الله يخليكم لا تستهينو بطيحة الجهال

قصة حقيقية
نقلتها اليكم من منتدى أنا مشارك فيه واللي كاتبة القصة هي نفسها صاحبة القصة وأم الطفل وهي مشرفة في المنتدى اللي جبت منه القصة
عشان كدا القصة مكتوبة على لسانها



بسم الله الرحمن الرحيم

بذكر لكم قصة الغالي اللي رحل عني وتركني فهالدنيا الغداره.

في يوم ملجة عمته الصغيره طرشته ويا أبوه علشان يلعب ويا عيال عمته اللي فسنه كانت ملجة رياييل والحفلة فاليوم الثاني من بعد ما خلصت ملجة الرياييل زوجي حب يقعد ويا أهله ويسولف وياهم وتأخر لين 12:30 بعدها دخل علي وقالي شوفي ولدج خبروني انه طايح قلت له وين طاح بالضبط قال مادري؟؟؟

المهم أنا سألت الغالي وين ماما يعورك بس للأسف ما جاوبني بعد ما غيرت ملابسه خليته عند أبوه علشان يرقده شوي ورجع عزكم الله هوه قبلها كان قالي، غيرت ملابسه وحطيت له فكس على جسمه كامل ورقد عادي وما كان أبد متغير فاليوم الثاني الصبح كنت أبغي أروح الصالون علشان أتحنا قلت خل أعطيه الماي شوي قبل لا يقوم لأنه ما يحب يشرب وهو واعي ييت أبطل حلجه كان شبه متجمد يابس استغربت شفيه الولد رشيت عليه الماي بعد ما يرد شلته وغسلت ويهه أكثر بعد ما جاوبني اتصلت لأبوه وديناه الطواري وهنا عاد الصدمه قالنا الدكتور (نزيف في الدماغ) من علاماته ترجيع والورم بين الصبح ما كان يتحرك مجرد تنفس بس وإذا قرصت أطرافه يحركها لأنه في غيبوبه المهم نقلنا على مستشفى ثاني وسووله العمليه يقولو تنظيف للدم المتجمع لكن الدكتور غلط وسكر راسه من بعد العمليه وهذا الشي أدى لأن حالته ادهورت أكثر عشرة أيام كنت فحاله الله العالم فيها من بعدها سألت ربي ان يرحمه برحمته ويغنيه عن رحمة غيره لأن عنايتهم كانت .... كلمة سيئه شوي عليهم والحمد لله رجعت البيت شوي أسمع زوجي يرد على الموبايل المستشفى طالبينه لأن الغالي انتقل إلى رحمه ربه .

سنتين وثمان شهور وأول فرحه مولود وأطباعه غير عن اليهال (ربي يهنيك بالجنه حبيبي).

نصيحتي لكل أم انها ما تستهين بطيحه الياهل وان ما ترقده تحاول اتخليه يلعب أويصحصح لين ما اتحس انه عادي وإذا رجع من بعد الطيحه خاصه على الراس لازم اتوديه المستشفى على طول.

يمكن اتقولو عني ام مهمله بس والله يشهد علي اني امداريه عيالي وفي عيوني بس إذا الله أراد شي (إنما أمره إذا أراد شيئاً ان يقول له كن فيكون).



سبحان الله وبحمده. سبحان الله العظيم

مع حبي وتحياتي

مشكوووره اختي

يسلموخيتو ع الطله نورتي

يسلمووو وردة البستان على التحذير والقصة ..
بارك الله فيكِ
تحياتي
الأمل البعيد

يسلمو خبتو ع الطله نورتي

مشكورة خيتو ع التنبية ...
جزاك الله الف الف خير ...

لا حول ولا قوة الا بالله

مشكورة خيتوووووووو وردة البستان

لا حول ولا قوة الا بالله

مشكورة اختي على التنبيه الاطفال يبغا ليهم يقظة وحذر واهتمام . وما نغفل عنهم لحظة والله يحفظهم من كل شر وسوء.

مشكووره يالغلا ع التحذير والقصه


الله يعطيج العافيه


تحياتي