السحر وصل لهذي الدرجه ........

بسم الله الرحمن الرحيم

والصلاة والسلام على نبي الرحمة محمد وآله الطيبين الطاهرين

بصراحه هالموضوع حبيت أقوله من خلال المنتدى لأعتقادي بأنه يهم ناااااس وااااايد ويمكن يكونوا مبتليين به بدون ما يدروا ، وهو أعمال السحر .......وخاصة للي بيتزوجوا

لأني شفت الشي قدام عيوني لواحد من الشباب وغير اللي شفته من قبل
بس حبيت أنقل اليكم هالشي اللي شفته قبل فتره بس

والقصد من الموضوع هو للتحذير فقط وليس للتخويف أو تهويل الموضوع أو شيء آخر
والله من وراء القصد

وقصة صديقي بلسانه وكما يرويها هو كالتالي :-

تعرف ان الزواج يكلف في عدة أمور ومن ضمنها فستان الزواج اللي يكلّف مبلغ لا بأس به ، فتم الاتفاق بيننا أنا وزوجتي بأن تستأجر فستان من إحدى قريباتها بمبلغ معين وبالفعل اتفقنا مع القريبه على أن نأخذ الفستان ونجري عليه بعض التعديلات وبعد ذلك نعيده اليها لتلقي عليه نظره وبالفعل أخذنا الفستان وأجرينا التعديلات ووديناه المغسله ورجعناه الى صاحبته وطلبت إنها تخليه وبعد يوم واحد ناخذه وفي اليوم التالي أخذنا الفستان ووديناه بيت المدام ومن هنا بدأت تظهر بعض المشاكل بيني وبين المدام ...........

وإستغربت جداً من هالشيء وسألت المدام ليش تسوي هالشي وما بقى على الزواج الا فترة بسيطه ، فهيه بعد استغربت من نفسها وبدأت تعتذر وان الضغط النفسي عليها يمكن هوه اللي مأثر عليها وعلى أهلها ، المهم بعد فتره وأنا جالس ويا أحد المشايخ سولفت اله عن هالشي فقال لي سؤال غريب :- انته أخذت شي من شخص قريب اليكم ولا دخلت شقتك أحد قريب ولا غريب ؟
فقالت اله أكيد شيخنا العرس لازم يتشارك فيه القريب والبعيد .
فقال الشيخ :- زين أنا با أروح وياك الحين الى شقتك وان شاء الله ما يصير الا كل خير .
وبالفعل رحنا الشقه وجلس الشيخ فيها وبعد فتره سالني :- تعرف عن أحد كان خاطب زوجتك قبلك ؟ وما وافقوا عليه؟
قلت اله :- حسب علمي ان زوجتي تقدموا ليها أربعة أشخاص وما حصل النصيب وياهم .
الشيخ:- منهم أحد قريب؟ فقلت :- ايه ولد عمها وولد خالتها. بس ما أعتقد انهم تأثروا بهالشي
فقال الشيخ:- زين أخذت منهم شي ولا شي ؟
فتذكرت الفستان وبعض الاغراض الأخرى وقلتهم للشيخ فقال لي :- جيب أول شي الفستان ، وبنشوف .

وفي اليوم التالي سألت زوجتي عن الفستان وطلبت منها انها تعطيني أياه . وبعد ممانعه غريبه منها ومن أمها أخذت الفستان ورحت به الى الشيخ وجلس الشيخ يتفحص فيه وأبدى بعض الملاحظات عليه بعد لكنه طلب مني مقص وبالفعل جبت اله مقص وفتح من الفستان قطعه غير ظاهره إطلاقاً وهذا بعد بحث حوالي ساعه .....

.........ويا الله ويش شفنا >>>>>>>> شعر + طلسم مكتوب + خرز + أضافر وحاجات ما أدري ويش هيه .........

الشيخ :- الله ستر عليك يا ولدي من هالعمل
- ويش هالعمل شيخنا
الشيخ :- هذا لخراب لبيوت
- ومن اللي بيسوي هالشي اللي ما يسويه الا الشيطان
الشيخ :- ضعيفين النفوس هم اللي يسووه ، واللي ما عندهم ذرة من الإيمان بالله ولا اعتقاد بأهل البيت عليهم السلام

- ولا ويش ؟؟؟؟؟؟؟
الشيخ :-هذا يا ولدي علشان يفرقوا بينك وبين زوجتك
- بس اللي ماخذين من عندهم الفستان قرايبنا من الجهتين مني ومن زوجتي
الشيخ :- الستر زين يا ولدي ، ويمكن اللي مسويين هالعمل ما ليهم شغل بنسايبكم بس يبغوا يخربوا عليكم ويسووا اليكم مشاكل ليها أوّل ما ليها آخر
....وأمانه يا ولدي هالشي مو لازم ينقال اليهم لا تكبر المشكله ، وهم يمكن حتى اللي سووه ما خبّروا به أحد ولا اللي ليهم علاقه بأمر زوجتك يدروا عنّه وخلي النفوس تجري ، وويش مدريك يا ولدي لو رحت وسويت مشكله يقولوا انه انت اللي مسوي هالشي علشان تتهمنا وتكبر المشكله بس يا ولدي لا تدخل أحد لا غرفة النوم خاصه ولا تخلي زوجتك تلبس حاجه خاصه من عند أحد ثاني علشان تأمن من الشر

