شروط احد المنتديات000 تبي تموت والا تنتحر من الضحك تفضل..

شروط واحد ماهوب صاحي
اخليكم مع الموضوع

هذى الشروط من المشرف العام لأحد المواقع المشهورة فنياً
بعد ان جائته حالة من الطفش من كثر مشاكل الأعضاء والموقع
وبحكم أعجابي بها اردت ان تشاركونى هذة البسمة فأقرؤا ماذا قال:::

~~~~~~~~~~~~~~~~~~~~ ~~~~~~~~~~~~~~~~~~~
لقد تغيرت شروط التسجيل في المنتدى ....وتم تغيير مسمى المنتديات
لتواكب مرحلة ما بعد الحرب الباردة :

اعرفوا الشروط زين....وافهموها....و اللي ما يبي هالشروط جعل اصبيعاته
اللي طقت على الكيبورد للكسر...ولو ما عليه كلافه يطق راسه باقرب جدار....
حنا ما نلعب....واللي يبينا حياه الله بيننا....فهمتوا ياالجحلط

بما ان هذا الموقع موقعي بلحالي لابارك الله فيكم ولا في الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات الهايلكوس
وبنروح ونطعس فيه باقرب طعس ...همني قايلكم حنا ما نلعب

2- لما تكتب موضوع خل البقيه يجون ويتميلحون ويتهاوشون بس بحدود
وخلهم يذبون براحتهم.....واللي بيقلبها سب...عز الله ان امه داعيه عليه...
لاني ابحتريه وقت صلاة الفجر بالعجرا وابشخمط وجه وابخليه يغني اغنية...
خروفي خروفي لابس بدله صوفي...له عينين واربع رجلين...
من كثر ما امحطه بالعجرا.....همني قايلكم حنا ما نلعب

3- اللي بيخربط بالدين ولا بالسياسه....هذا عذابه عذاب
ابخليه يتخيل انه قرد ولا عمره ذاق موز....وابحجز له على
اقرب رحله على طياره ترش الجراد وابرقي فيه على ارتفاع 50000 الف
قدم وابجدعه على خوص نخله...علشان ما يتعود لها همني قايلكم حنا ما نلعب

4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

5- الساحه الرياضيه لكم ثنتين...واللي ماهو قدساوي لايوطوط فيذاك ....
ساحة ابو جدي وانا حر فيها ولا عندنا ديمقراطيه....
ولا عمرنا سمعنا فيها وهي وشهي...هي الديمقراطيه حاجه تنوكل <*****<ما قلنا تنشرب

6- مسموح الذب...والذب هي كلمه اتيه من الذباب
وهي فعل مضارع جمع تكسير مضارع بسيط...فهمتوا...صح ولا ماهو صح...
قولوا صح لابارك الله بالساعه اللي جمعة هالخشش فيها...واللي بيزعل
من الذب بنخربط وجهه ونخليه يطالع في المرايه ويطلع الاخطاء التسعه عشر....
ايه تسعطعش. ..ساحتنا وحنا حرين فيها

7- ياويلك ويا سواد ليلك لو تعطي احد كلمة الضروس....
الا عندي سوال ليه سموها كلمة سر...ليه ما سموها كلمة خشم ولا ضرس
ولا مصران احول قصدي اعور.....طبعا قايلكم ساحتنا وحنا حرين فيها

8- اللي بيسجل باسماء قبايل وعوايل...ولا مخله بالادب....
هذا بنوديه لا اقرب شيخ وبنكويه مع علباه...وبعدين بناخذه لا اقرب قليب...
وبنغطسه وبنطلعه...ونغطسه ونطلعه الين ماهي خلف الين مايقول....
ان التفحيط ما هو بالشطاره ولا بالمصاله.....
التفحيط فن يا هوووووه واشر لي بالمنديل يا هووووه قال انا ماشي....
اقول لا تكثر بربستكم يا هوووه....وش هالمسكه الغلط.....همني قايلكم ما نلعب...

9- قريتوا الشروط........هاه عجبتكم....فهمتوها... طيب ما عندنا تسجيل هالايام....
واللي يبي يسجل معنا يرسل لي ايميل على التلفون حقي اللي ماني ذاكره لكم...
لان الدعوه عناد...واللي براسه حب ما انطحن....تراي ابطحنه له....
واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

10- كلنا عيال قريه وكلن يعرف خيه...

11- هماني قايلكم حنا ما نلعب

الان اسماء المنتديات بعد التعديل :-

؛؛ منتدى شخبط وخمبق ترى محد لمك.....المنتدى العام سابقا

؛؛ منتدى شاعر في المشمش......المنتدى الشعري سابقا

؛؛ منتدى مواضيع مهناش احد.....منتدى المواضيع الجاده سابقا

؛؛ منتدى معاهم معاهم عليهم عليهم. ...المنتدى الرياضي سابقا

؛؛ منتدى ياهلال ياهلال كخ كخ....منتدى القدساويه سابقا

؛؛ منتدى كن صديقي.....منتدى المواضيع المتميزه

بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا

بالنسبه للمحادثات....تسان ودكم نسوي لنا طلعة بر على الطبيعه ازين...

ملاحظه......

اللي بنكتشف انه رجال مشورب ويكتب باسماء اناثي...
ولا اناثي تكتب باسماء رجاليه هذولي بنخلي خششهم كلمات
متقاطعه يصعب حلها.....والله ما يضرب بعصا يا سرع طيحتهم - -


تقبلوا مني ارق واعـــــذب التحـــــايــــــــــا
اختكم/ بائعة الورد**

هههههههههههههههههههههههههههههههههههههه

هذه وجهي اذا احد سجل في موقعه

اللي بنكتشف انه رجال مشورب ويكتب باسماء اناثي...
ولا اناثي تكتب باسماء رجاليه هذولي بنخلي خششهم كلمات
متقاطعه يصعب حلها.....والله ما يضرب بعصا يا سرع طيحتهم -

هههههههههههههههه

يسلمووو

خخخخخخخخخخخخخخ
عقب هالشروووووووط وش هالندالة
مااحد يبي يسجل عندهم

ههههههههههههههههه

<<<< فاطس ضحك
الله يرجه اهو وشروطه

يسلموووووووووووو أختي بائعة الورد الله يسعدك

لاتحرمينا جديدك الفله

تحياتي

هذي شروط تعجيزيه .... لو ادل وينهم كان اول الناس اللي يسجلو عندهم


يسلموووو بائعة الورد على الشروط الحلووووه

دمتي كتير هابي :bigsmile:

<<<<< يقرب لها مايكل بن مناحي

هذي شروط والا عقاب للي بيسجل
ههههههههههههههههه
لكن تموت ضحك
تقبلي مروري

تسلمون لي على تواجدكم في صفحاتي
ويعطيكم ألف عافية

هههههههههههههههههههاي

يسلمووووووووو..

بسم الله الرحمن الرحيم
هههههههههههههه
يسلمو خيتو
وعلى فكره بشوره صاحب الموقع وقولوا له ريووش تقول لو تموت ماتسجل عندك
ارتاح منها وعلشان تخلي مكان للاحبه خخخخخخخخخ
تحياتي
ريوووووش