الحلقــــة الخامسه .. 7 حلقات..
مراحب .. وحلقه جديده من حلقاتي .. هذا اذا تذكروهم .. 7 حلقات ...
ووصلت معاكم لـلحلقة 4 ووقفت.. لظروف حوسه .. وتالي نسيت امرهم << خوووش اعتراف .. http://allams.net/vb/images/smilies/smilies/n72[1].gif
المهم لا اطول عليكم .. واخش معاكم في
الحلقه الخامسه...
السيد آدم.. ما عجبه شي في الست حواء..فويش الحل ؟؟.
اغلب الأودام في حالة التكافؤ والإنسجام النفسي مع حواء يكونو صريحين فيبدي رايه.. بطريقه لبقه..
فلانه.. لبسش هذا ما احبه عليش .. احب اشوفش كذا.. احبش تتكلمي كذا.. وتسولفي عن كذا...
يدفعها للتغير في نفسها بطريقه مؤدبه بعيده عن التجريح.. ما يجرح ويتلفظ بكلام مو اوكي بحجة النصح والصراحه الا قليل الذوووق وبكل صراحه...http://allams.net/vb/images/smilies/...kie[1].gif
طبيعة حواء عاطفيه وحساسه.. وان ما بينت مشاعرها لما يتوجه ليها النقد الآدمي اذا كان بطريقه تقهر .. فهي من الداخل تتألم...
بس اذا جاها بالحسنى .. بالإسلوب اللطيف مليون بالميه راح تتجاوب وتحاول التغيير لكسب رضاه...
بس تعالو نشوف السيد ادم... يحترق قلبها المسكينه اذا ما شافت منه هالتجاوب .. يعني اذا انعكست الآيه وشافت حواء شي ما عجبها في ادم وحبت تغيره....
التغيير .. كفكره متأصله في راس اغلب الأوادم يعتبر تحدي صااارم لشخصيته.. فويش ردة الفعل المتوقعه منه غير المقاومه...
اللي ما تعرفه كل حواء في شخصية ادم .. انه لازم يحس بالقبول من حواء.. ادم يحب حواء اللي تقبله مثل ماهو.. بعيوبه وحسناته.. مو معنى هذا تسكت ولا تبدي رايها..بالعكس تبديه بس بالتدريج .. وبطريقه حلوه لا يحس ادم منها انها تحاول تلغي شخصيته وتتحكم فيه بمزاجها فيتحداها.. لأن آدم اكره ما اكره عليه المرأه المتسلطه واللي يحسها تبغاه خاتم في صبعها لو عجينه تشكلها بهواها..
مع مرور فتره .. واللي اتوقعها تكون مناسبه عدل هي فترة الخطوبه .. بدون مجاملات .. وتكون فتره لدراسة كل من الطرفين لطبع الثاني .. اذا ما عجبش يا حواء شي في شريكش ادم.. لا تفاجأيه به على طول ..
انت كذا واني ما احب كذا ابغاك كذا...
بيقول على طول ولو في باله.. بدت الآنسه تتحكم وتتأمر ..!!!. http://allams.net/vb/images/smilies/smilies/57.gif
كل وحده حسب شخصيتها تقدر تبين هالعيب في شريكها..
اكبر غلط تقع فيه حواء تنتظر لين تدخل عش الزوجيه وفي بالها فكره..
باغيره نحو الأفضل ...متى ؟؟!!
اذا عرسنا...
طيب فترة الخطوبه لويش ,,؟؟!!
لاااا.. خلها مجاملات ورومنسيات وهدايا وطلعات..
وين التفاهم وين دراسة شخصية الشريك...؟؟
تالي تالي ..
زين وبعد التالي .. طاح الفاس في الراس .. وانشدخ بطيارته عباس بن فرناس << ويش السالفه ..؟؟!! http://allams.net/vb/images/smilies/...own[1].gif
اسلوب التفكير .. اكثر ما يرهق حواء في شريكها ادم.. اسلوب تفكيره.. اذا كان تفكيره من النوع الديناميك المعقد والمحلل .. وهي تفكيرها بسيط.. ما اقول سطحي السطحيه غير .. هي تفكيرها بسيط والطيبه قالب متأصله فيه,,
يجي هو في وادي وهي في وادي .. وتحس بقلة الثقه في نفسها والسبب هو.. واذا حاولت تتغير لو ترضيه .. لقت منه الهجوم .. انتين ما تفهمي وانتين وانتين..
رفقا يا ادم بحواء اذا كنت من هالنوع... ويا حواء صبرا على ادم اذا كان يعاملش بهالطريقه..
همسه في اذن ادم..
ادعيها للتغيير بس بأسلوب رجولي عاطفي .. بعيد عن الألفاظ الجارحه
ويا حواء .. اذا حسيتي بالبرود العاطفي من ادم.. واذا حسيتي انكم في بيت واحد ولكن في عالمين منفصلين..
وشخصيتش ما تساعدش لتجاري عقليته الفذه بنظره..
يكفي انش تكوني عفويه .. وتبيني مشاعرش ناحيته.. واذا في خاطرش دموع اطلقيها وتكلمي بصراحه..:
لما اتضايق احبك تكون جنبي تواسيني تفهمني .. انت كبير في عيني و تكبر اكثر واكثر لما تحتويني واني اشكي لك ...
جمل مكلومه في قلب كل حواء تشتكي من ادم وصمته العاطفي .. بحجة اريدها ان تتغير ولكنها لا تفهم ما اريد ولا تعرف كيف ترضيني..
