دخيلك قول اي حاجه بلا كل عام وانت بخير

مسآئكم / صبآحكم
ورد وعبير..
[ وكل عآم وآنتو بآلف خير ]
قصيده آعجبتني كلمآتها وجذبتني بآحسآسها
وحبيت آنقلها لكم :*
**
*
دخيلك قول اي حاجه بلا كل عام وانت بخير
انا من وين أشوف الخير وجرحي تشتعل ناره
**
بلا خير وبلا عيد وبلا فرحه ولا تقدير
عليك الله ياعيدً تعود وميته ســاره
**
على وضعك ياعيد من الحناجر تطلق التكبير
وثوبك ياصباح العيد كل الناس تختاره
**
وطفلاً لملم اغراضه ونام بفرحته بكير
وقام من الفجر يلبس و يسئل وين ديناره
**
وطفله قامت تمشط شعرها من اخوها تغير
تبي تغيضه بشنطتها الجديده وعقد وسواره
**
وبنتً حنت ايديها برسمً للعيون يثير
وحطت كحل وحطت عطر وزاد العيد بأزهاره
**
ورجلاً يفتح أبوابه على عز وبلا تقصير
وصوت النجر وحمس البن وريح الهيل في داره
**
وجمراً يحتضن صفر الدلال ويعشق التضخير
وهرجاً طيب وفلة حجاج وضحك وبشاره
**
وفرحة أم تبكي من فرحها خانها التعبير
وحارت وش تبي تأخذ هدية عيد للجاره
**
وكل الناس تفرح في صباحك والأمور تصير
وترسم السماء شكل الفرح في مبسم الحـاره
**
كذا وضعك ياصبح العيد ولاكن في عيوني غير
تذكرني بموت وقبر ورمل وطين وحفاره http://www.qassimy.com/vb/images/nasser2/sweatdrop.gif
**
تذكرني بساره ياصباح الجرح والتذكير
تذكرني بدم الفجر وموت الصبح وانواره
**
خذتها من سنين ايدينك بقسوه بلا تأخير
وماتت في كفوفك ياصباح الموت واحضاره
**
وهي كانت تجهز ثوب عيد تعطره تعطير
ولكن الكفن عيى وشمس العيد غداره
**
عليك الله ياعيدً ذبحت القلب والتفكير
وشلت بداخلي جرحً ينوح وأنت مزماره
**
ثلاث سنين وصبح العيد ثوبي مشققً وقصير
وكفي تملى جيوبي برمل القبر وحجاره
**
ثلاث سنين أجي للقبر مره صبح ومره عصير
وأضمه وأمسحه وأبكي عليهhttp://www.qassimy.com/vb/images/nasser2/sweatdrop.gif وأنشق غباره
**
ثلاث سنين وباقي العمر لاطيب ولاني بخير
مدام القبر ودود الأرض عّيد في جسد ساره

**
*

وانشالله يعجبكم النقل

تحياتي
أمير العاشقين

السلام عليكم ورحمة الله وبركاته ..

الله يعطيك العافيه عزيزي امير ..

تسلم على الطرح ..

كل المودة

العفوو ولو واجبنا ننقل لكم كل ماهو جميل

يعطيك العافيه

وعساك على القوة يارب

أمير العاشقين

بجد كلماااااات مؤثره جدا ..
تسلم اخوووي جــــاسم
ع النقل الجميل ..
يعطيك العااافيه
بنتظااار جديدكاااائما
تقبل تحيااااتي ..

هلا خيتوو فرووح

تسلمي ام حمووززي على هالتواجد الرائع والجميل

الله يهافيش انشالله ويعطيش العافيه يارب

مشكورة وماقصرتي

عساكي على القوة يارب

خالص تحياتي
أمير لعاشقين