أمين و أماني ...

أخواني وخواتي اقرأوها وان ماعدت من الخواطر لاتلوموها

(لأني ماعرفت وين أصنفها)...

أمين :يمه أبطلب منك طلب؟

الأم : بشرني بأحلى طلب من أغلى ولد ...

أمين : نويت أتزوج عشان تشوفي أحلى حفيد...

يبهج الخاطر ويخلي الفرحه في بيتنا تنعاد من جديد...

الأم: ابتسامتها عريضه وتقاطع ولدها بالكلام،،، وتقول: أكيد تبي بنت

عمتك جنه تعيش لك كنها حور وانت معها بأحلى جنه ،، ويابختك فيها

ماتفارقها ريحة الخنه...

أمين لأمه : لا يايمه أبغى بنت الجيران أماني ...

الأم :تقاطعه بالكلام بغيت إيمان بنت أختي ، يازينها وهي معي تحكي

دايم ماكانت عنك تلمحلي ( أمين رجال) وماحد عنه يقدر يستغني...

أمين لأمه: قلتلك يايمه أماني بنت الجيران اللي ورانا...

الأم : ولاكنها تسمع ... طيب وش رايك ببنت خالتك جميله ؟

طويله وشقراخدودها مثل التفاحه الحمرا...

وأسنانها حب رمان شوفتها تشفي الوجعان...

جمال ومال وعزة بصراحة ماعليها خلاف...

أمين : بعد الشقا، اسمعي يمه وش بقول : أبغى أماني بنت حجي يعقوب..

الأم : والشرار يطاير من عيونها: أمانيوه بنت أمها (مد ينه )اللي من

عرض الباب ماتطلع هالسمينه!! وتواصل الأم ديني ودين شوفتها ماأقدر

أواصلها...

أمين : يايمه أنا أبغى أماني مو أمها...

الأم : وبعدين ياولدي أبوها سماك ريحة الزفر في ملابسهم والقطاوة من

زفرهم ماتفارقهم...

أمين:تقولي أبوها سماك واليوم اللي أقبل فيه الحوش والغدا سمك

تبشريني بالسمك،، وألحين تذ مي صياد السمك ؟؟

الأم: في حيرة وغضب ،ياولدي جدها كان اسكافي يصلح نعل الناس وهو

يمشي حافي...

أمين: جدها شريف وموعيب فقره، أنجب أشراف مشوا دربه...ولولا جدها

يايمه مامشيتي على الأرض ولاخطوه...

الأم :ياولدي أختها ماتنجب مرت سنين ولاجابت ولد يحمل اسم جده...

أمين بعد أطول نفس: يايمه كل شي يجي باذن الله وحرام في عرض ونسب

الناس نشتري ونبيع يايمه...

أنا بغيت البنت بأخلاقها بحشمتها وشيمتها خجوله ويازين خجلها، مو مثل

ماقلتي وتباهيتي ببنت العمه جنه، تحط الحنه بايدها وتمشي في الفريق

وتتغنى...ومثلها إيمان وش لي ببنت ماخلت الخجل يعرف دربها تتكلم عني

وكني (المصون اللي بيكون زوجها ولد عمها )،ونفس الحال جميله ياليت

جمال الشكل يسوى ومهما كان على الأخلاق مايقوى...

أماني منية أمين من وصلي فيها لاتحرميني يايمه...

وسلامتكم عساني ماطولت عليكم بس حبيت أخليكم تنظروا في واقع الكل

يشوفه في بعض الأمهات اللي يحكموا رايهم في اختيارهم لزوجة الابن...

عساها تعجبكم...

في الحقيقه أنا معك لم أُميزها .. هل هي خاطره أم حوار ..

ولكن زينها أسلوب رائع بالفعل .. وفي بعض فقراتها السجع زاد من جمالها ..

وهذا دليل على روعة وجمال روح كاتبها ..

أحيي قلمك أختي الغاليه .. شمعتك أنا .. بالفعل أبداع رائع .. ومميز ..

سلمت أناملك .. وننتظر أبداع آخر ..


مع خالص تحياتي .. أختك My tears ..

|69| أختي ماي تيرس ،،، أشكرك على التعقيب الحلو ، عسانا ماننحرم منه ، وان كنت ماأبدعت فتعقيبك الحلو

له تأثيرللابداع في المستقبل تسلمي وماقصرتي وموفقين جميعا...

اخيه ابدع قلمك
الفواح واحسنت
في الكتابة المشرقة
جميل ما اوجدته لنا
نشكرك من كل قلب
ودمتي في حفظ الله


تحياتي
بحر الشوق

|69| أخوووووووووي بحر الشوق تسلم على الاطراء الحلو ووجودكم الأحلىىىىىى، وموفقين جميعا ودائما...

تسلم يدينك والله يعطيك العافيه

شمعتك انا

رائع ماكتبتي

لك بصمه خاصه واسلوب مميزفي الكتابة

اتمنى ان تستمري على نفس الاسلوب

بصراحه تعجبني كتاباتك
http://www.al-wed.com/pic-vb/114.gif
استمري وننتظرالأفضل

موفقه حبيبتي

شمعه

|69|

[grade="DEB887 D2691E A0522D"]
أخوي المستجير تسلم على مرورك الحلو، والله يسلمك ويعافيك وبالتوفيق للجميع...

أختي (شمعه) الحلوه

تسلمي لنا وماننحرم من طلتك البهيه وكلامك الحلو اللي جاي من أحلى شمعه ومرورك المميز، وموفقين جميعا...[/grade]