسمعها قبل المرسول اليه..

حسبي الله ونعم الوكيل على كل ظالم اول ماظالم اهل بيت محمد عليهم السلام..
الله يعينك ويعين الجميع..
لاعدمنا جديدك..
تحيااتي..

---

اشكر مرورك الجميل اختى

اقتباس:

---

المشاركة الأصلية كتبت بواسطة LUCKY

بالله المستعان على كل حال

يسلموا فضول على الطرح الموفق

تحياتي

---

اشكر مرورك الجميل
لاخلا ولاعدم