مسجـات شعـرية

انام الليل والاقى نفسي احلم بك
واتخيل اني معاك وجالس قبالك
وتقول انا اموت في قلبك ومعجب بك
واصحى وانا اقول يا قلبي يتهيأ لك
.
.

ما يصير انساك لا ما يصير
وفي خفوقي لك معزة واحترام
قبلك الدنيا مثل حلم صغير
وعقبك الدنيا غرام في غرام
انت مثل النور في عين الضرير
لا لمحتك ما بقى حولي ظلام
فيك عمري فيك روحي والمصير
فيك كل ايام عمري والسلام
.
.
ماني على فرقاك يا صاحبي راضي
حسبي على من تسبب بيني وبينك
مهما حكمت الظروف بحكم قاضي
اشهد ان حياتي بين ايدينك
.
.


العمر والروح بهديكم
وان طلبتوا زود يفداكم
وين انا بلقى شراويكم
ما في البشر حد يسواكم
وغيركم ما عاضني فيكم
ولو بغوني قلت ما باكم
يعل ربي لي يخليكم
وما يفرق شملي وياكم
.
.
اغليك واغلي كل من صار يغليك
واغلي تراب بالوطا يوم شالك
واغليك من عينك الي تحت مواطيك
وامووت في ساعة ولو مع خيالك
حلفت قلبي صافي لك مهاويك
والعين والله ما تراعي بدالك
.
.
صاحبي ما اطيق هجرانك
روف وارحم قلب مغرم بك
عشت في فكرك ووجدانك
وفي المنام انام واحلم بك
عقب ربي قلت غفرانك
لا تشجي قلب من حبك
ومن غلاك وكامل احسانك
خفت بعد الله اسبح بك
.
.
مشتاق صدقني لعطفك وراجيك
ارجوك لا تكسر عيوني بفرقاك
رغبة طفل كلي يحبك ومغليك
كنك حنان الام والجنة ارضاك
يا شيخ ما هو هين انسى واخليك
يلعن ابو العشرة اذا القلب ينساك
.
.
ما دمت لي صاحب ترى لي الراس مرفوع
ما همني طيب العرب من رداها
وما دام اسمك داخل القلب مطبوع
روحي ترى لدموع عينك فداها
وما دام صوتك بين هالخلق مسموع
بالقى الاحبة لو بآخر مداها
.
.
القى خيالك في خيالي واضمه
واشوف زولك بين رمشي وعيني
يمرني طاريك عجل والمه
من لهفتي تسبق عيوني يديني
مثل العبير يفوح عطرك واشمه
في لحظة تسوى بقايا سنيني
احتاج لك حاجة وريدي لدمه
ترد لي روح تروح وتجيني
.
.
آه ويلي كيف مغلنه
لي غلاته من غلا عيني
هالعمر والروح مهدنه
مجري حبه في شراييني
جل ربي لي مسونه
فايق بالوصف والزيني
بالحلا والطيب كاسنه
وين لي مثله يراعيني
يعل ام يابته الجنة
ما حد مثله مهنيني

منقول

( اغليك واغلي كل من صار يغليك
واغلي تراب بالوطا يوم شالك
واغليك من عينك الي تحت مواطيك
وامووت في ساعة ولو مع خيالك
حلفت قلبي صافي لك مهاويك
والعين والله ما تراعي بدالك)

ماشاء الله اللهم صلى على سيدنا ونبينا محمد
الله يعطيك العافيه مسجات رائعه من اخت رائعه
تسلم يدينك على النقل
.

الله يعافيك

ومشكووور على المرور

يعطيك العافية اخية على المسجات الحلوة
بحفظ الرحمن

مشكووووووور على مرورك وردك :)