بقايــا هموم
بقايا هموم تلعب بي على جرح مضى له سنين
سكني ومادريت انه على عمري يحـاسبني
يقولون الهوى جنة,وأنا أقول الهوى سكين
يغافلني على فرحة ويضحك لي ويطعني
أنا شفت الحزن مرة علىوجنة طفل مسكين
على ميعاد أو صدفة لقيته صار يسكني
رجيت بكل مافيني أبيك لدنيتي هالحين
تعالي واسلبي جرحي قبل ماالجرح يسلبني
أنا في زحمة الغربة أبهدي للهوى قلبين
وبرسم للقا موعد و بنظر لين يطلبني
وجاء الموعد على مهله سألته وقال لي بعدين
علامه حظي العاثر إلى صحرااك ياخذني
ياقلبي لا غدى جرحي بدال الجرح لي جرحين
بلوم الوقت والدنيا وحظي اللي معذبني