- ان شاء الله شيخنا والله ما توقعت اني أي أحد يسوي هالشي

المهم ان الشيخ أتلف العمل الشيطاني والحمد لله تزوج صاحبي ولا صار شي

أنا ما نقلت هالقصه علشان التهويل ولا التخويف زي ما قلت بس :-

ويش اللي بيستفيده اللي يسوي هالشي للناس؟؟
يعني الاستعانه بالشياطين والجن و............ يستوي مع الايمان ؟؟

وهالشي موجود في عموم البلد مو بس في القطيف لوحدها ، وفيه قصص لو تنقال كلن ترست النت بقده .

الله المعين وان شاء الله ما أحد يتورط بأي شي ان شاء الله

خالص التحيات

أخوي واحد فاضي
أولاً أحب أشكرك على الطرح للتحذير

وماأكثرها من قصص تصيبنا بالذهول والغرابه من أشخاص مؤمنين ظاهرياً
لايستحقون إطلاقاً،،
كلمة الإيمان ولا الإنتماء له بأفعالهم الشنيعه التي تهدم أسر بحالها من شخص واحد ربما
لاحول ولاقوة إلا بالله
والله يحفظ الجميع بحق محمد وآل محمد وبالأخص
كل المتواجدين في منتدى الناصرة وذويهم من هؤلاء الشياطين الذين يلبسون ثوب الإنسانية ..
أشكرك على التحذير
وحكمة الشيخ في الموضوع أعجبتني ............
الله يعطيك العافيةأخوي أبو زين
الله يرحم والديك

الله يحفظ الجميع ............ شكرا على الموضوع

هذه القصه اخوي ابو زين ذكرتني في عروس جوها مجموعة اباركو لها في شقتها وبعدين قالو لها
يبغو اشوفو غرفة النوم وقامت معاهم تفرجهم وهم واقفين في غرفة النوم قالو لها تجيب لهم ماي يشربو
طبعا طلعت العروس في هذا الوقت فتحو دولابها وحطو لها عمل بين طيات الملابس .
وما شافت العروس العمل إلا بعد أيام كانت اطلع لها ملابس وبالصدفه طاح العمل من الدولاب .حسبنا الله ونعم الوكيل

جزاك الله خير اخوي ابو زين وبارك الله في جهدك وعلمك وعملك
والله يكفيك شر الاشرار
تسلم كفيت ووفيت
من النصح للمؤمنين

السلام عليكم
اخي واحد فاضي
اشكرك جزيل الشكر على طرح القصة
وبصراحة اللي يشوف مصيبة غيره تهون عليه مصيبته
والله يكفينا شرهم
ما ادري الناس ويش تستفيد لما تخرب حياة غيرها او تعقدها
والله حرام
نسألكم الدعاء لنا ولكل مسحول بتخليصه منه
تقبلو مروري

طرح موفق اخوي ابو زين ..
والله السحر كلما جاء يزيد بهالدنيا معرف شنو يستفيدوا بس خراب البيوت..
اقولك عن ناس اعرفهم وحدة مسويه لهم عمل عن الزواج والوظيفه واخوانهم يشتغلوا يومين ووقت
المعاش يطلعوا ليش بس كذااا ,وبلاوي الدنيا مرمرة عيشتهم تمرمر مو مخليتهم في حالهم ,,
وتجدد عمل اليهم سنويا في شهر محدد بعد.
الله على كل ظالم اول ماظالم اهل البيت ...
الله يعطيك العافية اخوي وعفوا على الاطاله ..

تسلم اخوي على الطرح الرائع
الله يعطيك الف عافية

الله يحفظ ويستر على الجميع
وسبحان الله
هالشي إنتشر في المجتمع بشكل غريب
لو تمر على منتزه عام موجود في منطقتكم مثلا
وتطالع فوق في الشجر، بتلقي خيوط مربّطه، جرّب وبتشوف!!