كل حوااااااااء تعرف ترضي ادم .. بس يا ادم لا تكن متسلطا تلغي شخصيتها وتقلل من ثقتها بنفسها.. بس لأرضاء ذاتك.. فهي انسانه ذات قلب ومشاعر ... وان كانت صامته.. وما تبدي أي احساس .. راجع نفسك قبل لا تلقي اللوم عليها.. فطبيعتها شاكيه باكيه تطلب الحنان والعطف .. غيوره محبه وحنونه..
اذا انعدمت ايا من هذي الصفات.. السبب مهو منها لحالها.. السبب لك يد فيه.. فحاول انك تداوي هالعله بدل لا تصمت انت الثاني وتسدلو ستار الجفاء بينكم انتون الإثنين...
اتمنى للجميع التغيير نحو الأفضل
وحياه سعيده http://allams.net/vb/images/smilies/smilies/wink[1].gif
دمتم بحفظ الرحمن
رد: الحلقــــة الخامسه .. 7 حلقات..
كلامك كله صحيح حبيبتي اميره
بالفعل اغلب الأزواج والزوجات يمرون بهذه المرحله وهي فلنسميها مرحله
((طريق النظر وشد الرحال للتغيير))<<< من وين طالعه مادري بس عجبتني:toung:
الموووووهم
يعني المراءه دائما" تحاول ان تغير من تصرفات زوجها بعد الزواج مقل ماقلتي فترة الخطوبه تقول
ماتناسب بعدين ويش بيقول ليي متحكمه فيه من الحين
وهذا الي يزيد الموضوع سوء في نظري
وآدم بعد الله يهديه احيانا" يحس ان زوجته تحاول تتحكم فيه وهذا الي يخليه يتغير عليها
لنأتي بمثال بسيط وهو التدخين اغلب شبابنا يدخنون وبطبيعة الحال لمن يخطب تحاول زوجته تغير هالعاده فيه
وتقول له اترك التدخين على طول والموضوع مايجي كذا
لازم تفهمه انها تخاف عليه وانه يضره ومايستفيد شي منه مو مثل (( خذوه فغلوه))
المسأله يبغى ليها طولت بال
مو كاني هدرت واااجد له :embarrest::toung:
سامحيني خيتوو بس وديت ابين وجهة نظري لأني اعاني من هذا الشيء
مشكوره حبيبتي على هالطرح الحلووو وننتظر الحلقه السادسه على احر من الجمر
يسلموووووووووووووووووووو
وموفقة لكل خير
رد: الحلقــــة الخامسه .. 7 حلقات..
هلا وغلا وصحن حلا
منوره خيتو وابدا لا هدره ولا شي
الله يكون بعونش خيه عجبتني طريق النظر وشد الرحال للتغيير
وفعلا
لازم تفهمه انها تخاف عليه وانه يضره ومايستفيد شي منه مو مثل (( خذوه فغلوه))
المسأله يبغى ليها طولت بال
الله يطول البال دايما
تسلمي منوره وياهلا
دمتي بحفظ الرحمن
رد: الحلقــــة الخامسه .. 7 حلقات..
اقتباس:
المشاركة الأصلية كتبت بواسطة اميرة المرح
بالفعل في الغالب هذا هو اللي حاصل .
شكرا لك أميرة ويعطيك العافية
رد: الحلقــــة الخامسه .. 7 حلقات..
في رأيي
لا هي تحاول تغيره ولا هو يحاول يغيرها
لانهم راح يضيعون سنين من حياتهم الزوجية في هواش ومشاكل
وراح يبقوا مثل ماهم
اذا ماكانت نية التغيير موجودة من البداية ومزوعة في نفسهم
محد راح يقدر على الثاني
وحتى لو تغير ظاهريا عشان يرضي الطرف الثاني
راح يكون يمثل ومو على طبيعته
وهذا غالبا الي تعاني منه الزوجة المسكينة
لانها تترك شيء تحبه او عادة هي تحبها عشان ترضي زوجها
وتواجه صراع داخلها بين انها ترضي ذاتها او ترضي زوجها
ايش راح تسوي ساعتها
راح تتظاهر انها تركت عادتها قدام زوجها
اما من وراه فراح تسوي الي هو ما يبغاه
نصيحة للطرفين
اقبلوا بعض مثل ما انتوا
والي يحب يتغير
يتغير من ذاته
مشكورة اميرتنا
قبل اضيف الرد تذكرت اني مرة قرات انو في زوجين عاشوا مع بعض 40 سنة يحاولون يغيرون من بعض وفي الاخير اكتشفوا انهم ضيعوا سنين عمرهم
ولا واحد فيهم تغير
يسلمووووووو
رد: الحلقــــة الخامسه .. 7 حلقات..
ملكة سبأ
نورتي وبرايك دعمتي .. تسلمي والله ولا عدمت هالطله ..
××××××××××××××
نوارة الدنيا..
اني معاش خيتو.. بس لا دائم الا وجهه سبحانه والا كل شي يتغير.. زين اذا وحده مو عاجبها شي في زوجها والا العكس .. يقعدو كذا طول عمرهم مجاملات .. برضى فيه زي ماهو.. بسكت واني من داخلي مو مقتنعه..!!
نفس النتيجه.. بتصير مجامله.. الحياه اخذ وعطا زي ما ابغى منه يصير هيك ما راح امانع اصير زي ما يبغى..
احسن من ان تنبني الحياه على مجاملات وخل كل واحد على هواه وينام عالجنب اللي يريحه..
والأهم ان النفسيات تختلف.. ازواج ما عجبهم التغيير وواحد منهم ما اقتنع بالفكره .. غيرهم اقتنعو وتطورو للأحسن ..
بالأخير حسب التفكير والعقليه يكون التغيير وطريقة طرحه ومدى تقبله من الطرف المراد منه القيام بهذه الخطوه ..
نورتي خيتوو ويعطيش الف عافيه
دمتي بحفظ الرحمن
