وإحجي عن ما صار في طـَف كـَربلاء/لسان حال ابا عبد الله وصية للسيدة الصابرة زينب ع

وإحجي عن ما صار في طـَف كـَربلاء
شعر:فاديا الخفاجي
من هوانِ إلدنيا أنَّ يـَحيـَى جاء
مـَلـِكٌ بـِرأسـِهِ لـِحْدى إل بـِغاء
وانه حـَزّوا لـِيـَّه راسي إب كـَربلاء
وإنهـِدَه إب طاسـَه ذَهـَب لـِل طـُلـَقاء
يوم طـَفـِّي مايـُشابـِه يوم...لـَخ
صـُبـَرِت لاكـِلـِت آه اولا...أخ
فـُقـَدِت وِلدي اورِفاقي اوكـُلَّ أخ
باقي مـَنحورأنا مـَسلوب إل رِداء
ثـَلـَث أيام آنـَه باقي عل رِمال
قلبي نادى بو الفضل خويه تـَعال
سـِبـَوا إل نـِسوان ...شـَدَّوا إل رِحال
صح لـِسان إل كال ...كـَرٌّ وبلاء
ياعقيلة بـَنوا هاشم إصبري
وإب أمـُر مـَعروف دومج اُئمـُري
في رِحاب اُمنـَه وَبونـَه أبحـِري
وإنتي بـِت فاطـِمـَه حـُجـَّة لـَتـْقياء
شوفي إنتي اوشوفي ذاك إبن إل دَعي
مـِن تـِطـُبـِّي إلشام راسج إرفـَعي
جـِنتي مثل إحسين من جـِنتي مـَعي
إولا تـِخـَوفـِج بـَهرَجتْ إبن البـغاء
منطـِقـِج مـَنطـِق عليّ إمـْن إيكول حـَق
صـَلبي قـَلبـِج بـَيـِّني مـِنهو إل أحـَق
هـَل وِلايـَه إمن الله مو خـَتـْم اووَرَق
اوطـَلعي كـِذبـَتْ ذاك إبن إل أدعياء
إحجي لـَهل إلشام عل صارَوا وُصـَل
اوعـَل نـِكـَر رَبنـَه إب "وَلا وَحيٌ نـَزَل"
جـَن كـَلامـِج خـَيتي قـُرآن اونـِزَل
يا حـَفيدَتْ أحمد إبن إل نـُجـَباء
إستـَعيني بالله ...بـَيني مـَقصـَدي
من طـِلـَعتْ إل كـَربلا في مـَوعـِدي
اوليش أضـَحـِّي إب كل دمانه اووَلـَدي
خـَلـِّي يـِتـْعـَلمون ما مـَعنى إل فـِداء
دين رَبنـَه لازم إيضـِل لل أبـَد
نـِفدي دَمنـَه بس لـَجـِل واحد أحـَد
خـَل يـِعـَرفون إنـَّه ما واحد خـِلـَد
بـَس إله إل كون يـَللي بـِل سـَماء
لاوَجاهـَه تـُبقـَه لافـِلـْس أووَلـَد
اولامـُلـُك رَي أوحـَمـِص أو أي بـَلـَد
بيد إله إلكون كـِل شيء إنوِجـَد
اوبيدَه يـُبقي اوبيدَه يؤمر بـِل فـَناء
إتحـَمـِّلي إل حـَيصير كـِدّامـَه إل يـَزيد
ذِلـَّه لال أحمد يـَخـَيتي هـُو يـِريد
حـَسـِّسـِي كَم هـُو ضـَعيف إبن إل عـَبيد
وإحجي عن ما صار في طـَف كـَربلاء
خـَلـِّي يـُعـرف شِنهو حـَجمـَه إبن إل لـَصيق
شارِب إلخـَمر إللي عـُمرَه ما يـِفيق
إلراح يـِهدم كـَعبـَت الله إب مـَنجـَنيق
حـَسـِّسـِي بـِل ذِلـَّه لـِبن إل رُعـَناء
يا اُخـَيـَّه أيامـَه ماهـِي إلاّ عـَدَد
يا اُخـَيـَّه مـُلكـَه ماهـُو إلاّ بـَدَد
يوم يـُحشـَر لاحـِمى لـَه اولا مـَدَد
اوحينـَئـِذ يـُعرَفْ مـَكان أهل إلعـَداء
مارُبـَح يـَل تاجـَر إب دَمنـَه إل يـَزيد
يـِملي جـيسـَه إب ذَهـب اوفـِضـَّه يـِريد
شايل إل راس إلمـُحَجـَّب اوسـَعيد
خـَل تـِنـِفعـَه إفلوسـَه من بـَعد إل فـَناء
خـَلـِّي يـِفرَح ذاك أبو جـَنـْت إل أرِض
رَي يـِريد اوراح يـُدفـَن بـِل أرِض
لاشـَرَف راعى ولادين أوعـِرِض
باع نـَفسـَه للطـُغاة إبلا عـَناء
يا اُخـَيـَّه احنـَه مـُحـِبـِّينـَه كـُثـُر
راح يـِحيون إلمـُصيبـَه لـِل عـُمـُر
ناس تـِحيي بـِل لـَطـُم لو بـِل طـَبـُر
لو شـِعـِر ولـْعين تـِحمـَر بـِل بـُكاء
تـِحمـِل إل رايات تـِطلـُب بـِل ثـَئـِر
إب رَكضـَه تـُطلـُب ثار كـَفـَّين او نـَحـِر
تـِهتـِف إل مـَهدي إلْ يـِقوم إب هـَل أمـُر
إلـياخذ إب ثار إللي طاح إب كـَربلاء
وحـْنـَه يا خـَيـَّه إللي نوكـَف عـَل سـِراط
جـَنـَّه لونار إل أمـُر بينـَه يـُناط
ماكو فـَرقْ إب بين فـُقـْرَه اوبـِن ْ بـِلاط
وِل يـِوالونـَه يـَخـَيتي إ ل سـُعـَداء