يمكن لفساد الذمم وسهولة الحصول عليه،
أذكر إن بعض كتب السحر والأعمال كانت تنباع في سوريا بمبالغ باهضه وبالخشه،
ولو يشوفوها عندك في الحديثه يجيلك قصّ
أما الآن
يمكن تشوف بعضهم عند الباعه الجوالين وسوق واقف كما شفت هالشي بعيوني!!!؟!؟


الله يجيرنا والمومنين
ومن نجّاه، ماحد جاه

لا عدمناكم
تسلم من الشر والكدر

اقتباس:

---

المشاركة الأصلية كتبت بواسطة سيناريو

أخوي واحد فاضي

أولاً أحب أشكرك على الطرح للتحذير

وماأكثرها من قصص تصيبنا بالذهول والغرابه من أشخاص مؤمنين ظاهرياً
لايستحقون إطلاقاً،،
كلمة الإيمان ولا الإنتماء له بأفعالهم الشنيعه التي تهدم أسر بحالها من شخص واحد ربما
لاحول ولاقوة إلا بالله
والله يحفظ الجميع بحق محمد وآل محمد وبالأخص
كل المتواجدين في منتدى الناصرة وذويهم من هؤلاء الشياطين الذين يلبسون ثوب الإنسانية ..
أشكرك على التحذير
وحكمة الشيخ في الموضوع أعجبتني ............
الله يعطيك العافيةأخوي أبو زين

الله يرحم والديك

---

مرحبتين خيتي سيناريو

هذا واجب علينا خيتي ولا شكر على واجب

وحكمة الشيخ في الموضوع أعجبتني ............

الله يخليه الشيخ ما يقصر في النصايح البناءة للمجتمع

الله يرحم والديش والمؤمنين والمؤمنات أجمعين

تقبلي خالص التحيات

الله يحفظنا وياكم ..

مشكور اخوي ابو زين

رحم الله والديك ..


تحياتي

اقتباس:

---

المشاركة الأصلية كتبت بواسطة حب علي نور

الله يحفظ الجميع ............ شكرا على الموضوع

---

خيتي حب علي نور حياش الله

تحياتي للتواجد

سلام

اقتباس:

---

المشاركة الأصلية كتبت بواسطة ملكة سبأ

هذه القصه اخوي ابو زين ذكرتني في عروس جوها مجموعة اباركو لها في شقتها وبعدين قالو لها يبغو اشوفو غرفة النوم وقامت معاهم تفرجهم وهم واقفين في غرفة النوم قالو لها تجيب لهم ماي يشربوا طبعا طلعت العروس في هذا الوقت فتحو دولابها وحطو لها عمل بين طيات الملابس .وما شافت العروس العمل إلا بعد أيام كانت اطلع لها ملابس وبالصدفه طاح العمل من الدولاب .حسبنا الله ونعم الوكيل

جزاك الله خير اخوي ابو زين وبارك الله في جهدك وعلمك وعملك
والله يكفيك شر الاشرار
تسلم كفيت ووفيت

من النصح للمؤمنين

---

خيتي ملكة سبأ مراااااحب
اي والله مثل هالقصة وزي ما قال لينا الشيخ واااايد

الله يستر على عباده ياااااااارب

وزين بعد هالعمل محطوط في هالمحل فيه ناس تربطه في محل ما غوى ابليس ولده

الله يجزيش خير ويسلمش ويوفقش ياااااااارب

ورحم الله والديش والمؤمنين والمؤمنات أجمعين

تقبلي خالص التحيات

اقتباس:

---

المشاركة الأصلية كتبت بواسطة أيلول

السلام عليكم
اخي واحد فاضي
اشكرك جزيل الشكر على طرح القصة
وبصراحة اللي يشوف مصيبة غيره تهون عليه مصيبته
والله يكفينا شرهم
ما ادري الناس ويش تستفيد لما تخرب حياة غيرها او تعقدها
والله حرام
نسألكم الدعاء لنا ولكل مسحول بتخليصه منه
تقبلو مروري

---

عليكم السلام ورحمة الله وبركاته

هلا بخيتنا أيلول

لا شكر على واجب خيتي وصحيح اللي يشوف مصيبة غيره تهون عليه مصيبته

الله يفك كل مسحور يااااااااااااارب بحق هالليلة العظيمة


تقبلي خالص تحياتي

اقتباس:

---

المشاركة الأصلية كتبت بواسطة شذى الزهراء

طرح موفق اخوي ابو زين ..

والله السحر كلما جاء يزيد بهالدنيا معرف شنو يستفيدوا بس خراب البيوت..
اقولك عن ناس اعرفهم وحدة مسويه لهم عمل عن الزواج والوظيفه واخوانهم يشتغلوا يومين ووقت
المعاش يطلعوا ليش بس كذااا ,وبلاوي الدنيا مرمرة عيشتهم تمرمر مو مخليتهم في حالهم ,,
وتجدد عمل اليهم سنويا في شهر محدد بعد.
الله على كل ظالم اول ماظالم اهل البيت ...

الله يعطيك العافية اخوي وعفوا على الاطاله ..

---

هلا بخيتنا شذى الزهراء

الله يفك كل مسحور عن سحره ياااااااااارب

وهالله هالله بالصدقة فإنها تدفع البلاء

والله يفكهم من هالعمل يااااااااااارب

الله يعافيش ويسلمش ويرحم والديش والمؤمنين والمؤمنات


تقبلي تحياتي

اقتباس:

---

المشاركة الأصلية كتبت بواسطة لحن الخلود

تسلم اخوي على الطرح الرائع
الله يعطيك الف عافية

---

خيتي لحن الخلود حياش الله

الله يسلمش ويعافيش

تقبلي خالص التحيات